♡ أميرة و عصام ♡ باللهجة الجزائرية ♡

☆ الحلقة ٥ ☆

روحت في الليل عيطتلي ماما حكيت معاها حتى لل 3 تاع الصباح و قاتلي بلي خويا رياض روح من لندن انا فرحت بزاف

غدوة مين ذاك ىحت لدارنا و من الفرحة نسيت ما خبرتش طاطا كي وصلت للدار غلقت التيليفون باش مايقلقونيش قعدت ثم 15 يوم و روحت انا و خويا .. في الطريق فتحت تيليفوني تخلعت لقيت 50 ابال من عند عصام

كي وصلنا خويا دخل للدار يرتاح و انا رحت للمارشي نقضي للدار مكان حتى حاجة تتكل .. كي وليت للدار لقيت عصام

أميرة: عصام وشراك سافا

عصام: سافا ؟؟؟؟ .. رحتي و خليتيني وحدي انا مكنتش عارف الجاست اللي درتو في المحكمة رح يزعجك و انتي رحتي و بعدتي و غلقتي التيليفون

انا رح نهدر جا ليا رياض عنقني وقالي

رياض: حبيبي مقلتيليش شكون هذا

خويا كان يدللني بزاف .. دنا ليا عصام و قالي في وذني

عصام: جبتي حبيبك معاك ربي يهنيك معاه

كي رحت قالي رياض

رياض: شكون هذا وشبيه عامل هكذا محبنيش

أميرة: نو انت مفهمتوش برك

رياض: يخي قلتي رح تعرفيني على جيرانك

أميرة: ايه فليل نعرضوهم يتعشاو عندنا

رياض: ايه

رحت نعرض سميحة لقيتها مكانش .. طلعت عند طاطا قاتلي جوزي

أميرة: لا عندي شغل جيت نقولكم جيو تتعشاو عندنا نعرفكم بوحد الشخص عزيز عليا بزاف

طاطا : شكون هذا

أميرة: كي جيو تعرفوه نخليهالكم مفاجأة .. وجيبي عصام ثاني

طاطا: معليش ان شاء الله نجو

و كيما كان الحال جاو و قعدنا نضحكوا و نتمسخروا و رياض يقلش فيا و عصام قلبو رح يخرج

طاطا: ما عرفتيناش شكون هذا

أميرة: هذا حبيبيو حب حياتي و دنيتي الكل

عصام قريب ينوض يكرفصني

رياض: متشوفيهاش خالتي هذي ختي المهبولة ديالي

هنا عصام قلبو تهنا

روحو و غدوة مين ذاك انا رايحة نخدم جا عندي عصام

عصام: صباح الخير أميرة

أميرة: صباح النور

عصام: حبيت نشكرك كي وقفتي معايا

قاطعتو : هذي خدمتي مشي مزية مني

دنا ليا و ضمني

عصام: علابالي قستك بكلامي بصح وش ندير نتي فورتيلي دمي

أميرة: عصام انا واش بالنسبة ليك حتى تكون ردة فعلك هكذا

انا كنت حابة نسمع كلمة نحبك من عندو بصح هو سكت و ماجاوبنيش

15 جوغ و انا و عصام بيننا غير صباح الخير
خويا رياض روح انا كملت طريقيو رجعت نقعد وحدي في الدار

وحد اليوم اللي عمري ما ننساه كان أسوء يوم في حياتي جاني اتصال رفدت

أميرة: الو شكون معايا

و انا نسمع صوت بكى و عياط خفت قطعت الاتصال زاد عاود رفدت عليه

....: أميرة

عرفتو صوت خويا رياض مي بيه حاجة و صوتو معجبنيش

رياض: ختي راحو و خلاونا راحو يا ختي

وانا نقولو رياض شكون و نبكي 😭

رياض: ماما و بابا يا ختي بقينا وحدنا

طرطقت بالبكى و العياط ما لقيت ما ندير خرجت كي المهبولة نجري و نعيط حتى تخبطت في حاجة رفدت راسي لقيتو عصام عنقتو نبكي و نشهق 😭😭😭😭 و نقولو

أميرة: خلاوني وحدي راحو و خلاوني وحدي

STOOOOOOOOOOOOOOOOP

نيووو باااارت 😍😍😍

رايكم + فوت + كومنت ❤