♡ أميرة و عصام ♡ باللهجة الجزائرية ♡

☆ الحلقة ٩ ☆

أميرة: خلينا نزيدو نحاولو و نشوفو اطباء وحدوخرين

عصام: مايكون غير خاطرك

بدينا نسقسو و نروحو و نجيو و كل طبيب كان يقطعلي الامل في العلاج .. خويا روح هو و امال و على شهرين يرجع باه امال تولد عندنا .. و يما مليكة بعثناها للعمرة قاتلنا نروح و ندعيلكم و درنالها خاطرها و بعثناها

وحد النهار و انا قاعدة في الدار مع الخدامة حتى نسمع الباب يدقدق .. رحت نفتح لقيتها وحد العجوزة مشي عجوزة بزاف

العجوزة: هنا دار عصام ****

أميرة: ايه و انا مرتو .. معليش نعرف شكون نتي

العجوزة : متحوسيش تفهمي

دزتني و دخلت للدار و تشوف لفوق و لتحت و تكيل في الدار

انا تخلعت منها عيطت لعصام جا بالخف

جا حكيتلو لحكاية و وصفتلو المراة كيفاش دايرة .. عصام وجهو ولا مايتفسرش دخل شافها تسمر في مكانو وهي راحت عندو تعنق و تبوس فيه

العجوزة: وليدي توحشتك بعدوني عليك و حرموني منك

هو دزها و قالها : بعديني وش جابك يما ماتت روحي جيتي تفسديلي حياتي

انا تشوكيت يماااه ؟؟؟ يخي توفات عصام عمرو حكالي على يماه ديما يقولي توفات

هي بدات تبكي .. و انا جبدتو قتلو ارواح نحكي معاك رحنا للكوزينة

أميرة: علاه راك دير ليماك هكذا هذي يماك

عصام: يما ماتت

أميرة: وش الكلام هذا انا لوكان نقدر نرجع والديا للحياة نرجعهم * و دموعي يسيلو 😭 *

عصام شدني ليه و قالي : هذوك كانو صح والدين .. هاذي هربت مع حبيبهاو خلاتني انا و بابا نعانيو

أميرة: مهما كان تبقى امك و اذا تحبني صح خليها تقعد معانا

عصام: على خاطرك نخليها

انا فرحت قلت رح تكون كي ماما و في مقامها

جازو ليامات و ام عصام مليحة معانا و عصام بدا يتقرب منها و عوضاتو الحنان اللي تحرم منو في صغرو و مع الايام عصام تعلق بأمو و انا هاذ الشي فرحني

مع الايام حياتي بدات تتغير .. جا خويا و مرتو ولدت و جابت طفلة تهبل سماتها شهد

ام عصام كانت تشنف على رياض و مرتو متحبهمش و كانت ماتتفاهمش مع يما مليكة كانو ديما يتناشعو

روح رياضو مرتو و ام عصام بدات تتبدل معاملتها معايا عادت تشكي من خدمتي و تقولي انتي متحكميش الدار و واش داك تخدمي مع الرجال و تعلق على قشي و لبستي و تحب تتحكم في الدار .. انا قلت العجايز هكذا معليش

وحد اليوم كنت مروحة من الخدمة و عصام كان مريض شوي و انا معلاباليشما قاليش .. دخلت للدار قابلتني

العجوزة : وش ألالة انتي من الصباح و انتي في برا غير الخير و راجلك مريض في حالة

أميرة: وشبيه وينو عصام

العجوزة: متلعبيهاش تحبيه و منعرف واش سمعتي انتي ديما مع الرجال معلاباناش وش ديري بلاك هوما اللي مخلاوكش جيبي ولاد لوليدي و اذا عجبوك هذوك الرجال روحي عندهم و ضك نجيب لوليدي لالات النسا

و بدات تخلطلي في شرفي و الكلمة الاخيرة اللي قالتها يا العاقر

STOOOOOOOOOOOOOOOOOOP

نيو بارت 😍😍

راهي قريب تخلاص بقاو 3 حلقات برك 😥😍

رايكم+ فوت + كومنت 😍❤