♡ أميرة و عصام ♡ باللهجة الجزائرية ♡

☆ الحلقة ٦ ☆

رياض: ماما و بابا يا ختي بقينا وحدنا

طرطقت بالبكى و العياط ما لقيت ما ندير خرجت كي المهبولة نجري و نعيط حتى تخبطت في حاجة رفدت راسي لقيتو عصام عنقتو نبكي و نشهق 😭😭😭😭 و نقولو

أميرة: خلاوني وحدي راحو و خلاوني وحدي

عصام تخلع طلعني للدار دارلي مهدئ .. بديت نحكيلهم عصام عينيه دمعو و طاطا ولات تبكي معايا

عصام: هيا نروحو باه نلحلو الدفينة

ديمارينا و راحات معانا طاطا مليكة ثاني نمشي في الطريق و نبكي مقدرتش نحبس 😭😭 و عصام يصبر فيا

وصلنا لقينا خويا رياض قاعد و يبكي ** ماتو اكسيدون ** انا شفت رياض بهذيك الحالة ما صدقتش و رميت روحي عليه و نبكي مفقتش حتى لقيت روحي في السبيطار و عصام و خويا معايا رحت لحق وقت الدفينة وليت نبكي

أميرة: متديوهمش اديوني معاهم 😭😭 متخلونيش

عصام يهدن فيا هو و رياض رغم انو حالتو مكانتش بعيدة عليا .. داوهم للقبر دفنوهم

الغدوة صباح رحت للقبر نشوفهم مقدرتش نصدق انهم راحو و راهم راقدين تحت التراب 

من التعب دخلت 3 ايام للسبيطار خرجت مقدرتش نقعد في دارنا كل دقيقة نحس ماما ولا بابا رح يعيطولي وين ندور نشوفهم محملتش و صحتي بدات تتراجع

رياض: لازم تروحي تجمعي حوايجك و تروحي معايا للندن

انا قررت نترك كل شي و نروح مع خويا الشخص الوحيد اللي بقالي

روحت انا و رياض لداريو قالي بلي لازم يريقل وحد الامور باه نقدر نطلع معاه .. داني عند طاطا مليكة قالي اقعدي عندها حتان نولي و نديك هدر مع عصام و قالو بلي امانة رح يخليهالو و مكاش شكون يتهلا فيا في غيابو غير هوما

قعدت عندهم .. كثر خيرهم قامو بيا .. قعدت عندهم تقريبا شهر و زاد تقربي من عصام وليت نحبو ماشي غير نحبو نعشق فيه على خاطر كلن معايا راجل و وقف معايا بزاف

جازو ليامات و عيط خويا و قالي بلي رح يكون هنا على سمانة باه نروح معاه .. قلت لطاطا و زعفت

طاطا:  والفتك و رح نتوحشك

حتى انا بكيت عليهم خاطر هوما اللي عاونوني نخرج من الحزن تاعي

طاطا: خبري عصام كي يروح

انا جاتني صعيبة كي نقولو مكنتش حابة نتفارق معاه .. كي جا من الخدمة قتلو ..

أميرة: عصام حابة نخرج نحوس

عصام: البسي قشك نديك دوري شوي

لبست قشي و خرجت معاه داني كليت الشواء على شط البحر و كليما لاكرام عدات ليلة تهبل

كي رح نروحو هدرت معاه

أميرة: عصام حبيت نقولك حاجة

عصام: قولي

أميرة: رح يجي رياض يديني معاه

دار شاف معايا و شدني من يدي و قالي

عصام : اميرة شوفي في عيني اميرة مزال مفهمتيش علاه مفهمتيش حسي بيا اني نحبك ادين الله اني نحبك افهمييييي

انا قريب طرت من الفرحة .. قرب عندي و باسني 😘 و مبعد جبد روحو بالخف انا تخلعت

عصام: خوك خلاك امانة عندي و ماتصلحش نغلط معاك

انا هنا زاد كبر في عيني كثر

عصام: اميرة اوعديني متخلينيش .. كي يجي خوك ضك نهدر معاه و نخطبك منو

انا فرحتي كانت كبيرة و ملقيتش كيفاه نعبر عليها .. حشمت و خدودي ولاو حمورا 😊

عصام: يا عمري ع الحشامة 😍

يعني ولينا انا وعصام كوبل 🥰🖤

STOOOOOOOOOOOOOOOOOP

نيو بارت 😍😍❤

رايكم + فوت + كومنت 🖤❤