♡ أميرة و عصام ♡ باللهجة الجزائرية ♡

☆ الحلقة ١١ ☆

جا خويا و تفاهمت انا و عصام باه مانبينولوش مكنتش حاباتو يحمل همي

جا رياض و فرحنا بيه كيما العادة ولادو كبرو الله يبارك
جهزنا لعشاء تلمينا على الطابلة نحكو و نتمسخرو و نتفكرو يامات بكري

رياض كان حاس بلي كاينة حاجة مي قال بلاك نفسها حكاية الاولاد

رياض غمز لأمال و أمال غمزتلو

أمال : قررنا انا و رياض حاجة بصح رح نخلي رياض يقولها

بقينا حنا متلهفين للخبر ...

رياض: قررت انا و أمال نعطوكم شهد ولا زين تربوه عندكم

عصام شاف معايا و شفت معاه .. انا رفدت روحي و رحت لشمبرتي لحقتني امال

أمال : أميرة لاه راكي تبكي

دخل من وراها رياض : ختي اذا كلامي قاسك نطلب منك السماح

قدم و باسني من راسي : اسمحيلي

أميرة: السماح خويا مي اني كرهت حياتي

رياض: قوليلي وشبيها ختي لعزيزة علاه راهي صحتك غير تقل راكي ديما شاغلة بالي

عصام كان قدام الباب و سمع الكلام كامل و حس بلي هو اللي خلاني هكذا نكره حياتي بعد ما كنت متنعمة و عايشة كي الملوك

عصام ما حملش : انا سبابها

رياض دهش 😧 : عصام تحكي صح وش قصدك

رياض شاف في أمال تاع خلينا وحدنا

رياض: عصام احكي وش صاري

عصام مهبط راسو و يحكي: رفدت يدي و ضربتها 😔

رياض قلق و بدا يعيط : كيفاش ضربتها جامي بابا و لا انا رفد يدو عليها هذي هي الامانة هذي هي اللي قتلي ماتتقلقش عليها راهي اغلى من عينيا

انا غير نبكي 😭😭

رياض: اجمعي حوايجك تروحي معايا مبقاتش قعدة هنا

انا مهما صرا بيني و بين عصام نحبو منقدرش نخليه مي منقدرش نكسر كلمة رياض .. رفدت حوايجي و رحنا للاوتال نباتو ثم مي انا قلبي مكانش مطمن على الزوج تاع الليل عيطتلي يما مليكة

👵🏻: اجري ليا يا بنتي عصام راهو كسر كلشي مراهش في حالو

انا ملقيت كيفاه ندير كتبت ورقة لخويا و خليتهالو و رحت نجري عند عصام .. وصلت دخلت نسمع في التكسير و الخبيط دخلت لاشومبر كي شافني ...

عصام: أميرة انا منحتاجكش 😒

انا قربت عندو و عنقتو بقوة :فرات بزايد انا سامحتك خلينا ننساو اللي فات و نبداو من جديد علابالي غلطت معاك و زودتها و نطلب منك السماح 😥😥

عنقني و قالي :صاي ننساو الحزن و نوعدك لا عاد نقيسك ولا نجرحك 😍

بقينا هكذا الليل كامل نحكو .. الصباح نظنا فرحانين و رحنا نفطرو لقينا رياض جا مي كان يضحك و فرحان كان تفاهم مع طاطا مليكة و دارو لحكاية باه نوليو لبعضانا و المخطط تاعهم نجح 😏😂

جاز عام و كرهت من الدار حبيت نديبلاصي .. مي عصام مكانش قاعد عندو خدمة قالي اطلعي عند خوك و انا بعد يامات نلحق بيك

STOOOOOOOOOOOOOOOOOOP

نيووو بارت 😍😍

طولت عليكم شوي 😁😁

حبيت نقولكم هاذ الحلقة قبل الاخيرة 😥 حكايتنا قربت تخلاص 😥

شكرا على التفاعل اللي لقيتو بزاااف شكرا 😍😍😍❤

رايكم + فوت + كومنت 😍🖤

حبكووووووووووووم بالعدس سخون في البرد هذا 😂😂😂