♡ أميرة و عصام ♡ باللهجة الجزائرية ♡

☆ الحلقة ٤ ☆

وحد النهار جاو وحد لبنات يقربولو يزورو جداه انا كنت في الكوزينة نحظر في القهوة وكانت وحدة منهم تشوف معايا

جاني عصام للكوزينة قالي : أميرة نحتاجك دقيقة

رحت ليه

عصام: لقيت وحد الوثيقة تثبت بلي عمي زور كلشي

انا شديتها قريتها لقيتها بلي تفيدنا في جلسة وحدة يكون الحكم لينا .. من شدة الفرحة عنقتو بلا ما نفيق و هو ضحك يا يما على الضحكة تاعو تهبل

رجعت للكوزينة لقيت هذيك الطفلة تشوف فيا شوفة ماتعجبش

الطفلة: اسمعي بلاكي عينيك على عصام .. عصام تاعي انا و لوكان نشوفك معاه عينيك نقلعهملك .. ديجا هو عندو غير خدمة معاك كي تخلاص رح ينساك

انا وجعني كلامها بصح مخليتش حقي يضيع درت ليها وقلتلها بطريقة استهزاء

أميرة: هههههه عصام يشوف مع وحدة كيما نتي مستحيل لا زين لا طاي لا مستوى انتي هي اخر وحدة رح يشوف فيها عصام .. انا رايحة عندي خدمتي تشتنا فيا و انتي اقعدي مع الكوزينة

جيت خارجة لقيت عصام كيما الباب يضحك مشيت رحت عند طاطا قتلها

أميرة: راني رايحة عندي شغل منبعد نتصل بيك

طاطا: ايه روحي وتهلاي في روحك ربي يخليك لينا

و هذيك المصفارة رح تموت

خرجت لحقني عصام : أميرة

درت ليه : وش حبيت

عصام: لكلام هذا ليا

أميرة: واحد يشبهلك ** الله غالب الهدرة تاع هذيك المصفارة خلاتني نحكي هكذا **

عصام: اوكي مي عجبتيني كي رديتي عليها و نتمنى متكونش هدرتها اثرت فيك لانها هي متهمنيش تهميني نتي

انا قلبت وجهي عليه و مشيت مي في قلبي فرحة كبيرة

جاز اسبوع و وصل يوم الجلسة حضرت كلشي قبل ما تبدا الجلسة جا ليا عصام

عصام: أميرة مهما تكون النتيجة رح نكون فرحان انك وقفتي معايا

انا قلبي بدا يخبط 100 فالدقيقة .. دخلنا الجلسة و انا خايفة كأنها اول قضية ليا

بدينا نقدموا الادلة و الطرف الاخر يعارض .. كل طرف كمل و قدم كل شيء عندو .. جا وقت النطق بالحكم

شفت عند عصام لقيتو يشوف فيا و عينيه يلمعو لمعة غريبة زادت من التوتر تاعي

القاضي : حكمت المحكمة حضوريا بعد تقديم الادلة و البراهين لصالح الطرفين بأن الاملاك المختلسة من طرف ***** تعود الى السيد عصام **** وله كل الحرية في التصرف بها

عصام من الفرحة جا ليا و ضمني عندو

عصام: كنت عارف رح تنجحي

انا ما لقيت وش نقول .. طلقني و جبد حزمة تاع دراهم و قالي هذا حق المجهود اللي بذلتيه على جالي

شفت في عينيه و قتلو : عصام شايفني مادية للدرجة هذي دراهمك خليهم عندك

رفدت حوايجي و جيت ماشية حسيت انو قلل من قيمتي بالتصرف هذا كنت نستنا منو تصرف اخر مكنتش نعرف وش هو

روحت في الليل عيطتلي ماما حكيت معاها حتى لل 3 تاع الصباح و قاتلي بلي خويا رياض روح من لندن انا فرحت بزاف

STOOOOOOOOOOOOOOOOP

نيووو بااارت 😍😍😍

رايكم + فوت + كومنت ❤