أميرة تحكي مع روحها : " الله غالب صح زودتها شوي مي كانت عندي فوبيا من الفيران 🐀 مرة عضني قعدت شهر و انا ندير في الابرة 💉 "
و طاطا تهدن فيا مام هي خلعت حسبت كاشما صرالي حتى جا هذاك الجون و جاب فاليز صغيرة وضربلي إبرة 💉 مهدئة ** ااه هو طبيب ** كي هديت حكيتلهم ماتو عليا ضحك 😂😂
👨⚕️: اعطيني المفتاح ضك انا نفكلك البروبلام
و كيما كان الحال راح و بات ثم على خاطر انا قعدت عند طاطا و رقدت عندها
الصباح كي نضت كان لازم نروح لداري نبدل قشي و نروح نخدم .. كان عندي الدوبل تاع المفتاح دخلت لقيتو راقد في الصالة مسكين
رحت لبيتي بدلت قشي و طيبت قهوة محبيتش نوضو من النوم قلت نخليه .. كتبتلو ورقة شكرتو و حطيتلو القهوة و خرجت .. لعشيا كي عدت مروحة من الخدمة زدت تلاقيت بيه كيما الباب تاع العمارة زدت شكرتو و طلعت للدار بدلت قشي و كنت جايبة شوي قاطو قلت نروح عند طاطا و نعرف شكون هذا 🤔 طلعت حكينا و سقسيتها
👵🏻: هذا اسمو عصام وليد وليدي يخدم طبيب و والديه ماتو كي كان صغير انا ربيتو
انا الدمعة حاتهبطلي كي حكاتلي ... وحد النهار جاو دارنا يقعدو عندي و كانو حابين يتعرفو على جيراني لاني كنت ديما نحكي عليهم لماما في التيليفون .. لعشيا عرضتهم و عرضت سميحة تعشينا و روخت سميحة و راجلها كانت شوي مريضة ( تتوحم ) زدنا شوي و طاطا و عصام روحو .. بابا عجبو عصام لدرجة كبيرة .. والديا جوزو يامات و روحو
وحد النهار قاعدة مع الورق تاع الخدمة حتان نسمع صوت تاع تكسار و خبيط في دار عصام ..
انا طلعت نقرعج و نشوف وش كاين .. انا طلعت و نلقى الباب مفتوح و العياط و طاطا قاعدة في الارض و تبكي انا تخلعت و دخلت نجري عندها عنقتها و نهدن فيها و عصام كان قلقان الحاجة اللي جي في طريقو يكسرها و طاطا تبكي و تقولو بركا ما تقلق روحك
انا كي شفت طاطا في هذيك الحالة غاضتني و بكيت معاها عصام خرج و غلق الباب بقوة .. و انا قعدت نواسي في طاطا و نهدن فيها حتان هدات و رقدت
قمت قلت نروح نلم الزجاج المكسر حتى نسمع في الباب تفتح .. انا كنت نجمع في الزجاج حتان لقيت عصام قدامي تخلعت وقفت و هو دنا ليا و ريحتو كانت متعجبش كلها شراب
أميرة: عصام تعيش بعدني خليني نروح لداري
زاد دنا ليا كثر و انا قلبي رح يخرج من مكانو من الخوف .. حكملي يدي و يزير و يقول
عصام: شكون نتي و واش دخلك في حياتنا ** و يزير **
انا دزيتو بكل قوتي و هبطت نجري لداري نبكي وليت نقول في نفسي : اييه وش دخلني انا و علاه نروح و نبكي حتان رقدت
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
