شوية كدا جاتها الدكتورة داخله سلمت عليها وبقت بتتكلم معاها لوقت وبعدها طلعت .
شوية تانيين امها واخوها جوها داخلين .
شادية : يا بنتي انتي قلة ادبك دي مع الناس كلها ؟ 😑
فداء : هو دا منو اصلا ؟ 😃
سكتو الاتنين شوية .... قبل م رائد يقول : دا اسمو هزبر ... هو الجا معاك المستشفى .
فداء : مممممم
شادية : الوليد الصغير داك الشغال المعاك .
_ علي؟
_اي علي وكمية كبيرة من زمايلك جوك هنا .
_ كتر خيرهم
_ عمك بابكر ( المدير الشرير 😎) برضو جا .
_ استاذ بابكر 😳 ( المدير الختشير 😎) غريبة هو م طايقني اصلا .
رائد : جا وكان قلقان شديد عليك وقال اول م تصحي يبلغوه .
فداء : اسبحان الله 😃.
رجعت لي ورا وختت يدينها في السرير : اها قلتو بتمرقوني متين 😃.
رائد وهو بيخت يدو في وشو 😑 : امي مع السلامه بجيكم بكره .
شادية : الله يسلمك يا ولدي 😂.
الواطه كانت مغربية كدا .
رائد رجع البيت وخلا امو في المستشفى .... فداء جننت الدكاتره والممرضين جن ... كرهتم حياتهم ... كل شوية بتنادي ليها زول 😂.
____________________________________
سيارة مارسيدس سوداء توقفت امام منزل كبير مبني بطريقة مميزة... كان من الواضح ان بناءه قديم جدا بطريقة تجعلك تتخيل انك في الثمانينات من القرن المنصرم ... كان المنزل منعزلا تماما ... بعيدا كل البعد عن المنازل حتى يخيل لك احيانا بأنه مهجور .... لولا السيارتان اللتان تقفان في الخارج والبواب الذي يحرس المكان .... وصوت الكلاب البوليسية والخيول التي تصهل من بعيد .
ترجل شاب ذو طول وبنيه جسدية مميزة من السيارة ...حيا الغفير الذي كان يأخد قسطا من الراحه على كرسيه الحديدي بالقرب من البوابة ... ما ان دلف الى الداخل ... حتى سمع صوت الكلاب يتعالى ... اكتفى بهز مفاتيحه التي اصدرت صوتا هدأ من روع الكلاب ... وكأنه يعلمها بوجوده .
اجتاز الممر الحجري المحاط بأعمدة الانارة القصيرة والذي يتوسط اشجار الليمون التي ترطب الهواء وتملأه بعبقها .
ادخل احدى مفاتيحه في قفل الباب الابنوسي الكبير ثم فتحه وتوغل الى الداخل ...
كان المنزل ذو ديكور حجري وخشبي رائع .... ولكنه كان كئيبا هادئ ... لا اصوات سوى صوت التكييف الرتيب .... وكانت الستائر العتيقة تحجب الاضاءة الخارجية .
مد يده الى عدة ازرار بجانب باب المدخل ... ما إن ضغط عليها حتى اضاء المكان .
بخطوات سريعه .... صعد مدرجات السلم .... قبل ان يفتح باب غرفته سمع صوتها : هزبر .
التفت بهدوء : اي يا امي
_ كنت من قبيل مستنياك للغداء .
_ انتي جاده ؟؟؟؟ م اكلتي لحدي هسه ومستنياني ؟
ابتسمت بهدوء : الاكل معاك ليهو نكهة خاصه .... غير هدومك وتعال المطبخ .
ابتسم ابتسامه صافية ظهرت صف اسنان لؤلؤي : شوية واكون معاك .
اول م فتح باب اوضتو تلفونو ضرب .... عاين للرقم لمسافه ودخل الاوضة عشان يتكلم .
بعد دقيقتين كدا جا طالع .... دخل المطبخ لقا امو قاعدة مستنياه للأكل .
كان بعاين ليها في عيونها وهو بتكلم بي اسف : اعفي لي .. حاضطرا اطلع جاني تلفون مهم
سكتت وهي بتعاين ليه لي مسافة قبل م تهز راسها باستدراك ... كانت ميقنه تماما انو في شي طويل في انتظارو ...ابتسمت ليهو لمن ودعها وطلع .
حركت الملعقة في الصحن القدامها وبي ملل قبل ما تقوم وهي بتنده بصوت عالي للشغالة عشان تجي تلم السفره .
سوزان ام هزبر دكتورة مخ واعصاب ... بنت واحدة من العوائل الامدرمانيه الكبيره .... ملامح وشها جامده جدا بالرغم من جمالها كتلة من البرود متحركه 😑💔 ... في منتصف الخمسينات من عمرها .... بتحب ولدها بطريقة خرافية .
هزبر طلع تاني وركب عربيتو ... بعد حوالي نص ساعه وصل المقر بتاعهم .... كان في حراس برا بزي عسكري ومعلقين الرشاشات حقتهم في ضهرهم ... حياهم وفتحو ليه البوابه ودخل ... بخطوات واثقة اتوجه ناحية الطابق الثالث مشا في ممر طويل لحدي م وصل لي مكتب قاعدة جمبو سكرتيرة ... دخلت للمكتب وشوية حات طالعه وهي بتطلب منو يدخل جوا .
اول م دخل قام الراجل القاعد ورا مكتبو ... كان راجل كبير عمرا بس فيهو مظاهر هيبة ووقار عجيبه .
سلم عليهو وطلب منو يقعد .
بدا يتكلم بصوت خشن : هزبر .... انا وصيت عليك بالذات للمهمه دي ... و واثق جدا انك قدها وقدود ...عموما احنا قدرنا نمسك ليك طرف الخيط والباقي عليك ... زميلك الشهيد عبد الرحمن قدر يتوصل لي معلومات مهمة جدا وخطيره وموثقة بالصور .... بتثبت تورط بعض رجال الاعمال في صفقات كبيرة جدا حقت مخدرات واسلحه وكمان غسيل الاموال ... وعشان كدا تم اغتيالو ... كانو فاكرين انو المستندات البتثبت الكلام دا في بيتو لكن الله يرحمو كان محتفظ بيها هنا .... الشرطة لقت اثار دم لمجهول في بيتو .... وكمان وجدت اثار بصمات في مسدسو المرمي جمبو .... والرصاصة الاتقتل بيها طالعه من مسدس xm_17
والنوعية دي م متوفره هنا ... طبعا انت هسه بتتسائل طالما المعلومات الاتوصل ليها عبدالرحمن موجودة لي م ندين بيها المتهمين ونبدا نراقبهم ونحقق معاهم ؟... لانو للاسف الشديد المعلومات دي كلها اتفقدت يوم مقتلو .... وانا قاري سؤال في عيونك هسه كيف المعلومات اتسرقت وكيف المجرمين ديل عرفو انو عبد الرحمن هو الماسك موضوعهم دا .
ظهر شبح ابتسامه في خشم هزبر واختفت بسرعه لمن الراجل قال : في جاسوس بينا يا هزبر .
استمر كلامهم قرابة الساعتين .
هزبر اتزود بكمية كافية من المعلومات المحتاجها وبعدها طلع على بيتو .... اول ما وصل مسافة اخد لبهو دش وغير هدومو طوالي دخل مكتبو البيقضي فيه اوقات طويلة بالذات لمن تكون عندو مهمة زي دي .
___________________________
صباح اليوم التالي 🌝
في حلة جميلة كدا وهادئة والناس الساكنين فيها زاتم ظريفين ولتشيفين وزي الاهل كدا كلهم مداخلين في بعض 🌚
وقفت بنت عشرينية جميلة .... بي قميص هزاز زهري ( حبيب المرأة السودانيه الذي لا تستغني عنه 🌚(
كانت بتحرك في اصابعها المقمعه بالحنه وظهرت ملامح الدلع في وشها وصوتها : ديناااا عليك الله امشي جيبيه لي
_ يا الله 😑
_ يا دينا انا حرام عليك والله نفسي فيهو 😢
_ والله يا امل انا خلاص زهجت منك 😃🔪
جات امهم مارة : في شنو يا بنات ؟
امل : ماما ما عايزة تمشي تجيب لي خيار من بتاع الخضار 😢
دينا : يا ماما والله انا لي اسبوع كل يوم بمشي لي بتاع ااخضار اجيب الخيار قرابة ال٣ مرات في اليوم .... قلت م مشكله يا دينا خليك ذكية جيبي اكبر كمية من الخيار ... لمن بتاع الخضار زاتو اتخلع قال لي خليتو شنو للناس ... وخااااتك جبتو بي هنا بنتك نزلت فيهو قرقيش خلصتو بي هنا وعايزاني امشي ليها تاني 😭... ناس الشارع حفظوني والله .... انا ذنبي شنو لو بتتوحم ؟؟؟ ياخ م كفاية ماسكة عيال اخواتها التانيات 😭.... انا كان ذنبي شنو يتوحمو ويولدو ورجالهم يفكوهم فيني انا 😑
الام : يخسي عليك يا دينا اختك وبتتوحم حني عليها
دينا : خليها هي التحن علي عك الله 🙂
_ امشي يا بنتي جيبي ليها الله يرضى عليك
دينا : قدام 🙂
* دينا ١٨ سنه ... امتحنت الشهادة ونتيجتها طلعت وخلاص نازلة على الجامعه ... اتشالت اسنان في ال........ ( الفي بري ديك عرفتوها 🌚 ... ناسها بلبسو بني كدا عرفتوها 🌚 اه ؟ عرفتوها 🌚بناتها بحبو البف 🌚 عرفتوها؟ خلاص شكلكم ما عرفتوها خلوها مفاجأة 🌚💔 ) وطبعا اي زول بقرا طب اسنان غني عن التعريف 😃 التقول بعزلوهم عزيل 😂... بتلقاهم حلوين كدا ونضيفين ولطيفين 😂
من اسره طيبة ومحترمه ... عندها اربعه اخوات اكبر منها وكلهم معرسات وبي اولادهم هي اصغر واحدة وطبعا عارفين مأساة الخالة الصغيرة بتكون كيف 🙂💔
...المهم دينا دي كيوت شديد كدا وحلوة ❤
قامت تططنطن .... ولبست عبايتها وطلعت .... وهي ماشا في الشارع لاقاها ود جيرانهم .... كريم ... طبعا دا بيني وبينكم كدا الكراش بتاعها ... قدر بعض .... متصاحبين من كانو في سنه تامن .... و٣ دي كلها بيقرو بعض ويشرحو لبعض وفي النهاية دخلو نفس الجامعه ونفس الكلية .... الولد كان نوع الاولاد الجذابين والهادئين ديلك اول ما شافها ابتسم : دينا
_ كريم 😃
( كريم ؟ ايه دا ؟ هو انت كل ما تعزم صحابك ف البيت حتسيبلي البيت متبهدل كدا ... متذكرين الدعاية دي 🌚؟ )
طبعا الاولاد في العمر دا بكون عندهم شوية خجل كدا قدام البنوت 🌚.
دنقر راسو شوية وحكا بطرف صباعو رقبتو : على وين ؟
_ والله ماشا اجيب لي امل خيار 🙂
_ اهاااا يعني ماشا لبتاع الخضار ؟
_ اي
_ خلاص امشي بجيبه ليك انا
_ لا لا ياخ ما تتعب نفسك هدا المكان قريب
_ لا والله امشي وانا بجيبو ليك وانتهى الكلام .
وقفت تعاين ليه وهي م عارفة تقول شنو ... ابتسم ليها وهو بقول : يلا دقايق وبجيبو .
( كر علينا احنا البنكوش في الحله ماف زول بعبرنا 😳)
رجعت وقفت جمب الحيطه وقلبها شغال دبملق دمبلق دمبلق دمبلق 💗💗💗
شوية ويطلع ليها بره .... شالت انفاسها وارتسمت ابتسامة رضا في وشها ( عاد كيف م ترتسم ابتسامة رضا ... كراش وبتاع واحنا لينا الله 🙂)
شوية كدا جاها راجع وهو شايلو في كيس وناولو ليها ... ناولتو القروش .... حمر ليها وهو بقول : 😒 دي حركات جديدة دي ولا شنو ... امسكي قروشك عليك
سكتت شوية وبعدها قالت : طيب شكرا 😅
_ العفو ☺
_ يلا عن اذنك .
_ اتفضلي
اول م دخلت بيتهم قربت تزغرد 😂.... اول م لقت امل اختها البتتوحم على الخيار 😂 حضنتها قبل م تقرص خدها : امول يا امول .... يلا هندا خيارك اكلي وخلصيهو ولو عايزة تاني كلميني ... عندي كم امل انا ☺.
امل مسكت الكيس وبقت بتعاين ليها باستغراب 😂
______________________________
في الوقت دا فداء طلعوها خلاص من المستشفى والدكاتره اضانهم بردت منها 😂.
كان راقدة في الكنبه الورا وبتعاين للسقف حق العربية .... وامها راكبة قدام مع رائد .
رائد يعاين ليها بي المراية الامامية ويتكشم 😂
زفرت بضيق كدا وهي بتقول : هسه يا رائد زنوبة دي بتاخد كم كدا عشان يصلحوها لي ( يوووووووه 😂)
رائد : فداااااء يا فداء ..
كدي اسمعيني ... شفتي عربية جدو الله يرحمها ويرحمو دي لو باعوها ٥٠ مليون ما بتجيبها ... يا اختي العربات الرياضية ديييييييك البي الالاف الخطيره ديك بتتكسر وبتدشدش واصحابها ما بيعملو الانتي بتعملي فيه دا ..... اظن لي جدي زاتو وارثها من ابوه ... ياخ عربية ناس الحله كلهم بتلمو كل يوم يدفرو فيها لمن جاتهم عضلات ... عربية صوت البوري بتاعا عينه يحسسك انك في القرن التسعتاشر .... اهدي كدا واستكيني يا اختي 😂.... م للدرجة دي .بتتصلح قريب ويرجعوها ليك ونرتاح بالله عربية هكره عملو ليها راس وقعر وسموها كمان 😂.
قعدت في الكنبه الورا وختت يدها في راس الكرسي حقو ( اها انعدلت ليك 😂)
يا فالح يا شاااااطر انت ... زينبو قداااااام وباقي العربات ورا حتى لو قديمه ... بعدين دي عربية كلاااااسيك
رائد : كان كلاسيك م عارف 😂
_ امشي يا مستجد النعمه .... انا م بنسى العشره وزنوبة كان معاي وقت شدتي م بخليها وقت رخاي
_ كلااااااام .... محسساني انها بشر وبتحس
_ يلا دا شي بيني وبينها ملكش دعوه 🙂.... و بعدين زاتو انت حصل يوم لزيتها لي ؟ كان م بلزوها ناس الحله انت الحارقك شنو ؟
_ حارقاني الشمس في شي ؟ 😂
_ انت هسه بتضحك على شنو ؟
_ م بخصك 😌
_ اظن لي بقيت لميض وعملت ليك قرينات .
شادية : هي وووووووب علي .. خلاص اسكتو صدعتو بي يا اولاد 😑💔.
فداء وهي بترقد تاني : دا ولدك العوقه دا
رائد : الحقيقة بتوووووووجع .😂😂😂😂😂
فداء وهي بتتجاهل فيهو : انتي يا امي انا م عندي تلفون ؟
_ اجي ؟ كيفن يعني ؟
_ م شايفة تلفوني .
رائد بي مسخره : تلفونك لحق زنوبة الا يجيبو ليك واحد جديد 😂
_ يجيبوك لسوق الضبح شاااااحدة الله 🙂
شادية : هيا بتي تفي من خشمك مالك على اخوك
رائد : سيبيها سيبيها والله دعوتها راس سقف العربية دي م بتكون حصلتها 😂😂😂.
شادية : خلاص عليك الله اسكت م تعصبها الدكتورة قالت يحافظو ليها على هدوئها
فداء : اصلا محافظه على هدوئي براي اما هو ينبح ويلقا العافية 😒
رائد اكتفى بالضحك وخلاص 😂.
المهم وصلو بيتهم ونزلو .
فداء رقدت في سريره بعد م بلعت الحبوب حقتها وناااااامت اما رائد اخوها مشى على جامعتو .
_________________________________________
بالمغربية كدا في حلة ناس دينا وكريم .... ام كريم جات تشرب شاي المغربية مع ناس دينا .... وبعد م شربت الشاي واتونست طلعت بره وطلعو معاها دينا وامل وامهم عشان يقدموها والمتعارف عليه انو ونسة الشارع اجمل دلشيون مرة من ونسة البيت والمواضيع بتجيك فجأة كدا من حيث لا تدري .... المهم واقفات كلهم في الشارع ويتكلمو 😂.... وطبعا بكره اولادهم خلاص نازلين الجامعات ... كريم كان جاي من الدكان البيقعدو فيه اولاد الحله ... امو نادتو
وطوالي جاها ... امو شابه كدا وعااااقلة هو بكرها : طبعا كنت هسه عايزة انصح دينا لكن بركه الحيت عشان اكلمكم الاتنين سوا .
شفتو الجامعه دي مجتمع تاني خالص غير الكنتو فيه ومجتمع مفتوح بتلقو فيه اييييي شي وايييي نوع من الناس .... فيهم الصالح وفيهم الطالح .... وطبعا الصاحب ساحب يعني شنو ؟ من البداية اختارو الناس الكويسين وابعدو من السكه الشمال والشهره ... عاد كان شهرة شطارة او احترام وادب حبابها عشره لكن الشهره ف الحاجات التانيه الفارغه دي اصصصصصصصلو ما حبابها .... انتو هناك بتعكسو اخلاقكم الربيناكم عليها .... اختمو بي قرايتكم ومحاضراتكم وم تبارو الفارغة والمقدودة والشلليات .... خليكم واعييييييين وعاقليييييييييييين وخلونا نفتخر بيكم .
دينا وكريم : ان شاء الله
ام دينا : غايتو بعد الكلام دا انا م عندي شي اقولو .... كفت ووفت وان شاء الله تستفيدو من كلامها دا .
ردو ليها تاني : ان شاء الله .
____________________
في بيت فداء .
رائد جا داخل لقا ليك اختو داخله جو الدولاب وتحوس .
رائد : دا شنو دا بتسوي في شنو 😳
_ عايزة اجهز غياري حق بكره
_ اول شي ... انتي م بتحهزي في غيار بكره انتي اظن لي بتغوصي جوا الدولاب ... بعدين بكره ماشا وين ي السمحه ؟
_ ماشا الشغل 😁
_ فداء انتي م نصيحه ولا شنو ؟ انتي كتبو ليك راحه ... لازم تاخدي راحتك .
_ لا لا ياخ م بحب قعدة البيت دي .
_ يا اختي م معقولة عامله حادث اول امس وعايزة تنزلي شغل طوالي ارتاحي شوية .
_ مستحيل ... اقعد ف البيت اسوي شنو اخير لي شغلي .
_ انت شكلك كدا بتتكرشي في واحد من ناس شغلك ديل لانو مستحيل تكوني بتحبي الشغل للدرجة دي 🙂.
_ انكرش مالي ؟ عندي حمو نيل ؟
_ لا حول ولا قوة الا بالله 😑..
نادا بطول حسو يااااا امي .... حاتو جارية جري : بسم الله مالكم ؟
رائد : شوفي بتك قال شنو قال بكره نازلة الشغل
_ خليها دي م نصيحه ومن هسه مرقة ليك ماف اقعدي ارتاحي احسن ليك .
بعد كلام ونقاش ودعاء ومنابيز بينها وبين رائد اخوها اقتنعت انها تقعد وترتاح 😂.
__________________________________
صباح اليوم التاني :
اصحابنا دينا وكريم صحو بدرس ومبسوطيييييييين وقشرو بهدوم الجامعه وكانو وكانو حاسين بي سعااادة ا انهم اخيرا خلاص بقو طلاب جامعيين ( يشهد الله انا اول يوم اتكشم واتبسم واترمش قدرتي .... وقلبي دا شغال كبلة من الفرح ياخ لمن دخلنا ببوابة الجامعه ءمعت صوت موسيقى ملكيه عديل 😂.... وهسه م بقى لي بمبي بقا لي قوس قزح عديل 😂... بس م علينا خليهم برالمه فرحانين 🌚🔪)
ساقتهم ام كريم بعربيتها ونزلتهم وقفو الاتنين يعاينو للطلاب الداخلين والبوابة والابتسامه دي من الضرس للضرس زي دي 😁👈
____________________________________
فداء صحت بي صوت امها وهي بتتكلم معاها
_ فداء انا ماشا السوبر ماركت اجيب حاجات الشهر .... ساعة كدا بالكثير وبجي كان احتجتي اي شي ... ن
اضربي لي رابحه بنت الجيران .
فداء وهي بتتمطق وتتقلب على الحهة التانيه كويس .
بعد شوية كدا سمعت ليها صوت كركبة في الصالة وسمعت صوت باب الصاله اتفتح واتقفل .
كانت مستنين تسمع صوت امها لكن م سمعتو .... حست انو في شي غريب ... قامت براحة من سريرها ومسحت عيونها وطلعت على الصالة بس فجأة كدا تشوف ليك واحدة لابسة هدوم سوداء ... وشعرها واصل لي نهاية خصرها .... ولابسة ماسك اسود مغطي خشمها وانفها وواضحة عيونها بس .... وعيونها فيها كميه شراسة م طبيعيه .... كانت بتعاين لي فداء من دون م تزح نظرهت منها .
فداء حست بي خوف لكن مسكت نفسها : ا ا انتي منو ؟
( اخر مرة اتقالت ليها الجمله دي القال الجمله مات 😃)
بس فجأة لقتها هجمت عليها ... فداء صرخت لخوف وخاولت تجري ... لكن ديك مسكتها من يدها وبي طريقة عجيبة لوتها ليها لمن قعدت في الارض وقربت تكسرها ليها .
رفعتها بقسوة وضغطت اطرف وشها بقوة وقالت ليها بصوت هامس : انتي قايلة نفسك بتلعبي مع منو ؟
فداء حاولت تلزها منها .... وللأسف ديك اقوى منها بكثير خنقتها بقوة قبل م تلزها .... فداء وقعت في فاظه والقزاز دخل في جسمها .... اخر شي شافتو البنت وهي جاية عليها بطريقة مخيفة وبعدها فقدت الوعي .
الحلقة التانيه
