دينا دخلت تنقش تنقش للقاعه كان فاضل حكاية ١٠ دقايق للمحاضره الاولى .
اتفاجأت لمن لقت ملاذ جايا عليها ...
دينا في سرها : اللهم اجعله خير 😑
ملاذ : صباح الخير
_ صباح النور .
قعدت جمبها وفي ابتسامه كدا غير مطمنه خالص ارتسمت ف وشها : كيفك
_ الحمدلله بخير وانتي
رجعت بي ضهرها لي ورا : الحمدلله .... كنت عايزاك ف موضوع
_ ان شاء الله خير
_ كريم وراك انو انا وهو ارتبطنا ؟
_ ااااي وراني .
_ طبعا كريم دا ..... حاجه كدا مهما اوصفها ليك م حقدر .... جاني على جرح .... وبجيتو جرحي طاب .... انا كنت مخلصة جدا ف علاقتي الفاتت لكن برضو انخذلت وهسه هو جا وحسسني انو الفات دا كلو كلام فارغ وم كان حب .... مهتم بي شديييييد وبيعرفني من صوتي لو زعلانه ( هو متين لحق على دا كلو 😃)
اللهم انا بحبوووو شديد
دينا كانت مستغربة هي بتحكي ليها باكلام دا لي ؟ وهي حتستفيد منو شنو ؟
قالت لبها بهدوء : ربنا يسعدكم
_ يلا بصراحه كدا السعادة دي م حتجي طول م في عائق واقف ف طريقنا .
_ كيف يعني ؟
_ ممممم ببساطه كدا انا عايزاك تقطعي علاقتك بكريم
_ عفوا ؟ 😳
ملاذ ضحكت بصووت عااااالي وتابعت كلامها : زي م سمعتي حبيبه ( رابطة كارهي كلمة حبيبه 🙂💔).... يعني هو حبيبي تمام ؟ وانا م عايزاك تقيفي وتتكلمي معاهو وكدا اتفقنا ؟
_ انتي م واثقة فيه ؟.... طالما اختارك انتي تاني ف شنو ؟
_ اكيد واثقه فيهو حببتي كللللل الثقة وهو كمان واثق فيني .... بس برضو .... ملاحظة ليك قريبة منو شديد المهم وريتك انا عشان بس نكون حلوين مع بعض 😊
_ يعني كدا حتكوني مبوسطه ؟
_ كللللل الامبساط 😊
_ طيب 😂... تمام
ملاذ وقفت على حيلها وابتسمت تاني : يلا عن اذنك
_ اتفضلي 😊
مشت وخلتها
دينا وهي بتضرب يدينها مع بعض : اقسم بدين الله م طبيعية المخلوقة دي .
ريهام وهي داخله ملاذ طلعت .... عاينت ليها كدااااا 🤔 ومشت لي دينا : فلونه دي مالا ؟
دينا وهي بتضحك : بري .... جاتني وقالت اقطع علاقتي مع كريم عشان هي ارتبطت بيهو
ريهام بقت منطره عيونها قبل م تخت يدها في بطنها وتضضضضضحك 😂😂😂😂😂: اها وقلتي ليها شنو ؟
_ قلت ليها طيب
_ وحتسيبي ليها ؟ 🤔
_ خلينا نشوف نهايتها شنو ؟
_ يا بنت نهاية شنو وعوارة شنو صحبك من سنه تامن عايزة تسيبي ليها ؟..... والله لو مكانك كدا يادوووووب العلاقتي بيهو بقت قويييية واخر ونسة وضحك ووقيف عشان اغيظها ..... وبعدين حتى لو انتي خليتيه وبقيتي م بتتكلمي معاه هل هو حيرضى ؟
_ ياخ دا وجع راس ..... خليها بس ونشوف النهاية
_ بري يا دينا انتي مسكينه اكثر من اللازم
_ انا م مسكينه .... بس باختصار مشترية دماغي ... مش هي عايزة كدا ؟ اوكي حعمل العايزاه وابرد اضاني منها
_ اي شي حتطلبو منك حتعمليه يعني ؟
_ لا م اي شي ....كدي سيبينا هسه من الموضوع دا .... عايزة اسألك انتيييي ..... مصطفى دا ساكن مع منو ؟
_ وانا عرفني شنو 😃؟
_ مش بتعرفيه 😑
_ هو صاحب اختي وخلاص ..... لكن م عندي فكره عن حياتو وكدا .
_ ايوااااا
_ لي يعني السوعااال دا 😏
_ حب استطلاع بس 🙂.... م تحكيها .
_ طيب يا اختي 😂
شوية كدا محاضرتهم بدت
بعد م انتهت وطلعو ... كانت محاضره واحده .
دينا قبل م تطلع شافت كريم قاعد مع ملاذ واخر ضحك و ونسه .
طبعا بيني وبينكم اكيد كان ف شي جواها بوجعها لمن تشوفو معاها 💔.... لكن م بيدها شي .
ودعت ريهام وطلعت ...
وهي طالعه شافت مصطفى واقف مع شلة بتاعت اولاد ....كان بدور في مفتاح العربية بي صباعو ولابس نضاره شمسية .... لمحها وهي ماشا لكن م اشتغل بيها كثير .
شدت على طرف شنطتها وتابعت مشيها .
بس فجأة جا واحد من العدم .... لزاها بكتفو احساس بشاغل وكدا ومع ضربة الكتف دي قال ليها بطريقة مقززة : اححححححي انا
دينا لا اراديا قبلت وراها بي غيظ وهي بتقول ليه : يا ححححيوان .
الولد : حيوان ابوك
مههههما حصل ليك ومهما كانت قافلة معاك ومهما كنت قليل ادب ... م تجيب سيرة ام او ابو زول 🙂💔
دينا الكلمة وقعت عليها زي الصاقعه لمن عيونها دمعت وقالت ليه بصوت منفعل : كيف يعني
الولد : محل م وقعت ليك كبي ليها شطه 😂😂😂😂😂
الواحده فيكم لسانها اطول منها ولو ردو عليها يبقى ليها حار .
مصطفى كان متابع المشهد من بعيد ولاحظ للولد لمن ضربها بكتفو .
فجأة دينا لقتو واقف جمبها وهي وقتها م كانت فاهمة اي شي .
دموعها جات جارية وهي بتقول ليه : ابوي يا قليل الادب م سألك
_ قليلة ادب برااااك
( الاولاد الزي النوع دا انتحرو عليكم الله م تعملو لينا زحمه ساي خسارة اكسجين ومساحه 🙂)
بس م الساعه الولد فجأة يسمع ليك صوت لببببببب دي .... لمن عيونو حوصت 😂😂😂😂😂😂😂
ورجع لي ورا حكاية المتر وقرب يقع في الواطه .... بس اليدين المسكتو من ياقة قميصو وخلتو م يقع .... كانت نفس اليدين الادتو بنيه في وشو .
مصطفى شداهو من قميصو بي قوة وهو بقول ليها : انت يا ولد مغفل ولا شنو ؟
الولد الكان مع الولد اللميض دا
