المهم فداء مشت المطبخ وبقت قاعدة مع عزيزة .... ظبطت ليها دااااااك يا الشاي في الكباية المك الكبيره .
بعد شوية سمعو صوت عربية اتحركت
عزيزة : الحمدلله خلاص طلعت
_ منو ؟
_ سوزان .... تاني م بتجي الا بالليل .... والله يا بنتي جنس راحه لمن تطلع من البيت دا .... لمن النفس دا يتشال كدا بي مزاااااج 😂
فداء وهي بتشرب من الشاي : هي المره دي حكايتها شنو ؟
_ يا بنتي دي اهلها زاتم ناس كباااااار ..... وزمان كانو عايشين في لندن ..... انا اختي الكبيره قبل م تخلي الشغل دا كانت شغالة هنا معاهم من زمن هزبر دا كان طفل صغيييير .... كانت بتريد ليك راجلا دا جنس ريد ..... وااحفلات دي مدوره السنه كلها في البيت دا ..... بس عيشة الامراء .... لكن بعد م اتوفى راجلها اتقلبت كدا
_ يعني هي م كانت كدا
_ هي اصلا كدا بس زادت زيادة .
_ اهاااااا
_ مااااا بتريد الناس البسيطين والاقل منها .... بس الناس الفي طبقتها وزاتها عنصرية شديد كدا .
_ بيس عليها 😷.... حتى ولدها كدا ؟
عزيزة عاينت ليها مسافه قبل م تبتسم وتعبر بي وشها تعابير دراميه كدا : لا لا يا بنتي ولدها سيد الرجال لي حدهم .... مهذب وممطبع وفي حالو ..... والله طييييييب كان جيتيه محتاجه اي شي او عندك مشكله بقيف معاك وقفة رجال والله ..... بس الفقر امو دي .
فداء وهي بتعاين بي شباك المطبخ : وهو م معرس ؟
_ امو خاطبه ليه واحدة كدا من بنات صاحباتها بتجيهم هم وامها مرات كدا وبقعدو معاهم كم يوم كدا وبعدها بيمشو .
فداء بي حب استطلاع : سمحه ؟
_ ماساء الله سممممممحة لكن م اسمح منك يا بنتي 😂
وبرضو نفس حركات سوزان .... مفلهمه كدي ومتعنطزة ورايدة نفسها ..... غايتو بس التقول ماف غيرها بنت سمحه في الدنيا دي .
فداء وهي بتقعد في كرسي الصفره : دا شي عجيب دا .
_ كدي ناوليني الكبابي دي اشفطها سريع سريع واجي افرجك على البيت
_ اي يكون احسن .
عزيزة غسلت العدة ونشفت يدينها في قميصها وساقت معاها فداء في رحلة حول المنزل ..... فتحت الشبابيك كلها البيت كلو بقا منور .... ظهر شكلو الجميل .
عزيزة : طبعا البيت دا قديم شديد.... زمان اهل سوزان اول م جو من بلاد الخواجات دي .... بنو البيت دا وعاشو فيه زي ٥ سنوات كدا وبعدها رحلو منو ..... وهي لامن اتزوجت جات مع راجلها وسكنت فيهو ..... طبعا المرحوم عمل اضافات للبيت خلتو يكون بالشكل دا .
هو طابقين .... الطابق الفوق دا بجهزو فيه للولد عشان لمن يعرس يسكن فيه .... لكن هسه مقفول وهو مانع اي زول يدخلو .... الطابق التحت دا ياهو الفيه الاوض ........ اوضة سوزان ...... واوضة ولدها وجوه اوضتو في باب تاني لكن محذر انو زول يفتحو ...بنضف ليه الاوضة بس لكن الباب التاني دا م بفتحو ....... بقول هسه يا عزيزة كان فتحتي تقومي تلقي ليك قفص اسد ولا مصيبة زمان 😂😂😂😂..... ( فظيعهة يا عزيزة الفولة م بتتبل في بؤك 🙂)
وتاني في ٤ اوض ... انتي هسه قاعدة في واحدة والثلاثة الباقيات مقفلات وعادة بيفتحوهم لي صحباة سوزان لمن يجن ...
اما تحت فياهو في صالتين وصالون ومطبخ كدي انجليزي ..... وفي شرفة كدي كبيره فاتحه على الجونينه البره دي .
طلعو من باب المدخل ونزلو بي مدرجات لي تحت .... بي جاي في اشجار ليمون ونخيل .... عاد الليمون دا لمن يقوم كدي ويلدي بمرقو الليمون دا بالكراتين ويودو السوق ..... والعجب التمر .... وعندهم بي ورا تلاته شدرات هيلات منقا
الجو كان جمييييييل ومغيم وعزيزة ماشا وتوصف وفداء وراها تتلفت .... فجأة يسمعو ليك الكلاب تنبح قدرررررتها .
فداء اتهجمت ونطرت عيونها ..... عزيزة بضحكة م تخافي يا بنتي بس عشان م متعودة عليك هي مرات في سيدها بتنبح ....
فداء : دي كلاب ولا دي ولا عجول 😳....ماشاء الله
_ 😂😂😂😂😂😂😂😂😂 اي كلاب هزبر بوليسيات وماكنااااااات .... الكلب الا يربطو بالجنزيرة القوي داك .
_ ولي دا كلو يعني 😳
_ هو شغال ف الجيش عاد بريد المصايب دي زي عيونو 😂😂😂
_ اي واضح 😂
مشت ودتها الاسطبل .
فداء : الله احصنه 😍
_ عاد يا بنتي بريد احصنتو دي ريد ..... موبااااالغه اليوم كلو يسايس فيهن ويمشي فيهن ويأكلهن ..... زي ابو الله يرحمو .
_ الله يرحمو .
( اظن لي عزيزة دي زاتا منبرشة في هزبر دا تشيل وتتكلم بيه 🌚💔)
المهم تابعو جولتهم ولفلفو البيت كلو....وفي النهاية دخلو جوه .
____________________________________
في الجامعه :
دينا كانت قاعده مستكينه كدا براها وبتعاين للناس 🌚.... فجأة كريم جاها .
_ دينا
رفعت راسها عاينت .... اتمطقت بي عدم موضوع كدا ورجعت تعاين للناس .... كريم استغرب من ردة فعلها طبعا ادتني احساس الضفدع دا (🐸)
😂😂😂😂😂
_ دينا انتي كويسة ؟
_ شايفني بمعط في شعري ولا بشرط في هدومي ولا حاجه زي دي لاسمح الله 🐸
_ لا بس يعني .... حسيت بيك شوية غريبة
_ لا يا مان م تشيل لي هم 🐸..... عايز حاجه 🐸؟
_ ممممممممممم كنت عايز استشيرك في موضوع كدا يعني .
_ كلي اذن صاغية 🐸
كريم اتمحرك شوية كدا قبل م يقول ليها : عايني بما انك صحبتي وكدا يعني
_ احكي 🐸
_ صراحة كدا انا شكلي بحب ملاذ
_ 😳
طبعا دينا كانت عايزة تقول ليه ( يعني هسه جامعتنا دي وبالالاف المؤلفه الفيها دي م لقيت غير ملاذ الكريهة دي .... م لقيت غير البتقدل والفاكه شعرا السنه كلها دي ..... بنت بتجي من الصباح خاتا رطل فاونديشن ومن فوقو رطل بدره وتلاته عبوات روج هزار كبدي .... طلعت بيه ميتيشنا لمن كرهناه زاتو احححححححي انا م لقيت غيرها ..... بنت اسنانا دي م بتظهر الا للأولاد اما احنا البنات فلنا التكشير وصرة الوش والجحيم زاتو ..... لا خلت اولاد بلياردو ولا خلت اولاد جبنه من ضل لي ضل .... واولاد الجامعه ديل كلهم زي اخوانا ..... اي شي دا زي اخوي .... الخوخه التقلع ضروسها هي وانت معاها بعيونك السمحه دي )
لكن بالمقابل قالت ليه : اه .... بالله ؟ كوبس والله ... هي زاتا بنت .... ك.....كيوت وكدا
_ مش ؟
( يمش اترك🙂)
_ اي اي
_ اها انا م عارف اعترف ليها كيف ؟
_ العارفاه انها مرتبطه بي واحد من السناير وكدا
_ لا لا سابو بعض .... امبارح حصلت مشكله بيناتهم ولقيتها منهاره وبتبكي وكدا ومشيت معاها
_ اه عشان كدا نسيتني 🙂
_ اي ياخ .... لكن والله م كان قصدي بس انشغلت بيها وكدا 😔
_ لا لا اصلا عادي اتعودت 🙂
_ يلا حوريك الحصل امس شنو
