ظلام حالك .... اصوات اقدام تتحرك ببطئ بين شجيرات جافه .... كانت تمطر بهدوء .... لم يخفى عليها انها كانت خائفه حتى ولو انها كانت تجهل ماهية مشاعرها في هذه اللحظات ... صرخت بصوت عالي لذلك اللذي يمشي امامها ولم يلتفت لها حتى لترى وجهه سألته بصوت باكي : انت موديني وين ؟
اجابها بصوت غريب عليها ولكنه يحمل امانا بطريقة غريبة : بس امشي .
تلفتت حولها في حيره وتابعته .... تابعته لمسافة حتى شعرت بتعب شديد جعلها تتوقف عن السير .
علا صوت ذلك المجهول مره اخرى وهو يقول : ما تستسلمي ... لازم تتابعي قربتي توصلي .
علا صوت بكاءها ولم تستطع التحرك ... احست به وهو يمسكها من طرف يدها برفق .... شعرت بدهشة كيف احتاز كل هذه المسافه التي كانت بينهما ولكنها لم تتحدث فقط تابعته وهو لايزاك يمسك بيدها ويتحرك ... الى ان وصل الى مكان مليئ بالانوار التى جهرت عيناها ... صاحت وهي تسأله اين انا كانت تريد جوابا فقط لكنه اختفى ... اختفى ليتركها وحيدة ... فجأة علت الاصوات وتداخلت عليها وقليلا بدأت تشعر وكأنها تنتقل من ذلك العالم الى عالم اخر ... من بين كل الاصوات استطاعت تمييز صوت وهو يردد : لا حول ولاقوة الا بالله ... لا حول ولا قوة الا بالله .
قليلا حتى فتحت عيناها لتجد اخيها ووالدتها وبعض الاطباء وهم يحيطونها وينظرون لها بقلق بالغ .
_ دا شنو ؟ انا وين ؟
رائد وهو بيتنفس بارتياح : الف حمدلله على سلامتك يا فداء .
_ انا وين ؟
_ في المستشفى
عاينت حولها عشان تتأكد من كلامو ولاحظة لعبوة الدم الموصلنها ليها .
_ انا الجابني هنا شنو ؟
شادية : والله يا بنتي مسافة بس طلعت عشان اجيب حاجات الشهر ... جست راجعه لقيت القزاز مشتت وانتي مرمية وكلك دم ... والبت الشغاله لقيتها مافيشة .
رائد للدكتور الواقف جمبو : وضعها بيسمح ليها انها تستجوب ؟
الدكتور : اي ممكن .
رائد : فداء في واحد من ناس الشرطي بره حيسألك الحصل شنو عشان يقدر يساعدنا في انو نلقى العمل فيك كدا .
فداء : طيب .
فجأة الباب دقا .
رائد : اتفضل .
وجا داخل هزبر ( 💗🌚)
فداء : دا منو كمان 🙂
رائد : فداء دا الجا معاك المره الفاتت المستشفى وضرب يطمن عليك وريتو بالحصل وجا .
فداء : اهلا .
هزبر : حمدلله على سلامتك
_ الله يسلمك يا اخوي
شوية كدا جا داخل الشرطة وبدا يتكلم معاها .
_ ممكن تحكي لي الحصل شنو ؟
فداء وهي بتعاين لي امها : كنت نايمه ... وصحيت بصوت امي وهي بتقزل طالعه تجيب حاجات الشهر وجايا ...بعد شوية كدا سمعت صوت الباب حق الثاله انفتح واتقفل ... اتوقعتها امي وكنت مستنياها تتكلم لكن ما سمعت صوت ودي ما من عاداتها ... ما عارفة لي حسيت انو في شي غريب خلاني اطلع الصاله وبعدها .
...... سكتت لمسافه طويلة حتن تابعت كلامها .....بعدها لقيتها واقفة في الصاله .... كانت بنت .... لابسة هدوم سوداء ولابسة حاجة كدا زي الكمامه لكن برضو سوداء ..... كان عيونها مخيفه شديد وبتعاين لي وما بترمش ..... لمن سألتها انتي منو مسكتني مت يدي ولوتها لي لمن قعدت في الارض من الالم .... ورفعتني وضغطت على وشي شديد وفي النهاية لمن حالوت الزها مني خنقتني ولزتني في الواطه .... اخر شي متذكراه شكلها وهي جايا علي بطريقة مخيفة .
لمن خلصت كلامها لقتهم كلهم بعاينو ليها كدا 😳 بي خلعه واستغراب .
شادية وهي بتتمتم يعني دي م البت الشغالة ؟
فداء : لا لا ... ما هي ... دي واحدة اول مرة اشوفها اصلا .
الشرطي وهو بتسائل: لكن لي البنت الشغاله اختفت .
دا شي بيخت الشبهة عليها .
رائد : اكيد البنت دي تكون تبع واحدة من العصابات البتسرق البيوت .
فداء : لا .... م اعتقد
الشرطي : لي ؟
فداء : لانو قالت لي جمله كدا غريبة وبصوت هامس ...... صوت هامس وكلو تهيد
_ قالت شنو ؟
_ قالت لي انتي قايله نفسك بتلعبي على منو ؟
النظرات المستغربة والمذهولة رجعت تاني .
الشرطي وهو بيقيف : في شي تاني عايزه تقوليه ؟
_ لا
_ طيب شكرا ليك ... وان شاء الله نقدر نتوصل للعملت كدا دي.... وربنا يكتب السلامه ان شاء الله .
_ شكرا ليك .
طلع الشرطي وخلاها مع اهلها وهزبر .
شادية : بري غايتو البلد دي بقت صعبه الزول جوه بيتو م يسلم .
هزبر استأذن منهم وطلب من رائد يطلع معاهو بعد م ودع فداء .
هزبر : خلي بالك منها ... انا ما عايز اخوفك لكن باين انو في جهة متعرضة ليها وقد تكون حياتها في خطر ... خليك معاها وماف زول منكم يخليها براها ... يعني حادثتين وفي وقت قريب م شي طبيعي .
رائد : شنو يا هزبر ياخ م تخوفني عليها
_ دي الحقيقه ... خلي بالك منها ....وانا برضو حأمن ليها المكان واخليه مراقب عشان م يحصل شي
_ م بتقصر ... وان شاء الله ما يحصل الا خير
_ ان شاء الله ...... يلا عن اذنك
_ اتفضل
طلع من المستشفى واي حاجه اتقالت قدامو حفظها وبدا يفكر في الحصل دا .
____________________________________
في الجامعه كريم و دينا كانو قاعدين مع بعض بعد ما شالو الجدول حقهم .....
دينا من البداية اتعرفت ليها على بنات ... لكن كريم م اتعرف على اي زول بس كان قاعد ويعاين للناس .... لمن دينا شافتو قاعد براهو حنت عليه وقعدت معاه... وياهو بقو يتونسو مع بعض ويحكو لوقت طويل ....في النعايو لمن لقو انو ماف شي في الجامعه قررو يرجعو .
كريم : ترجعي معاي بالمواصلات ؟
دينا : المواصلات 😳؟ خالتو مها ( امو ) قالت حتجي تسوقنا
_ تجي تسوقنا لي ياخ شفع احنا ؟؟؟ خلاص بقينا ناس جامعه خلينا نركب المواصلات ولو م عايزة خلاص نستناها .
_ انت عايز تركب ؟
_ اي
_ بتعرف تركب المواصلات 😅؟
_ لي م بعرف 😌... قايلاني دينا 😂😝
ضحكت وهي بتضربو بطرف يدها وقامو .... الجو كان حلوووو ومغيم ... وقفو مسافة لحدي م مواصلاتهم جات ... كانت ركبه واحدة ... المهم ركبو في الكرسيين الورا الكرسي الجمب السواق ...
دينا كانت قاعدة جمب الشباك وهو لي بره وطول الطريق هم بيتونسو ويضحكو .
لمن وصلو محطتهم الاتنين في نفس الوقت اي واحد عمل حركة .... كريم طقطق ( طبعا الطقطيق دا محرج خلاص 🌚.... والعجب البقولو سسسسسسسسس ديل م عارفة بسووها كيف )
ودينا بصوت عالي : لو سمحت يا عمو وقف هنا .... طبعا السواق قبل عليها عشان يشوف البتقول لو سمحت ويا عمو دي منو .
كريم نزل قبليها وهو بيضحك .
دينا : بتضحك لي 😅💔
_ لو سمحت يا عمو دي شنو ؟ 😂
_ 🙁 م عارفة يعني المهم بس عشات يوقف لينا
_ ايييييك انتي شكلك لسا مبتدأة وكدا لكن م مشكله بتتعلمي 😂 ( الليلة بتقول لو سمحت يا عمو وقف .... بكره بتنط والحافلة متحركه وحتشاكل الكمساري في جنيه 🌚💔)
_ ان شاء الله
_ يلا الدرس الاول لو وصلتي محطتك بتطقطقي
_ ولو م وقف ؟
_ بشري ليهو عديل 😂... مصيرو يقيف يعني مصيرو يقيف
_ طيب المره الجاية 😂
كانو ماشين سوا لحدي م وصلو جمب بيوتهم لقو امل واااقفة براك وشايلة ليها خيارة في يدها وتكوضم ... اول ما شافتهم قالت بصوت عالي : هياااا ناس الجامعه 😆 ماشاء الله ماشاء الله .
جو الاتنين سلمو عليها 😂.... وقفت دقت معاهم الونسه طوييييل وبعدها اي ناس دخلو بيتهم .... دينا دخلت اوضتتها وهي فررررررحانه فرح ما فاضل ليها الا تطير من السعادة .... امل جاتها منكشحه : اها يا فلانه اليوم كيف ... عرفتي ليكي اولاد ؟ 🙊
دينا وهي بتطلع طرحتها : يا بتي اولاد شنو كدي قولي بسم الله انا متين نزلتي ... عرفت لي كم بنت كدا وخلاص
_ م مشكله بكره بتعرفي 🙊
_ كويس 😂
_ اها الجامعه حلوة ؟
_ اي
_ عاد اجتهدي وشدي حيلك فرحينا شوية
_ ان شاء الله .
بعد م امل طلعت رقدت في السرير وبقت بتعاين للسقف وهي مبتمسه وبتتذكر في ونستها مع كريم ومشيهم سوا 😍
__________________________________
علا صوت طلقات الرصاص المزعج ... كانا يقفان بصلابه وهما مرتديات لعوازل الصوت .... بدا ماهران جدا في تصويب الرصاص بدقه على الصور والمجسمات الموضوعه امامهما .
ما ان انتهيا من رمي الرصاص حتى ابعدا عوازل الصوت من اذنيهما ثم وضعا المسدسات على طاولة موضوعه بالقرب منهما .
بدا احدهما مشاكسا وهو يضحك بصوت عالي : الليلة انا احسن منك 😌
هزبر وهو بعاين ليه : كويس في تحسن
_ الليلة يومنا حيكون طويل
_ جدا ... جدا
_ طيب هسه الخطه الوريتني ليها دي وضعها منو ؟
_ انا
_ في زول ساعدك ؟
_ لا
_ اكيد م حيساعدوك ولا حيقولو ليك عليها حاجه عشان ماف يوم وضعت خطه الا ونجحت
_ دا بفضل الله .
_ ونعم بالله
تابعو مشيهم في المكان البتدربو فيه
يوسف : صاحب هزبر من الطفولة ... اتربو الاتنين على نفس المبادئ لانهم الاتنين كانو ابناء ضباط برتب عاليه في الجيش ... تم اختيارهم الاتنين للعمل في المخابرات ... وممكن نقول يوسف يد هزبر اليمين .... وعادة بيشتغلو سوا هم الاتنين اتلقو تدريبات جباره جدا وقوية وطويلة كانت سبب في انهم يبقو ماهرين ومتمرسين كدا .
يوسف مختلف عن هزبر في انو شوية بتاع هظار بعكس صحبو الجاد .
_________________________________
( صلو على رسول الله 💜)
في مكان تاني :
كان قاعد ورا مكتب ضخم ومعاهو راجلين .... مسك سيجارة كولومبيه كبيره وفضل يدخن بيها بشراهة .... اتكلم بصون اجش : الليلة حيتم تسليم اول شحنه من الاسلحه .
_ م اعتقد حيسكتو لينا كثير خصوصا بعد م تم قتل الظابط الكان متولي القضيه
ضحك بصوت عالي وهو بيقول : لا .... م اعتقد .... العارفو انو اكيد حيسلمو الموضوع دا لظابط اشطر شويتين ... لكن انا برضو عامل حسابي .... عندي الورقة الرابحه ... مجهود سنة ونص ... واخيرا قدرت اطلعها للنور .
اي شي متعلماهو ... ومش تعليم وبس تعليم بي اتقان .
اسلحة فنون دفاع عن النفس كلو ... كلو متعلماه .
_ بنت ؟
علا صوت ضحكو : اكيد انت هسه مستغرب بنت ضد مخابرات وضباط ؟ لكن صدقني دي م اي بنت .... عبارة عن كائن متوحش في هيئة انثوية .
_ عموما انت ماف خوف عليك .... اهم شي عندي كل الصفقات تتم وبنجاح .
_ ودا الحيحيصل 😏
_ ممتاز ...... ممتاز جدا جدا
____________________________________________
مر اسبوع .... كان بالنسبة لي فداء واهلها زي الكابوس وهم خايفين وم حاسين بالامان ... بعد الحصل لبتهم .... وضباطنا شغالين بي كل طاقتهم تخطيط وتدريب وكل شي وبي سرية تامه وجهزو فرقهم واحتياطاتهم وكل شي محتاجين ليه .
اما اصحابنا داليا وكريم .... فكانو عايشين البهجه في الجامعه ... ودايما بكونو قاعدين مع بعض لدرجة زمايلهم بدو يقولو انهم مرتبطين .
اكان صباح اليوم عادي جدا ... في الجامعه كريم وداليا كانو قاعدين في الكفتريا وبفطرو فجأة كدا جات داخله بنت .... تقريبا معظم الناس بقو بعاينو ليها ... داليا كانت بتتكلم مع كريم لاحظت ليه بقا م مركز معاها فوجهت نظرها على الجهة البعاين ليها .... البنت بتديك احساس انها ماشا بالحركه البطيئة وشغالة خلفية الغنيه حقت onnnnnly yoooooooou
كانت نوع البنات اللونهم شاي بلبن ديلك 😆😂.... عاملة شعرها ضنب حصان والطرحة واقعة في كتافينها .... ظابطة الايلاينر ظبطة عجيبة وعامله روج كبدي فاتح .... لابسة شنطة ضهر صغيرة كدا فسفورية وجزمة رياضية فسفورية وساعة يد دهبية ( احنا كتر خيرنا بنستحم بالصباح 🙂) ... وتقريبا كدا م بتمشي زي الناس بتقدل قدل .... دخلت ووراها صحباتها وقعدو جمب ناس دينا .
طبعا دينا لاحظت لي نظرات كريم .... كل شوية بعاين ليها ... وهي بتتكلم معاهو طويل وبيكتفي ليها بي اه ؟ اه الاستفهاميه ديك 😂
وطبعا دا اسوأ شعور بالنسبة لي اي بنت ... لمن الكراش الحقير الحلو تلاحظي ليه مركز مع واحدة تانيه .... وطبعا دينا كانت نوع البنات المافايرات .... بتتحجب بي طرحتها ... وبتعمل روج هادئ وخلاص .
بعد ما خلصو فطورهم قامو لانو كان عندهم محاضره .... والبنت و شلتها قامو وراهم ... المهم دخلو القاعه والبنت طلعت معاهم في نفس الكلية .... داليا قعدت جمب زميلاتها ... وكريم كان واقف جمب باب القاعه وبتكلم مع واحد صحبو : اسمعني ... البنت القاعده هناك دي اسمها منو ؟
_ ياتا دي ؟
القاعدة في الببنش الثالث دي .
_ قصدك ملاذ ؟
_ اسمها ملاذ ؟
_ اي .
_ اها ودي حنكها شنو ؟
_ 😂😂😂😂😂😂 شنو يامان عجبتك ولا شنو ؟
_ تعجبني شنو ياه انت عوير بس .. يعني شكلها م غريب علي .
_ يا مان دي مجهجهة الجماعه كلهم
_ اها ؟
_ بس ... لكن شكلها كدا ما هينه
_ كيف ؟
_ الاولاد كلهم بعرفوها .
_ اهااااا
دينا كانت خاتا دفتر قداما وبتشخبط فيهو بي قلمها بتوتر وكل م تتذكر نظرات كريم ليها بتشخبط بي غيظ اكثر .
البنت القاعده جمبها اسمها رهام لاحظت لي حركتها : دا شنو البتسوي فيه دا ؟
الدفتر قال الرووووب
_ ها ؟
_ بتشخبطي في الدفتر كدا ليه ؟
دينا عاينت لي دفترها قبل م تبتسم بي توتر وتقفلو : م كنت منتبهة لنفسي
رهام بي ضحكة : اي واضح 😂😂😂
قفلت دفترها وشالت نفس عميق وهي بتهز ف راسها عشان تنسى الحصل .
شوية كدا المحاضر جا ..... بعد ساعة ونص طلع وكان عندهم محاضره تانيه بعد ربع ساعه .
الولد الكان بتكلم مع كريم جاهو تاني : اسمعني ماشين شارع النيل تجي معانا ؟
_ لا لا ياخ ف محاضره تاني بعد ربع ساعه بس
الولد ضحك بصوت عالي : يا زول محاضرة شنو وعوارة شنو شوف ليك اي زول يتندس ليك وخلاص ... وبعدين المزة القبيل العجبتك ماشا معانا
_ ملاذ 🙊💜
_ اي 😂
_ ارح طوالي .
دينا كانت قاعدة في البينش ومركزة مع تلفونها ... حست بيهو وهو بينط ويقعد قدامها ... جر منها التلفون باستهبال : فيهو شنو نازلة فيهو قدر دا 😈
ضحكت وهي بتجرو : ولا شي
_ اسمعيني ... تجي معاي شارع النيل ؟
_ شارع نيل شنو كمان عندنا محاضره
_ ياخ بتتجازف بنلقى لينا زول يتندس لينا
_ اججججججي يا كريم من البداية كدا ؟؟؟ احسن تقعد وتحضر .
_ ياخ ارح عليك الله والله حيكون الحو رهيب
_ لا لا
_ دندون عك الله ☹
_ انا م جيت عشان امشي شارع النيل لكن 🙂
_ ياخ دي شنو حركات الحفارين دي 😂... خلاص خليك لكن ممكن تتندسي لي ؟
_ ......................
_ ممكن ☹؟
_ خلاص تمام
_ ياخ اودييييييك وين انا ؟ وريني بس اوديك وين
_ خلاص بطل كسير تلج 😂
_ تمام يا صحبتي ... يلا عن اذنك 😂
تابعتو بعيونها وهو طالع ....قبل م تهز راسها وترجع لتلفونها ....
رهام جات قعدت جمبها : اححححي انا يا اخواني نعسانه نعاس متين ارجع البيت وانوم .
_ انتي دايما في الحاله دي 🙂؟
_ كدي سيبك مني ياختي لي م مشيتي مع حبيبك شارع النيل ... عايزة ملاذ وقطيعها يشلبوك 😂
_ دقيقة دقيقة حبيبي منو 😳
_ كريم 😉
_ يا بت انتي غبيه ؟ 😂😂😂حبيبي شنو كمان دا ود جيرانه وخلاص وصحبي من كنا في سنه تامن وماف بيناتنا اي شششششي .
_ اججججججي 😳.... عاد الناس كلهم قالو كدا 😂
_ م عندهم موضوع بس ... وبعدين ملاذ دي منو ؟
_ بيييييس على ملاذ ما بدووووورها ... دي المكسره اولاد الدفعهة كلهم البتلبس اسكيرتات فنايلي وبتتقدل دي .
_ اهااااا الكانت عامله ضنب حصاني دي ؟
_ اي
_ ومالك معاها
_ مفتررررررية كدا كانو يا دنيا مافيك الا انا .... كانت بتقرا معاي في الثانوي قهوووووورة 😑....
نوع البيجو من الاساس محجبات ديلك وبيتفكو ف الثانوي 😂😂😂😂.
_ هو مشا معاهم ؟
_ اي م شفتيه ؟
_ لا لا
_ شفتي دا لو بارا الجماعه بتاعين الطلعات ديل بخم ويصر .
_ دا شي راجع ليهو هو م لينا دعوة ... كدي ارح نراجع للمحاضر الجايه عشان المحاضر لو سأل م يلقانا م ناقشين حنانا 😂
_ اي اخير لينا 😂
راجعو مراجعتهم وحضرو المخاضره ودينا تندست لي كريم ... ودوامهم خلص والترحيل جا وكريم ما جا ... ركبت ترحيلها ورجعت البيت ..اخدت دش ورقدت ف سريرها وبقت بتفكر فب ملاذ دي وبتتذكر في نظرات كريم ليها .
__________________________________________
الساعة ١ صباحا :
وقفت شاحنات ضخمه والعمال بدو بحركة دؤوبة يطلعو في الكراتين المغلفة وينقلوها للمخازن .... بين العمال ظهر عامل منحني الظهر الشيب غزا دقنو وراسو ...وكان بتحرك ببطئ شوية ... صرخ فيه واحد من الناس البراقبو ونعتو بي الفاظ قبيحه ومستفزة .... اتجاهل كلامو وبقا بدخل في الكراتين ....
فوق سلم حديدي وقف راجل ظهر الاجرام في وشو وهو بتكلم بالتلفون : ايوه يا باشا ... كلو ماشي تمام م تشيل اي هم .
دخل مكتبو وقفل الباب .... اذا به فجأة يلقا الراجل العجوز جوه .
صرخ فيه بوقاحه : يا زول انت الدخلك هنا شنو .
شوية شعر بخوف لمن لاحظ لي نظرات الشائب القوية ليهو .... وشوية انحناء ظهرو استقام وبقا واقف كانو زول شاب .
الراجل براحة حاول يطلع مسدسو ... وفجأة اذا بالعجوز يركلو في يدو والمسدس يقع وبي سرعه ومهارة شات المسدس وضرب طرف راس الراجل بالحيطه الوراه وفي ثواني وقع وهو مغمى عليه .
الحلقة الثالثه
