أسمي بُشري عمري 18 سنـة شهادة ثـانويـة ، حلمي نكـون مُهندسة ونبني مُستقبلي ، ملامحي بريئـة شعري طـويل لونـه عسلي فمي صغير شويـا ومعبي طولي متوسط وجسمي برضو متوسـط بس طفوليـة زيادة عن اللزوم 🤦🏻♀️😅ولساني طويل بس طيبة ورغم كل شيء ابتسامتي ديما في وجهي اكيد تبـو تعرفو اعلاش قلـت رغم كُـل شيء ! اني حياتي مش زيّ مُعظم البنـات ماما وبابا كانو ديما مشـاكل ف طلقها وخدي مرا تانيـة وخداني معاه وماما من يومها مش عارفة عليها شي وبعد مُـدة سافر وخـلانـا ! واني مش معترف بيا بكل ، بس مرت بابا معوضتني ع كل شي ! اكيد استغربتـو ! بس هـدا الـواقع ❤️ بعد ماخـلانا بابا حالتنا المـادية تحت الصفـر مرت بابا كانت تشتغل " شغالـة " في ڤيلة ناس معروفـة ، ف حوشنا مش موهيئ لسكن نهائياً ف أطرينا نعيشو معاهـم ب نفس الحـوش ونشتغلو في نفس الـوقت 🔥! مش قـادرة نعزم صحباتي ولا نمشي للمناسبات ولا للأفـراح لأن ببساطة ماعنديش شن نلبس ولا عندي مكان نستقبل فيـهـ صحباتي ☺️ مرت بابا أسمها سُهيلة 💕
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
_______________
نمشو لـ معتـصم ♥️🙈 مش حـ نحكيلكم كيف شكلله عـدداب 🤤 كان يشبـه لـ عيسى المـرزوق كأنه نسسخة ، وجسمه كان كله عضـلات وكان عنده غمازة في خده اليسار ، والأحلى من هـدا أنـهه عسكگـري !🤤 عمـره 25 بس ولا مـرة دارلي إعتبـار وسمعت أنه يحب وحدة تانيـة 🙂😅
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
__________ نعرفكـم على عيللتـه ! ✨ أمـه عزيزة عمرها 55 سنة بوه شُكري عمره 60 سنة أختـه مُنى نديدتي وتقـرا معاي وتشبه لمعتصم شوي خـوه مازن عمره 21 جوه حلو بكـل ويعامل فيا زي اخته خـوه الأكبر أمجد عمره 30 متزوج وعندها بنت اسمها ملاك عمرها سنة تتهبل 🔥❤️ مرتـه نجوى عمرها 28 طيبة وحلـوة
___________
نضـت السـاعة 6 خشيت للحمام أكرمكم الله غسلت وجهي وسناني وتوضيت ، طلعت صليت الفجر وركبت فـوق عندهم القيت عمو شكري وعمتي عزيزة نايضين صبحت عليهم ودرت لفـة ع الحـوش وتيتلها العـالة والفطـور كملت الساعة 7:30 نزلت بـدلت ع السـريع كانو عندي إمتحانات النهائية وكنت مـتوثـرة بكل سهيلة : ربي يسهلك ي بنتي اني والكتاب في يديّ : ادعيلي ي ماما " كنت عندها من واني صغيرة ونعتبر فيها ماما مش مرت بوي " طلعت من البـاب نادتني منـى : بُشرى فطرتي ؟ اني : لا صحة خايفة نتأخر منى : تعالي نفطرو هي بلاش عناد بعدين تمشي معانا اني خفت لان ماما قالتلي مهما يصير ماتجيش شور لولاد : من ح يوصلك ؟ منى : مش عارفة اكيد بابا هي تعالي اني بخوف : تمام وركبت فوق كنت اول مرة نقعمز معاهم كنت جيعانة بس كنت ناكل ع مهلي !🤦🏻♀️ وكان مقابلني معتصم كان لابس فانيليـة سـودة وسروال عسكري وطاقية سودة معتصم : بويّ انا ماشي لمنطقة بعيـدة ومش حنجي هلبا الفتـرة هادي كيف م انتَ عارف اني مراقب شكري : ماتكسرليش ضهري ي ولدي بفراقك معتصم : الروح وحـدة ي بوي لو مكتوبلي نعيش حـ نعيش لو مكتوبلي نموت حـ نموت ولو كنت في حضن أمـي ونـاض باس راس بوه وامه بدت تبكي وتدعي ربي يحفظه رفع سلاحه وكان طالع شكري : وصل البنات ف طريقك اني تعبان معتصم تنهد وشبح لـ منى بعصبية : بسرعة منى خاف وقامت شنطتها وطلعت ركبت في السيارة ومشو بس شكلهم انسوني ولا متعمد يديرها ! 💔 وجعني خاطري وكل الطريق واني نبكي وكان فيه مطر خفيف كنت خايفة ونرجف وفي يدي كتابي
____ منى : حييي معتصم معتصم بدون مايشبحلها : شني ! منى : البنية انسيناها معتصم : عادي تمشي على رجليها منى : معتصم حرام عليك معتصم : فمك صكريه ! منى لصقت ف الكرسي وسكتت ! ووصلو للمدرسة منى نزلت وصكرت البـاب بس مُعتصم ضميره قعـد يأنب فيه زعما غلط الي درته ! تمشي على رجليها شن فيها يعني ! معتصم كان عصبيي و واعر وكانو أغلب الناس الي يعرفهم يلقبو فيه الهيبة ! وكان يحب وحدة مـووت رغم ان يكره البنات بس هادي يحبها ! بس هي تحب فلوسه شوي ولف السيارة وقرر يشوف وينها قعد يدور لين القاني معتصم زفر : انتي هيه تعالي اني كنت نرعش ونبكي خايفة يفوت اعليا الإمتحان وكان اخر امتحان ومش قارية كويس لاني كنت مريضـة اني : لا نمشي بروحي عادي معتصم : قلت تعالي اني الناس يشبحولنا اني مشيت وركبت شووي ووصلنا مشيت جري للمدرسة ولقيت الإمتحان كيف بادي شبحت لمنى وماعدلتش اعليها وبديت نجاوب والحمدلله جاوبت ! ❤️ لميت ادواتي وسلمت ورقتي وطلعت جتني منى تجري : سامحيني والله نسيتك مش متعودة تركبي معانا هدا اعلاش مشي من بالي سامحيني ي وخيتي اني ابتسمت : خلاص حصل خير ☺️ منى حضنتني : نجيك ليا ❤️ اني : تعالي ناخدو سندوتشات جيعانة مشيت نجري ومنى تحلق فيا : استنيني خيرك
