مساء الـ🥀ـورد والعافيه لأحلى المتابعين
اسئله متكرره حول قصه (ابي والغزلان )
كم بارت القصه ؟
حسب الاحداث ولكن القصه مستمره احداثها ليومنا هذا بس كم بارت غير معلوم
ليش متغيرين وقت النشر ساعه ٩ او ١٠ لان شتاء والليل طويل ؟
حقكم واعرف اكثركم عدها التزامات وطلاب ودراسه لكن اني كذلك اغلبكم يعرف اني موظفه رجوعي ساعه ٣ ظهراً بين البيت والغدا ومسؤولياتي مااكمل لل٥ العصر وبعدها اكعد اكتب جره وحده والبارت الواحد ياخذ مني من ٦ الى ٧ ساعات كتابه لهذا ماالحك اكمل البارت اذا اقدم الوقت ولو اكدر كان من عيوني
منو يتابع القصه من الابطال ؟
الغزلان كلهم بلكروب 😁
هل القصه حقيقيه ؟ ومن منو اخذتيها ؟
القصه حقيقيه وصلت عن طريق اكثر من بطله ٥ اشخاص رغم اكو بطله شلعت قلبي يله قبلت وهي كانت سبب تأخير تنزيل القصه الْحٍمَدٍ للـّہ من قبلت 😆 واذكرهم بعد انتهاء القصه
اعمارهم ؟
كل غزاله انولدت ذكرت تاريخ ولادتها بلبارتات حتى طه ذاكره ولادته بدايه القصه ارجو الانتباه على التواريخ والاعمار عند القراءه
ليش لحد اليوم منازل صور مقربه ومشابهه للابطال الحقيقين ؟
لان الصور الي شفتهم اشكالهم الحقيقيه اقصد كلهم خلال هاي الفتره يعني مو صورهم القديمه لان مع الاسف الصور القديمه كلها احتركت ويه البيت اضافه ميصير انزل صور مشابهه للغزلان وهم بعدهم صغار الافضل تعتمدون على خيالكم وكل واحد يتخيل من يقرا لحين ميكبرون الغزلان وانزل شبيهاتهم
اما سجاد شفت اكثر من صوره لكن حديثات مو بلتسعينات وحالياً القصه تتكلم عن التسعينات يصير اختلاف بنقل الحدث وكذلك يختلف شكله بسبب العمر
لهذا بمرور الاحداث ان شاء الله انزل
شلون اذا توقف النت والقصه ؟
والله حالي حالك حسب الاوضاع واعتقد حتى بهاي طه وغزلانه ماعدهن حظ حتى من نشرت القصه العراق انگلب 😂
ليش متنزلين بارتين بليوم ؟
الله وايدكم اخذولي اجازه من مديري وادللو 😁
والله لو اكدر جان سويتها بس يومياً مثل مذكرت فوك ☝️ عدد ساعات الكتابه من ٦ الى ٧ وانتهي والله من التعب لو اكدر مااقصر
ليش متختصرين كلام الاطفال ومواقفهم وبس احداث ومواقف نريد ؟
اختصار مااختصر وهذا الشى نوهت عنه بدايه القصه وهي قصه مو معركه ولا سباق
يعني التفاصيل الصغيره والمواقف البسيطه لازم تتواجد بلقصه واله بهيج مراح تكون قصه راح يكون كلام ومواقف وبس وتفقد روعتها مااكرر الغلط الي غلطته بسجينه الروح من استعجلت الاحداث بالاخير وبعدها طلبتو اخبار الابطال لهذا اي اختصار مااختصر حبايب رغم اني لاغيه كثير من اليوميات الاكل والطلعات وشغل البيت
لكن اكو امور لازم ماالغيها حتى تبقى قصه الها طعمها ومتعتها
