• ياصاحبي المجروح من ما جرالك
• يؤسفني ما سوا الزمان بظنونك
• بعض اصدقاك اللي تشابه ظلالك
• بالصبح معك وبالمسا يتركونك
• صداقة اللي كيفك وكيف حالك !
• ان ما يضرونك ما هم ينفعونك
• احفظ احاسيسك ووفر حلالك
• حتى لو انك تحبهم يكرهونك
• لا تغرك الجمعات لا زاد مالك
• والله لو انك اطيح ما يقربونك
• حاول تفكر بس باللي جرالك
• وصدقني تصدق لا شافت عيونك
• لا تحسبنهم خيريين بخيالك
• لو كان فيهم خير ما يجرحونك
• لو صادقوك وصادقين بوصالك
• ماصادقوك وهم ما يصدقونك
• لكنهم يبغون حاجه خلالك
• واليا خذوها منك بيتركونك
• يرمونك ب ادهى الخطط والمهالك
• من خوفهم منك يبا يخوفونك ّ
• ولو شككوك بقدرتك واحتمالك
• لا تستمع ما تعزك الا متونك
• هذا انت قدام المرايه لحالك
• تشوف وش سوى الزمان بظنونك !!
• الا انا اللي لو اشوف اتصالك
• لعنت ام القائمه بتيلفونك
• حتى تحسب مية حسابك لظلالك
• لاني وفي لو خنتني ما اخونك