حلقه(1)
رواية
#وجع_يتيمه
يبتلي الله العبد باحب الناس اليه ،ليريه ان الناس تتخلي عمن احبت والله لا يترك من احب❤️🌹
.
.
.
انا مصبيه عالروشن نشوف فيه ونبكي مش متخيله ان عمر قدامي بل بدله بي يزفوه لغيري مش مستوعبه حبه ليا حب اسنين ينتهي في لحظه حبه ليا كان كذبه معقوله ايام لي عشناهن كانن وهم كانن كذب في كذب معش قدرت نسيطر علي روحي مع كل سمعت زغروته نزيد نبكي بحرقه عمر سيبني باعني فاتني حب طفولتي مراهقتي شبابي كاه راح مش مستعوبه اني نشوف في لامبات فرحه لي مفروض يكون فرحي قعمزت تحت روشن ونا نبكي محروقه نار مستحيل اي حد يحس بناري غير لي جربها فقدت سيطره وصوتي بدا يعلي من لبكاء في سنوات لي فاتن فقدت بابا وماما وتوا حبيبي حب عمري انهرت ع الاخر كاين حوش ظلام وكلهم في زفه حبيبي الام لي في قلبي مستحيل حد يستوعبه فقدت الامل من كل شي رديت لحالتي من اول وجديد رديت فقدت لي نحبهم كنت نبكي وفي بالي الف فكره وفكره مش متخيله انها زفه عمر قعمزت علي نار معش عرفت شن ندير حرت ننتحر ونتريح قعدت ع حالي قي نار قلبي لين روحو نسمع فيهم يضبحولي
احمد:فررررح
انا درت روحي راقده
احمد:فرح
نيروز:نخش نشوفها
خشت عليا نيروز قربت مني
نيروز:بدير روحك راقده مثلا نوضي نحكيلك عروسه تجنن احلي منك وعمر فرحان ويصور معاها وانتي خليكي ابكي
انا نسمع فيها ونبكي
نيروز:نوضي ديري لاحمد عشاء عشان انا كرعيا خلاص من كعب
انا فايتتها
نيروز:هيا نوضي را نطلع نضبح احمد
انا:برمت عليها
اتا:صبي اطلعي وسكري باب وراكي
نيروز:باه
صبت وانا قعدت نبكي فجاء خش عليا احمد هاد
احمد:نوضي نبي سم
انا:مريصه خلي نيروز
احمد:كراعها نوضي هيا انا طالع نلقكش ورايا انتفاهمو
انا صبيت والله غالب عليا مشيت نديرله في سمسام ونبكي وركبته له ونزلت نبكي سكرت داري وقعدت واعيه طول ليل ونفكر شن يديرو توا زعما ونبكي ونفكر وعيوني ماتغمضنش بكل ونا نفكر ونفكر ومعاها نبكي سمعت فجر ياذن فغدت ساكته وشويه هكي رقدت
نضت علي صوت نوري ونور
نوري:اعميمه نوضي نوضي اعميمه
انا برمت وجي عليهم واول مافتحت عيوني اذكرت عمر وطول دمعت عيني
نوري:خير عميمه
انا:خير
نوري:نوضي نبي فطور ماما عدت
انا:باه
نضت شفت ساعه 12 صبيت خشبت حمام حشاكم وطلعت صليت درت فطوى لعيال وخشيت دار نسمع في زغرايت حزت في نفسي وبديت نبكي ليش مش فرحي ليش سيبني في نص طريق وازوج غيري ليش ليش شن ذنبي نا شن درت كنت مش فاهمه ولا حاجه ولا ليش سيبني رن نقالي فايبر كاين مراد مارديتش قعد يرن عليا مسحت دموعي ورديت
مراد:وينك كنك ماتردي
انا:كنتش جنبه
مراد؛شن جوك
انا:بخير وانت
مراد:كنه صوتك
انا:كنه شي
مراد:مرايف عليكي ارياف ي فروحه
انا:امتي مروح انت
مراد:مش معروف
انا:باه
مراد:كنك من مزعلك
انا:ماحد
مراد؛تبي حاجه نجيبها لكي
انا:سلامتك نبي
مراد:باهي هدرزيلي صوتك باكيه
انا:لا
مراد:غير كنك من احمد جا شورك
انا:لا والله
مراد:تو نروح ونطلعك نهيجك هي شن رايك
انا:ياريت امتي بس
مراد:قريب عارفه هنا حياه واضحه بنات من لاخير
انا:حتي شبابهم من لاخير
مراد:تي سكري فمك ي كلبه احترمي خوكي كبير
انا:حتي انت احترمني اختك صغيره
مراد:غير نروح بس
انا:اسمعني ادبالك تزوج من غادي فكنا
مراد:لالا هنا صاح من لاخير واحي منهن بس بعد نقرار نزوج فيش خير من بنت بلادي
انا:ايوه هكي خويا حبيبي
مراذ:عليش لم نتزوج اجنبيه مش خوكي
انا:اها طبعا
مراد:خذيتلك لي خاطرك فيهن را نقال ولبس
انا؛نجك ليا
مراد:وين عيال احمد
انا؛يتفرجو علي طيور جنه
مراد؛اها خطرها سمعت امس كانت زفه عمر
انا بعد سمعت هكي انخنقت اقسم بالله ضاقت بيا وصوتي دار
انا؛اها
مراد؛صاحبي عمر يستاهل الخير ربي يهنيه
انا؛خلاص مراد بنشوف لعيال
مراد:تم خيتي تبي شي كلميني
انا؛باه حاضر
سكرت منا وقعدت نبكي ان شاء الله مايهنيه ربي ولا يشوف الهناء حسبي الله ونعمه الوكيل ربي يكسرك نفس ماكسرتني وتحس ضعف لي حسيته حقير وجه بنت مش راجل تفو ع اليوم لي حبيته فيه طلعت من دار خشيت مطبخ حطيت مكرونه وجيت قعمزت جنب لعيال ونا فعالم ثاني
نيروز؛انا جيت
انا؛اففف
نيروز؛فرح تعالي نهدرزلك علي امس كيف ماشين مع بغضهم وهيا رقيقه مش كيفك يعني ارقاق منك
انا؛باه وصبيت صبيت ورايا
نبروز:فرحان عمر بيها رقيقه وحلو سنبتيك تقول عارضه
انا؛ربي يهنيه
نيروز؛بكيتي اكيده
انا:وعليش بنبكي ان شاءالله نبكي عليكي
نيروز؛عدي يا كلبه ان شاء الله فيكي من نيتك سوده سيبك عمر تستاهلي اصلك مش حلو ومليانه عروسته احلي منك بواجذ
انا؛ دفيتها خاطي امي يا صايعه ي خيرلك
نيروز:صايعه شنو يا متاعت عمر اهوً سيبك تستاهلي لعبه مدايرك
ويخش احمد
نحكيلكم علي انا
انا باتي وامي متوفين امي زينب وباتي محمد
انا فرح مواليد 97 عيوني متوسطات ولونهن عسلي فاتح وشعري طوله كويس وفمي كبير يعني حلوه انا وزني 70كيلو مليانه بس مليتي سمحه جسمي مخصر وصدري كبير
انا نحب واحد كنت اسمه عمر مواليد1989 كاين مش حلو لدرجه كويس لحيته حلوه طويل وجسمه في مليه جسمه حلو بس هوا مش حلو بمختصر كنت انا الاحلي كنا نحبو بعضنا قريب5 اسنين كاين معايا جوه حلو ومقدرني ومحترمني وفي فتره جات فيها مختفي ونرن يرد يقولي مش فاضي ولحد ماجا ليوم عرسه حتعرفو بافي بعدين
عندي 3 خوت وماعنديش خوات
الكبير احمد مواليد80 متزوج نيروز من ال88 عندها وليد عمره 6 اسنين نوري وبنت 4 اسنين نور
المتوسط مرعي مواليد 84 متزوج رنا مواليد 90 وعندهم ولدين توام محمد علي بابا ورجب علي باتها وبنت وحده رتاج
وخويا الصغير مراد مواليد ال88 يقرا برا طيران
عمامي اثنين علي وصالح وعندهم عيال وبنات
وخوالي واحد وخالتي 3 وعندهم عيال برضو حنتعرفو عليهم بعدين اكثر
#يتبع
تفاعل بليز عشان نستمر😊
