حلقه(10)
رواية
#وجع_يتيمه
.
.
حين يغمُرك الحزن ، تأمل قلبك من جديد ، فسترى أنك في الحقيقة تبكي مما كان يوما مصدر بهجتك.🖤
.
.
سمعت جرس رن نزلت درجه وقلبي دق من بيكون من بيجيني وقت هضا لبست محرمه صلاه وقربت من باب نشوف من
انا؛منو
مافيش حد دواء
شفت من عين مالقيت حد
انا؛اكيده لفروخ يدرهو كبد
لفيتً وركبت سمعت جرس اخرا خفت انا من عاد والله مش ناقصه جو رعب نزلت وخايفه قلبي يدق شفت من عين برضو مافيش حد قعدت ورا باب ورد جرس رن من جديد انا قلبي يدق تسجعت وفتحت باب شفت مالقيت حد خشيت بنسكر باب وطبست راسي شفت باكو مكتوب عليه فرح بحتت هكي وهكي لقيتش حد خذيته وخشيت جوا وطول جتني رساله علي نقالي فتحتها من عمر
.
عمر؛متسالينش ليش جبتلك شي لي كنتي تتمني فيه مني بس لازم تعرفي انك طالمتيني فرح نتمناء انك تقبليها مني اتعبريها امانه مني لك خليها عندك لعند مايجي وقت حتعرفي كل حاجه فيه (گـل سـنه وانتـي طيبهـ)
انا قعدت نبكي شنو يا عمر شنو لي نفهمه كنك تخلي فيا نرد من صفر اطلع من راسي خلاص نبي ننسالك اطلع وسيبني اطلع تعبتني معاك تعبت والله انا تعبت مارديتش عليه فتحت الباكو وطول فاحت عليا ريحته حطيت يدي وطلعت باكو الثاني وفتحته شفتها حديده فضه اذكرت يموها
.
.
عمر؛هيا قولي لي فخاطرك
انا؛خاطري فحاجه وحده بس وتافها
عمر؛شنو يا تافها انتي
انا؛خاطري ندير حديده فضه عليها اسمي واسمك وسنه تعرفنا لي هيا 2014
عمر؛خاطرك في هذي بس
انا:اها بس
عمر؛عندي صاحبي فتونس حنخليه يديرها لنا عارفه هنا يديرو فيها بس نجيبها لك من تونس خير معروفه فل فضه
انا؛جديات
عمر؛ازف بنبصر توا
انا؛ييييي نعليا منا حبيبي لي يرفضليش طلب
عمر؛ماهو نحبك الله غالب يوم لي تجيني حديده يافرح انا لي حنلبسها لكي شن رايك
انا؛باه موافقه ونبيك تغرقلي باكو ريحه عطرك بيش نشمه في ليل
عمر؛حاضر حاضر ماتبينش انا بل مره ونفوتو باكو وشمي براحتك
انا؛ههههه بارد
عمر؛وانا نبيكي حلالي نشم ريحتك ونبوسك براخني
انا؛احمم احم
عمر؛باهي يا فرح يا بارده
انا؛ههههعهه تحبك بارده
عمر:نعليا بكل
.
قعلا نفس ماوعدني دار ريحه باكو مغرقه عطره والخديده تحنن ونفس مانبيها بس ماينفعش توا بعد فات الاوان وبديت نبكي شن بندير بيها توا شن بندير بيها بس كيف بنصرف ركيت فوق دسيتها فدولابي وسكرته
انا؛كل ماليا كل مانرد لاورا بكل
نسمع فهرجتهم لوطه جو عيت احمد مابيتش نطلع من دار
احمد؛فرح يا فرح
انا اوف شن يبي لدره هضا طلعت راسي
انا؛نعممممم
احمد؛تعالي نبيكي
نزلت
انا؛نعم
احمد؛العرب يبو يجو يلبسوكي
انا؛عرب من
احمد؛ابراهبم يبو بيان
انا؛اه بهي وامتي
احمد؛اسبوع جاي شوفي شن تبي وتو نجيبلك
انا؛باه
برمت وكنت بنركب طلعت نيروز من مطبخ
نيروز؛خير ومبروك
انا؛خير
نيروز؛كانك مش فرحانه
انا؛لا من قالها بنطير من فرحه
نيروز؛باه دوم
برمت ونبي نركب
نيروز؛شفتها كيف مش معبرتني
احمد؛فوتيها
ركبت فوق داري وخشيت سكرتها وبديت نبيكي حياة ممله حياة شينه اقسم بالله ماله مافيش شي يفرح تعبانه ونفسيتي صفر حالتي مايعلم بيها الا ربي شعوري اخيه بكل كلمت ساره وقعدت نبكي وقلتها لها
ساره؛فرح لازم يتوقف عند حده ومراد يعلم
انا؛ساره لالا ادبالك مراد يعرف ونبي ماني ناقصه هم
ساره؛وبتسكتي خلاص يعني بترضي بيه
انا؛تي مش متقبلته بكل بس الله غالب
ساره؛خليكي ضعيفه هكي وارضي بلي يدره لكي احمد خليه يدمرك وانتي اقعدي تفرجي علي مستقبلك وهوا يتهدم خليكي هكي باهي
انا نسمع فيها ونبكي
ساره؛فرح بدل ماتبكي القي حل لروحك خير ماتدبسي فيه
انا؛مش عارفه ان شاء الله خير خلاص سكري بنرقد
ساره؛باه اوكي تريحي توا
انا؛تمام حبي سلام
سكرت من ساره ونا متنكده تنكيده سوده حياتي جهنم حالي يسو كل يوم كل يوم فل نازل مر يوم واثنين وثلاثه ومرو ايام وجا يوم تلبيسه كانت نيروز مدايره كل حاجه نزلت لحمد
انا؛احمد خطرها من يبي يلبسني دبله
احمذ؛مش عارف
انا؛اسمعني يااحمد من توا لو ابراهيم بيخش يلبسني انا مش حنطلعله ختي لو قتلتني قتل مش حنطلع
احمد؛بس لو طلب مني حنرافق
انا؛بابا راقض شي هضا من زمان وانا مش حنطلع
احمد؛تم بهي
ركبت وكلمت ساره وجتني ومر وقت ولبست قفطان ابيض ضيق ومكيجت ونزلتلهم ماكنوش في ناس واجد اخته وامه وبنات خالته عمه قعدن يبحت فيا اول ماخشيت ساره قرضتني
ساره؛ابتمسي ع اقل
انا ابتسمت وسلمت عليهن وقعمزت عدت ساره وسليمه وسالمه يديرن في حوسه ومعاهن نيروز وهدي مقعمزه جنبي وخالاتي مقعمزات مع صبايا جت رنا سلمت عليها وعدت
هدي؛انتي كنك مش فرحانه
انا؛مانبيهش ماهو
هدي؛وليش قبلتي زروكي توا هابا عليكي
انا؛زروني اها مش متقبلتهم بكل لا هله لا هوا
هدي؛هي من لي زارك
انا؛خليها ساكته امتي فرحك
هدي؛خميس جاي يبدا
انا؛كملتي دبشك
هدي؛اها حمد الله
انا؛ربي تمملك علي خير
هدى؛تجينا صاح
انا؛مش عارفه لو مراد قاعد كنت اكيده حنجي بس احمد فل شك
هدى؛حقير بكل خوكي هضا
انا؛مش غير حقير وتنهدت
جتني خالتي سميه
خالتي؛كسبس يا بتي اطلقي وجك
انا؛ههه حاضر
قعدت نبتسم وفي قلبي غصه وجن بنات قدمن عصير وشكولاطه ومر وقت وصبت امه تبي تلبسني دبله صبيت معاه وقعدت تلبس فيا دبله وطاقم واخته صورتني تقعدت منها لقطه صوره نبيهش تصورني
امه؛الف مبروك يا بنتي
انا؛الله يبارك فيكي
خالاتي جن يبوسن فيا ويباركن وبنات وانا مضايقه بكل علي شن تبركلي انبي علي طيح سعدي نزلت مني دمعتي ومسحتها جت جنبي ساره
ساره؛تفقديش الامل هذي خطبه مش جواز ربي كريم وحتفرج
انا؛ان شاء الله خير
ساره؛حبيبتي يا خيه
انا؛عقبالك
ساره؛سلمك
قعدنا نهدرزو وصبايا يهدرزن ودنيا خايضه علي بعضها بدون يروحو وانا فرحانه انهم يروحو واخيرا بنفتك منهم بنقعد بروحي روحن صبايا وخالاتي روحن واخر وحده خالتي سميه
خالتي؛بسلامه وان شاء الله بهناكي
انا؛سلمك
ساره؛انا قاعده مع فرح طلبعا نضم معاها حوسه
خالتي؛باهي تمام
روحت خالاتي وبناتها
انا؛بنركب نبدل ونجيكي
ساره؛خوذيني معاكي
انا؛هيا
ركبت سلحت دبله وحطيتها في باكو و سلحت دبشي ولبست وساره لبست ومحسنا مكياج ونزلنا بدينا نضمو في دنيا حايسه ونغسلو في ماعين تعبنا
ساره؛وووه تعب
انا؛بكل خلاص
ساره؛تعالي نحطلك وكولي
انا؛والله ماعندي نيه
ساره؛لالا كولي عشاني بليز
انا؛تحسابيه بياني بجد انتي وحنكون فرحانه
ساره؛اوف يا فرح عارفته كلامك هضا احكي لخوكي مش ليا
انا؛هيا مش كملتي دار تعالي نركبو ننخمدو
ساره؛جايتك نشرب بس
ركبت فوق قعمزت علي سريري ومسكت نقالي نشوف فيه لقيت رساله خشيت عليها من رقم كانت
