حلقه(4)
رواية
#وجع_يتيمه
.
.
لاتراقب ما لم يــعد لك
-ارحـم قلبـك قليلاً.☹️💔
.
.
انا؛في من يكلم هضا ونبحت ونفنص عليه سكر خط وقعدنا نبحتو في بعضنا لين شاورلي بيده معني خشي خشيت جوا وقعمزت ع سرير وشويه هكي حود ضي ويعدها نفتح باب حوشنا خفت انا
سمعت صوت
احمد؛فرح فرح
انا:نعم
احمد؛انا جيت وجبتلك شماعي انزلي
انا؛اركب نزلني
ركب احمد
اتا؛وين بعيال
احمد:بايته عند هلها نيروز بالي كلمني عمر اصلا مانعلم بشي ونسابتي يبوني نسهري معاهم بالي ماقعدت وانتي بروحك فظلام
انا؛كيف كلمك عمر
احمد؛عمر جارنا كلمني قالي انت وين
عمر؛ها احمد
احمد؛ها عمر
عمر؛وينك انت
احمد؛عند نسباتي
عمر؛ضي طافي وشفت حوشكم مظلمً نحسابك رقد وهكي نقولك اطلع نكسدو
احمد؛بالي قتلي ياراجل اختي بروحها فحوش ادبالك ياعمر لين نجي اهو حنطلع توا
عمر؛تم با برو متخافش
احمد؛اطيب يا غالي
وسكر
احمد؛ايوه لوله راهو مفعمز وناكل وجوي سمح
انا كنت نسمع فيه ونبتسم خايف عليا وكاين يكلم في احمد
.
رديت للواقع
اتا؛وهضا كله يبونش نحبك ي عمر كيف ننساك وانت درتلي كل خير انحبك يا عمر ياريته ماصار لي صار ياريتك مازالت حبيبي ياريت طفا فلاشي وقعدت نبكي عشان مش قادره ننسا كنت مقعمزه شفت شارع ظوا طلعت بحتت لفيته عمر مولع ضي سيارته وحاط اغاني خشيت جوا قعمزت علي سرير ونسمع فل اغاني مره مصري مره ليبي مغزبي جت اغنيه مغربيه شويه وطول حودها
الاغنيه
مازال مازال عاشقك فل بال انساك مو حال
حودها انا قعدت نضحك عارفتك نسيتني حظ والله نفتح باب وجا احمد
احمد؛فرح
انا؛فوق انا
احمد؛راكبلك
وجاني
احمد؛امتي طفا
انا؛مالهش واجد ليش
احمد؛نسال بس البسي بيش نعدو نجيبو نيروز
انا؛مش خايفه عدي توا نقعد ماعندي نيه نطلع
احمد؛متاكده نطلع
انا؛والله اصلا بنرقد
احمد؛مش حنطول نجيبها جري ونجي
انا؛باه تمام
احمد؛تبي خاجه
انا؛لا سلامتك
طلع احمد ونسمع فيه يضبح للعمر
احمد؛عمر يا عمر تعالي
عمر؛نعم جيتك
احمد؛ماشي نجيب هلي
عمر؛باه نعدي معاك ولا كيف
احمد؛لالا بس خلي عينك عالحوش
عمر؛عليش
احمد؛هلي فيه
عمر؛ماهو ماشي تجيبهم
احمد؛ازف احتي
عمر؛اها تم عدي
احمد؛تم مش مطول
عمر؛باه
.
عندي
انا؛علي اساس عمر لي عابيلي عليه هضا فات اختك وطلع مش راجل
ركبت فوق ورقدت مانندريش بشي نضت صبح فتحت عيونه شفتها ساعه 12 ونسمع فهرجه لعيال صبيت من لفراش خشيت حمام حشاكم وطلعت صليت ونزلت فطرت
نيروز؛كنك واعيه توا
اتا؛رانتي كنك ماتقعدي فحوشك ليش نازله كل صبح كل عشيه عليك غمه والله
نيروز؛احمد قالي ولو عليا انا ماننزل بكل ولا نشوفه وجك
انا؛متخافوش عليا وفيش داعي كل صبح هنا ارحموني ايوه
وخشيت نضم فل دار ونقول فعقلي عليك دره كبد كملت ضم طبعت لقيت نيروز مش قاعده قلت احسن زكبت فوق ضميت داري وسكرتها
رن نقالي فرحت بكل بعد شفته
انا؛مرايفه عليك والله
مراد؛الو
انا؛شن جوك
مراد؛تمام والله انتي اكثر شن اخباركم
انا:تمام كويسين امتي بتروح هيا طولت دارك مسكره وكساد بدونك
مراد؛قريب والله خلاص هانت شن نجيبلك معايا
انا؛شي سلامتك
مراد؛والله شنو
انا؛مش عارفه
مراذ؛تو نعدي ناخذلك دبش ونقوله عطيني اكبر مقاس
انا؛عينك مش اكبر مقاس
مراد؛يا فرح بيناتنا تخافيش
انا؛والله عينك واخرا نقصت توا
مراد؛من شنو عليش فيكي حاجه
انا؛من شي هكي وخلاص
مراد؛بهي شن ديري
انا؛شي ضميت حوش ونبي نعدي نستشور شعري
مراد؛عليش وين طالعه
اتا؛عرس ولاء
مراد؛اخت عمر مشاءالله عقبالك
انا؛سلمك وعقبالك حتي انت
مراد؛باهي هدرزيلي
وقعدت نهدرز معاه وبعد ساعه تقريبا سكرنا صبيت ادوشت وطلعت صليت وقعمزت نستشور فشعري كملته وصبيت كنت طالعه صادفت احمد
احمد؛فرخ
انا؛نعم
احمد؛انتي معش تبينا ننزلو
انا؛لا ماقلتش هكي
احمد؛يا فرح كيف ماهو حوش باتك حوش باتي وانا لي نبيها تونسك
انا؛لالا مش هكي قلت هيا وجعتني مقعمزه هنا بروحها قتلها انا عادي ناكل حتي سندوتش خليك فحوشك متريحه بس
احمد؛تم باه
انا؛احمد فرح ولاء ليوم بيش تشيلني
احمد؛عارف به
طلع احمد ركب وهوا زعلان وحعني خشيت جوا طلعت قفطاني كاين لونه دمي وطويل وظهره عريان وايديه كم وفيه سير صغير من نص ركبتله اسود كعب وشنطه واكسسورات
زنيت عليها وقاعده فل كوافير مرت ساعه ونص صبيت نمكيج ولبست رموش ورسمت عيني ودرت روح دمي وكملت مككياجي صبيت درت عطر للجسمي ولبست قفطاني شفت روحي في مرايه عجبتني بكل طالعه حلوه طلقت شعري وسقمته ولبست عبايتي وطلعت
احمد؛واتيه
اتا؛اها خلاص كملت
احمد؛هيا انزلي
نزلت وركبت ووصلنا عند صاله نزلت وخشيت قعمزت في طاوله الاوله ولقيت بنات صحباتنت ايام جامعه وقعدت نهدرز معاهن وغيرت جوي وبدت فرقه وجو حلو كيف اي عرس وحت ولاء طلعت برا في استقبال نستقبلو فيها كانت طالعه حلوه بكل ولم برمت شفت عمر يبحت فيا سكر باب صاله وطلع تلبكت برمت سلمت عليها
انا؛تبارك الرحمان طالعه ايه من جمال
ولاء؛حبيبتي عقبالك تسلمي
وصورتها وصورت معاها سلفي
خشت جوا علي اغنيه قمر احلي بنات دار لي حسين جسمي وصلت للمسرح وقعدت تصور ركبتلها
حكيت معاها شويه ونزلت قعمزت مكاني شفت نهي ركبت سلمت عليها وقفطانها شين بكل ووحها شينه قبيحه كانت وانا مقهوره منها كل مانشوف وجها نكره روحي قعدنا نصفقو وهيمات وبعدها جا عريس وكاين شخصيه منت فرحانه عشانها طلعت حلوه صورو وطلعو روحو بدت صاله تخف وانا نقول تو يجي احمد فضت صاله ومعش قعد حد غيري اتا وخالات عمر طلعت نقالي ورنيت علي احمدً نرن نرن ماردش بعدها رد
انا؛وينك
احمد؛فرح
انا؛كنه صوتك
احمد؛نوري خبطاته سياره
اتا؛هييي كيف هوا كويس بهي
احمد؛كويس حمد الله يدروله في صوره بس
انا؛ان شاء الله خير مهم مويس
احمد؛ان شاء الله
انا؛وانا من يروح بيا
احمد؛تي.... نسيتك بكل عليك قصه روحي مع عمر وخلاص
انا؛لالا نبيش
احمد؛روحي معاه ي فرح نقدرش نطلع توا
انا؛اوووف عاد فكني
سكر لحمد عليا وقعدت نفكر خش عمر قال خالاته هيا وبحت فيا
عمر؛هيا نوصلك
انا صبيت وناا كلي يرعش كنتش طايقه نروح معاه طلعن خالاته وانا قلت اوف مراته معاه وقصه بصراحه مش متحمله نشوفها مقعمزه من قدام وحنبه خش عمر
عمر؛خطي وجك وهيا
انا طلعت لقيت سياره عمر بس فتحلي باب وقالي
عمر؛اركبي
بحتت لقيتها فاضيه من قدام رعشت
انا؛وين وين
عمر؛نهي روحت من مبدري مع امي وانا رديت نشوف من ماروحش ورن احمد
انا خفت وقعدت نرعش يبحت قيا وساكت وانا حرت وين نركب قدام ولا لورا
عمر؛هيا ازف
انا نبحت حا عمر مسك يدي وركبني بنعليا قلبي قريب يطلع من جسمي ركبت سياره وسكر بابا وانا خايفه عمريش ركبت معاه بكل نرعش بقوه وساكته ركب عمر وولع سياره وطلع
عمر؛ليش خوف هضا كله بناكلك انا ... متخافش ... وخليكي عاديه ترعيشي وخالتك حاله
انا مابيتش نرد عليه حسيت طريق طولت ساكت انا وبارمه وجي خايفه قلبي يدق معش فهمت شي
عمر؛فرح كنك رايحه ناقصه هكي معش تفكري فيا انا خلاص ازوجت ومراتي حامل
انا كنت نسمع فيه ومانبيش نبكي قدامه وجعتني روحي كيف يهين فيا و لم قال حامل كانه حد لطني كف قعدت نبكي يحكي معايا بي اسلوب اع بكل ويقولي حامل سكتت مابيتش نرد عليه قعد يبحت فيا وساكت
عمر؛احكي هزبيني سبيني ماتسكتيش
انا؛ربي يهنيك
وانا جوا قلبي نتمنه ان يموت دموعي ينزل وانا ساكته
عمر؛تي كنك .... كنك
انا؛لو سمحت ماتحكيش معايا ارجوك امتي نوصلو
عمر وقف سياره
انا؛عمر كنك انت
عمر؛ليش مارنيتي سالتي ليش سيبتك
انا؛انت حر
عمر؛بدانك تقولي هكي ليش قاتله روحك عشاني لاتاكلي لا تطلعي لا شي ورايحه ناقصه
انا؛عمر روح بيا
عمر؛فرح انسيني شوفي حياتك وربي بسعدك تستاهلي كل خير
انا سكرت اوذاني
انا؛اسكت تحكيلش هكي يا عمر رح بيا ونبي ورحمه علي
عمر بخت فيا وقعد مركز فوجي
عمر؛فرح انا مش لكي
انا مطبسه
عمر ولع سياره وهوا ساكت وانا كنت فعالم ثاتي شعوري مستحيل حد بقدر يوصفه رعشه لي فيا وقلبي لي يدق بقوته ومابطلش بكل حايسه كنت نمسك فروحب تنزل مني دمعه ونمسحها طول وشفت عمر مركز معابا
عمر؛انحبك
انا لم سمعتها وقفت بيا دنيا عند كلمه هذ انصدمت لخظتها بعدها طول قالي كنت يعني كمل كلامه
عمر؛انحبك كنت بس توا خلاص انتهينا ردي حياتك وانا مسامحك وانتي سمحيني انا مش لك
انا ساكته ومانبيش نرد علبه وصلنا نزلت من سياره وكرعبا من رعشه يتخابطن في بعصهن معش عرفت نمشي وكعب وعبايه طويل طحت من خوفي ورعشتي جاني عمر يحري ويرفع فيا صبيت ومشيت فتحت باب
عمر؛افطني لروحك وسكرب باب كويس علي مايحي احمد ولا تعالي عندنا انتي امانه عندي وكيف اختي
انا فتت كلامه لول ومراته حامل وكل شي بس اخرتها يقولي اختي انا اخته كيف هذي بجديات معش قدرت نتحمل بدن دموعي بنزلن
انا؛عارف اقسم بالله انت مش راجل
وسكرت باب حوشنا فوجه
قعمزت عالوطا ونبكي هذي نهياتها عمر حبيب عمري حياتي كلها حبي انا
يقولي اختي كيف اخته يبي يحنني الكلب والله نوريه انا معش نبيه نبي نحوده من عقلي حقير ووسخ وسخيف حسبي الله قعدت مقعمزه نبكي بعدها نضت بدلت ومسحت مكياجي وجيت فسريري نذكر فكلامه ونبكي كيف يقولي اختي ومراته حامل انا هنت عليه لدرجه هذي معقوله عمر باعني طول وبرخيص اخرا اذكرت نوري صبيت نرن علي احمد
احمد؛ها روحتي
انا؛اها نوري كيف حاله
احمد؛حمد الله طلعوه وتوا تمام
انا؛باه حمد الله كويس توا
احمد؛اها كويس مش مروح للحوش ادبالك من روحك
انا؛باه تمام مهم طمنتني عليه
احمد؛تم
سكرت من احمد وقعدت واعيه طول ليل نفكر ونفكر لين رقدت نصت فصبح علي دق باب نزلت نجري
انا؛منو
ساره؛افتحي ساره
انا؛سريوتي
فتحت باب وخشت جوا
ساره اضبطتني
انا؛حمد الله علي سلامه امتي روحتي
ساره؛امس كيف حالك هييي كنك ناقصه
انا؛يبيي قصه طويله خالتي وبنات وين
ساره؛في حوش ماهو عرس ولد عمي هضا ليش روحنا
انا؛وحشتيني بكللل بككككل يا كلبه
سارة؛انا اكثر والله شن جو عمروي حبيب قلب
انا؛ههههه حبيب عينك معش في عمر
سارة؛هييي ليش
انا؛مات
سارة؛كذابه
وبدت تبكي
انا؛اصبري حتبكي علي حالي يا حنه
سارة؛امتي توفا وانا نقول كنك ناقصه هكي
انا؛عمر سيبني وازوج
سارة؛هيييي نحكي جديات
انا؛ورحمه ماما هي
سارة:معناها خلينا علي توفا خير ياريته مات حديات
انا؛ياريته
سارة؛تعالي احكيلي
انا باهي نخش حمام بس ونجيكي
سارة؛وين بلا نيروز
اتا؛حي ذكرتيني نعدي نرن علي احمد
سارة:ليش
انا:لووف منك ياما فايتك نوري خيطاته سياره
سارة؛هييي تي كنك تبشري فيا بحاجات كيف صدرك هضا كبار
انا؛اسكتي ازف من نقك صدري صغر ازف شوفي
سارة؛تي اين صغر والله الا زاد عز اقسميلي
انا؛سامطه اسكتي اهو يرن
احمد؛ها
انا؛شن حو نوري
احمد؛كويس توا بنروح بيه ااحوش
انا؛باه تمام
وسكرت
سارة؛شن صار
انا؛كويس وتوا مروحين نخش حمام ونجي
ركبت خشيت حمام وطلعت صليت وساره فداري
سارة؛احكيلي هيا
انا؛اقعدي ليله عندي بيش نحكيلك كل شي
سارة؛مش عارفه
انا؛غير باتي بس وخالتي شوري
سارة؛خالتك لا عينك به تو نقعد
انا؛هيا انزلي نطيبو غداء تو يروحو ويحونا ناس
سارة؛باه هي عندك لحم
انا؛اها في
سارة؛تمام تو نديرو رز بتقليه
انا؛به هيا
نزلنا وطيبنا غداه ودرت كيكه وبيتزاء وستدوشات وبوريك عارفه ان هلها حينكبو علينا مايصدقو هما
ساره؛باهي احكي علي عمر
انا؛بعدين توا رنيلي علي خالتي بس
سارة؛عديتي للخالتي سعاد وهناء
انا؛لالا ماكلمنيش
سارة؛هاكي امسكي رني علي ماما
يرن برن
خالتي سميه؛الو سارة
انا؛الو خالتي كيف خالك
خالتي سميه؛خيرات فروحه حمد الله وانتي وينك مختفيه لا رنيتي لا سالتي لا شي
انا؛والله حايسه يا خالتي كنك ماجيتيني
خالتي سميه؛عرس خوك عمك عادل قاغده عندهم تو نجي نسلم عليكي بعدين لم بنروح سارة
انا؛لالا سارة باينه عندي اليوم مكسده بروحي ساد سيبتوني 4 شهور
خالتي؛ههههه باه يا حنه لك وحشه
انا؛حتي انتي والله
سارة؛هاتي بنقوللها كلمه
فكت مني نفال وقالتها نوري انضرب ورعشت وقالت تو نتكي عليهم بعدين روحو احمد ونبروز وطول ركبت فوق علي اساس زاعله ركبت وراها شفت نوري حبيته ونزلت خشيت للمطبخ حطيتله غداء
انا؛احمذ:ركبه الغداء هضا لكم درته
احمد؛باه افطني باب تو يجو هلها
انا؛باه
ركب احمد وحطيت انا وساره تغديتا
سارة؛كنها نيروز ركبت وزعلانه
انا؛يا حنه لي صار .....
سارة؛ملا فكه من وجها كلبه
انا؛مش غير تريحت من وجها
دق باب طلعت فتحت وركبو هلها فوق خشيت مطبخ غسلنا ماعين وقعدت تهدرزلي
انا؛وقوليلي انتي معش في حمد
سارة؛مقدمه حمد عجاج بكل انتي عارفتيني مستحيل نفعد علي راجل واحد انا
انا؛عارفتك صايعه
سارة؛مش صايعه بس هما هكي يبو تذكري ايام ايمن كيف كنت نحبه ومانبحتش في غيره وفاتني
انا؛صدقتي والله كلاب هضيما
سارة؛بكل تعالي نحكيلك نكلم في واحد طريف بكل اسمه ناجي يا حنه عليك سمح بس صايع دروحه حبيبي من اول يوم وجسمك كيف ومن هل كلام هزبته رقتله معش ترن الكلب تعالي نوريكي صورته
جيتها نحري
انا؛نعليا منا يهبل
سارة؛اووف بكل بكل
انا؛خرام عليكي هضا وجه يتسيب
سارة؛فكيني منا صايع اوكي نكلم بس قله ادب وكلام عيب انا مانديرش
انا؛عارفتك قدعه
سارة؛ههههه اها بكل خطرها حددو عرس نرمين
انا؛مشاء الله امتي
سارة؛بعد شهر قالو
انا؛باهي هيا اصلا شاريه حاجتها
سارة؛اها حمد الله مازالن حاجات بسيطه بس
انا؛اها مشاء الله عقبالك
سارة؛يارب امين وحتي انتي
انا؛سلمك باهي احكيلي يا حنه شن درتي غادي
ساره؛نعليا عايشين يا فرح
انا؛يعوينهم ياحنه
سارة؛اسمعي خطرها شن جو مراد
انا؛كوبس قاعد حب طفولتك عاد
سارة؛هههههه اول شخص حبيته كنت صغيره عاد
انا؛هههههه متخلفه والله قاعد يا حنه
سارة؛هوا وسراج زايطين
انا؛ياعوينهم شن جوه سراج
سارة؛كويس حتي هوا يصيع مع خوكي صايع
انا؛ههههههه وسخه عمريش شفته سراج علي طبيعه ديما مسافر
سارة؛اها يقعدش بكل مروح قال قريب
انا؛حتي مراد قالها ليا
نحكيلكم علي ساره شويه
هيا بنت خالتي انتيمتي وديما مع بعضنا سارة قصيره ورقيقه محنطشه وشعرها يهبل طويل لونه كستنائي فاتح يهبل وعيونها حلوات وخشمها حلوه الحق جميله مواليد96 اكبر مني بسنه
سارة؛هيا احكيلي علي عمر
انا؛باهي خليني نديرو فهوه قبل وكيكه
سارة؛هي باه
صبينا حطيتا قهوه عالنار
سارة؛مادزيش للنيروز
انا؛ندزلها عينها كلبه والله ماهي ذايقه حاجه
سارة؛خليها تستاهل
انا؛عطيتها غداء عشان درته واجد بس
سارة؛مازالت نفس حقدها سوسه
انا؛واشر
سارة:ياريته خذاها سهي بنت خالتي هناء خيرله منها
انا؛ماما الله يرحمها كانت تبيها له
سارة؛غبي ضيعها من بين يده
انا؛والله احلي من نبروز وخير مها بالف مره بس دروحه يحب نيروز ها ليش
سارة؛حياته قراده
انا؛هههههه ايوه الله
دق باب طلعت فتحت لقيته مرعي ومراته ولعيال سلمت عليهم وخشو جوا حوش مالقوهمش
مرعي؛كيف صار عدت
انا؛لا فوق في شقتها قاعده
رنا؛نعدي نشوفها
انا؛باه
مرعي:شن جوك انتي
انا؛تمام بخير
مرعي؛ناقصك شي
انا؛سلامتك
مرعي؛باهي احمد وين
انا؛والله ماعارفه تعال خش مطبخ عندا ساره روحت
مرعي؛صاح امتي روحت
انا؛امس روحو واليوم جايه باينه عندي
مرعي؛تمام بكل تونسك وينهي هيا
انا؛تعال جوا
خشينا جوا وسلمت ساره علي مرعي وقعدو يهدرزو درتلهم قهوه وقعدتا نهدرزو مر وقت وروح مرعي ودرت موالح وقعمزت جنبها نهدرز
سارة؛هيا توا احكيلي
انا؛علي ايش
ساره؛هيا بلا جو علي عمر
انا؛اه يا سارة تذكري في بلي نحاول ننساه
ساره؛الله غالب يا عمري احكي
انا؛اسمعي بعد توفيت خوه علي وعمر متغير حكيتها لك صاح
سارة؛اهت كلمتيني قتيها ليا
انا؛خلاص وبعدها ....
قعدت طول ليل نحكيلها بل تفاصيل ونبكي ومره نسكت وهكذا رقدنا مع بعضنا ع سرير ونا حالتي مايعلم بيها الا ربي ولي محربها نوعيتي لم نحب نحب مستحيل ننسا ببل بساطه هذي
كنت راقذه فسابع نومه نحطت يد عليا تنوض فيا انا برمت وجي ونشوفه انصدمت
انا؛هيييي انت امتي جيت
#يتبع
الكاتبة؛سوسو
اسفه واحد بكل ع تاخير يا بنات بس عندعررس وزايطه فيه توا هل وقت اقسمًبالله كيف كملتها ان شاء الله تعجبكن نبي رايكن
