حلقه(21)
رواية
#وجع_يتيمه
.
.
.
"أنا لا أتمنى الآن سوى أن أكون بقربك وأكون قادرٌ على أنّ أُخفف كل ثقلٌ يُثقلك وإخماد لهيب شوقي إليك."
.
.
.
صبينا ونازل احمد وماسك نقالي في يده ويسي ويلعن فيا ونزلت تهجم عليا خفت وقلت اكيده شاف عمر ران عليا
قرب مراد مسكه
مراد؛كنك هاد شن في
احمد؛ال؛؛:: دايره نقال من ورانا ومصبي تحامي فيها يا فاسد انت
مراد فكه منا نقال
مراد؛اين من وراك انا درته الها شن مالك بيها
احمد؛تي كيف ديره الها وانت عارفها شن دارت
مراد؛انا ماشفتهش بعيني ولا انت شفتها جاك كلام وبس
احمد؛تي ساقطه هذي متاكد انا
مراد؛انت متاكد انا مش متاكد ونقال خذيته الها شن تبي توا انت
احمد؛تي تم خليك حالها علي طلاق ماخربت الا منك
انا نبحت فيه ونبكي كلب وساره خايفه ومتحشمه
مراد؛تي عدي انبي شايل معاك اخت مراتك واختك يا ؛؛؛ مخليها فحوش وين رجوله عدي انبي خير مانقولك كلام نخليك تندم انك حكيت معايا
احمد؛اصلك فاسد تسمع فكلامها
مراد؛نفسك تمشي فيك مراتك
احمد؛والله نشوفه مره ثانيه ناخذه نكسره
مراد؛باه عدي يا راجل والله ماعندي نيه نتعارك معاك والاخت اختي مش شورك بيها نديرلها لي تبيه
احمد؛تو طلعت اختك بعد كملت هياجتك برا وصياعتك وكانت عندي ومتحملها وانت تصيع
انا نحبت فيه وجعني كلامه ووووه حرقني حرق انفجرت
انا؛امتي تحملتني معليش امتي قصدك انا متحملتك حرمتني من قرايتي ونمسك في فروخك كنت وتقولي متحملها ونطيبلك في سم كيف خدامه عندك وتقول متحملها عمرك طلعتني معاك ولا فرحتني بطرف شكولاطه تطلع وتسيبو فيا لعند 1 تندري عليه حيه ولا ميته ولا من جاني انت ماكنتش متحملني انا كنت متحملتك ومتحمله دره كبدك ومراتك الكلبه لي تجي تاكل وتركب ونا نغشل ونضم ونمسك في فروخك وتقول متحملها لكن شي واحد بس ربي يحرمك من جنه نفس ماحرمتني من قرايتي وحياتي لي مفروض نعيشها كيف اي بنت
كلامي كله صح طبعا بس ماتحملش وهد علي ضربني ويبي يضرب اخرا مسكه مراد دفه قعد يسب ويتمتم وركب كلام هضا خاطري نقوله له من سنين اه تريحتي والله نبكي بس متريحه
مراد؛اسكتي خلاص ساره معليش
ساره؛انا لي معليش
مراد؛ماشورك شي انتي جو تمام
ساره جت تصبي فيا
ساره؛هيا نركبو فوق خلاص نزحني من بكاء
انا؛مش حاجه جديده متعوده
ساره؛اه
انا؛مراد عطيني نقالي
مراد؛مافيش توا خليه معايا
وصبا هوا ونقالي ركب فوق انا قلبي يدق خايفه عمر يرن ننفضح اه ساره تبحت ومنجمطه صبيت ركبت نا وياها وخشينا لدار وسمعنا مراد طلع
ساره؛اسكتي عاد بكاء ورا بكاء تمليش انتي عمر مش حيرن
انا؛من هم يا ساره شفتي ليش نبي نموت عايشه عيشت ذل ضرب وايهانات كل يوم كل يوم حتي لي يهون عليا حرموني منا شن يبو اكثر هما
ساره؛مابعد ضيق الا فرج حتفرج صدقيني
انا؛امتي من اول ماوعيت ع دنيا ونا في ضيق من هم لهم
ساره؛ربي كريم حتفرج والله وكله يقعدلك خرافه
انا؛يارب
ساره؛نوضي هيا ادوشي وتعالي نكدلك شعرك ونهدرزلك
انا؛اها صاح شنً تبي فيا
ساره؛تو نحكيلك
انا؛حي عليا نقالي عند مراد وعمر اوووف بختي اسود شن ندير نندب شنو حياتي سوده هذي كنهم هما
ساره؛اسكتي بس
انا؛بنخش ندوش وانتي خشي فتشي دار مراد مش قاعد
ساره؛باه هيا باه صبي ادوشي بس
صبيت خشيت حمام وساره نزلت ليل طبعا ساعه 11 كانت ومراد مش. قاعد
