حلقه(19)
روايه
#وجع_يتيمه
.
.
_ وأخـتاري الذي لآتهونـيـن عليـه أبــداً
.
.
عمر قعد يغيرلي فجوي بس همي كله في كابوس لي حلمته خايفه مر وقت ورا وقت وعمر معايا ع خط خش مراد انتظار شفته ورديت مع عمر
عمر؛اسمعي سكري توا نرد نرن عليكي
انا؛لا خليك
عمر؛تو نجي حبيبي نشوف امي
انا؛باه
سكر عمر صبيت خشيت حمام وطلعت نبي ننزل لوطه بس خايفه قعدت فداري مرت حوالي ساعه وعمر مارنش عليا ساعه8 وجت النص وعمر مارنش شويه وبعد كم دقيقه رن نقالي شمرت رديت طول
انا؛وينك هضا كله
عمر؛اهو جيتك كنت برا
اتا؛اه باه
عمر؛انزلي لوطه
انا؛كيف
عمر؛نبي نعطيكي حاجه متخافيش مافيش حد فشارع
انا؛لالا عمر فكني مش ناقصه
عمر؛يا هبله والله نحطها لكي فم حوش هي وربي ماني خاشلك
انا؛باه راهو مش منظر عشان تشوفني
عمر؛نحبك بكل مناظرك وانا نطول منظرك حتي وانتي متبهدله انبي خليني ساكت هيا انزلي ازف
انا؛ههههههه حاضر هي
لميت شتاشيتي ونزلت وهوا ع الخط وصلت باب
انا؛وصلت باب مافيش حد افطن خوتي
عمر؛والله مافي واخد بعدين شكاره هيا ازح من بي يشوفك
انا؛باهي عليش تعيط توا
عمر؛حبيبي هيا
انا فتحت باب وهوا مقبالني كنت بمنظري العار لابسه استرتش اخضر وماليه سوده فيها سوسته وشهري ملموم فوق عمر قعد يغمزلي ويعض فشواربه طبست خذيت الشكير كانن شكرتين خذيتهن وخشيت نحري وسكرت باب
عمر؛هضا منظرك شي تي احححح ازح ملا لو سمح شن حالي راهو عديت فيها
انا؛هههههه عشان انت حبيبي تشوفني حلوه
عمر؛انتي ديما حلوه
انا؛تسلملي حبيبي
وركبت لدار سكرتها بل مفتاح وقعنزت ع سرير فتحت لشكاره الاوله معبيه شكولاطات
انا:ياروحي انت عليش متعب روحك
عمر؛علي شكولاطات ولا علي شنو
انا؛علي شكولاطات
عمر؛صحتين يا عمري نبيكي تاكليهن كلهن وتسمني نبيك تردي حبيبتي المربربه السمحه
اتا؛ليش توا شينه
عمر؛نعليا منك فكل وقت ازح توا بتخليني نفقد
انا؛هههههه سخيف والله
عمر؛شوفي لاخرا هيا قعدت ساعه ونا نختارلك وان شاء الله بس يجي
انا فتحت الشكاره لاخرا ونشوف باكو فتحته وكاين فيه خااتم نفس دبله فخخم بكل يهبل ولونه ابيض يعني فضه
انا قعدت نعيطله
انا؛اللله حبيبي يجنننننت بكككككل حبيبي يهبل يهبل يهبل بكل يا عمري يهبل حبيته اللله نحببببك بكل
عمر؛هههههه اعجبك
انا؛بكل بكل
عمر؛ماتلبسيهش ادبالك
انا؛ليش
عمر؛نبي نلبسه لكي انا
انا؛امتي وانت عارفه
عمر؛ساهل توا انا قسته في صبعي الصغير جا اكيده يجي عليكي
انا؛حبيبي نبي نلبسه ليوم انا
عمر؛فرح خايف يجي حد من خوتك
انا؛اوف نبي ليوم
عمر؛مره اخرا
انا؛شويه تو نرد نرن عليك
عمر؛كيف
سكرت رنيت علي مراد
انا؛الو
مراد؛ايوه فرح
انا؛امتي بتروح
مراد؛قاعد مع جماعه دايرن عشاء ومسكوني كنك تبي حاجه فيكي حاجه
انا؛باهي احمد قاعد ولا مروح
مراد؛احمد مازال مش مروح حاجزين اسبوع تي شن في ؛؛؛
انا؛مافي شي جعت بس نبي خبزه
مراد؛ونا مروح تو نتكي ناخذلك نص باهي
اتا؛اييي باه رن عليا بيش نقولك شن تحيبلي
وطبعا عمر خش عليا انتظار مرتين
مراد؛باهي حاضر
انا؛اوكي
سكرت منا ورديت علي عمر
عمر؛مع من انتظار ؛؛؛ وكنك سكرتي في وجي ؛؛؛؛ نحبش دين امها حركه ::::: هذي
انا؛اهدا بس رنيت علي مراد وسالته وماهوش جاي توا واحمد بيروح بعد اسبوع
عمر؛باهي
انا؛هيا نبي نلبسه
عمر؛فرح فوتي توا
انا؛لالا نبيه
عمر؛باهي تو نطلع نشوف جو ونقولك
انا؛هي اوكي توا
سكر عمر صبيت ع مرايه درت مسكره وشويه روج واحمر خدود ولفيت شعري عشوائي ولبست دنادين وسقمت لبستي وبخيت عطري غرقت روحي وعمر يرن كملت حاجتي وريت
عمر؛هيا يا مصبيه تبي تفضحي امنا
انا؛هههه هيا نازال
خذيت باكو معايا ونزلت وطبعا نحكيلكمش علي قلبي لي يدق من قوه حب والخفوف بس اكتفيت من خوفي لازم ندير شي عشاني وعشانه وصلت لباب فتحته وهوا خش طول مدلي ده سلمت عليه
عمر؛انحبك
انا؛وانا نحبك واجدد بكل
عطيته الباكو ومديتله يدي باسها جسمي قشعر تهبل بوسته حنون حبيبي الله عل شعور السمح ابتسمت فتح باكو ولبسه ليا في يدي يسار
انا؛لا مش هنا في يمين الخطبه
عمر كر يدي وقدمني له
عمر؛عارف وانا نبيكي مراتي طول
انا مقربه منا وريحه عطره تقتل قتل حط يده علي شعري وقرب اضبطني
كنت محتاجه حظنه يهبل امان راحه حب حنيه خفوف عليا نحبه عمر فكلي شعري ومسكه بيده يشم فيه
عمر؛نحبه بكل ريحتك زي ماهيا
انا قاعده ماسكه فيه نبيش نسيبه وانا نموت فيه عارفه لي ندير فيه حرام بس رضيت بل حرام مع عمر راضيه بكل شي
عمر؛فرح
انا؛نعم
عمر؛خلاص بنططلع
انا؛اه باه
طلع عمر سكرت باب فيسع وركبت لداري فوق وسكرتها بل مفتاح فرحانه كنت بنطير من فرحتي وقلبي طاير معايا بدقاته يومي كان اجمل يوم رن عمر عليا وقعدت نحكي معاه خش مراد عليا انتظار
مراد؛مع من انتظار
انا؛ساره كنك
مراد؛اها شي شن تبي انتي
انا فرحانه كنت نبيش شي من دنيا
انا؛سلامتك
مراد؛ماهو تبي سندوتش كيف صار
انا؛اها صاح باه جيبلي معاك جنزر
مراد؛تم
سكر مراد صبيت خشيت حمام وطلعت جوي سمح قعدت فذاري لين جا مراد يضبحلي نزلت
مراد؛تعالي جبتلك
انا؛سلمك جياااب ياربي
قعمزت ع طاوله وفتحت السندوتش وقعدت ناكل ناكل لم نفرح ناكل نوعيتي شهيتي تنفتح
مراد؛صحه صحه ليا زمان ماعد شفتك تاكلي زي لول
انا؛هههههه سلمك شن تعشيت انت
مراد؛مكرونه صح الصح دارها صحبنا من لاخير
انا؛صحتين شن جو غادي في مزرعه
مراد؛جو يا فرح من لاخير صقع وهدؤ تمنيت نقعد
انا؛كان قعدت
مراد؛وانتي
انا؛اها صح
مراد؛مبدري نهدرز مع شباب
ورن نقالي انا سيبت ستدوتش وقلبي قعد يدق ومراد مركز معايا خفت شفته لقيته ساره تريحت كنت نحسابه عمر
انا؛ساره ترن
رديت ومراد يبحت
انا؛خيرات ي قلبي
ساره؛خيرات يا الحب شن حو
انا؛ميه مبه وانتي
ساره؛تمام كنك مارنيتي دا
انا؛اها نسيت كنت
ساره؛تشلطي صاح مرض
انا؛اها باهي ماهو مبدري كنا نحكو حلك رايفتي
ساره؛في حد جبنك
انا؛اها
ساره؛باهي تمام تعالي ع نت نهدرزو
انا؛باهي هي
ساره؛من لي جنبك
ساره تحكي وخش عليا عمر انتظار وطبعا يسكن لم يخش انتظار
انا؛مراد جنبي جابلي عشاء وكنت نتعشا
ساره؛اها باهي هدرزي
وعمر يخش انتظار
انا؛بعدين تو تحكو تشاو توا
ساره؛تفو نبيش نسكر
انا؛هي ماهو عارفه انتي توا وقت ليل
وعمر سكن
ساره؛وووه منا ودينا لهم عمر
انا؛بالي ردينا زي قبل وقعدت ناكل
ساره؛خلاص تعالي ع نت
سكرت منها وشفت رسائل من عمر ذرته صامت
مراد؛كنها
انا؛شي تسال
مراد؛تمام نركب نرقد تالف بكل
انا؛به تصبح علي خير
ركب مراد وعمر يرن لميت فيسع وركبت سكرت دار بل مفتاح وفتحت ذولاب وخشيت فيه جوا ورديت بيش ماحد يسمع صوتي
عمر؛وينك ؛؛؛
انا؛ليش هضا كله
عمر؛ميه مره نفولك يا نم انتظار في ليل لا كيف تفهمي ؛؛؛؛؛ انتي كيف
انا؛عمر اهدا ليش تحكي هكي
عمر؛مع من انتظار احكي
انا؛مع منو ي عمر يعني كنك تعامل فيا هكي انت مش واثق فيا قصدك
عمر؛مش شور ثقه ؛؛؛
انا؛تمام
عمر؛مع منو
انا؛ساره نصورلك مكالمه لو تبي
عمر؛غير بلا شورخ نسال بس
انا؛باه
عمر؛خلاص يا فرح بدون نكد
انا؛مش نكد
عمر؛مرايفلك
انا؛وانا
عمر؛انتي شنو
انا؛مرايفتلك
عمر؛عطيني حبيبه
انا؛عارفني نعرفش
عمر؛غير هيا تذكري يوم سكرنا خمس اسنين وخشينا سته عطتيني بوسه لين تحشمت ازح انا
انا؛هههههه بارد
عمر؛نبي هيا
انا؛اااااااااااااااامواااااه
عمر؛اللله نعليا منك
انا؛هههه
عمر؛انحبك
انا؛نموت فيك
عمر؛معش نقدر نصبر ازح نبي نجي للخوكي خلاص
انا؛حبيبي خليها مازال
عمر؛لعند امتي يا فرح ازح
انا؛لعند يفرج ربي اصبر عليا بس
عمر؛ساهل ساهل توا خليني فبوستك السمحه نعليااا نحبك ازح
انا؛اه ي عمر حبك فقلبي كل يوم يزيد يزيد
عمر؛نعليا ازح
ومر ليل ونا نهدرز معاه سكر صبيت خشيت حمام وطلعت اذكرت حديني لي جابها ليا فتحت دولاب ولبستها في بدي يسار مع خانم وفرحانه بكل فرحتي وضحكتي ردت حمد الله واخيرا رقدت ونا في قمه سعاده نضت صبح علي رن نقالي رديت بدون مانشوف عارفته اصلا عمر رنه هذي رايفت عليها بعد غشز شهور سمعتها
انا؛الو
عمر؛صباح ورد
انا؛صباح نور حبيبي
عمر؛مرايف عليها رنتي هذي
انا؛حتي انا رايفت عليها وعليك
عمر؛انحبك حبيبي نوضي توضي وصلي ودير جوك انا ماشي للعمل
انا؛تمام حبيبي باه
عمر؛سلام نوا
سكر عمر شفت ساعه 9 رديت رقدت
ونضت علي دق باب مراد صبيت
مراد؛وين نوم هضا كله نوضي
انا؛به
صبيت خشيت حمام ونزلت درتله فطور وفطرنا
مراد؛ديري غداء امقنط جايني سراج بيتغداء معانا
انا كنت نشرب وشرقت اقسم بالله سمعت اسمه قلبي انغم علينا انطبق
انا؛شن يبي جاي
مراد؛مش عارف قالي نبيك في موضوغ و نبي عداء
انا؛مش تعركتو
مراد؛جا تاسف
انا؛اها بس فكنا منا سراج بارد نحبش
مراذ؛عيب عليكي ازح شن دارلك توا
انا؛شي شي
مراذ؛تبي حاجه من برا
انا؛سلامنك
صبيت لميت صفوه وخوف فيا مافيش امان بكل طلع مراد وسكر باب غسلت ماعين وضميت حوش وحظيت رز ع نار ودجاج فكوشه قعدت حايسه ومر وقت لميت جاجتي كلها وكنت بلبستي توته راكبه رن جرس قلبي دق ركبت نجري لداري سكرتها بل مفتاح ولبست عبايتي قعد يرن ويدق انا خايغه سراج جا ومش ناويلي علي خير رن نقالي رعشت برمت عليه شفته ساره
انا؛الو
ساره؛كلبه انزلي افتحي باب ساعه نرن
انا فرحت نزلت طايره من فرحه فتحتلها باب ونطيت عليها نصبط فيها
انا؛وسخه كلبه مرايفتلك
خشينا جوا وسكرت باب
ساره؛انتي اكثر يا كلبه والله حبيبتي
انا؛نعليا جيتك فرحتني من حابك
ساره؛بروحي جيت بسيارتي
انا؛بس سراج جاي متغذي را يديرلك مشكله
ساره؛عارفه واصلا سراح ماتحطيهش فبالك عرفت نخلص روحي من موضوع وعارف اني جايه
انا؛نعليا من الثقه تمام بكل تعالي نشوف رز
ساره؛هي
خشينا شفت رز ودرت سلاطه
ساره؛شن جو عمر
انا عيوني ضحكت قبل فمي
ساره؛لدرجه هذي ازف تحبيه اول ماتسمعي اسمه عيونك يملعو ونسمع فصوت قلبك لعند هنا
انا؛واكثر وحياتك وحياتي نا
ساره؛ربي يكمل عليكم
انا؛شوفي
وريتها يدي متاع خاتم
ساره؛خياااال بكل الخاتم يجنن من وين
انا نبستم
ساره؛هييي من عمر قصدك
انا؛اها من عمر حبيبي
ساره:يحنن بكل كيف عطه لكي
انا؛امس ووووو
ساره؛الله تهبلو عيني ماتضركم وربي يخليكم للبعضكم
انا؛ياارب امين نحبه يا ساره ادمنته
ساره؛ربي يدوم عليكم المحبه ويكون حلالك
انا؛يارب امين
رن مراد رديت عليه وقالي في طريق لبست ويشاحي وبدينا نحطو في غداء ووتيته الهم ع طاوله كله ودرت سفره ليا وللساره وركبنا فوق لداري حطيت ع الوطا وبدينا ناكلو سمعت صوت باب عارفتهم جو كمنا وكال وقعدنا نقرمو ونهدرزو ومر وقت طويل
انا؛نخش حمام ونجي
ساره؛باه طوليش بنخش نصلي
انا؛باه
ساره شعري طاح لميته وماحبيتش نزل صفره عشان مايشوفنيش مراد بارمه ع المرايه نلم ونفتح باب برمت وجي لجيه باب شفته مراد تفاجاء بيا وتلبك
مراد؛خير مانعلمش انك قاعده هنا
ساره؛خيرات اه عادي
الحق خفت قلبي معش متريحله مراد حكيت معاه هكي وطلعت من دار طول وهوا يبحت فيا
مراد؛قعدت نخوف لدرجه هذي
ساكته انا ومانبيش نرد عليه حاسه بدقات قللبي يعلن معرفتش هل من خوفي او من حبي له
بحت فيا مراد ونزل خشيت لدار وسكرتها حاسه بشي ملخبطني شي مش فاهمته او شن نبي رن تلفوني علي
ساره؛الو
علي؛ايوه شن جو
ساره؛تمام وانت
علي؛ميه ميه شن مدايره
ساره؛تمام
علي؛في حوشكم قاعده جاي وجيبلك حاجات
ساره؛اه لا في حوش خالتي بنت خالتي مرضت جيت نشوف فيها
علي؛شنو عند خالتك سالتيني شن قتلك انا يا نعن ؛؛؛؛؛ تي توا تروحي
ساره؛ليش نروح اهدا بس انت
علي؛روحي يا ساره خير ماتقلب دين امها فوق راسك كم مره نقولك ماتعطلعيش برا حوش
ساره؛شنو هضا حبس مدخلكش بيا توا بعد نجي عندك ساهل
خشيت لدار انا وبديت نبدل ونشوف فساره راقيلها
علي؛تي تم تم تعاندي في دين امي انتي تو نوري امك انا
ساره؛باه تم سحنتي عاد لا تخشي لا تطلعي وفي جامعه كاتم نفسي مادريش ماتفعليش وتخلي فيا مقعمزه من درن بنات بروحي شنو عيشه سوده هذي
علي؛تي تم
سكر فوجي حقير
انا؛كنكم تتعاركو
ساره؛تبي حق انا تعبانه منا غيرته قتلتني بكل حرمني من كل شي
انا؛هييي كيف
ساره؛تو نحكيلك خلينا ننزلو نغسلو ماعين
انا؛باه
لبست وكديت شعري ونزلنا نغسلو وساره تحكي
ساره؛تخيلي في جامعه حارمني من مشي يقولي لا يشفوكي اصحابي شباب يعاكسو مافي مشي والكافتيريا حارمني منها نموت عطش ومانمشي طول وقت فجامعه يراقب فيا مش مخليني نتنفس منا بكل متعبني اقسم بالله بشكه وغيرته حرمني من سيارتي معش نسوق بي نطلع من وراه حرمني من طلعو كاتم نفسي وصابره
انا؛هييي هضا كله وصابره
ساره؛شن بندير ها شن ندير خلاص نبي نتريح من هلي وهم مراد وتفكيري فيه
انا؛علي اساس لم تاخذيه حتكوني متريحه انبي حتزيد حياتك تعقد فتعقد الشك مش كويس
ساره؛الله غالب هضا نصيبي
انا؛ماتسكريش راسك وفكري عندك فرصه تحصلي عندا معش تقدري تردي تقعدي مطلقه معقوله من بياخذك بعدها
ساره؛يستر الله حيتغير قالو
انا؛لي فيه طبع عمره مايتعبر عليه ساره فكري قبل ما يفوت الاوان
ساره؛يصير خير
انا؛ملحي انبي خليكي ع حالك هضا
ساره ساكته كمنا عقاب ضم نسمع فنقالي يرن ركبت فوق خذيته ورديت
