حلقه (6)
رواية
#وجع_يتيمه
.
.
.
- وعدتني بأن يكون مابيننا أبدي ،
ونسيت أن أسألك أهو حُبك أم وجعِي ؟
.
.
عديت انا وياه للمطعم وكنا مقعمزين وطلبنا وجا عمر من بعيد يشاور للمراد
انا شفته برمت وجي وووه يبش يخطاني هضا
مراد؛تعال
جا عمر وصبا مراد بسلم عليه
مراد؛شن جو
عمر؛تمام وانت
مراد؛تمام سمحه صدفه وين مراتك
عمر؛لا جيت ناخذ في سندوتشات وماشي في حوش
مراد؛تم صحه
عمر؛علي قلبك
عدا عمر واجا الغداء مشويات ورز وسلاطات قعدنا ناكلو ويهدرزلي علي جو برا وانسجمت وغيرت جوي حق
مراد؛نروح بيكي للحوش ولا عندك مكان ولا نشيلك كافي
انا؛لا خلاص روح بيا
مراد؛وجه نكد انتي طبعا
انا؛تعبت ماهو خلاص
روحت حطني وعدا ركبت عند احمد سلمت عليهم وشفت نوري
انا؛وينك امس مختفيه واول امس
نيروز؛كنت عند هلي
انا؛اها تمام
احمد؛جاكي مراد عاد نحنا خلاص توا
انا؛ههههههه لا معقوله
احمد؛كنتي معاه
انا؛اها تعدينا وروحنا
احمد؛قوليلي مره ثانيه
انا؛به
قعدت شويه عندهم وبعدها نزلت ساعه خمسه بدلت ونهيت اموري وجيت رقدت رقده سمحه جا مراد نوضني ساعه 12
مراد؛نوضي دريلي نص جعان
انا؛اوف منك دير بروحك
مراد؛لالا انتي نوضي هيا
انا؛اوف عاد اوف
صبيت خشيت حمام وطلعت نزلت لوطه درتله سندوتش وركبته له
مراد؛منوره
انا؛بوجودك
خشيت داري فتحت نت وسكرته رديت رقدت حياتي ممله مافيهش حاجه جديده نفس حال
عند مراد
كاين يفكر في سارة
مراد؛ازف كيف قلتها الها انها كيف اختي وانا عحبتني للنم لفتتني بكل وعحبتني لقني احمار ولتتم اخرا
عند سارة
سارة؛اوف من بختي قالي اختي وشعور لي حسيته معاه امس شن نسميه هضا هك انا حظي عطيب
سالمه؛سارة
سارة؛ها
سالمه؛من وين ورد هضا
سارة؛من فرح جتني مبدري
سالمه؛مرايفه عليها كلبه الوكيس هذي شن فيها
سارة؛شكولاطات
سالمه؛عليش جيبتهن كنها ماستنتنا لين جينا
سارة؛اين تستنا وانتن كيف روحتن
سالمه؛كان باتت مرايفن عليها والله
سليمه؛فكينا منها مانطقيهش بكل
سارة؛سكري فمك اكبده لقلوب عند بعضها حتي هيا مااطيقك بكل
سالمه؛حرام عليكي كويسه والله وطيبه وفحالها
سليمه؛ماعنديش عليها انا ونحس فيها ثقيله
سارة؛انتي الثقيله والله
سليمه؛قالو ناقصه بالي انقصت البقرة
سالمه؛ريتي من يحكي ع بقر انتي بذات سكري فمك
سارة؛كذابه عندك ماتقولي حسمها يهبل حتي بدون ماتنقص وتوا رايحه تهبل بكل
سليمه؛باه باه
وطلعت
سارة؛خاطري نعرف ليش تغار منها هكي
سالمه؛والله ماني عارفه ليش
سارة رن نقالها
سارة؛عنديش له راس
سالمه؛من
سارة؛منصور ثقيل
سالمه؛فكينا منهم لي تكلمي فيهم
سارة؛بنفوتهم انا اصلا حنكسرها شفره
سالمه:ايوه سلم خيتي بكرا نعدو للخالتي هدي نرمين تبي تبدا في حاجات
سارة؛تو نقول للفرح ونعدو
سالمه؛باه
نعرفكم علي عيت خالتي سميه
بات ساره اسمه جيريل وخالتي سميه
وعندها سالم اكبر واحد ومتزوج حواء
وبعدها سالمه ومخطوبه وبعدها سليمه وبعدها ساره وبعدها سمير اصغر واحد
.
نجو عندي انا نضت مع ساعه 3 في ليل وقعدت واعيه ماده وجي والف فكره تجي فبالي وعمر اول افكاري طبعا فتحت فيس وخشيت ع ماسنجر ولقيت محادثه عمر وشفته فاتح خشيت نقرا في محادثه كانت في نهايه دوتنا عمر يوعد فيا
عمر؛والله انتي حبيبتي ونوعدك وعد راجل مستحيل نسيبك ولي بينا حيكون لنهايه عمرنا
انا؛وانا نوعدك يا قلبي مستحيل حد ياخذ مكانك وانا لك
عمر؛نحبك فروحتي رايحه طرف مطرف
انا؛ههههه من يومي يا حبيبي
عمر؛نعاليا منك وخلاص والله يا فرح نراجي في اليوم لي يجمعني بيكي
انا؛انا اكثر منك يا عمر نبيه يجي اليوم قبل بكرا
عمر؛قريب يا قلبي خلاص معش نقدر نتحمل بعدك انا
انا؛ولا انا والله
عمر؛فرح خطرها شعر لي طلعي فيه فوتيه ليا خيرلك
انا؛والله يطلع بروحه هي
عمر؛جديده بروحه هذي
انا؛هههههه لا قديمه
.
كنت نقرا ونبكي وكنت نبي نرقا بيش نقرا باقي وفجاء صبعي يزر ع الايك ويمشي للعمر وعمر طول شافه طول كانه قاعد علي محدثتنا يقرا طلعت من محادثه نجري وصبيت نخبط فوجي وووه عليك عار عطني كسر عطني كسر عطني موته ووووه عليا وووه حشمه سوده شفته دزلي فرح مابيتش نرد نخبط فروحي دزلب اخرا فرح ردي واخرا ردي نبيكي كنت نقرا فيهن من فوق وساكته قعد يدزلي والحق انا نضعف قدام عمر رديت
انا؛عمر كنت بنحذف محادثه جاك لايك بصدفه قصدي بل غلط
عمر؛احلي صدفه يا فرح
انا قلبي يدق بقوه فطناتله شعور هضا هيا لحظه بس طيرتني فوق بكل
انا؛اوكي عمر
عمر؛خليكي فرح
اتا؛ماعنديش مكان يا عمر مكاني انت عطيته لغيري سلام
عمر شافها وماردش طبعا كل مانبي نبدا من جديد نرد لنقطه صفر سكرت نت وقعدت نبكي رقدت ونضت ثاني يوم رنت عليا سارة
انا؛ها حبي
سارة؛بيش تعدي معانا ليوم ماشين للنرمين
انا؛باه توا نشوف
سارة؛مش تشوفي تعالي باهي
انا؛باه
سارة؛تم حبي
انا؛تم
ضميت حوش ودرت عداء ورنت علبا نرمين عزمتني علي اليوم وباقي الايام
نرمين تقعد بنت خالتي هدى بنت وحده وعندها خمس خوت
عبدو ومحمد وعلي وعبد سلام ومالك
جا مراد
حطيت الغداء وقعمزنا ناكلو
انا؛كلمتني نرمين تعزم فيا
مراد؛علي شنو
انا؛فرحها ماهو قالتلي قاعدين نديرو في حلويات وهكي بيش تجي تسعدينا
مراد؛مشاء الله عقبالك
انا؛سلمك
مراد؛نشيلك
انا؛انت عارف نقدرش احمد
مراد؛شن دخل امه هوا نبي تمشي نشيلك وموضوع شوري
انا؛باه نرن علي احمد نقوله بالك يوافق
مراد؛ترني لا شي فوتي انا قتلك باه وتم وشوري احمد مضبط مراته ويبي يحكم فيكي يمشي يملخ موضوع لي صار مش شورنا بيه
انا؛فكني منا احمد عصبي ومرات يضربني
مراد؛وحق ربي يمدها يده نتفاهم معاه
انا؛اوف فكنا من مشاكل
مراد؛امتي بتعدي وانا حنشيلك موضوع منهي
انا؛مع سته خمسه ونص
مراد؛تمام نركب نرقد وبعدها نطلعو اها وسارة
انا؛كنها 😒
مراد؛بتعدي وهكي يعني بالك نتكو ناخذوها
انا؛لالا عندها خوت توً يشلوها
مراد؛باه تسلم يدك حلو الغداء
اتا؛صحتين سلمك
صبا مراد ركب فوق وانا خشيت ضميت مطبخ وبخرت حوش وركبت نستشور فشعري وطلعت دبش لي جابه لبا مراد نختار منا خترت بلوزه سمحه بكل كاين لونها اسود واكتوفها طيحات وفيها سير من خصر لونه حمر وانا هكي نحب اهم حاجه السير لي فا خصر وطلعت بنطلون اسود ضيق وطلعت كعبي الحمر واكستسوراتي اتكيت شويه ع سرير درت منيكر حمر وصبيت بديت نمكيح طبعا مع مراد ناخذ راحني في مكياج مايدققش وماعندش عليه اصلا مكيجت ودرت روج خفيف بكل وصبيت نلبس لبست دبشي وصبيت علي مرايه
انا؛نهبل والله اصلا انا خساره فيك يا عمر انت وعيونك البقه الصغار هذينا حقير
لبست كعبي وبرمت علي شعري درته قرن وعديت دار مراد ندق
مراد؛واعيه واتيه انتي
انا؛وانيه وانت
مراد؛واتي خشي خوذي سوريتي حدديها بس
انا؛ووووه عارفني نحبش تخديد ومانعرفش
مراد؛تي كيف ماتجي تجي
انا؛اوف باه
خذيتها وطلعت حددتها له وحبتها له للبسها وطلعنا عدينا عند خالتي وصلنا نزلت انا وخشيت حوش ليا زمان عليه
دقيت باب فتحلي مالك
مالك؛اها نفضلي
انا خشيت
مالك؛يا هدي صحبتك جت
انا؛تي عينك صحبتها انا فرح
مالك برم عليا
مالك؛سالتكً بالله تحكي جد
انا؛والله معقوله نسيتني
مالك؛والله ليا زمان عليكي ومعش شفتكً وتوا رايحه ناقصه والله ماعرفتك بكل
انا؛ههههه عادي شن جوك وجو هندسه
مالك؛حمد الله ماشيه الامور وانتي شن اخبارك
انا؛حمد الله بخير ماشيه نزلت نرمين سلمت عليا وسلمت علي خالتي اضيطتها وقعدت تبكي وانا نبكي احمد حرمني منهم ليا سنه تقريبا ماجيتهم
خالتي هدي؛ستر يا بنتي ليا شهرين ماشفتك كنك ضاعفه هكي بسم الله فيكي حاجه
انا؛لالا والله كويسه بس من قهر يا خالتي قهر
خالتي هدي؛الله غالب تحملي وسمحيني عشان معش جيتك انتي عارفه لي داره احمد
انا؛عارفه
خالتي هدى؛كيف طلقكً احمد
انا؛اهو مراد روح يا خالتي
خالتي هدى؛والله حد طيب فيكي هوا لي يخفف همك خليه يجيني مرايفه نشوفه
انا؛تو نكلمه لك يحساب في صيايا هضا ليش ماخشش رنيت علي مراد وقتله تعال خالتي تبي نسلم عليك
وطول ماانا حنبها تبوس وتخب خالتي هدى كانت قريبه من ماما بكل ونحبها حب مش طبيعي حنونه بكل بكل وانا نهدرز معاها جت خالتي سميه وبناتها صبيت سلمت عليها سلام حار وحب وسلمت علي بناتها وطبعا سليمه كالعاده تسلم من غير نيه قعمزنا نهدرزو وحت خالتي رويده وماعندهش بنات هذي اصغر وحذه فخالتي من ال82 وعندها عيل واحد وصغير من ال2006واسمه موسي صبينا سلمنا عليها وجت بنت عمها اسمها روان كانت حلوه ورافيه بكل وكانت لبسه لبسه عار وعريان خطرها وكلهم يسالو فيا كنك ناقصه وذابله وانا نرد لاشي ونحنا نهدرزو رن جرس انا عرفته مراد
انا؛سارة صبي افتحي نحنا بيدينا نديرو
ساره؛باه هي
سارة كانت لبسه بلوزه ورديه وبنطلون امريكي ومخششه بلىزه جوا وكعب ابيض وسعرها كعكه فوق طلعت برا وفتحت باب وشافته
مراد؛خير وعيونه لوطه
سارة؛خيرات تبي فرح
مراد؛لا خالتي كلمتني تبيني نسلم عليها
سارة؛فيش خد خش تفضل
خش مراد وسلح كويشه وكاين يبيش يخش جوا ساره اذكرت روان ولبستها وبلوزتها وبنطلونها المشرط مسكت مراد من يده مراد قعد يبحت ليا وانا نبحت فيه طلقت يده
سارة؛ماتخشش لالا
مراد؛عليش
سارة؛اذكرت في صبايا عمامهم وبناتهم
مراد؛باهي كلميها ليا
سارة؛باه
عدت سارة تكلم فخالتي ومراد يبحت في ظهرها واذكر البوسه حك عيونه وصحصحه علي روحه
جت خالتي للمواد وقعدت تضبط وتحب وسلم وليدي وربي يحفظك رايح غزال ومن هل كلامً عدا مراد وقعمزنا قعدنا نديرو في بوريك ونهدرزو وغيرت جوي وانسجمت بكل حسيت روحي بين ناسي رن تلقوني نحسابه مراد شفته طلعت ولاء صبيت من جنبهن وعديت برا في جنان
انا؛حبي خيرات كيف حالك
ولاء؛تفو عليكي مرايفتلك بكل
انا؛والله انا اكثر يا قلبي شن اخبارك وشن حو زواج معاكي
ولاء؛حمد الله تمام قاعد انتي وينك
انا؛قاعده والله انتي لي وين ازوجتي نستينا
ولاء؛والله تلاهي والله تو تزوجي وتجربي
انا؛نجك ليا شن اخر اخباركً
ولاء؛قاعده واللهي حال لجيج
اتا؛هيجي عاد
ولاء؛ههههه مش غير سفرتي تقدمت اسبوع جاي
انا؛صاح تمشي وتجي طيبه
ولاء؛امين خليني نشوفك والله مرايفه عليكي هي
انا؛والله انا اكثر يا نبضي تو نتلاقو
ولاء؛امتي باهي تعاليلي في حوشنا
انا؛اه حاضر تو نشوف
ولاء؛احكيلي شن اخبارك وديت تقري
انا؛لا فرقت ماهن حكيتلك احمد شن قال
ولاء؛هابا وخلاص منا احمد هضا
انا؛خطرها مراد روح
ولاء؛صح باهي حمد الله ينفس عليكي امتي روح
وقعدت نهدرز معاها وسكرت عليها وخشيت جوا مع بنات كملنا حاجاتنا وجا وقت ترويح روحنا
مراد؛شن جو
انا؛تمام حلو
مراد؛باهي تمام نحطك وماشي
انا؛وين
مراد؛جماعه يراجو فيا
انا؛باه تمام
وصلنا نزلت من سيارة شفت عمر مقعمزه فم باب حوشهم كاينه جمتي طالعه ومكياج ولبسه قصيره يبحت فيا بغل طبعا خشيت حوشنا فتحت باب وخشيت ركبت فوق بدلت دبشي وجيت فمكاني دق باب
انا؛خش
خش احمد
احمد؛شن جو
انا؛تمام
احمد؛وين كنتي تنسرفي وشن قتلك انا
انا؛كنت مع مراد قالي ندهورك ورنيت عليك خارج تغطيه قالي غير هيا مش حيتكلم معايا
احمد؛اها نزلت مبدري بنحكي معاكي في موضوع
انا؛احكي شنو
احمد؛يا فرح جوني فيكي عرب ونعرفهم كويس وتعرفيهم مافيش داعي نسالو عليهم وانا موافق وونبي نعطيكي
انا لم جاب سيره الخطبه طرل عمر جا فبالي وقعدت متلبكه وخفت نبيش نزوج
انا؛اه شن تحكي انت عرب من
احمد؛
#يتبع
عارفتها حلقه قصيره بس لقيت روحي نكتب ونتعب فروحي ومافيش تفاعل يعني لو روايه مش عجبتكن قولن بيش نوقف كتباتها قصدي نشوف في روايات شينات اقسم بالله وعليهن تفاعل كبير
للكاتبة؛سوسو
