-ليه ؟!
- ليه انا اشمعنى أنا بالذات هو انا وحشة اوى كدة للدرجة دى مستاهلش .....
كانت تجلس منطوية و متقوقعة على نفسها تحتضن قدميها و تضمهما إلى صدرها بقوة تكاد أن تكسر أضلعها تعيد على مسامعها تلك الجمل مرارا وتكرارا ظلت تهذى حتى سكنت فجأة كما تكلمت فجأة و نهضت لتجد نفسها رغما عنها بمواجهة مرآتها ف صرخت فى صورتها المنعكسة فى ألم
- ليه ؟!
- ها قوليلى ليه ؟! ليه انتِ كدة؟! عاجبك حالنا دلوقت ؟! عاجبك ؟ ردى عليا ؟!
- ليه بقيتى وحدك بصى حواليكِ مفيش حد كلهم بح طاروا و بعدوا عنك عشان انتِ شخصية وحشة و لا تطاق
- بس ليه بردو ليه بيسبونى وحدى ليه أكون سهل أتساب ليه مبتحبش ليه اتحكم عليا أعيش وحيدة
- ليه لما بحب حد بحاول أديله كل إللى جوايا و أقله قد إيه انا بحبه و بحب وجوده و مستعدة أثبت له ده عشان بس ميسبنيش أو يبعد عنى
- ليه لما بحب حد بجد أو اتعلق بيه بتوجع و بترعب لدرجة انى أبذل مش عشر أضعاف لا مليون ضعف طاقتى عشان بس محسش بكدة عشان أفضل متمسكة بيه ف أطمن نفسى أنه هيتمسك بيا زى ما بعمل معاه
- ليه طاقتى بتخلص و تفضل تخلص لغاية ما بتتنسف تماما بس بردو بفضل أحاول و أحاول و أحاول لحد ما تيجى عليا لحظة ببطل محاولة ليه ؟! مش قادرة أكمل مش قادرة استمر على المحاولة تانى مش هقدر ازق نفسى عشان احاول تانى ؟!
- ليه الناس لما ببطل محاولة مش بتحاول عشانى ؟!
- ليه مش بتشوفنى ليه فجأة بنسحب انتِ مش متشافة محدش ملاحظ انك بتبعدى محدش عايزك
-هو انا للدرجة دى وجودى زى عدمه ؟!
- هو مش عاوزنى؟!
- مش عاوز يكلمنى؟!
- مش بوحشه مش بيحبنى؟!
- هو أنا للدرجة دى كنت مضايقاه ف ارتاح منى ؟!
-طب أهو هو بيحب و بيتكلم و بيضحك و يهزر مع كتير أوى غيرى بالساعات والأيام طب وأنا أنا فين و مش ملاحظنى ليه ؟!
- مش ملاحظ غيابى؟!
-طب أرجع؟
أوعى لو عاوزك لو شايفك لو بيحبك هترجعى لكن انتِ مش موجودة ف حياته
- بس أنا موجودة انا انا محتاجاه ازاى يسيبنى ازاى يخلينى أبعد طب ليه هو انا أذيته؟!
- أرجع ؟!
ده قال انه زعل انى بعدت عنه ظلمته و زعلته يا ريتنى ما عملت كدة
-ايه ده ده سايبنى تانى فضل معاهم تانى مسألش عنى طب هكلمه يمكن مستنينى بس زعل تانى
بس مين إللى من حقه يزعل ازاى بيقول انى غالية اوى و أهم منهم كلهم و غيرهم كلهم بس هو بيكلم كلهم و معاهم كلهم و انا لأ؟!
-لازم أبعد لازم أكرهه بس مبعرفش أكره
-طب هو ليه فى غيره شايفنى حلوة ليه فى غيره شايف انى جميلة و بيقول انى جميلة ؟!
بيكدب عليا؟! أكيد بيكدب لأنه بعيد مش قريب زيه مش شايفنى بعينه مش شايف انفعالاتى و عياطى وجنانى ف شايف انى حلوة و بس ولو جه و شافنى بجد هيعرف الحقيقة هيعرف انى مش كدة ف هيمشى
طب تيجى نتفق اتفاق محدش يقرب تانى محدش يحبك تانى ده لو فى حد هيحبك اصلا لو حد قرب اجرحيه ابعديه خليكِ الغلط عشان تتنسى و انت سهل تتنسى عشان بس ميأنبش نفسه و يفضل يسأل نفسه هو وحش؟!
#يارا💛
