💎حكايتنا💎
لمحت الثقب في سفينتك منذ اليوم الاول للحكاية
لكني غامرت بالابحار معك
ظنا مني ان الحب يصنع المعجزاات
رأيت فيك عنوان لحكااية بدأت تبزغ في قلبي منذ نعومة اظاافري..عشقت فيك روحك التي تبعث فيني الامل...كنت أسبح في يم الخيبات ولا أرى مفرا الا انك كنت دائما تتوقع غدا افضل يختصر قوتنا حينما كنا بصدد الاحتضار..وكيف اننا نجونا من اساطير المجتمع كي نحافظ على بريق حكايتنا..حكاية الازل والى الابد
#سكينة ايت الكبير
فظلالك عااايشيين..وفقنوتك قضينا اجمل اوقااتنا..كتضوي كل نهار..ونهار على نهار كيتزاد جمالك..بسااحتك الواسعة وبقلبك رحيب ..ببساطة نااسك وبجودة سلعتك..بهواك النقي لي يفاجي على قلوبنا..وبشميستك السخونة لي تدفي فالصيف وتبردك فالشتا..فالفصول كاملين راك عامرة اجي ليك لبراني منين ومنين ويقطع على ودك لبحاار والطرقاان باش يجي يشم هوااك اتسارا فعرااصيك..يعاشر نااسك وينشط ويزهااا مع اثارك
الى مشيتي للالة الكتبية غتلقاها عامرة محزما واجدا وجردتها لي كيف الخريف كيف الشتا نازلين وراق شجرها...بها كرااسا كيجلس عليهم الغني والفقير..الماشي والجااي..والراجل هاز جوج قفاف فيهم زريعة وكاوكاو ويضور اترزق عالله..الضحك والنشااط فيك ياالالة المنارة ومن جمعة لجمعة مكاين هي لماازين والتقيتيقات والنزاهة..والطناجي
لي جا ليك امرااكش كيخرج زاهي وناشط وضاحك وداي معاه نكيتات افوج بيهم
فكل قنت منك يامرااكش كاينا الاصالة وثراثك باقي محافظين عليه..الرياضات لي عمرو والاثار لي كملو..اشمنك يا رياض العروس وشمنك يا دفا وربع..وعرصة الغزايل والملاك ومولاي عبد السلام..ظار لباشا الكلاوي والرميلة..طوالة بريما..الملاح وغيرها من القنوت خلاتنا نشبتو بيك امرااكش ونبقاو فأصالتك..دمتي يامراكش يالغالية فقلووبنا 😊😊
وسط من دروبك يامرااكش وبظبط المدينة القديمة وفبلاصة الرياضات..كاين ريااض من افخم الرياضات فمرااكش..بابو خشبي ومزين بنقيطات فذهبي..وفجنبو بلاكة ملصقو فالحيط مكتوب عليها"رياض الساجدي" وفيه مدقة على شكل يد كيتدق بيها...
صباااح بكريي..شرقات شميسة دافية فارجاء مدينة البهجة وبداو الناس كيخرجو يقضيو مصالحهم وكلها وغرضو...فوسط رياض السااجدي..اكبر رياض فمراكش وافخموو..مبني على حقو وطريقو وقديم ومفيني بالطريقة التقليدية كتوسطو خصة كتشرشر بالماء العذب وفجنابها كاينين جليساات باثاث تقليدي مئة بالمئة..
صونات المكاانة فالتيلي..ومداات يديها البيضااء تسكتها..طفاتها بعينين شبه مغمضين..وتكاات على ظهرها كتترتاح من نعااس ههه وكتأمل فسقف غرفتها لي مجبص ومزوق على حقو وطريقو ومتوسطاه ثريا من افخم الثرايا..بيت تقليدي فيه نامووسية فالوسط مدورة مفرشة بالبوردو والنقش فينما مشيتي..بتاسمات وتلفتات لجنبها لقاتو نااعس على كرشو وراسو تحت المخدة مسرح بظهرو العريض على الناموسية قربات منو وباستو فكتفو وقالت بهمس:ميموووو
...:لا رد
...:ميمو..ميموووو
...:مممممم اش كاين؟؟
وردة:فيق احبيبي ياله توجد راسك
جبد راسو من تحت المخدة وعينيه منفوخين بالنعااس كيشوف فيها من بين شفارو وقال بصوت مبحوح:شحال ساعة؟؟
وردة:الستة ونص هادي ههه
محمد:نن نيتك المشكودرة ههه اش غمدير انا فهاد لوقت؟؟
وردة:ياله تدوش وتوجد خههه
محمد:ههه(رد راسو على لمخدة وغمض عينيه)سيري احبيبة فيقي دوك المونيكات ديالك ورجعي فيقيني ههه
وىدة ضحكات بدلع وباستو فحنكو وناضت هزات بينوارها لمليوح فالارض فالاسود ولاحتو عليها على لحم ملابسا والو واصل حد الفخض وشعرها كيضرب تال ترمتها..توجهات للحمام لي كان فبيتها كتفوه..ظخلات ليه وكان عبارة عن حمام كبببير بجاكوزي حداه جميع مستخضرات التجميل الخاصة بها..توجهات للرشاشة لاحت لبينوار ودخلات تحتها..غسلات شعرها وشللات لراسها وتوضاات ومدات يديها هزات بينوارها الاسود وخرجات دارت فوطة لراسها ومشات وقفات قدام مراية كتشوف وجهها وتبتاسم هي بوحدها..كتفكر كي كانت وكي ولات..كبىاات فالعمر وزادت نضجاات..غلاضت وبان فيها عمرها..عندها بعض التجااعيد حدا عينيها وفجبهتها وبشرتها بدات كتحول من بشرة شابة لبشرة شيخوخى..ومع ذلك كتهلى فراسها وديما كتجدد فراسها وولات أنثى بمعنى الكلمة...دهنات وجهها بكريم مرطب وخرجات من الحمام لدريسينغ..نشفات لحمها ودهناتو بكريم بنكهة الرمان ولبساات دوبياس فالاصفر وسورفيت سودااء وخلات الفوطة فوق شعرها الفازك..خرجات جارا كلاكيطة فالابيض والسزرفيت لاصقا عليها مبينا فورمتها..خرجات من بيتها وصقيل فالريااض هي صوت الخصة لي مسموع وصوت طبيبت كيتردد فارجاء الرياض..بقات غادا مع الكولوار فاش كاينين لبيوت تاوقفات عند واحد وحلاتو بشوي وطلات..كان بيت كبير بزااف على طريقة عصرية فيه ثلاثة تالآسرة..بدات كتقرب ليهم وبتاسمات ملي شافتهم كي ناعسيين..قربات حدا واحد سرير وجلساات فطرفو كانت فوقو بنية فعمر الرابعة عشر سنة ناعسا على كرشها لابسا شورط فالشيبي وديباردور فنفس اللون طالع على ظهرها
وشعرها حد لكتااف فالقهوي ومدورا وجهها لجنب وحالا فمها..بدات كدوز على راسها بحنية وقالت:لولو..بنتي..فيقي أحبيبة فيقي
..:نهنهنهنه
وردى:فيقي احبيبة راه وقت المدرسة ههه
حلات البنية عينيها بصعوبة ومحاملاش تنوض وقالت:عنعنع واخليني هي شوي أ ماما
وردة:غتنوضي ولا نخوي عليك جاابير ياله تgعدي
حلات لبنت عينيها على وسعهم حيت عارفا مها هبيلة وديرها وفايتا دايرا ماكفس..شافت فيها مخسرة وجهها:من نيتك😏😏
وردة:هههه اييه ياله تهزي خلاص دخلي وجدي راسك انا غنفيق خواتاتك
ناضت اكليل الورد من بلاصتها تتصوت ودخلات للحمام مبوقة بالنعااس فحين وردة ضحكات وقالت:زريعة القنب تتتفيق هي بتخرااج العينين ههه
تلفتات لجنابها لقان جوج آسرة بقات كتفكر بمن تبدا حتا ناضت وتوجهات على يمينها لسرير ناعسة عليه مراهقة صغيرة بعمر السطاش العام ناعسا على ظهرها وشعرها مغطي وجهها..لتبسا سروال تالبيجامة فالصومو ومعاه ديباردور ولحمها بيض بلق..وعامرة..جلسات حداها وردة وهزات يديها حيدات ليها شعرها على وجهها بحنبة وبتاسماات لنعستها الطفولية..كانت بنت بيضة وعامرة شوي وجهها مضور ونيفها عريض وعندها خالة فوق شفايفها..بدات كتفيقها بصوت حنين:توبة...توبةة فيقي ابنتي غتمشي لمدرسة
توبة:😴😴😴😴
وردة:وانوضي عفااا بنتي اه بيمشي عليك الحال
توبة:(بصوت مغنغن)عنعنعنعن مقاريااااش
وردة:نوضي gالاك مقارياااش ههه(جرات عليها لغطا)تجعدي لمك
توبة:(صعرات)عنعنعنع وابيت نععععس عنهنعنعن
وردة:(خرجات عينيها)تنوضي ولا نكب على حسك لما لقاطع وديك ساعة شدي لفراش بمرااا
توبة:واشتي نتي هااا ديااال ل...
ياله غتنطقها وهي تخرج فيها وردة عينيها وسكتات..وقفات تتنفخ وعينيها منفوخين وقالت:واش دابا نعاس تاهو حراام فهاد دااارهااا
وردة:(كدفع غيها للحمام)سييري وجدي راسك ونتي تتفيقي كي التهامي مول الحووت خصك هي معامن
توبة :هاهي غاديا واديريها فين تجييك😠😠
وردة:(كضحك)ههههههه عاودي لمك هههه
دخلات توبة تتنفخ وتضرب ففخادها ومع هي قصيرة تتبان كي شي فكرونة..حلات باب الحمام ولقات اكليل ختها لي صغر منها ب عامين تتدوش وقالت:أ خرجي خلاااص اديك موووكة واش تتغسلي من الجنابة
اكليل:تنغسل من لخرا لي طليتينا بيه لبااارح اتريكة الحمص يخ
توبة:مافيا لي يتجاحد معاك مع صباااح خلي تنحل عيني ونهضرو ديك ساعة
هزات شيتة تسنان وتقابلات مع المرايا تتحك فيهم..كملات وشللات فمها وغسلات وجهها وقالت:بنااقص من هاد دوووش معاكم يخ
غسلات وجهها ومسحاتو وخرجات مقندشة ..فهاد الاثناء كانت وردة كتفيق فاخر العنقود..نعمة الساجدي..وهي لمكالميا فيهم هي جلسات حظاها وقالت:نوضي باش تشوفي باباك راه جااا
حلات لبنيتة صغيرة عويناتها بفرحة وناضت كتحك فيهم وقالت:بصح😍😍😍جااا(بغات تنقز باش تمشي تشوفو وحبساتها مها
وردة:ههههه زgااي الهبيلة هههه اجي نلبسك بعدا وسيري فيقيه
نعمى:(بصوت طفولي)لا لا عفاااك نمشي نبوسو ونزيي عفااااك(باستها فحناكها)عفااااك
وردة:هههه ياله سيري ودروك تكوني عندي ياله
نعمة بالفرحة ناضت كتعتر وتتجري وشعرها كيضرب موراها وحلات لباب وخرجات لبيت والديها ..ضحكات وردة ووقفات وقالت:تريكة شمندر لكرش لي تولد زمر تولد تمر ههههه
خرجات توبة من الحمام تتنفخ وتهضر هي بوحدها
وردة:أ لله يعفووو ابنتي
توبة:على لي تلفو أما حنا هي تنتبوقو
وردة:جوااابك على نااابك سبحااان الله
توبة:(كطنز)لحاجة لي متشبه مولاها حرام هه
وردة:عااايري لمك وسبيني هههه
توبة:(تتقلب فماريوها)حاشا الحب تانعايرك..نتي راك هي لوردة تهاد دااار هههه المشكودرة
وردة:(كضحك)هههههخخخ واخا ابنت المشكودرة..ياله لبسي دغيااا انا نمشي نشوف لا رشيدة واش وجدان تلفطوور
توبة:واخا
جات وردة خارجا وهي توقفها توبة بصوتها:ماما
تلفتات ليها وجات توبة لعندها هازا حوايجها فيديها باستها فحنكها وعنقاتها من كرشها وقالت:صباااح الخير ههه
وردة:(ضحكات وعنقااتهغ)ههههه مسيخيطى ههه(باست ليها راسها)صبااح الربح والتيسير لاحلى مولات عيووون
توبة:هههه يااك..
ضحكات وردة وباستها فحنكها وخرجات تأكد من ان الفطور واجد..فحين توبة حيدات حوايجها وبقات بدوبياس فالاكحل وياله غتهز تلبس وهي تخرج ختها لاويا عليها فوطة وشعرها سارد وقالت:صباح الزفت وابطرقان المغبرة يخ
توبة:(زفات عليها بصباطها)صباااح مك الكلبة صباااح الله😠😠
اكليل:(تفادات دقا)الله يعطيك الهرس البواااالة جمعي يديك عندك
توبة:تاتجمعس فمك عندك الحووولة..هزي هزي نظاظرك لتعثري..يخ
اكليل:نحواال تانعيااا وغزالة عليك..متوصلينيش الدبة
توبة:ههه بردي على راسك ههه دركي خلاص الى غاديا لطواليط تأريحا
اكليل:(خسرات سيفتها)ييع هلى بنت كيدايىة...واش كاينا شي بنت فهاد العالم تتgول للمدرسة طواليط بففففف ممربياااش
توبة:(تتلبس فسروال دجين)ههههه شغلك الالة..نقول ليها تا جهنما الكحلة هههه
لاحت عليها كابيتشو كحل وسروال بيض ودارت سبرديلة ومشات تتجمع كتوباتها كل واحد فين مجلوق فحين اكليل مشات لماريوها لي مستفا فيه
كل حاجة بلاصتها..وبدات كتجبد فالحوايج لي غتلبس..جبدات سروال جينز فالازرق بارد وشومبز فالاسود كم..ودارت سندالة فرجيلاتها البيضين وهزات سوشوار تتنشف شعرها وطلقاتو على راحتو..شافت فالمراية وبدات كدير فالايكرون تشمس وهي تنطق توبة لي كانت تتمشط شعرها قدام مرايتها:والله واخا طلي ليه الخراا مدردر بجنجلان لبياااض😂😂😂 لي زين زيين أ عيشة ريال
اكليل:(تتدلك لايكرون)مشي..بصحتي وراحتي..
توبة:انشيك ومشي ميخلي فيك لا عظم ولا شي ابنت درب ضباشي هههههه دلكي دلكي ديك سنطيحة الكاميووو مزيااان راه تتشد فيها شمش بحال الفاخر😂😂😂
اكليل:(تعصبات وحطاتها من يديها)واش غتخرجي تقا*** علي ولا نبتلي فمك مع هاد الصباااح..غيبي عليا لنهرس ليك دااك راااس
توبة:(هزات طابلية وساكادو)اححح عليك أ سكايرية فاش تتعصبي تيتفرشو ليك مناخرك بحال جلدة الرضاعة😂😂😂
اكليل:عقلي عليها والله تنقولها لبابا بلاتي هي تيجي لجد مك الى منحط ليه داكشي لي درتي فهاد سيمانة فاش سافر راه منتسماش بنت المشكودرة وكينكو
توبة:ياكيتك يااخلاك..بنفافر سيري وصليها ليه هههه زعما مغتكونيش وصلتيها ليه فالواتساب تر ابنتي تر هههه
حلات لباب وقالت كطنز:عندااك تنسااي عينيك هههه(كتقصد نظاظر)
اكليل:(بالغوات)مامااااا
خرجات نوبة تتضحك تاكيتسدو عينيها لخضيرين وكيتهزو حناكها لففوق..توبة بنوتة عندها 16 العام تتقرا فالجدع فالمشترك فاشهر مدرسة خاصة فمراكش"أريحا"..بيضة وعويناتها خضرين ةعندها خالة صغيرة فوق شفايفها وعامرة شوي وقصيرة..غلضها ممناسبش مع عمرها ونهار بلغات الصياام زادت فالوزن بسرعة..عابشاا حيااتها تماما كي دراري وتضل تضور فمرااكش باختصااار شبهات وردة فكلشي..
دورات وجهها جيهة الدروج وبان ليها باباها محمد هاز نعمة كيبوس فيها وهي تضحك وتعنقو..تحلو عينيها بالفرحة وقالت بصوت طفولي؛بابااااا
نلفت ليها محمد وبتاسم وقال:توبة ههه
حط نعمة فالارض وجات توبة تتجري لعندو طارت عليه عنقااااتو وهو هزها من الارض كيضحك..خاشيا وجهها فعنقو وتتبوسو فوجهو وتضحك..
توبة:هههههه ايمتا جيتس هههه توحشتك توحشتك
محمد:(كيمسح على شعرها)ههههه ياك اشويطينة هههه
توبة:(بعدات عليه)والله هههه احححح خليتي بلاصتك الجنين هه
ضحك محمد حاط يدو على صدرو:ههههه قلب لبرمة على فمها تشبه لبنت لمها ههههه
نعمة:(بعدم فهم)كيفاااش
محمد:هههه والو ابنتي والو
توبة؛والله أ بابا الى خليتي بلاصتك..داز ماتش تالكوكب وملقيت لي يتفرج معايا..ماما ممساليااش وديك لمعقدة تلولو تتحفظ gول غطفرو ايوا وبقات هي لمصيبة تجدة متنفع متضر هي جالسا تتفطر وتغدا وتعشا ودخل لطواليط
ضحك محمد وعنقها من كتفها:ههههه ياك لمك دابا الواليدة ولات مصيبة ههههه
توبة:ههههه جلس معاها ربع ساعة تكفرك وتجبد فيك الغداديد
محمد:ههههه ايوا الله يشافيها😂😂😂 فين ختك؟؟
توبة:ههههه ديك الحولة تتلبس حوايجها..اربي أبابا واش متأكد نتوما لي والدينها😂😂😂 ولا علاقة بيناااا
محمد:سيري ابنتي الله يعطيك شي عقل أما هادا مموكلكش الخبز😂😂😂
توبة:ههههه امين ودابا بلا مدوخ علي..دخل لعندي بشي تويشية
محمد:اشمن تويشية؟؟
توبة:ودابا مشيتي تال لشمال ومجبتي لينا تا شوي تكاوكاو لههههه
محمد:جبت ليك نبg بيتيه
توبة:(كطنز)مكاينش اتاي مطحوون وشوي تالحم معشب
محمد"هههه كاين تال لعشية ودوزي تشربيه فحانوت باك سيدك
توبة:(ضربات على كتفو)العفووو لله ههههه
خرجان اكليل تتقاد فنظاظرها..اكليل كانت بنوتة 14 العام كلشي فيها صغير بحال مها..بيضة ووجها مدور بحال وردة..محدها كتمبر وهي كتشبه ليها كثر..وزنها عاادي مناسب لعمرها وكدير نظاظر تشوف جايين مع وجهها الدائري ومع عينيها لقهويين..شافتو ومشات تتجري طارت عليه بتعنيقة تا تهزات كدلك من الارض وتتعنق فيه وتبوس
اكليل:ايييي توحشتك ابابا توحشتك هههه
محمد:تانا ابنتي عهههه
اكليل:امتا جيتي؟؟
محمد:لبارح فليل جيت معطل شوي كنتو ناعسين(باسها فراسهل)زيانيتي ههه
اكليل:(حشمانا)بصح أبابا ههه
توبة:لا والله مبصح😂😂😂 كيطنز عليك هههه منين جاها زين..لباقيش تكذب اسي محمد راه بيتمشي لجهنم هههه داخلة عليك بالله ونبيووو وملايكتو منين زياانت واش من لمناخر لي شادين لوطوروت ديماان ولا من ديك سدرة لي هي هازاها للفوق هههه لا بلاتي لقيتها حلاقمك يالغزالة😂😂😂
اكليل:(غوبشات)شوفي اديك المونيكة السكعة غتفوتي ساحتي ولا نشطب بيك الداوديااات
محمد:هيهوووو كااالم ههه(عنق اكليل)اكليل غزاااالة خهههه
توبة:(ربعات يديها)غرت انا(دخلات تحت يديه لخرا ولوات يديها على كرشو)ههههه توحشناااك
نعمة:(تتجرو من سروالو)وانا أ بابا
محمد:(فحيرة)ههههه قسموني على ربعة هههه راه هي جوج يدين لي غندي ههههه
جات وردة كضحك من بيتها وقالت:ممممم gااع هذا وحش فيكم اتريكة البطاش😂😂
محمد:(تلفت ليها)هههنن
وقفات عليهم وقالت:نتوما مناويينش تنزلو تفطرو راه واجد نزلو دغيا انا نلبس نعمة ونجي
محمد:حبيبة غيضربك البرد سيري نشفي شعرك متنزليش هاكا
محمد امين الساجدي..المدرب السابق للفريق الوطني ورجل لعماال ..متبدل فيه والو من غير شيب لي غزااا شعروو وفورمتو لي شوي طاحت..نظرا لتوقفو عن رياضة الحديد..كبر فالعمر ومبقاش كيقدر يهز الحديد..باقي واقف وكتافو عراض ولكن الكرش عندو شوي زادتو وقااار نظرا لعمرو..
توبة:واسي..واسي محمد وا لالة خناتا راه باقي واقفين هنا..ونتوما خدامين علينا حبيبة متحبيبة ههههه
اكليل:فففف على بنت كيدايرا متتفهمش
توبة:كي الجران لي تيبات سهران قرقي فيا عينيك هههه
محمد:نتي تتفهمي شرحي ليا ههه
اكليل:(على نيتها)الحب ابابا قريت عليه فواخد الكتاب بالفرنسية بلي هو احساس زوييين تيحس بيه الانسان مع الشخص المناسب
وردة:منين جاك هاد الكتاااب؟؟
اكليل؛جابو ليا خالي أنور هههه واحد الكتاب زوييين
محمد:عندك 14عااام وتتعرفي لمووغ راه بزاااف هههه متبقايش تقرااي دووك الكتووب ابنتي غيخرجو على تفكيرك
توبة:حرام عليناحلالل عليكم😒😒
وردة:ههههه ياربي تستر
توبة:يخرgك سطل
وردة:لبااسر ابنتي لساانك مبري منك
توبة:(عنقااتها تضحك)قلب الكدرة على فمها
محمد:تشبه لبنت لمها ههههع
ضحكو كاملين ونطقات نعمة بصوت طفولي:ماما اه مساا الحاال ياله
وردة:سيري اماما غسلي سنانك ووجهك وهاني جايا نمشط ليك شعرك
مشات نعمة تتنقز بحيوية وشعرها كيضرب وراها..طلعاات كتشبه لمحمد..مخلات منو والو وعزيزة عندو تضل لاسقا فيه وتضحك معااه..وكااالم كتلعب بوحدها وتقاد تماارينها بلا صدااع بلا توصياات وردة على عكس الاخرياات الى مناضتش وردة وحيحاات مينوضوش كيضلوو شادين تيليفووونات..تا كتشكي لمحمد وكينهض فيهم..مربيهم من ديما على لفشوش مكااينش شي حاجة طلبوواوها منو وموفرهاش ليهم..معيشهم فأحسن ريااض فمرااكش ولابسين احسن لياااس ولي طلبوووها منو كتحضر ومكيبخلش عليهم لا بحنانو ولا عطفو ولا باستشاراتو..كبرهم مفششات ولكن صغيب معاهم فبعض الاموور كتخص تربيتهم وبزااف مع توبة لي طلعااات شماشرية كضل تضور فالمدينة القديمة ولكن خوفها منو واحترامها ليه مخليها تمتانع على بزااف تالحوايج
وردة:ياله نزلو نتوما
نزلات توبة واكليل كيدردكو فالدرووج التقليدين ويضحكو..وبقات وردة مع محمد كيشوفو فيهم من لفوف..بتاسماات وقالت:دغيا كبروو الحتروفااات
محمد"(باسها فحنكها)هههه شابهين مهم ههه
تلفتات ليه وقالت:ههههه نزل تفطر انا دروك نجي
تمات غادية وهو يجرها دغيا وردها لعندو مبتتسم فشر وقال:بلا بوسة بلا خريا هههه كيندير ندوز نهاري انا
ضحكات عليه وباستو فحنكو وقالت:هاهي يالله رورك بلاك ههههه
محمد:(كيضحك)ظابا هادي هي لبوووسة لمك ههه
وردة:تاقا الله أهاد الراجل..نتا شبتي وشرفتي وهترتي ومزال مبيتي تركن للارض..gدك اه مركن فشي قنيتا وتيسبح 😂😂😂
محمد:هههههه انا الالة ماشي بحال كاع الرجال انا قدي باقي باغي ياكل الحلوة😂😂😂
ضحكات وباستو ففمو بوسة طويلة وقالت:تا شاب عاد دارو ليه حجاب 😂😂😂سير فطر انا نلبس نعمة ونشف شعري ونجي
باسها فراسها وطلق منها وقال:هههه واخا متعطليش
نزل محمد للتحت وتوجه للصالة الكبيرة لي معروف كيجلسو فيها فوقت الماكلة..كانت كبيرة ومفرشة بتلووقان ملمطيين بتلامط فالغوز مغلوق والكحل مع مخيدا فنفس اللون وفوقهم فراشاات..جاو مع للحيطان لي مجلجين بالجليج الفاسي التقليدي العريق..كانو لبناات جالسين حدا طبلة مدورة كبيييرة فيها فطوور شهي اتاي وحليب وقهوة وعصير ليمون مع كروااصة مشكلة والفرمااج والزيتون والزيت والكونفيتيغ فبلاطو فيه مربعاااتةمخصصة لكل واحد..بلا منسااو المسمن ديال وردة لي مكتفطرش بلا بيه..جلس حداهم وقال:ايوا الشيطانات اش درتو فهاد المدة؟؟
توبة:(سرطات ماكلتها)هااا..والو(كترمش عينيها بزربة)مدرنا تا بسالة سول ماما gااع
اكليل:مدرت تا بسالة ماشي مدرنااش ها خلينا سااكتين
توبة خرجات عينيها وحنات على واحد كرواصة تتدخش فيها خافتها تفرشها اما اكليل لقاتها سبا باش تبرد سمها فيها..بتاسمات بشر وقالت:منين بيتي نبدا أ بابا ؟؟
محمد:(خوا لراسو قهوة)على هادشي فيه منين نبداا هااا(شاف فتوبة حانية راسها)هضري أ كليل نسمع
اكليل:(تقدات فالجلسة)من نهار مشيتي أبابا وهي بدات فزبايل..دابزاات مع واحد لبنت تتقرا معاها ونتفاتها تا خرجو الاساتذ تالمدرسة كاملين تيطلو ياااك..وعيطو لماما وعطاوها انذاار ونقصو ليها من ديسبلين وولات مكدخل تال العشااا كضل حدا دار جدي فالحومة تتجلس مع شمكارا وتبقا تلعب معاهم كارطاا وتتجي خانزة بريحة الكارووو والحشيش..هادي الثانية ولخرا راه جابت فالعربية 9 ابابا قالتها الاستاذة لماما و...
قاطعاتها توبة معصبة:زيدي ابنت الحراام عرمي ليا فالشوااارج وفضحيني(هزات كاس)والله تنخرgو ليك لوجه الحولة😡😡
محمد"(خزر فتوبة بمعنى سكتي)كملي أ كليل
اكليل كملات حيت هارفا جا لي يحدهم ليها:ووو...ووو بلاتي نتفكر اه كثار ونسيتهم ههه(كتفقص فيها)ااااه وواحد نهار لقاتها ماما مع ستة تالعشية حدا الكوميساريا لي فباب غماات تتلعب حرف بنت ولد مع نبيلة ايييه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
صورة محمد الساجدي
أنت تقرأ
حكايتنا
Romanceمنقوووووول #سكينة ايت الكبير #حصريااااااا ولأول مرة الجزء الثااني للقصة الكوميدية المرااكشية{منذ الازل والى الابد} و للقصة الرمانسية{حبيبي أنت} تحت طلب العديد من القارئات#عاشقاات الكلاوي و#المشكودرات غنزل جزء ثاااني كيشمل لقصتين معااا ولي غيكون فيما...
