حكايتنا

chapitre 8

نزلو للتحت وتبلي فيديها كتقلب عليه بعينيها ملقااتوش..عيطات ليه وجاوبها:فينك؟؟
توبة:نتل لي فينك انا حدا الغيسبيسيون
محمد:بقاي تما انا جاي
قطعات عليه وقف عليها صمد وقال:حبيبة صافي غاديا؟؟
شافت فيه وبتاسمات بخجل لكلمة حبيبة وهي لي مولفا تسمعها هي من باباها ..فحين نبيلة حشماان بلاصتها وحدرات راسها أما توبة تسرط ليها لساان حدها بتاسمات ليه كي البهلة ياله غتجاوبو وهو يوقف عليهم محمد الكلاوي لابس تيشورت زىقا ودجين وسبرديلة بيضة ولحية خفيفة على وجهو منوراه..بتاسم وقال:salut
فاقت توبة من سهوتها وقالت:أهلا أهلا الكلاوي هه
محمد:سبحان الله عيطتي ليا بسميتي ههه صافا الخايبا؟؟
توبة:بخيير الى مشت وجهك الخيبوع لكبير ونتا هه
محمد:الحمد لله هاد الساعة
صمد لي كان كيشوف فيهم بجوج ومعاجبو حال نطق:صافي غتمشي
تلفتات ليه مع جات وسطهم وقالت:اه صافي ههه نتا امتا راجع؟؟
صمد:اليوم نيت هي حنا شاديين الطريق فالليل
توبة:ممم صافي واخا
صمد:اجي معايا شوي (جرها من يديها من وسطهم)
داها بعد بيها عليهم شوي وقال:توبة ياك تافقنا يااك..نبغي نضور ليك تجاوبيني وتبقاي اونكونطاكت معايا تاتوصلي
توبة:(ضحكات)مجاكش راسك زدتي فيه شوي ههه واااه اه ياله تننتعارفو وبديتي علي بهاكا
صمد:ههه مالكي معكسة ديري اش قلنا ليك وصافي
توية:صمد
صمد:نعام أحبيبة
توبة:تتعرفو تعوم؟؟
صمد:(على نيتو)اه علاش
توبة:(ضربات على كتفو)تلاح اعشيري ههه
زادت وخلاتو كيضحك ورجعات حدا نبيلة ومحمد لي كان كيضحك معاها واتعرف عليها
نبيلة:ههه متشرفين ذكراتك ليا توبة
محمد:أكيد مقالتهاش فيا زينا ههه
نبيلة:ههه بحالا علمك الله(باغا طير بالفرحة)
محمد:عارفها معندهااش معايا ههه
نبيلة:هي باقي معرفتيهاش مزياان
محمد:كنعرفها ملي عندها عامين ههه قبل منك منهار عقلت عليها وهي مصعورة تجي توريها ليا ههه
نبيلو:اوا معندي منقول ليك باقي ههه(بخجل)هادشي لي كاين
محمد:معليش ولفتها ههه
وقفات عليهم وقالت:مشينااا
محمد:ليفاليز دياولك فالاوطو نزلوهم ياله زيدو(دار ليهم طريق بكل جنتلمانية)تفضلو
نبيلة سالا معاها بهاد الجست والقليبات ترسمو فعويناتها ممصدقاش راسها غاديا معاه بشحمو ولحمو فالطريق فحين توبة غاديا ومرفوعى مرداتش ليه لبال خرجو من الاوطيل ولقاو الاوطو ديالو ..سبقهم وحل لباب لوراني ليهم وقال:تفضلو الغزلات
توبة:ويلي شتك قلبتيها شيفور ويلي
محمد:طلعي خلاص اه معايا واحد ضيفة
توبة:ضيفة؟؟
محمد:اييه ياله طلعي
طلعات وطلعات حداها نبيلة لي هي دخلات شافت فالمرايا الامامية وبانت ليها سوزان جالساا مبتاسما تلفتات ليهم وقالت بالفرنسية:سلام لباس عليكم
توبة:(بالفرنسية)سلام..صافا ونتي؟؟
سوزان:مزيااان
طلع محمد حداهم ودار السمطة وقال:سوزان هادي توبة لي عاودت ليك عليها..وهادي صاحبتها
سوزان:(بابتسامة)متشرفين أ زوينات
توبة:تاحنا ههه(قلباتها عربية)أشاوا هادشي أ با سيمو اه مجهد هاد الخير جايب لينا لفريز تفرنساا تال الصحرا أ تكاايس علينا
محمد:(سايق)ههههه عرفتيها بعدا؟؟
توبة:ديك مولات حبيبي الجاكوزي واجد😂😂😂😂😂😂😂😂
محمد:لا حول ولا قوة الا بالله ههه
سوزان:(بعدم فهم)علاش كتهضرو؟؟
توبة:(نقزات)ههه والو الغزالة هي كان تيعرفني عليك ههه نبيلة حبيبا ديالي هادي سوزان حبيبة محمد (تفرشخات بضحك)😂😂😂😂😂
نبيلة:😨😨😨😨هاااء
محمد:مالكي كضحكي؟؟
توبة:😂😂😂😂😂😂 احححح اربي وااهيااا نااري
سوزان:(مافاهما والو)هههههههه مالكي؟؟
توبة:ههههه والو(قلباتها عربية)نونو كيجاتك سوزان هههه تيتيزة ياك
نبيلة:(خزرات فيها)
محمد:ياربي تستر..
كمل سوقانو وتوبة تتحبس فضحكة وتنغز نبيلة لي تصدمات صدمة عمرها ومبقاتش هضراات..فحين سوزان قالت موجهة كلامها لمحمد:حبيبي طلق لينا شي موسيقى
محمد:طلقي لي بغيتي
بتاسمات ليه وبرونشات تيلي ديالها مع الاوطو وطلقات موسيقى هادئة بلا كلمات هي لحن هادئ وتركنات بلاصتها حالا شرجم وكتمنظر باعجاب فالشوارع ومنيما دازو كتبتاسم وتاهو كيبتاسم ليها وعايشين الجو بكل اريحية وحب وعاجبهم جو خالقينو فحين توبة ونبيلة لور مبلقين عينيهم كيشوفو فيهم حالين فمهم ووذنيهم مفهمو والو فهاد الكوبل لي كيشبهو لغسان كنفاني وغادة سمان فأيامهم..حدهم كيضورو وجهم اشوفو فبعضهم بصدمة واعاودو ارجو اشوفو فيهم  تا قشعها محمد من المرايا وقال:توبة صافا؟؟مالك كتشوفي
توبة:هااااء هاا والو وللو(جمعات فمها)الله يتبقي ستر ههه
محمد:عجباتك الرحلة؟؟
نبيلة:غزاالة ههه ياك أتوبة
توبة:شتي الى كنتي غدخل الجنة فراه هي على قبل هاد التسافيرة ههههه واااعرة
محمد:ههه ياك..بصحتكم الالة..ماماك اه كضل تعيط ليا امتا غتجيبها امتا غتجي بنتي
توبة:هاديك اه العمر ههه
صونا تيلي ديالها بمساج حلاتو ولقات فيه:حلي واتس
طلقات الكونكسيون فالبلاصة ودخلات لاواتس لقات ميساج من صمد وجاوباتو:اه هاحنا فطريق
صمد"(جاوب فالبلاصة)مزياان..مرتاحة؟؟
توبة:اه ههه هي هو جاني الملل .محمد جاب معاه صاحبتو ومملة بزاااف ههه طالقين لينا اغنية بحال ديال الراقدين تحت الترااب😂😂😂
صمد:هههه وايلي اش تيقولو؟؟
توبة:هذا هو المشكل متيهضرووش ساكتين وخالقينها بوحدهم ومزيكا كاالم بحالا gالسين فجزر الباهامس وتقطعو الاناناس😂😂😂
صمد:ههه اوا نتي لي بيتي تمشي معاهم أما كون جلستي تانرجعو مجموعين
توبة:بحال بحال
صمد:غنبقا نشوفك يااك؟؟
توبة:اوا هالي مبيناش اه هضرنا من لول الخريج وللدخيل لا
صمد:وشنو نبقاو هي فسلوكا ؟؟
توبة:اجي تتلعب كورة؟؟
صمد:ضروري علاش هه؟؟
توبة:اوا نبقاو نتلاقاو فالتيران😂😂 ضروري شي نهار نزgيو شي نهار نلعبو شي ماتش
صمد"(مات بضحك) 😂😂😂😂😂ناري نتي بوحدك هههه صافي الالة نلعبو الماتش تلكورة وتا تالباسكيط
توبة:ههههه صافي مشات
بقات كتهضر معاه طوال طريق وتبتاسم بلا متحس تطلقات معاه كثر وكتبتاسم هي بوحدها ونبيلة كطل عليها وتلقاها تتهضر معاه وتضحك وتغمزها فحين محمد سايق ومرا ومرا يهضر مع سوزان لي كانت منغامسا كتقرا واحد الكتااب بالانجليزية..داز شحال ديال الوقت بلا حساب تاطفا ليها تيلي من شارج وحطاتو..تفوهات وجاها الملل وقالت:بفففف مالكن سااكتين عندنا العزو
محمد:نوضي غني وشطحي
توبة:والله كون نلقا شي تعريجة هنا حتا نgرح ليك ونوريك الهواريات اابهجاويات علاش gادات
محمد:(ضحك)هههه عارفك ديريها وجهك قاااسح
توبة:تدرجتي معانا اه
محمد:راه مغربي زعما
توبة:منين جااتك ههه هو الكمارة مغربي وباين من طيارة ولايني الفعاايل ديال قوم بني ..(سكتات)خليني ساكتا عفااك
محمد"(ضحك)دابا حيت جيت ليك منين ومنين تتقولي علي فعايلي ميسواوش يااك ههه
توبة:اوا را بزز عليك تجي بيتي ولا كرهتي طلعتي ولا نزلتي بيتي تجيبني غاتجيبني وليك شرف
محمد"(ضحك تابانت غمازتو)وانعم التواضع ههه تواضعي راه اجمل النساء هي من تتسم بالتوااضع توبة:لست من النساء المتواضعات..النساء خلقن ليكتسين الغرور والكبرياء
محمد:(بتاسم وعينيخ عليها من المرايا عجبو انها كاهضر بالفصحى)انما الرجال من يتسمن بالغرور
توبة:ههه النساء خلقن جبالا أما الرجال فقد خلقن رجالا فقط لاغير
محمد:(ضحك)هههه عالام
توبة:وادااابا قلب علينا هاد ديسك تالعربية وداك ديسك تالموتا وخلينا نشطو اه فعمرنا 16 ماشي 55 عام أرا متسمع لهادشي فاش تشرف وتهرف وتgلس نتا وهاد خيتي لي حداك وتصنطو لهاد الاقاويل البايخة جداا هههه ياله وقلب
محمد:هههههه لاش باغا تسمعي؟؟ حبيبة غنقلب الموسيقى معجباتش توبة نديرو لخاطر ليكم بجوج
سوزان:(بابتسامة)ماشي مشكل ههه خودي راحتك أحبيبة
محمد:لاش باغا تسمعي
توبة:هاك برونشي تيلي ديالي معاه ههه
شدو وبرونشاه ومدو ليها وقرباات مزيااان تاولات تطل عليهم وتتقلب فليست تالميزيك عندها اما سوزان سااهيا بجهد ومكونسونطريا مع الكتاااب هي هي طلقات الاغنية ديال السرحاني حياة وتسمعات"نديرها مدامتي نعطيها للحنانا " وهي تقفز سوزان حيت جاها على غفلة اما محمد تفركع بضحك وهي بدات تتغني مع نبيلة وتعبر بيديها مستمتعا بالاغنية
محمد:ههههه
بقات كتغني معاه ولاغنية لي دازت تتغني معاها هي ونبيلة متسوقاتش ليهم أما سوزان ماباقيش رشقات ليها على قراية فوسط جو ملئ بضوضاء اما محمد مكانش عندو مشكل المهم تكون مرتااحة لانو شخص كيأمن ان المرأة عندو مقدسة كيفما كانت خصها تكون مرتاحة
خرجو من الصحرااا متوجهين لمدينة خرا وكان ديك ساعا العشية تعاشات وصلات الربعة وتوبة عياات من الغنا والتنقيز وحتا الجو جاب ليها الملل وقالت:مغنزلوش ناكلو اه فيا جوووع
محمد:سي غنزلو هانا قربت لواحد سطاسيون ونزلو نتغداو
نبيلة:فيا الجوع والله
سوزان:(بالفرنسية)بب مغناكلوش
محمد:سي غناكلو شويا ونزلو
دازت نص ساعة خرا عااد وقف فواخد سطاسيون ونزل ونزلو تاهوما..تعجزاات توبة وقالت:اححح الله فففف طبت والله تاطبت وفيا بولة
محمد:خهههه الله يمسخك دخلي للطواليط
توبة:ارا درهم بعدا فلوسي فالصاك
خشا يدو فجيبو وجبد شي صرف وعطاه ليها ومشات هي ونبيلة لجيهة طواليطات قضاو حاجتهم ورجعو عندهم لقاوهم جلسو فطبلة وكيتسناو الماكلة..
سوزات:الجو غزاال هنا يااك
محمد:سي المغرب جو زوييين
سوزان:داكشي باش كتقولي غتستاقر هنا
محمد:وي ههه
توبة:بيتي تجي تسكن فالمغرب؟؟
محمد:اه
نبيلة:(بفرحة)بصح😍
توبة:وايااك تgول ليا غتسكن فمراكش والله تنخويها ليك ههه
محمد:هههه سبحان منخلقك هاكا ههه معنظكش معايا
توبة:(حطات صبعها على منخرها)شتي ماحد هذا معوج والله متسرط ليا هههه
سوزان:(مفهمات والو)هضرو بالفرنسية باش نفهموكم
محمد:(ضحك)هادي مكتحملينش ههه معمري عرفت راسي مكروه تال عندها
سوزان؛(بجدية)علاش؟؟
توبة:(بالفرنسية)حيت هذا هرس ليا مناخري فاش كنت صغيرة دفعني على النافورة تالدار علين امشيو ليا سناني وصدق منخري لي معوج
سوزان:(ضحكات)😂😂😂😂😂😂😂😂😂 نو نووو ميمكنش ههههههه نوو نوو ههه علاش
توبة:(معجبهتش انها ضحكات)اوا شتي بعدا باش محزما غدا اهرسو ليك تانتي
محمد:يا هاد لبنت اه كنت صغير معاقلش ههه وزايدون ياك نتاقمتي مني اوا صافي تعادلنا
سوزان:نو حبيبة ميهرسنيش ههه باقي معرفتيش محمد اه قلبو نقي
توبة:مممم ضريف تبارك الله تيتقطر ههه
محمد:بالعكس قاديت ليك نيفك نتي اصلا عندك مفرش
توبة:(غوبشات)حشاااك ومااشاااك لهلا يحيييك أ سلوم الشفارة بزااف على أصل مك انا..دابا نوض نهرس ليك عظاامك لقرد لاخر
نبيلة:😂😂😂😂ياهاد البنت تكمشي
محمد"(جرها من شعرها)ههههه مالكي دغيا تتقلقي تيقولو بهجاوا قشابتهم واسعة
توبة:(قرصاتو فذرعانو وتسممات فيها)عنعنعنهن قشابتي واسعا مع ضحوكيين ماشي مع الباسلين فوتني عليك اه غادي نخنزووها تاني خلينا زوينين
محمد:(كيحك فالقرصة)احح هههه شدي يديك عندك ههه
توبة:اوا تانتا شد فمك عندك..تفو كيداير هي ديال خلط شرح ملح ميخنز...وجهك كي ديال الطراح كحل وزفر ميحملوه هي ناااسو..باااز لهادي لي معاك دابا اش عجبها فيك..متنفع مضر داير كيشي جمل هي مدرم
محمد"هههه زيدي زيدي فالذنوب خففيهم علي اه مثقلني
توبة:سير الله يعطيك وابا فينما سمعتي سميتي تجي دابا أوجه الكروفيتا المحروقا واخا ميتشوا ميتقلا..وجهك كي الحصاااير شحال مابقاو تيتحكو..بحال ريحتك درووك أمدرا عطات ريحتك ولا مزااال؟؟
محمد بقا كيشوف فيها حاط يدو على فمو شويا وهو يتفركع بضحك بجهد فمو مترع وكلشي لي حداهم كيشوف فيهم جاتو هستيرية الضحك تاجاب ليها ضحك وبدات كضحك معاه وتضرب ليه فذرعانو لي حاط على جناب الكرسي وتضحك تاهيا عليه..تالحقاتهم نبيلة تاهيا وكذلك سوزان..قلبوووها ضحك تما وكلشي كيتفرج فيهم
توبة:😂😂😂😂😂😂 مالك مكتسكتش هههه اش ضحك
محمد:هههههههههههههه وااا هههههه نااري بليييز سطووووب ههههه متبقايش تهضرس هههه
توبة:😂😂😂 علااش ههه
محمد:ههههه(كيحاول اجمعها)خههههه
توبة:صافي سكت هههه (كتنش على راسها بيديها)كيدار لاخر ههههه
سوزان:مي علاش كضحكو مفهمت والو
توبة:الاهم هو ضحكي هههههههخ
جا سرباي حط ليهم اش دومونداو وبداو كياكلو ويضحكو وتوبة ضور ضورة وتناكر معاه وهو يشبع فيها ضحك..سالاو وناض خلص ورجعو للاوطو وقالت سوزان:غنشدو طريق تاني
محمد:قربنا لواحد المدينة غندخلو ليها ونرتاحو هاد ليلة فشي اوطيل والغد ليه نشدو طريق قاسحااا علي نبقا سايق ليل كاامل والمسافة لمراكش طويلة حسن نتساراحو
سوزان:اوك هه طلعو للاوطو تاني بعدما رتاحو من عناء طريق وشدوها تاني تادخلو لمدينة خرا وتوجه بيهم لأوطيل كبير فمدينة مغربية**** وقفو الاوطو ونزل هو ونزلات سوزان وكذلك لبناات..تعجزاات توبة وجات قدامهم ونطق محمد:ياله
تمو داخلين للاوطيل وعلى بابو ضرب محمد عينيه على توبة تاكاتبان ليه بقعة كبيرة فالحمر فكسوتها البيضة ومع كانت قدامو هي وسوزان ونبيلو شافها هي هو..وقال:توبة وقفي
وقفات وتلفتات ليه وقالت:نعام
تمشا لجيهتها بسرعة وقال:راك غيكلي واقلة..كسوتك عامرة
توبة:(خرجات عينيها)هااا اوبلي(شافت لكسوة)ويلي ويلي
سوزان:اووةمون ديووو بففف
لصقات توبة فمحمد لي واقف حداها عاطياه بضهر ونخشية فيه مدرقا بيه وقالت:غطيني عفاااك ناري لكسوة بيضة غنتورق
محمد:(موقفها قدامو عاطياه بظهرها ومغطيها كاملة)شووو صافي صافي تاحد مشاافك شووو..اجي معايا
مشا معاها بنفس طريقة باش واقفين هو وراها وهي قدامو لاصقا فيه تا وقفها حدا بابو وتكات على لحيط وقال؛بقاي هنا انا نحجز ونرجع
توبة:واخا واخا(تحرجات)
مشا محمد زربان احجز وبقاو واقفين هوما معاها كيتلفوها ومدرقينها حتا تم راجع عندهم وقاا:انا حجزت..ياله
توبة:ويلي كيبندير ليها اه غنتورق هنهنه(ولات حمراا)هنهمه
محمد:اوك اوك(قرب ليها ودغيا دار يدو تحت رجليها ويد من خصرها وهوب هزها)هاكا حسن مغتبانش الطبعة
توبة:😳😳😳😳اويلي اش تدير بيتساحب الناس مجوجين وغادين ننن
محمد:هههه غنتجوح ببنتي ههه زيدي
تم غادي بيها هازها قدام الناس كاملين وقدام انظار سوزات لي تصدمات و تا نبيلة
توبة:بنتك(بجقات فيه)مزيينك أ با جدي..لي شافك تتهضر هوكا يgول ديتي وجبتي فزماان ونتا ياله فالعشرين
محمد:(هازها وكيشوف قدامو)العمر ماشي مقيااس باش اقيس عمرنا..فنظري العمر كيتقاس بالعقل لا غير..وكلما كان الانسان ناضج فعقلو كل ماكان كبير فعمرو ما السن الا مقيااس للحياة..لي هي براسها خصها تحسب هي فالايام ولا شهور ولا سنين لي دوزتيهم مرتاااح فحياتك لاغير
فكلامو الهادىء وابتاسمتو الخفيفة .. كيهضر هازها بين يديه ومرة مرة  يهبط عينو يشوف فيها ... طريقتو فالهضرة ونضراتو وابتسامتو ... خلاو توبة ساهية كتسمع وتأمل ملامح وجهو عن قرب ... نسات راسها وشبكا تيديها على عنقو ... ومتكية على كتافو ... جسم في طور النمو باش يكتامل .. بدات كتبرز عندو عضلات الكتاف و الرقبة ... وبدا صدرو كيوساع ويتقسم  ... رتاحت بين يديه ... عقلها فكر بعيد .. لا إراديا لقات راسها كتقارن بينو وبين عبد الصمد ... لقات الراحة والاطمأنان فكلام محمد ... عينيها البريءة طالعة نازلة باريحية كتأكل وجهو ... لحيتو الخفيفة وبشرتو الصافية المتءلة للاسمرار ... عيونو السوداء ونضرتو ليها ، شعرو الناعم الممشوط لور والماءل للجنب شوية ... وبالطبع راءحتو اللي زادت عطرات الجو بيناتهم ودمجات بين الاحاسيس الغير مفهومة بالنسبة ليهم  ... وهوا كيهضر هبط عينيه كيشوف فيها وكمل كلامو .. عينه المبتاسمة خلاوها تبتاسم بدون شعور .. رمشات فصدرو  وهي كتحس  كيطلع ويهبط ... حسات بأنفاسو ... حسات بدقات قلبو .. حسات بدفىء صدرو ...بكلامو اللي تغلغل فآبار ودنيها ... ومباشرة وصل لقلبها ورتاحت ليه ... كفاش رتاحت ليه وهي معندهاش معاه ... ممكن كتفكير بعقلها تكون نامتقبلاهش .. ولاكن القلب هوا الوحيد اللي كيختار لمن يرتاح ولمن مايرتاحش ... حتى فالنضر ليه لقات راحتها ... بحال الى يالاه كتعرف عليه .. بحال الى اول مرة تحس بوجودو ... شيء غريب ... احساس جديد خلى ابتسامة بريءة على شفاها ، دورات عينيها للجنب فهدوء وبقات ساكتة مهضراتش ..ستحلات الهزة وهنا بدات خيوط المشاعر كتشابك مع بعضها بلا ماتاحد الادن من صاحبها او تخليه يرد البال .
تمشاو سابقينهم و كل شوية تهز يتلاقاو النضرات .. بحال تلة كل واحد كيتعرف على الثاني وكيشوف شخصيتو وسط عينو .فحين سوزان ونبيلة تابعينهم كي النكافات الصمكاات بلا صووت بجوجهم مصدومين من تصرفو وفعلا كيبانو كووبل وااعر ، طلعو للاسانسوور كاملين وهي تنطق توبة:نونو عمرك جربتي ركبة العود😂😂😂😂
نبيلة:😳😳😳
سمعها محمد وعرفها معنات عليه وهو يرخي يديه بحالا غيطلقها تانواها وهي تشهق وتعلقات فعنقو مخلوعة وقالت:وا ماما
محمد:(شدها مزياان)ههههه عمرك جربتي زلقة اوكايمدن ههه
توبة:مالك حاامض وبااسل كون طحت؟؟
محمد:كون ملقاو ميجمعو فيك ههه محشمتيش انا عود انا
توبة:العود راه مخير حمد لله مgلتش ليها عمرك جربتي ركبة الدحش هههههه
محمد:معاك نتي كنستغفر الله شي مليون مراا
توبة:مزيان باش تدي الحسناات..انا بعدا اه تنعصبك وتتدي الحسنات بالاستغفار ماشي بحالك كتعصبني تا تتولي البولة حامضا فكرشي وتتحلف لنزلات..شيااط تيخرج من وذني على يديك
محمد:(ضحك)ههههه ومالي أختي اشداير ليك؟؟بالعكس انا متنتشادش معاك
وقف قدام باب بيتها وقال:نزلي نحل ليك لباب
نزلها بشوي ولصقات مع الحيط مدرقا كسوتها حل لباب ودخلات بزربة وتبعاتها نبيلة وبقا هو وسوزان برا وقال:محتاجة شي حاجة؟؟فوطة صحية ولا شي دواا
توبة:(ببرود)لا لا عندي فلفاليز واش غيجيبوهم؟؟
محمد:انا نوصيهم اطلعوهم ليك..تيلي حداك طلبي شي حاجة سخووونة ولبسي مزياان اه تتكونو سوسيبل فهاد لبيريوود ونتي لابسا هاد لكسوة خفيفة
توبة:واخا أعمي هي تلاح صافي
محمد:ههه الله يستر
سد عليهم لباب وقال كيضحك:حمقة هاد لبنت والله ههه
سوزان:(طمرات)ههه اه
رغم انها تقرصااات مي حاولات تسكت لانو لي فبالها هي تهيئات..شدات فيديه مشابكاهم وقالت:نمشيو نرتاحو
محمد:ياله
زيرات على يديه ورتاحو ملامح وجهها ملي شدات فيه وتاهو حس بيها وقال:سوزان بيك شي حاجة؟؟
سوزان:(بابتسامة)لا والو ههه هي موحشااك
محمد:(بتاسم بكبرياء)هههه نحيدو هاد لوحش ههه
سوزان:(بفرحة)ههخخهه
حنات راسها بخجل ودخلو للشومبر لي شدوها ليهم بجوج..حيدات تريكوها وبقات بسوتياان وقالت:فففف صهد
محمد:اه ههه غندخل ندوش
سوزات:شوف كمك كي ولا تقاس بدم
محمد:(شافو وكان فعلا فيه شوي تدم من جيهة لكم)اه غندخل ندوش تجي معايا(غمزها)
سوزان:(بتحلوين)هههه نتسناو حوايجنا
محمد جا جرها من خصرها وقبلها بحرارة:لا بلاش ههه اجي
جرها للحمام وهي تضحك حشمانة وجسمها بيض وعندها طااي مانكااان..كي دخلو كي بقاو
فحين توبة دخلات للحمام بعدما طلعو ليها حوايجها وجابو تا تاع محمد وسوزان معاهم وقالت:تاندوش ونديهم ليه ياك البيت لي فلخر
نبيلة:اه ممم تفووو باتباات معاه فنفس البيت
توبة:ههههه غيكون بداو التسبيح وتلاوة القران 😂😂
نبيلة:تهجريه ان شاء الله نتي معامن جاات ههه سعداتك هزك اتوبة..كيجاتك الهزا زوينة يااك
توبة:(حيدات الكسوة وبقات بدوبياس)بحالا راكبا فوق شي عاااود 😂😂 منعاودش ليك ههه
نبيلة:يخ من الوصف عندك هخهخ وادابا هضري
توبة:(تفكرات ملامحو)ممم زوينا ههه مع صحيح
نبيلة:اححح اقلبي اش تيتخربش فيك
توبة:(هزات حوايجها وفوطة صحية)تيتطحن فيه المزكزوور😂😂😂
دخلات للحمام طرفاات حالتها ولبساات حوايجها سخاان شوي وتكمشاات فالفراش ظايرا التيلي فشاارج ونبيلة كتبدل حداها..هي شعلاتو وهو يتكبو عليها ليميسااج ديال صمد فنمرتها وحتا فالواتس والايزابيل بلا عدد..وقالت:واكوااك واش هذا تنتناقش معاه فالميزانية تامصيفت هاد لكركوور تالميسااجات واخا نكون تنرضعو ههه
نبيلة:صمد؟؟
توبة:اييه هو..ياختي مخلي ليا 23 ميسااج فنمرتي هههه
نبيلة:اححح اقلبي
توبة:وا gلب هو عندك مرا مع الكلاوي مرا مع صمد هخهخ
نبيلة:عندي للمشاعر مكمشا هههعه اوا جاوبيه
توبة:هاحنا غنكتبو ليه ميساااج ههه
جاوباتو وعيط ليها فلبلاصة قول عاس عليها وقالت:اه اه صباعك على لبوطونة ههه
صمد:(بعصبية)علاش مكتجاوبش؟؟
توبة:طفا ليا البورطابل
صمد:ديك ساعا صبفتي ليا من عند نبيلة متخلينيش هاكا
توبة:هههه واش هترتي مالك خايف علي هاكة اش كان بيوقع gاااع هههه
صمد:باااز ليك والله..المهم وصلتو؟؟
توبة:لا دزنا ل*** غنباتو فيها تالغدا ونشدو طريق
صمد:اه مزياان
كملو هضرتهم على منوال اخر تاودعات وقطعات لقات نبيلة دخلات للحمام تدوش وهي معروف عليهل تتسكن فالدوش..شافت فاليز محمد وقالت تديها ليه هي وديال سوزان..جراتهم بجوج وخرجاات من البيت فاتجاااه بيتهم لي جا فأخر الكولوار..وقفتت ودقاات عليهم وبقات كتسنا ومجاوب حد..شويا هاوداات وتسمع صوتتو تيقرب..وقفات تتعوج ففمها وتسناه احل وتتدعي فيه حيت تعطل:خراا كيداير اش تيديرو ويلي..خرج خلاص أداك الفروووج الكرواازي
حل محمد الباب عريان من الفوق لابس شورط حد فخاضو فالازرق وشعرو فازك وتا صدرو وزغب لي فيه فازك..طلعاتو ونزلاتو شي ثلاثة تالمراات وفمها محلول وهو كذلك كيشوف فيها باستغراب ونطق:توبة مالكي؟؟
توبة:(تشلل لسانها)هااا..والو ةالو..هي..هي جابو ليكن حوايجكم وجبتهم
محمد:(شدهم من عندها)اه واخا شكرا ههه
توبة:(ضحكات)ياكما قطعت عليك الرزق😂😂😂 كنتي كضرب التراكسيون هههه سير سير كمل شغلك نعتذر على لمقاطعة
ضحك محمد بخجل من الموقف فاش تحط وقال:لا لا ماشي مشكل
توبة:هههه الله ينورك راك كتسبح هههه(مشات كتردد)استغفر الله سبحان الله الله واكبر خهههه
ضحك عليها وخجل من موقفو قدامها وسد لباب وتلفت لقا سوزان واقفا موراه لابسا بينواار فالموف قصير وشعرها جامعاه ففوطة وقالت:شكون جا أ حبيبي؟؟
محمد:توبة
سوزان:علاش؟؟
محمد:جابت لينا ليفاليز ديولنا ههه
سوزان:وهلاش كضحك؟؟
محمد:حيت عاقت بينا اش كنديرو هههه
سوزان:ههه واعادي اش فيها؟؟
محمد:واش حمقا اه المغرب هذا ..هادشي كولو اه معاديش هنا
سوزان:علاش؟؟
محمد:حيت مغاربا هههه هزي حوايجك ولبسي ولا مباغاش تعشاي
سوزان:ههههه واخا
مشات جرات لفاليز ديالها وهزات منهم حوايجها وجات بغات تدخل للحمام ونطق:بدلي هنا
سوزان:(بخجل)لا حشومة ههه
محمد:هههه اش كنا كنديرو لدااخل هااا
سوزان تزنكو حناكها وقالت كدور عينيها:هههه واخا حشومة
محمد"ههه صافي سيري
دهلات كضحك حشمانة وهو بقا كيفما هو حدو نشف ولبس بوكسر ورد الشورط وتلاح على ظهرو على التاموسية تاخرجات سوزان وقالت:مغنزلوش نتعشاو
محمد"عيااان عيطي ليهم اطلعوه لينا
سوزان:واخا
فحين توبة غادية وكتكركر ملي تفكر منظرو وهو واقف قدامها بديك طولة لي رغم سنو الا انو طويل او بالاحرى هي تيبان ليها طويل حيت قصيرة بزااف ..تفكرات صدرو لي فيه زغب كثيف شوي عطااه رونق خااص..خاص بمحمد الكلاوي..بلا رجليه لي عاامرين والعروق كيبانو فيهم..بتاااسمات تلقائيا وقالت فخاطرها:ولد لحراام بوكوووص ههههه ولايني زلال ههه شاد لبنت تما داير ليها اعتكاااف وتاهي صدقاات ابيضار شخصيا..gبيلا كتقرا الكتاب وتمزك للويل تالكالم ودابا تت*** 😂😂😂
دخلات للبيت ولقات نبيلة كتنشف شعرها ونطقات:فين كنتي؟؟
نبيلة:مشيت ديت لمحمد حوايهم هههههه ومتخيلييش اش شفت
نبيلة:اش شفتي؟؟
توبة:ياختي مشييت دقيت عليه حل ليا لابس واحد مولاي الشورط😂😂😂😂 حد الفخض تعشقي تفوري عليه ههههه
نبيلة:(خرجو عينيها)😍😍😍حلفي ههه سعداتك شتيه كي كااان تيباان
توبة:كي الكبااال 😂😂😂 هاكا عشقااا ههه وواحد الصدر عندو مزغب هو علامن جات مول ستيلو مذهب وصدر مزغب واهيااا جيلاالي هههه
نبيلة:(حطات يديها على صدرها متأثرة)الله اربي الله قلبي تيتشتت شوي بشوي
توبة:ويلي وزيها جاي فازك هههه تيبااان توتوز 😂😂😂
نبيلة:(سهات تتخيل المنظر عاضا على شفايفها)هههه اححح اقلبي
توبة:هههه ولايني باينااا كان تيسبح مع سوزان😂😂😂 نههههه كانو كي...
نبيلة فاقت من سهوتها وغوبشات وقالت:اش كانو؟؟
توبة:😂😂😂😂كانو موااح مواااح هههه سيري أتا تقدااي حاجة لمخك اه هو عايش الحياااة مع سوزان ديالو ونتي بقاي هنا
نبيلة:فففف حمار لاخر كاين معااهاا
توبة:ايييه كان معاااها الالة هههه اوا عيطي ليهم اجيبو لعشا ونوضي تكمخي شوي ههه اه غداا غاديين لمرااكش
نبيلة:غففف انا هي هبيلو والله لي شفتو تيعجبني
توبة:ههههه حيت هبيلة ههه معرفت كي درتي تامعجبكش صمد هههه
نبيلة:هههه تاهذاك زوين ولايني جيتي معااه نتي
توبة:ههههه يااك هههه
نبيلة مشات تتعيط اجيبو لعشا فحين توبة تكتات على ظهرها كتسنا العشا..بعد مدة جابوه ليهم تعشاو وتكسلو انعسووو فانتظاار يوم جديد فحكاية بدأت خيوطها تنسج للتو
أشرقت شمس دافئة ملأت ارجاء هاد الكون..تسمع صوت الهاتف ديالها كيصوني ..مدات يديها ليه وهزاتو وراسها باقي تحت المخدو وملامحها تزعجو..حلات الخط وقالت بصوت مغنغن:مممم
محمد:(بصوت هادئ)صبااح النووور
توبة:(مقادراش تهضر)عنعن
محمد:(بحنية)فيقي ياله..
توبة:مبيتش عفااك هي شوي أ ماما
محمد:(بضحكة خفيفة داير بحساب انها ياله فاقت )هه نوضي أ توبة أه السبعة هادي فطري ورحعي للنعاس فالاوطو
توبة:عنعنعن (بدلال)حشوما عليك
محمد:(بتاسم على ردة فعل صوتها)وصاافي ياله نوضي انا لتحت
توبة:ففف واخا
قطعات عليه وتلفتات لجنبها لقات نبيلة مترعا فمها  وناعسا براحة..رعداتها وقالت:وااا ديك طووبة نووضي
نبيلة:😴😴😴
توبة:وااا لبنى السريعة
نبيلة:😴😴😴
توبة:(شافتها مبغاتش تفيق وهي تغوت)واااااااع وااالعااافيا العااااافيا
نقزااات نبيلة من بلاصتها على اثر لغوتا لي جات فوذنيها ديركت وضهقااات:هااااا فين فيين
توبة:😂😂😂 فزكك😂😂😂😂
نبيلة:😢😢😢
توبة ضحكها منظرها:😂😂😂😂 ههههههه
نبيلة:(دمعات)اهئ اهئ حراام عليك خلعتينب بيت ماما
توبة:😂😂😂😂😂 نوضي أماما نوضي نوضي ههههه
نبيلة:حراام عليك كنت تنحلم بمحمد
توبة:اوا اه هو لي مصبح علي ههه ولد الحرام مفيقني كااالم حسيت ببابا مفيقني
نبيلة:عفااك لبااقيش تزينيه فعينا اه تنتعذب
توبة:حلفي هههه
نبيلة:ههههه والله
ناضت توبة وتعجزااات تاطرطقو عظامها..دخلات لدوش بعدما هزات حوايجها..بدلات اولويز وطرفات حكات سنانها وغسلات وجهها وخرجات عند نبيلة وتاهي دخلات..لبساات سورفيتا فالاسود مزيرة حكلة وسبرديلة عاد خرجات نبيلو مبدلا وقالت:واش كيتسناونا لتحت؟؟
توبة:ايييه ياله زيدي ههه
هزو تيليفوناتهم ونزلو لتحت طلبو من واحد الموظف انعت ليهم المطعم الرئيسي..دخلو ليه وبداو كيقلبووو عليهم تالقاوهم ومشاو وقفو عليهم
توبة:صبااحو ههه(جلساات)
نبيلة:بونجوور
سوزان ومحمد:بونجوور
سوزان:(بابتساامة)كيبقيتي شوياا؟؟
توبة:(بالعربية)هادشي انا لي خصني نسولك فيه😂😂😂
سوزان:كواا ههه
محمد خزر فيها باش تجمع فمها لانو أعدى حاجة عندو هي الفضول..مكيهجبووش بنادم لي كيطنز ولا يخشي راسو فحيااتو الشخصية وقال:توبة
توبة:(كاتما ضحكة)ههه صافي هاني سكتت
نبيلة:غنمشيو دابا
محمد؛وي
تحنا كل واحد كياااكل فسكاات وتوبة تضور فعينيها وتشوف فيه ممسوقش ليها وبانت فيه بلي قلقاتاتو حيت معاودش شاف فيها كيهضر مع سوزان ونبيلة لاغير..سالاو ووقف وقال:نمشيو
توبة:والفاليز؟؟
نحمد:(كيقلب فتيلي ومشافش فيها)غيجيبوهم..سوزان ياله أخبيبة
وقفات وشدات فيه وزادو اما توبة ربعات يديها وطلعات حاجب وقالت:كتعطيني مشي ياك الكلاوي واخا
نبيلة:مالكي
توبة:والو ههه زيدي ياله
مشاو تابعينهم وهوما مشابكين ليدين..طلعاتو وهبطااتو بحالا غتفصل ليه كوستيم كتشوف فيه بغرابة..وصلو قدام بابو ومشا هو اكمل الاجراءات ورجع دارو ليهم الفاليز فلاوطو ومشا حل لباب لسوزان وليهم حتا هوما وطلعو وطلع حتا هو وشدو الطريق لمراكش..وفنفس الجو الكئيب ديال الراقدون تحت تراب مشاو هي كضور فهينيها كون ما محادثثها لصمد كانت غتموت بالملل ومرا مرا تجمع مع نبيلة..اما محمد مهزش فيها عبنو باقي حدو كيهضر مع سوزان ومع نبيلة مدواهاش..نزلو لولحد سطاسيون تغداو فصمت وهي بغات تاكل راسها حيت متجاهلها..عاودو رجعو للاوطو وشدو طريق للمراكش..
مع الخمسة بظبط دخلو لمراااكش..عاصمة النخيل..فرحات توبة وتتشوف بعينيها من جاجة فرحاانة وقالت بعفوية:الله على جو ههه
هز محمد عينو فالمراية وشافها وبتااسم وهي تنطق سوزان:واو وااعرااا بزاااف محمد شنو سميت هنا
محمد:مراكش ههه
نبيلة:توحشتها هههه
محمد:نبيلة فين ساكنا ندوزك؟؟
نبيلة:ف****
محمد:واخا
قلب طريق وداا نبيلة لدارهم عنقااات توبة وقالت:كان سفر زويين ههه
توبة:بصختك الكانيشاا ههه
نزلات ونزل محمد جبد ليها ليفاليز وتسناها تاظخلات عاد رجع ركب وشد طريق للرياض..وتوبة متلهفة توصل..
ماهي الا مسافة الطريق وصلو قدام ريااض الساجدي..ياله حبس الفران وهي تنزل توبة ومشات تتخبط فالباي وتدق بحالا كاانو حاابسينها اما محمد ضحك ونزل هو وسوزان كيشوفوفيها تتدق وتعيط:ماااماااا بااباااا
تحل لباب حلااتو رشيدة المدبرة وهي طير عليها بتعنيقة تاتهزاات من لارض وقالت:احححح توحشتك شوشو هه
رشيدة:بشوي الحلوفة هههه بيتي تكربعيني ههه
توبة:(باستها فحنوكها)اححح عليك..كاينا ماما
رشيدة:راهي فالصالة مع جداواتك
دخلات فرحااانة وتتعيط:وردة...وا وردة واا المشكووودرة ههههه وردةةة ماامااا
خرجات وردة على اثر صوتها تتجري من الصالة فرحاانة..محسات هي بيها ترمااات فحضنهاا ومعنقاها..وتا وردة عنقااااتها وخشاتها فحضنها كتقبل رااسها:اححح توحشتك توحشتك هههه
توبة:(كتزير عليها)ههههه تانا توحشتك احبيبة ههه
وردة:(باستها فحنوكها)هههه ايهاي على ناس تاصحرااا
توبة:ههههه ياك شتي(هاودات عنقاتها)حبيبة ديالي
وردى:اول مرا واخر تساافري هههه بقاي معاايا(دمعو عينيها)معمرك تغبري علي
توبة:ودابا مالكي طالقاها علينا تاني ههه(باستها فحنوكها بحنية)صافي انا جييت هه
عنقاتها وردة وباستها فحنوكها بجوج وقالت:توحشتك والله بقات بلاصتك خاويا
توبة:تانا ههه فين بابا ولولو ونعمة وفتيتوح ومدام زهرة هههه
وردة:ها مدام زهرة فالصالة اما مي راه لفوق
دخلات توبة للصالة لقات زهرة هازا مجلة تتفرج فيها مشات عنقاتها على غفلة وقالت:تيتيز تمرااكش ههه
زهرة:ويلي شكون نتي
توبة:هههه جميعة الخدامة
زهرة:ومالكي معنقاتي؟؟ (بالغوات)سيري شوفي شغلك
توبة؛😂😂😂😂 واخا الالة(قرصاتها فحناكها)
فحين وردة شافت محمد وسوزان ومشات عنظهم..سلم عليها من الوجه وعنقها وقال:تيتيز تالساجدي
وردى:القوق تالكلاوي هههه على سلامتكم
محمد:الله يسلمك هههه امانتك هاهي وصلات
وردة:لهلا يخطيك احبيبي
وردة:(سلمات على سوزان)شكون هاد زويونة
محمد:سوزان حبيبتي..سوزان هادي وردة مامات توبة
سوزان:(ببتسامة)مشرفيين
وردة:ليا شرف ههه دخلو مرحبااا بيكم
دخلو معاها للصالة ولقاو توبة مطلعاها على زهرة ومتعصب فيها..جات وردة حداها وتحشاات فيها معنقاها وقالت:كون هي مشيتو معايا
وردة:صيف جاي نمشيو مجموعين..كيداز السفر
توبة:غزاال مفركع ههه ناري على داك لقنت زويين
وردة:بصحتك اكبيدتب هههه
توبة:فيناهي ديك لحولة هههه(ناضت من حداهت وتتعيط عليها من وسط الريااض)لولو هههه وا لولو اجي لولو
طلات اكليل من الفوق هي شافتها وهي تم نازلة كتدردك تلاحت عليها بتعنيقة تاخنقاااتها وقالت:هههه امتا جيتي البوالة ههه
توبة:(قرصاتها فبزازلها)شويا هذا الحولة ههه
اكليل:اححح بشوي جيتي ولا جاابوك ههه
توبة:نههه جيت..زيدي الحب توحشتك
تمات نعمة نازلة تتجري وهزاتها توبة تتعنق فيها وتبووسها وتعاود تعنقهم بثلاثة دخلو للصالة لقاوهم باقي جالسيين وقالت:هههه فين بابا؟؟
وردة:باقي مجاش من خدمتو ههه محمد ياكما برزطاتك توبة فالمجي
توبة:مالو مركبني فوق كتافو 😒😒
محمد:لا لا مكاين لا عذاب لا والو..دنيا هانيا
وردة:اوا بعدا مزيان تجي هي نشوفوك نتا أما ماماك اه من صيف للصيف
محمد:واش فؤاد غيخليها تجي بوحدهة هههه
وردة:هبيل داك باااك هههه
ضحكو كااملين الا سوزان لي بحال الاطرش في الزفا تا نطقاات وردة:سوزان حبيبة كيجاك لمغرب
سوزان:غزاااال وبزااف هناا
وردة:ضرتي شوياا
محمد:اول مرة تجي
وردة:اوا صافي انا نضورك هههه
سوزان:(بخجل)فصراحة انا مكرهتش نجرب الحمام المغربي
وردة:اهاه علاش لا..تاهو تجربيه ههه
اكليل:اش جبتي ليا؟؟
وردة:سلمي على الناس
مشات اكليل ونعمة سلمو عليهم وجلسو مجمعين شي نص ساعة عاد نطق محمد:نخليوكم دابا غنمشيو
وردة:فين غاديين؟؟
محمد"للرياض ديالنا اه موصيهم اوجدوه
وردة:الى بيتيني نكعا عليك سير..محشمتيش تجي تال هنا ومتبقاش معانا بيتيني واقلة نرجع وردة المشكودرة كيف كنت
محمد:هههه لا لا هي..
قاطعاتو:مكاين لا هي ولا هوو..غتبقاو هنا وسدات مداام
محمد:ههه مصرة تحرجيني
وردة:داركم هادي ههه جلس تركن
توبة:😒😒😒
اكليل:اش جبتي ليا؟؟
توبة:لما من لحمام بيتيه ههه
اكليل:مالكي حامضة متgوليش ليا مجبتي والو والله تنرجعك منين جيتي
توبة:ههههه اش بيت نحيب ليك
اكليل:نوضي تهزي ياك قاولتيني فالواتس
توبة:فالاوطو مافياش لي يجيبهم
اكليل:نوضي البقرة نوووضي
توبة:فففف تفووو على جنس
ناضت وقالت لمحمد بلا متشوف فيه:عطيني سوارت الاوطو
محمد:تسنااي نوض معاك اه ثقال عليك
ناض معاها وهي بحقات فيه وتمات غاديا قدامو ممعبرهاش..خرجو وحل ليها الاوطو وهزات الفاليز كينزلهم ليها وقالت بلا متشعر:شكرااا
محمد:الصمت
توبة:(عصبها)اوا نشيك ويمشي ميخلي فيك لاعظم ولا شي ان شاء الله أ خبز الخلا😡
محمد مجاوبهااش وسد الاوطو وجر وحدا من ليفاليز اما هي تعصباات وطلعات ليها القردة للراس وقالت:gاعلا تهضر..تدوي من جنابك انشاء الله..سري انا لي مكبرا الشان لبوجعران راه gالوها كبر الشان لي معندو قيمة احساب روحو فلان وهو هي بهيمة
محمد:(ربع يديه مطمر)شوفي أتوبة نضحكو ونجمعو معنديش مشكل..نديرو حتا ليدين فالضحك دنيا هانيا ولكن حياتي الشخصية بقاي بعيدة عليها حسن لييك باش نكونو واضحيين انا منوع لي كنكره الفضول فبنادم وابقا مطلعها علي..دونك ديك لبسالة ديالك خليها عندك وعلاقاتي وشنو تندير فحياتي ابقا بعيد عليك ماشي عطيتك وجه غطيري دااكوغ
توبة:(طلعات معاها السخونية وولات حمرااا)الصمت
محمد:ياله زيدي دخلي
مجوبااتوش سكتات ودخل هو خلاها واقفا مصمراا بلاصتها مظناتوش اجاوبها هاكاك ..ولااات حمرااا ومرضاااتش تا تغرغرو عينيها..والشمتا والفقصة طلعات معاها حيت عطاتو كثر من وقتو..تنفساات بزز وعضات على شفتها لتحتانية وجرات لفاليز ودخلات وسداات لباب وتوجهاات للصالة فين خلاتهم..مشافتش جيهتو محاولاتش حتا تقلب عليه..طلع ليها فراسها فلحظة وكرهاتو..حلات ليفاليز وبدات كتجيد لكل واحد اش جابت ليه وتتمثل بلي مواقع والو اما هي بقاا فيها الحااال بزاااف منووو خاصة انه ولفها هي لي كدور فيه وتقمعو وهو ديما مسالم معاها..
وصلات السبعة دخل الساجدي مبتاسم وهي كانت عاطياه بظهرها وقال ضاحك:غيزو غيزو ههه
تلفتات بزربة لمصدر الصوت وناضت كتجري تلاحت عليه عنقااتو تاتهزو رجليها من لارض وهو كذلك محتاضنها بشوق وكيبوس فشعرها وهي لقانها من الجنة والناااس وطااحت دمعة خفيفة من عينيها تلاوها شهقاات قوية تسمعو فوذنيه وتبدلو ملامح وجهو ملي سمع بكااها..وقف من بلاصتو بلا ميشعر وتوجه لعندها وهي فحضن باها وكلشي مستغرب من حالتها..حضنها الساجدي بجهد وقال:مال لحبيبة ديالي كتبكي ؟؟
توبة:(كتشهق فعنقوو بقوة والهضرة مبغاتش تخرج ليها)اهى اهئ اع اع اعئ اعئ
محمد:(وقف حداهم ملامحو مشوشا)مالكي أتوبة؟؟
زادت فالبكاا ديالها تا كلشي وقف غندها وهي كتبكب..وملي حسات بلي راه عاقو بيها وهي تمسح دموعها وقالت كتنخصص :اهئ والو اهئ هي توحشتك بزاااف
الساجدي:وايلي هادشي كولو علي  ميمكنش
توبة:اهئ اهئ والله(تخشات فحضنو)توحشتك أبابا
الساجدي:(ضحك)هههه غيزو غيزو ديالي هههه صافي ابابا صافي
وردة:ههه هاحال وعقل ههه
بقات فحضن باها وشفارها ملصقين بدموع وحنوكها ولاو حمرين..كلشي تيق انها بكات على باها الا محمد لي كان عارف انه عليه هو..وتفكر كيفاش هضر معاها..جلسات مخشية فيه وتتفادا تشوف فمحمد وناضت عطات لباها كادوه لي هو دراعية صحراوية ..تقلب الجو ورحعاات كضحك وتنشط ممسوقااش ليه تاتحط كاسكرووط مغربي منوع وكلشي كيرحب بسوزان ويعاود..من وراها طلعات توبة لبيتها دوشات وحيدات عيا تالسفر وتلاحت على ناموسيتها تتفكر تا صونا تيلي ..هزاتو لقات عبد الصمد بااسمات وجاوبات:الو
صمد:حبيبا صافا
توبة:الحمد لله ونتا؟؟أمدرا وصلتو؟؟
صمد:لا باقي ههه واييه وصلنا
توبة:مزياان وكيوصلتي؟؟
صمد:بخيير..هي هو توحشتك ولفتك معايا
توبة:هههه وايلي انا بعداا لا
صمد:ياك الخايبا ههه متوحشتينيش
توبة:ههههه اش غنتوحش فيك ههه
صمد:(تنكر)واش بصح مموحشانيش؟؟
توبة:هي تنضحك معاك هههه خليتي بلاصتك
صمد:(فرح)تسحاابنب ههه اش كديري؟؟
توبة:والو..عاد دوشت ومتكية نرتاح بيدما اوجدو العشا
صمد:مزيااان..فين جات داركم
توبة:مخالط نتا شوي فالمدينة اللقديمة
صمد:اه شوي
توبة:كتسمع برياض الساجدي؟؟
صمد:ومن لايعرفه ههه
توبة:اوا هو هذااك هنه
صمد:اه مزيااان ههه
توبة:ونتا فين ساكن؟؟
صمد:فدارنا هههه
توبة:تسحابني فالحبس ههه
صمد:هههه ياك
توبة:اوا هضر
صمد:فالداودياات
توبة:حدا مدرستي
صمد:كتقىاي فأريحا ياك
توبة:وي ههه
بقاو مجمعين مني منك وكيتغزل فيها وهي كتحشم وتسد فمها باش مضحكش..نساها اش وقع معاها وخلاها تجاوب معاه فاحاديث طويلة مرا يضحكها مرا اشد فيها مرا اتغزل فيها..تا جات اكليل وقالت:توبة نوضي نعشااي
توبة:(باقي شادا تيلي فوذنها)واخا هاني جايا
نزلات اكليل وقالت هي لصمد:صمد كيعيطو علي للعشاا نخليك.دابا
صمد:اوك بصحتي أ زوينة ديالي تاترجعي ونهرو فواتس
توبة:واخا ياله بسلامة
صمد:(تنهد)بسلامة احبيبة
قطعات معاه والابتسامة مفارقاتش وجهها ونزلات للتحت كضحك هي مع ملايكتها وتتفكر فيه..كيجيها هو الوحيد من غير عائلتها لي متقبلها كيما هي بإصرارو عليها رغم انها كتخسر لهضرة ورغم انها قااسحة وكراكتيرها صعييب..
فور مانزلات للتحت توجهات لصالة خراا كبيرة وواسعة مفرشة بالتقليدي ..كتشوف الخدامات كيدخلز الاطبااق المغربية والمنوعات..دخلات كضحك هي طاحت عينيها عليه وهي تقلب وجهها بنفخة وغوبشات فيه
قلبات عليه عينيها وشافت فمها ومشات جلساات حداها كتوريها فتيلي تصاور تالرحلة ممسوقاش ليه تانزل محمد الساحدي وجا جلس وتجمعو للعشا لي مكون من اطباق مغربية اصيلة اتهز طبق واتحط لاخر فجو ملئ بالضحك والنشااط من غير العافية والما لي مكيتلاقاوش..تعشااو وناضت وردة ورات لسوزلن بيتها وكذلك لمحمد عزلات ليهم لبيوت..طلع كلشي فحالو
وردة كتقاد لنعمة ففراشها وتدوز على شعرها باش تنعس..تاغفاات اما اكليل راه كتسرح عجول لاخرة..بقات هي توبة هازا التيلي كتكونيكطا فالواتس مع صمد ولي كيجاوبها فالبلاصة..شافتها وردة وهزات حاجبها ومشات كتسلت تاغفلاتها وشفرات ليها نيلي وقالت:معامن تتهضري وتفرنسي هااا
توبة:هيييه ماما أري تيليفون اري
وردة:تاتgولي ليا معامن مجمعاا
توبة:وااهي نبيلة اري اري عفااك
وردة:هاكاوا على نبيلة انا ناعسااا على وذني ههه
توبة:واهي اري نgول هي بونوي ونعاود ليك
وردة:ممم هي كاينا شي حاجة ههه
توبة:اري ونعاود ليك
عطاتو ليها وكتبات بونوي وهزات راسها لقات وردة واقفا علل راسها دايرا يديها على جنابها وهازا حجباانها وقالت:ياربي سلامة مالكي مقرقااهم ليا هوكاك..
وردة:تهزي لبراا عاودي ليا نشوف اش تحت رااسك
توبة:(كتفوه)خلي تال غدا ونبربر ليك كلشي
وردة:والله لنعستيها ولا حطيتي راسك الى ماعاودتي ليا
توبة:واش دابا لي معندو هم تولدو ليه حمارتو
وردة:(خرجات عينيها)حمااارة😳😳 لجدك انا مخليا باباك كيتسناا حلوتو وجايا عندك ونتي تتعفري هاكا اوا سري
توية:😂😂😂 والمشكودرة سيري شوفي راجلك حسن ليك هو لي دايم ليك ههه
وردة:نوضي تgعدي بااك 14 لعام وهو داير عندي باتيسري..داير مني حلاب مي زهرة مني كخاا مني بسااا😂😂😂
توبة:ففف ياله زيدي ولايني بااصدااع
خرجو بجوجان ونزلو للتحت كااع فواحد الجليسا حدا الخصة وقالت وردة :ياله دوي..شكون هذااك
توبة:ماما انا تعرفت على واحد لولد فالصحراا
وردة:صحراوي؟؟
توبة:لا لا ولد هنا..كان من المؤطرين ديالنا وراه تعرفيه
وردة:فين تنعرفو؟؟كيقرا معااك؟؟
توبة:لا متيقراش معايا..هو كبر مني بربع سنين
وردة:(خرجات عينيها)😳😳😳 بلاتي بلاتي متgوليش ليا لgلاوييي
توبة:(غوبشاات)لق*** لواااه
نزلات عليها وردة للراس وقالت:جمعي فمك لوالديك اه مك انا ماشي صاحبتك
توبة:هههه اوا نتي لي خدامة علي لgلاوي هذااك منتعرف عليه فسبيل الله..متنحملوو حيت متيحملنييش
وردة:واخا خليني دايا من الكلاوي نتي وياه اه متتgادوش من ديمااا..عطيني المفيد فين تنعرف انا هذاا
توبة:(حكات يديها مع بعضهم)ممم سميتو صمد..دري لي درت معاه داك نهار كسيدة
وردة(كتفكر)كمممم معقلتش عليه كنت مدوخة معاك داك نهاار
توبة:اه هو هذااك صراحة ضريف والله ..كيعاملني مزيااان ومعمرو تقص مني..تصوري فالرحلة كنت كنقمعو ونعايرو ويرجع اهضر معايا..يعني متقبلني كيما أنا بلا منتبدل واخا عارفني باقي مراهقة
وردة:(بجدية)ونتي كي كيجيك باش كتحسي من جيهتو؟؟
توبة:معرفتش..تنرتاح معاه بزااف وكيعجبني
وردة:(كدوز على شعرها بيديها)توبة..حبيبة ديالي..انا ماماك وكنعرفك مزيااان كثر من راسك تنعرف اش اصلاح ةاش لي ميصلاحش..انا ماشي غنحبسك ولا نgوليك لا بعدي عليه راه غيضحك عليك..لالا بالعكس انا غنكون فرحانة الى لقيتي لي يبغيك كثر مني واخا مكاينش هه ولكن لي نوصيك عليه هو متحطييش راس باباك فالارض وملي كنهضر على هاكا اه تنقصد بيها متخليهش اقرب ليك واخا هي ببوسة..كلنا عارفين ولاد هاد الجيل كيطيرو وتابعين هي زنطيطهم..سي حبي وعيشي لاموغ حيت هو احسن حاجة فهاد الحيااة ولاكن معمرك تخليه احط عليك يدو واخا هي ببوسة..حيت ابنتي جرح القلب كيداوا ولايني تالكرامة عمرو ميداوا..الى حبيتيه وخلاك وتفارقتو كوني على يقين غتنساي مع الوقت وقلبك غيبرا ويرجع اضري من جديد ولايني الكراامة الى مشات معمرها مكترجع ومعمرها مغترجع..دونك رضي بااالك مزيااان ..مبغيتش نحبسك من هادشي ولاكن الى ساق باباك لخباار مغيعجبووش الحال
تزبة:لا لا مغيكون فراسو والو..اصلا انا منظنش اصبر ليا والله وعلم
وردة:(باست جبهتها)متعرفي الايام اش تجيب ياله نوضي البعلوكة هههه كبرتي وليتي تانتي تتحبي
توبة:تنزمر هههه
مشاو كيضحكو ودخلات كل وحدا لبيتها ..وردة دخلات لقات محمد شاعلا فيه العافية ومغوبش وقالت:سموحات هههه بنتك مباتش تطلقني
محمد:سرسبيها نبقا انا هاكا كل نهار نطلب فيك
وردى:ويلي مالك شاااعل هانا جيت
محمد:(معفر)اجي لهنا
مشات عندو حابسا ضحكة وقالت:هاني
محمد جرها تاطاحت عليه وشغرها مرمي عليه بعدو على وجهها وقال:توحشنك ههه كتكوني قداامي وتمتوحشك رغبتي فيك كتزيد كل نهار
وردة:هههه ماشتي انا
محمد:(عضها فعنقها)هههههه احيانا عليك
طلقات غوتة مع ضحكة وقلبوها كرة بيناتهم ..
فحين توبة دخلات لبيتها وتكاات وهي تسمع غوتة ديال وردة وضحكات:هههه اه ياسافلة بيه فيه هههه
نعساات توبة مبتااسمة ومرتاحة..صبح صباااح جديد فاقت فيه توبة مع التسعوود تتعجز لقات وردة عند راسها كتفيق خواتاتها وقالت:صبااحو
وردة:(بتاسمات ليها)صباح توت الى تات
توبة:والتفاح الى فاااح
اكليل:والبنات فالمحيبقات
نعمة:(بصوت طفولي)صباح العسل فالشهداا صباحكم نتوما أ زوينات بعدا هههه
ضحكو كاملين دقا وحدا على كلامهم وناضت توبة للحمام بدلات اولويز ولبساات حوايجها وخرجات وقالت:مدام وردة شتك هناا مخداماش؟؟
وردة:واش انا معنديش الحق نرتاح ههه لا العطلة كاملة مخدمتش
توبة:اييه وممشيتو تافين؟؟
اكليل:مشينا لامليل ههه
توبة:😳😳😳بلا بيا
وردة:وشكون gاليك سيري للصحرا هههه مالكي مشيتي تسرحي لحناش ولا تصيدي لقنافد
توبة:زمتوني فهادي هاا ههه معليش باقي ياام لله طواال..انا نزل لتحت
خرجات من لبيت وتبعاتها اكليل وفدروج تلاقاو بسوزان ومحمد..قلبات توبة وجهها وقالت لسوزان:بونجوغ
سوزان:بونجور كي صبحتي
اكليل:بخير ونتي
توبة:الحمد لله
ونزلات سابقاهم موقفاتش باقي خلات محمد مستغرب وهو لي كان معول القاها نسات شوي ولايني واش لي مقداتش تنساا دقا كلاتها فنيفها فصغرها غتنسا مخاصمة وقعات هي لبارح..نزل حتا هو حااير ويديه مشابكة مع يد سوزان اما عقلو نرفووع مع توبة..تلقاو الساجدي راجع من السبور صبح عليهم وقال:صباح الخير
الكل:صباح النور
باستو اكليل فحنكو وقال:رتاحيتو شوي(للسوزان)لغزالة رتاحيتي
سوزان:(بخجل)وي مزياانة شكرا على ضيافتكم
الساجدي:مرحبااا بيك ههه(قلبها عربية)بحالك بحال باااك معندكمش علاش تحشموو😂😂
محمد:علاش؟؟
الساجدي:شاد فيها بالعلالي زعما شوفو اه صاحبتي
محمد:هههه ومالها اش فيها ههه
الساجدي:مافيها والو ههه الواحد هو لي يدوز..دوز اوليدي محدك لاقي الحرية(بهمس)نهار تجوج والله لباقي تفنفنتي
اكليل:(بصوت مرتافع)ماماااا
الساجدي:هاا لي قالت الشوافاا ههههه حاطا الحضيا فينما مشاات ههه
محمد:ياله نحشم شوي ههه سير دوش
الساجدي:واخا ههه
مشا وخلاهم تاهوما توجهو للجليسة وحدا خرا حدا الخصة فيها فوتويات نازلين وطبلة عامرة بفطور مغربي مئة بالمئة..لقاو هي توبة وفتيحة وزهرة
فتيحة:ديك لملحفاا لي جبتي ليا جاتني هي هااديك
توبة:هارفا عندك طرف صحيح 😂😂 جااتك لاضقا
فتيحة:اهياتا نتي مبقيتي تتحشمي تجمعي شويا ههه
توبة:حشمي ها نتي ههه دوماج مات المختار مبقا لمن تلبسيها ههه
فتيحة:الله يرحمو مسيكين فهاد النهار
جلس محمد وحداه سوزان وهي تلفت ليه فتيحة وقالت:واش أوليدي ديك المسخوطة تمك مزال كاع مهداها الله تجي
محمد:هههه شدوها رجال تمااا
فتيحة:أحيااانا عليك غيكون هي داك بااك لي حابسها راه عاارفااه دايرها كي سنسلة مكيتحركش بلا بيها
اكليل:هذاك هو لحب
فتيحة:زعما لبغوو ههه(غطات فمها حشمانة)حشمي
محمد:هو هذاااك عهه مالك نتي عمرك بغيتي؟؟
فتيحى:هههه اخليك بالخلا..علاه مالي تمنبغيش ههه اييه بييت بييت هي المختاار بوحدو وماي مشا محلا ليا تارااجل واخا دواو فيا بزااف
محمد:😂😂😂😂
توبة:ياك ا فتيتوح يااك هههه اوا تجمعي وربطي ديك سلوكية اه وصلات باب فتوح😂😂gالت ليك خطبووو فيااا هههه
فتيحة:ومالي كيجيتك اه باقي ندg وندردg
محمد:ههههه نتي زعما ةالله تاعللام
فنيحة:ههههه مال ديك الفنكوشة متتهضرش؟؟
محمد:مكتفهمش العربية
فتيحة:اوا قوليها مرحبااا بيها هههه شو شحال زوينة ومرزنة ومثبثة ماشي بحال شي نااس
توبة:خليت ليك ثباثا ورزاانة هاهي جوجيها لخالي مراد😂😂😂
فتيحة:😂😂😂عروسة نصرانية لا خليها لماليها..جات معاك عشقااا
محمد:ههه ياك شكراا
جات وردة لتاحقاات بيهم هي ومحمد ونعمة وجلسو  كيفطرو ويهضرو ومحمد وتوبة النضرات بيناتهم دايزا..تايشوف فيها تاكينويها وتهز فيه العين ويعاود اقلب وجهو..عزات غليه تبكي لبارح وفاهم انه ضرها بهضرتو..وشخص بحالو كاتب وكيتفنن فوصف المرأة مغتجيهش ساهلة ان مراا تبكي بسبابو خاصة الى كانت قاصر وباقي طفلة كيما كيشوفها
سالاو لفطوور وبقاو مجمعين الا توبة لي كتميساجا فالتيلي تاصونا ليها وهي تمشي للبيت لفوق تهضر على خاطرها مع صمد..
فهاد الاثناء محمد نااض من بلاصتو وقال:انا راجع
مشا فاتجااه بيتها عارفها غتكون تما حيت شافها طلعات وغرضو انه اوضح معاها سوء الفهم واعتاذر..دق باب بيتها ودخل لقاها عاطياه بالظهر والتيلي فوذنها..تافتات للباب على اثر صوتو وتلغات بتسامتها وقالت:كاين منقضيو؟؟
محمد:باغي نهضر معاك
صمد:(من تيلي)توبة شكون؟؟
توبة:والو والو هي واحد ذبانة كتزنزن انا نقتلها ونعيط ليك
قطعات عليه مخلاتش ليه فرصة فين اجاوبها وربعات يظيها مطلعا حجباانها وقالت:ياك لبااش فاش بيتي تهضر معايا
محمد:على لبارح!! علاش كنتي كتبكي؟؟
توبة:(بحزم)ونتا اش مشا ليك نبكي ولا نبول ولا نقز من سطااح اش ليك؟؟
محمد:انا لي بكيتك ياااك؟؟
توبة:(بسخرية)شويا لابااس أعشيري علاش غنبكي بسبابك
محمد:حيت قلت ليك ديك لهضرة
توبة:اه على داك زابور لي عرضتي علي..لالا دنيا هانيا عند لفورة اباان الحساب
محمد:(ضحك)خههه مالكي هاكا مالكي..علاش ديما تتبغي تبيني داك لجانب القوي ديالك ونتي اضعف منك مكااينش
توبة:شوف أخا الكلاوي غادي ديري دومي تور وترجع منين جيتي قبل ماخباارك اجيبوها لخرين كان كيحساابني بنادم كبير وبعقلو ونقدر نضحك معاك ولايني صدقتي على سبا خص هي لي يجبدك
محمد:عمري عقبت على الضحك ولايني ديال تدخلي فحياتي الشخصية لا هاداكشي بعيد عليك ونتي صغيرة ماخصكش هادشي كااع تعرفيه..انا لبارح مقصدتش نبكيك ولا نجرحك
توبة:مبكيتينيش..هي تيبان ليك
محمد:(قرب ليها)حلفي بالله
توبة:اييه مبكيتينيش علاش بيتنبكي عليك
محمد:(وقف قدامها وحط يدو على خدها)سمحي ليا
توبة:(تنهدات بعصبية)حيد يديك الله يعطيك الجرباا والجداام حيد يديك
حيدها مبتاسم وقال:دابا جيت برجلي نعتاذر ومتي تتهضري هوكااا
توبة:مطلبك حد تعتاذر اصلا انا معولة نرد ليك دقتك هي شور علي الى مندمتك اه منتسماش توبة
محمد:شغاديري؟؟
توبة:غنن..(ملقات متقول)نن سير فحالك تفووو عليك الحمار الكلي القرد(بعصبية)بزااف عليييك ولهلا يحييك تاتجي نتا وتقمعني اوجه الحلاب..تيحسابك غنسكت ليك لاا لااا والله لسكت تامنكونش بنت وردة..البغل.. از...هاااا
سكتات بسرعة ملي جرها من يديها وعنقها بيد وحداا..معرفات متقوول..جرها بجهد تاجات فصدرو وعنقها بيد وسكت اما هي مقدراتش تهضر باقي صدمها ومعرفات مدير..كان سخوون او بالاحرى جسمو دافي وصدرو زاكي اما قلبو كتسمع دقاااتو وعينيها كيدورو معرفات مدير..سرطاات الريق وجاها صوتو فوذنيها كيقول:سمحي ليااا مقصدتش نخسر معاااك سمحي لياا واخا
بعدها عليه وهو مساخيش بحضن طفلة في طور النمو..
عاود نطق ويدو هلى كتفها:الطفلة تبقى طفلة حتى تبكي..حينها فقط تصبح امرأة
بتاسم ليها تا بانت غمازتو وحيد يدو وقال:بسلامة
قلب دورة وخرج مخليها مصدومة مقدراتش تحرك كدور فعينيها وقلبها كيضرب بجهد حطات يديها عليه وبدات كتطلع نفس بجهد وتعاود تخرجها ممصدقاش اش وقع..احسن حضن رجولي بعد باها..بقات شحال واقفا كتفكر تصرفو وهضرتو تانقزها تيلي لي صونا بنمرة صمد وجاوبااتو تلفانة معرفات متقول
فحين محمد نزل لتحت مبتتسم حيت عرف بلي صافي الموضوع تحل..لقاهم باقي جالسين وقال:غنمشيو داابا خليناكم على خير
وردة:فين غاديين
محمد:عندنا الطيارة مع 12 وياله نكونو فالمطاار
الساجدي:مجلستي والو بقا شي ايام
محمد:لا لا الخير والبركة
فتيحة:اوا بحرا كنا تنgولو نديو هاد لبلقا للحمام
محمد:هههه لالا ميمكنش مشا علينا لحال..سوزان ياله
وقفات معاه وطلعو نزلو ليفاليز ديالهم ووقفو معاهم برا كيودعوهم ويسلمو عليهم..ركب فالاوطو وجداه سوزان اما عقلو بقاا الفوق..حط يدو على لفولون وتنهد هز راسو لفوق كيننفس بصعوبة تانطقاات سوزان:بب صافا؟؟
محمد:وي بخير(هز قرعة تالما شرب منها)
حطها وديمارا ومشااا فاتجااه المطار..دخلات عائلة الساجدي للرياض ورجعو جلسو ولي عندو شي شغل اه قضااه تاطلعات نعمة للفوق بغات تلعب لقات توبة تتهضر باقي وقالت:توبا كاع مقلتي بسلامة لمحمد
توبة:(بعدات تيلي على وذنيها)نعااام..علاش
نعمة:اه مشاا فحالو بحرااا
توبة:واايلي..فين مشاا
نعمة:لدارهم هههه
توبة ستغربااات وجاها احساس فشكل وقالت لصمد:صمد قطع دابا نعيط ليك
قطع معاها وقفات تتشوف قدامها وحجباانها معقوودين ..محساات براسها هي نازلة لتحت لقات مها وقالت:ماما بصح الكلاوي مشااا؟؟
وردة:اه عاااد مشااا علاش؟؟
توبة:والو والو
مشات من حداها مستغربة ومعارفاش مالها جاتها فشكل انه يمشي يمكن احساسها كيقول انها عمرها مغتشوفو..وفعلا كاانت اخر مرة تشوفو فيها ومعمرها متصادفاات معاه باقي