حكايتنا

chapitre 13

توبة:(ترخات كتبكي فحضنو)😭😭😭😭😭حرااام عليد اهئ اعئ كولكم تتهضرو معايا هاكا اهئ اهى عيييت
محمد:شووو صافي سمحي لياا هضرت هاكاك على قبل مصلاحتك
توبة:مصلاختي مبقا تاحد عارفها فين كاايناا..كتشوفوني هي ساكتا ومكنجاوبش وعزلت ؤاسي على النااس حيت تاحد مفاهم اش جاري فياا..12 لعام تالقراية وفلخر منقرااش فالبلاصة فاش بيت..قضاء وقدر عرفتها وحمدت الله وgلت عاللع فيها خير ولكن هضرة البشر وفعايلهم ماشي قضاء وقدر اهى تهئ كيبقا بنادم اخشي فيك الهضرة لي دويت معاه ولا صيفت ليه نسول فيه كيبدا علي واش مباقي درتي والو هي هي الظاار..هاد الكلام كرهتو تاوليت متنحمل نشوف حد..تبليت بالتيليفون حيت فيه تاحد مبيسولني اش تتديري ولا اش وقع معاك اهئ اهى كلشي كيبقا علي مالكي ضعاقيتي ويلي وليتي حالتك..غادياا وكترجعي لوور..الى كان هاد لور هو يبان ليا معدن عباد الله من دروك نرجع للور تنجري هء هءهءهءهؤ اهئ اهى
محمد ندم وبقا ليه شوي ويضرب فمو ويبدا عليه هاك افمي هاك افمي..هضىتها ضراتو ..صعيب ان كلشي ضددك وكلشي كيسول فيك ولكن ماشي باش اطمأن عليك انما باش اتشفا فيك..عنقها كيسكت فيها ويدوز على شعرها تحت انظار سوزان لي مفهمات والو من محادثثهم حدها كتشوف حبيبها معنق وحدا خراا..ناشي هادشي لي عصبها لانه كان كيتسالم بالوجه مع البنات تما مي الطريقة باش معنقها وباش خاف عليها..
نطق بعدما زفر بغضب:صاافي سكتي براكا ونتي هضرة جوج كتبداي دمعي فينها توبة لي هضرة وحدا تتبدا تعرعر وتسب وتعاير بدوك القوافي ظيالها لي يحيروك ويخليوك هي تتشوف..ديك توبة لي نتقول الطيور نزلو انا نطير بلاصتكم هه(بغا الطف الجو)
بعدات عليه وجها عامر دموع وقالت:راه كاجبدني..غنسبك شي سبا خايبا تمشي تشد الكيارة فحالك بلا رجعة
ضحك داير ليها الخاطر وقال:واخا تجري علي بالحجر ههه كاع ممشيت فاش ضاربنا باليدين بقا هي دابا
شافت فيه بطفولية تتمسح دموعها بلور تيديها وقالت:عييت والله
محمد:صافي(مسح ليها دموعها)
سكتات مسحات دموعها عاد نطقات سوزان بصوت منزاعج بالفرنسية:ساليتو؟؟ممكن تضرحو ليا اش وقع بيناتكم هنا
تلفت ليها محمد وقال:موفع والو هي تناقشناا
سوزان:(غوبشات)هادشي كولو هي مناقشة
محمد:من بعد ونشرح ليك توبة سيري تنعسي ياله
توبة:واخا ولاكن فيا العطش
محمد:انا نجيب ليك تشربي هي سيري تنعسي
سوزان:راه كنتسنااا
تلفت ليها محمد:سوزان تجي معاايا
سوزان:نو مغادياش معاك حتا تشرحو ليا شهاد المسرحية لي كنتو دايرين هناا
توبة:(بالعربية)أوبااا ههه أبلة فهيمة خرجتي هوكاا..واش متحشميش مترمشي مخفتيش تصادفي مع شي حد هنا اشوفك هاكا ونتي بهاد المنكر..ولاكن علاه اش كنتو كديرو اه المنكر نيت..الحاصول انا مشيت نرgد بون دودو
جر محمد سوزان من يدها وخرجو بعدما قال:بونوي
مشاو ديركت لبيتو دخل وطلق من يديها وزفر بغب وقال:ميغد
سوزان:محمد مالك؟؟شواقع؟؟
محمد:عياان والله..مبقيت فاهم والو..
سوزان:انا لي مبقيت فاهما والو فيك..عارفا انك حنين ومكتحملش تشوف شي حد كيبكي ولاكن شنو معناتها انك تعنقها وتبقا كتزير عليها😠😠شرح لياا
محمد:(هز حاجب)كيفاش؟؟صافا با نو؟؟مشفتيهلش كي كانت
سوزان:(بهدوء)شفتها كي كانت وعرفتها تسد عليها لباب وداوييتيها ومزياان ولكن شنو معناها تنوض تغاوت نتا وياها على شي حاجة لي مفهمتهاش انا وفلخر تمشي تعنقها اه بزااف
سوزان:ماشي وقت الغيرة دابا أ سوزان(مشا لسرير)لبنت عياانة ونفسيتها مأزمة شنو كتسناي مني ندير
سوزان:اه بون دابا انا هي تنتخيل يااك..محمد راك مشتيش راسك كيف كنتي معاها..بحالا انا مكاينااش..كتغاوتو ومعصب منعرف علاش اش وتعصب عليها..
محمد:سوزان مناقصنيش..نعسي وغدا نهضرو
سوزان تغرغرو عينيها وقالت:واخا شكرا اهئ هءا هو جزائي حيت جايا نشوفك ندوزو وقت مجموعين..وليت كنصدعك..مغسي بوكوو
توجهات للحمام مقلقة ودموعها على طرف عينيها..تنهد هو بتعب معارف اش اتبع وفنفس الوقت جاه رااسو مبسواش حيت هو بلاصتها كان اتقلق..ناض من بلاصتو مراشقاش ليه وتبعها للحمام حل لباب لقاها واقفا وشادا حنكها وكدمع فصمت..بقات فيه وندم على هضرتو الناقصة معاها  وقف قاص معاها وشد يديها وقال:سمحي ليا
سوزات:علاش غنسمح ليك اهئ ةهئ وليتي عصبي معايا..من نهار تخرجنا وحنا هاكا..ولينا باردين بزاااف..يمكن حيت شغالنا شغلونا تلى بعضنا ولكن هادشي مكيعنيش بلي نوليو هاكا اهئ ةعئ كنعتارف انا وليت فشكل مورا مخدمت فاالشركة الضغط كان علي كثير ومكنتش كنلقا الوقت باش نتشاوفو ولكن اه كنبغييك وعارفها
سكت شحال وهو يجرها عنقها كيدوز على ظهرها وعقلو فيه شلا مطارق