حكايتنا

chapitre 21

توبة:واخا هاني جايا
وردة؛وياله راه زعما جيت نديك
توبة:ففف كيتنباان؟؟زوينة؟؟
وردة:تتحمقي الله يحجبك لينا ياربي وازيدي راه الكلاوي gالس على الشوك

ضحكات وشدات فيها وتمات نازلة بطالون كيتسمع قوذنيها طاق طاق ومجرجر موراها ورحليها كيبانو من الفتحة عامريين وبيضين..شعرها لايحاه ورااها والابتسامة المتوترة على وجهها..وقفو قدام الصالة ودخلو وكلشي بتاسم وكيقول تبارك الله ماشاء الله..كلشي هجبااتو وحمقاتو بالبلدي..أما محمد بقا مبتاسم وكيشوف فيها تاني واسكانيها من لفوق لتحت محش براسو تاوقف قدام كلشي ومشا عندها ببطء وتاهي أنظارها كلها عليه..جاها وسيم بلا قيااس بلحيتو لي ماشطها بعدما نقصها وبالكوستيم لي جااه لاصق وكذلك ببرافانو للخفيف لي حتى قرب لعندها عاد شماتو..محشم مارمش قدام دوك المنتخبات تكرة القدم ولا قال عيب باها..بهراتو وعجباتو قرب منها شدخا من عند مها خدا يدها الدافية بين يدو الباردة والتقت النار بالثلج فأصبح الدفئ يعم المكان
طبع قبلة خفيفة على يديها وقال:متشاء الله جيتي بزاااف على زوينة
توبة:(بخجل)شكراا ههه
شدها من يديها وداها حداه فين جالس جلسها حداه زكلشي تيشوف اوا قول لشي واحد انوض اهضر غتقولبهم جووزي وأبو عيالي
طغات عليهم للحشمة بجوج واخا هاكك مطلق من يديها وكلهم كيبرقو عينيهم تاحد مضحك ماقال شي حاجة...السكات عم الصالة تانطق الكلاوي:والله ماولدي بالله😂😂😂😂أخويا مالك على هاد الزربة ههههههه
الكل:😂😂😂😂😂
وردة:جيل قمش
فتيحة:(غطات وجهها بشالها حشمانة وكضحك)يعطيك ستر شحال مسرار هههههه
ضحكو كاتملين وبقاو كيشكرو فتوبة لي طلعات زويينة ويمدحو فيها وهي كتشكر فيهم وتقول:ربي يخليك
يد محمد مفارقاتش يديها لي عراقو فيديه وعينيه لي لصقو هليها مكمشين محاملش احلهم واشوف شي حد من غيرها..طول الجلسة وهوما هي شوف فيا نسوف فيك أطاجين الحوت ههه تا تحط العشاا المضخم والرااقي بأجود الاكلات المغربية وألذها..تعشا كلشي فطبالي مفرقين ضاحكين نااشطين وتيقشبو ومحمد كيقطع لتوبة ويعطيها لقدامها وهي كذلك..

تهز العشا وجا وقت تركاب الخاتم تنقات الضالة وجابو بلاطو كبييير فيه الزلايف تالحليب والخاتم لي جاب ليها محمد ..بللطو فيه حليب وتمر ومزوق بالورد حطوه قداامهم وتجمعو عليهم وقفوهم بجوج فاص مع بعضياتهم كيضحكو مع كيبانو صغار فالعمر..

وفاء:ياله ا مولاي السلطان ركب ليها الخااتم
سليمة:(كتصور)ياله سير هههه
هز الخاتم ومدات ليه يديها كترعد شد فيديها ياله حط الخاتم باقي مخشاهش فضبعها وقال وعينيه فعينيها:توبة..حبيبة ديالي
هي قالها كلشي شرع فمو ممصدقش اش تيقول هاد خونا نطق فؤاد:خم خم مالك اولدي
محمد:(متسوقش ليه عينيه فعينيها والخاتم فيديه)الحب ديالي..ma reine توبة..اايوم احبيبو جيت باش نخطبك وتكوني ديالي..باش نكملو بجوج حياتنا واخا صغار غنبينو لشحال من واحد بلي قادرين نجحو زواجنا بصغر سننا..ميمكنش أتوبتي نجي نخطبك وانا باقي مسمعتكش الكلمة لي بيها تيتنا الزواج بين أي جوج..اليوم وقدام عائلتك وعائلتي..gدام باك ومك وواليديا وخوتك وخوتي وعمامي وخوالك باغي نقوليك (سكت لاحظة كيجمع الكلمات)كنبغييييك كنبغيييك وكنبغيييك وكنمووت فيك وكنتسطاا عليك وباغي نكمل نعاك حيااتي..مجيتش وقلت هاد الهضؤة من فراغ ولاكن تنقولها وانا حااس بيها..باغيك ومرتاح معاك ومعاود ليك على كلشي لي تنحس بيه ولي عشتو..ومعاك تنكون براحتي وتنهضر براحة واخا التناقض فشخصياتنا ولاكن بغيييتط وحبيتك حيت توبة ..توبة ديالي بوحدي..كنبغيييك(قرب طبع قبلة بين عينيها المغرعرين)