ضحك عليها وقال:ومحشوماش عليك تقولي على حبيبك حمار هههه
توبة:ومحرامش عليك تgول على حبيبتك بطة ههه
محمد:بطة زويونة هههه مكتبردش فيك الدقا
توبة:من نهار عقلت وفتيحة ووردو تيوصيوني لي جبدك عطيه مناش عطاه الله هههههه
محمد:ميتخافش عليك هههه
كملو حديثهم لي دام ساعة هاكاك مرا يضحكو مرا تسبو وهو قشابتو واسعا معاها تا قطعو بحجة أن توبة غتمشي لسونطر حبت عندها حصص فالعشية
لبسات عليها دغيا وهزات صاكها وخرجات شدات طاكسي وتوجهات للسونطر تاع اللغة بحماس وراحة كبيرة
أما فأمريكا داز الوقت بسرعة تا رجعو العيالان من سونطر بيوتي ناضياات..تلقا ليهم محمد وقال:اوووو بزااف علينا هادشي
أمبرة مشات عندو تتجري:خويا قوليا كي جيت؟؟
محمد:trés belle
سليمة:اوا وأنا؟؟
محمد:نتي فتي زين لهيه ههه
ياله غيهضر وهو يتم جاي فؤاد.كيشوف فوفاء وحال فيها فمو كي الحمق وقال:اووووو ناري ناري ناري ههههه راه تنقولها ليكم أنا لي مزوج ههه
مشات عنقاتو وقالت:كي جيت؟؟
فؤاد:واابزاااف والله والقهرى معاك أبنت الناس تتكبري وتتزيدي فزين
سليمة:وا العنب هههه
باس ديها وقال:زوينة كي ديماا
سليمة:وانا أبابا؟؟
فؤاد تلفت ليها وقال:نتي زينك بوحدك مشابها تا حد فينا
وفاء:كتشبه لماما الله يرحمها داكشي بااش
أميرة:اوا وأنا لي عروسة نسيتوني
فؤاد:وايلي نني هي كلشي(مشا عندها عنقها)نتي فوطوكوبي تمك هههه
أميرة :☺☺☺
دخل أشرف لي كان حاي من المدرسة شاف محمد ومشا عندو تعانقو وقال:المعقد جاا هههه
محمد:ههههه قالها لي مقاد هههه كبرتي تاني؟؟
أشرف:تتغبر أخويا تكتخياب هههه
محمد:نتا بعدا غادي وكتزاد فالزين سبحان الله هههه كيغادي مع القرايا؟
أشرف:بخيير مخصنا هي نكبرو خلاص
محمد:صبر على ؤاسك شوي نهههه
شاف فمو وخواتاتو وقال:بديتو كتوجدو من دابا؟؟
أميرة:زوييينة نتي والله حيت كتشبهي لمام ههه
أما شي ناس تحلفي عليهم هي مربيينهم😏😏
محس تا جاتو ركلة لرجليه وقالت:مزيودى لجد مك قبل منك وكابرا مع هاد جوج قبل منك
أشرف:احححح ناري على رجلين واش تتشطحي ولا تتربي اللحم؟؟
سليمة:ديها فراسك بشر كيداير😏😏
فؤاد:حبس نتا وياها من المضاربا ههه
وفاء:أشرف طلع أحبيبي لبيتك بدل عليك أه قربو ادخلو النااس
أشرف:أش نلبس؟؟
سليمة:ديك الجلابة باش ختنوك مهار لول ولبسها سيك😂😂😂😂😂😂
الكل:😂😂😂😂
أشرف:شحال حامضا هيهي هاني غادي
اوا شت باقي مكاينينش خوالي
فؤاد:قربو اجيو اولدي
سليمة:دايرين بحالا عندنا العرس وهو راه هي خطبة وجا هي يدوي ههههه
أميرة:لا غنلبسو الخواتم
سليمة:ومال عمامي محضروش؟؟
فؤاد:عندهم مايدار ياله طلعي نتي لبيتك منشوفكش هنا
سليمة:وانا زعما قلت نستقبل معاكم نسيبي
محمد:ههههه ناقصينك كيلوات تالعقل ههه
طلعو كيضحكو والدار عمرات بالفرحة والسرور كيف لا وأول وحدا فالكلاوي وأول بنت غتزوج فالجيل الجديد
أما محمد طلع للفوق خدا دوش سخون وبدل عليه لبس سروال توب كري وقاميجة بيضة لان الجو سخون فالدار مشط شعرو الخفيف رش ريحتو لهفيفة لي الى بغيتي تشمها خصك تكون حالس حداه..خرج من بيتو كيكتب ميساج ليها:باقي مرجعتيش؟؟
لقا قدامو أشرف خارج من بيتو لي فاص معاه تاهو مقاد على لحالة وقال:اييه زيانيتي الاخت
محمد:هههه باقي مبغيتيش تحيد منك ديك البسالة
أشرف:انا حامض بالفطرة ههه
خرج فؤاد تاهو بالكوستيم ومحاق علل الحالة تحلف عليه موالدش كاع
اشرف:هانتا تلني على الشايب فاش كيتقزقز هههه
فؤاد:كون ماكنتي ولدي غنقول عليك والدك فدرب السلطان ههه منين كتجيب هاد الهضور ؟؟
أشرف:صحابي وولاد عمامي فالمغرب ههه
فؤاد:ياله واجدين
محمد:وي
فؤاد:عاد قالت ليا وفاء بلي جاو خوالك وعيالاتهم
نزلو للتحت للصالة الكبيرة لقاو عادل وبدر ويوسف وكمال خوت وفاء كاملين مع عيالاتهم تسالمو وجلسو كيهضرو حتا جات الخدامة وقالت:موسيو فؤاد الكاميرا بينات بلي جاو ضيوفكم
وقف وقف معاه ولدو محمد وخوت وفاء ومشاو للباب ستقبلوهم..كان الغريس لي سميمر وشعرو كحل وباينا فيه داخل سوق راسو لابس حوايج عاديين مع جوج تناس مو وباه..مو لابسا الساري الهندي ولايحا عليها مونطو سخون عطاتو للخدامة فور دخولها وباه لابس هي كوستيم تسالمو ودخلز للصالة عاد جات وفاء سلمات على كلشي وجلساات لقاتهم كيهضرو وكل الحوارات بالانجليزية
أب العريس:فرصة سعيدة نتلاقاو بيك أ موسيو فؤاد شخصيا
فؤاد:الشرف لياا مرحباا بيكم
أم العريس:شكراا فينها العروسة؟؟
وفاء:ههه حشمانة انا نمشي نجيبها
سيف:اه اه
أشرف:خم خم
نغزو محمد باش اسكت هاد الاخير لي كان كيسكاني سيف بنص عين باش ميبينش ليه بلي محكر وبلي داخل للغار لي معندو منين اخرج منو
عادل:فايت سامع بيك أسي راج(أب العريس)
راج:تعاملت وانا شاب مع باك الله يرحمو
عادل:اه داكشي باش
بريا:(أمم العريس)والأم ديالك تنعرفها حيت منخارطا معايا فواحد الجمعية مسكينة واخا عيات كتجي للجمعية
عادل:عزيز عليها دير الخير
سبف لي كان جالسا على أعصابو وكيقول الله يخرج طرح على خير..سيد كان معول على الكلاوي وولدو صدق لاقي طاشما تناس وكلها ينسيك فالاخر
أنت تقرأ
حكايتنا
Romanceمنقوووووول #سكينة ايت الكبير #حصريااااااا ولأول مرة الجزء الثااني للقصة الكوميدية المرااكشية{منذ الازل والى الابد} و للقصة الرمانسية{حبيبي أنت} تحت طلب العديد من القارئات#عاشقاات الكلاوي و#المشكودرات غنزل جزء ثاااني كيشمل لقصتين معااا ولي غيكون فيما...
