حكايتنا

chapitre 2

محمد بداو علامات الغضب كيبانو عليه وطلع ليه دم كيخنزر فتوبة لي قربااات تحط دمووعها..اعدى حاجة عندها هي باها يتعصب حيت مامرة ماجوج شافت عصبيتو ونظمااات..
تلفت لتوبة مخنزر وقال:شهادشي الالة توبة؟؟؟غبت سيمانة ورجعتك لقيتك منوضااها هادشي ووصيتك مديري والو ونتي تتديري هي لي فرااسك يااك
توبة:(حانيا راسها وولات حمرة)بابا..انااا...
محمد:(رفع صوتو)نتي أش هاااا؟؟باغاني نبدل تعاملي معاااك هااا..هانتي غتشوفي وجهي لاخر ومتلومينيش(هز كاسو ورجع لور متكي علل لمخدة وتوبة تطل بنص عين عليه ملي شافتو سقل)واطلي علي😡😡
حناتو دغيااا تتخشي فوجهها واكليل كتبتاسم وعاجبها لحاال تفطر على راحتها..تا دخلات وردة  طالقا شعرها واصل لترمتها ورغم انه بان فيها شيب تتعاود تصبغو بالقهوي باارد..شادا فيديها كارطابل تنعمة لي بدورها جايا لابسة كسيوة حد ركبة وشعرها طالقاااه..مشات تتجري عند محمد لي كان ساهي..شاف فيها وبنااسم وهزها فحجرو وباسها فحنكها وقال:بصحة الدوووش ههه
نعمة:(بصوت طفولي)تنباان زوينة ياااك أبابي؟؟
محمد:(بتاسم لطفوليتها)زوينة بنتي(باس يدياتها)
جلساات وردة حدااه مبتاسمة وقالت وهي كتخوي لنعمة كاس تالحليب:راه غنغييير أنا هههه
محمد:(شاف فيها وعقدهم)نتي حساابك معاايا هو لخر دابا نتفاهم معااك من بعد على هاد لعصابة لي دايرا نتي وبنتك
وردة:؟؟
شافت فتوبة حاانيا الرااس واكليل تتاكل مبتااسمة وتلفتات ليه وقالت مخرجا سنطييحة؛اشمن عصاابة تاني بدينا بالله هااا
محمد:(خرج فيها عينيه)ومزاال زايدااها بتخرااج العينين الالة بااااز والله تابااااز(شير بصبعو لتوبة)هادي لي جالسا مورا ضهري تتزيل فيها وتدير فالكوارث وانا مجايب خبااار وملي نسولك عليها تقولي ليا كلشي هو هذاااك هااا
وردة سكتات معرفاااا باش تجااوبو وعاود نطق:بلحق نستااهل تسحابني بعقلك ساعا هي مزيدااها للهلاك
وردة:ولكن راه..
قاطعها بغضب:صافي سدينا على الموضوع دابا انا لي غنتكلف(شاف فتوبة معصب)فطري خلاص غنمشي معااكم للمدرسة
توبة خرجات عينيها وسرطات ريقها وقالت تتفتف:لا..لااااش لاااش بيتي تمشي
محمد:(بسخرية)باش نعطيهم وساام حيت قابلينك باقي عندهم😡😡تجمعي حسن ليييك ...بالله لي حسن مني ومنك ونلقااا نقااطك طاايحيين ياا حساابك هو لخر معايا
حنات راسها تاااني مقدراتش تجااوب وتا وردة معرفات متقول تا الى دافعات عليها غتكون هي تتكب الما على رملة عارفاااها مزبلاها وشحال ماا ضركاات عليها الا وكتفرش وتتوصل لخباار لباااها
فخين اكليل نطقاات:أنا أبابا نقااطي منازلينش على 17 هه والله وانا لولة فالاونكلي وفالفيزيك
محمد:الصمت
خنزرات فيها وردة بمعنى سكتي وهي تسكت ونطقاات نعمة بصوت طفولي:تانا جبت ف dictée 10/10 هههه والله
باسها فحنكها وقال:برااافو القراااية ديااالي
وردة:فطري اماما دغيا باش اديك باباك لمدرسة
تحناو كيفطرو بلا هضرة بلا جوج ووردة كتشوف فتوبة وطمنها بلي كلشي غيكون مزياان حتا دخلات زهرة ام محمد لابسااا فراشة فالاسود وشعرها لي كولو شيب جامعاه بقراصة ومعاها بنت فمقتبل العمر شادا فيديها..هز محمد راسو شافها وتفكاات غووباشتو حط نعمة حداه وناض وقف وقال:الوااليدة
شافت فيه زهرة باسغرااب وقالت:tu parles avec moi?? بأ شكون نتا
بتاسم وزاد قرب ليها هز يديها وباسها وباس راسها وعنقها وهي كدور فعينيها وتسول لبنت لي معاها:ويلي شكووون نتا
محمد:انا ولدك محمد أميين
زهرة:اييييه ولدي(عنقااتو)تووحشتكك لبااس عليييك ههه
محمد:(تسحابو عقلات و فرح)بخييير..تانا توحشتك اجي تجلسي
زهرة:لا لا هي سير جلس انا نفيق بااك ونجي..راه غيمشي عليه لحال للشركة
محمد تلغاات بتساامتو وتنهد وقال:والواليدة راه الواليدة مات قرن وزماارا هااادي
زهرة:شكوون هادا لي مااات؟؟
محمد:الواليد..عبد العزيز رااجلك؟؟
زهرة:(بغرابة)علاه انا مجوجة؟؟ويلي انا هاكا باقا عندي 18 عاام ونتزوج..حيد علي نمشي نشوف صحاباااتي ههه مزياان قاليك مزوحة
توبة حبساات ضحكة هي وختها اما وردة مولفااا عليها...مشات زهرة جلساات حدا اكليل ممسوقااش وجلساات حداها المسااعدة ديالها ورجع محمد لبلاصتو مبتاااسم..شافت فمساعدتها وقالت:يالله كبي ليا كأس تالقهوة هه باغا نطلع نفيق سميير
ضحكات المساعدة وكباات ليها وبدات كاشرب ممسوقاااش ..شافت فاكليل وقالات:عفااك قربي ليا داك طبسييل
هزاتو اكليل حاابساا ضحكة وولات حمرااا ومداتو ليها وهي تقول:شكراههه..(سكتات وعاودات شافت فيها بغرابة )اجي شكووون نتي تانتي؟؟
هنا مقدرااتش تحبس ضحكة وطلقاااتهاااا عااالية ووردة كضحك اما محمد ساكت وتيشوف فيها وتوبة راه طاالعا ليها القردة للقصبة
اكليل:ههههههههههههههههههههه واااااه يااااربي على شكووون انا ههههههه انا يالغزااالة مراات العساس تالفيلا دياااالك هههههه
زهرة:(على نيتها خزرات فيها)ولاش جالسا معايا فطبلة تقادو لكتاف(بصوت مرتافع)نوووضي تهزي قضي شغلك
اكليل:😂😂😂😂😂😂😂😂😂😂 واخا أاللة ههه
محمد:الواليدة راه هي تضحك معاااك هاديك اكليل بنتي
زهرة:وشكون نتا؟؟؟
وردة:😂😂😂😂😂 رااااجلي أنااا هههه
زهرة:اه اه نتي عرفتك ههه نتي هي ديك لي خطفاات راجل نيسلييهلن اه اه عرفتك
هزات توبة راسها فيها وضحكات بسخرية وهي تنطق زهرة:هاااا نيسليهلن(مخاطبا توبة)هههه نتي هنااا هههه
توبة:(بتميااق)نيسكاافي هادي ماشي نيسليهلن
محمد:توبة😠😠
توبة:ففففف انا عييت غنوض للمدرسة
وردة:جلسي باقي الحال(شافت فيد محمد لي فيها لمكانة) يالله سبعة هادي
توبة:😒😒مبقا ميداار هنااا صدااع وتشرااا فففف
محمد:تركني للارض فطري راخ مكلتي والو
توبة:مبيتش باقي شبعت
اكليل:تسناااي ديني معاااك
توبة خزراات فيها:تمشي على شوووك يا بنت لمسرهطة تمشي فوg هيضورت سبع ان شاء الله😡😡شارياها ليا فلبلو ماارين وبيتي ندييك معايا ولله ومتركني تندييك فينمشا با جدي ومرجع..
وردة:جلسي ا توبة براكا من صدااع صبااااح هذااا
جلساات مخنزرة ومعاجبها حاال وتأفأف..مدات ليها وردة كأس تالحليب فيه معلقة تشكلاط ةقالت:هاكي أبنتي شربي هذاا نتي عزيز عليييك تفطري بيييه
هزاتو توبة منفخة وتتخنزر فاكليل وكملو فطوورهم سااكتين ومحمد كيداعب نعمة ويبوسها..تاوصلات السبعة ونص ووقفات توبة وقالت:هادا هوو..انا غنمشي
وقف محمد وقال:تسنااي كلنا غاااديين
هزات نعمة كارطابل ديالها وتبعاتها اكليل وتوبة وناضت وردة توصلهم للباب كيف مواالفا..سبقهم محمد لبيتو اجيب سوارت لوطو نساهم وبقات غاديا وردة هي وبناتها وهي تأكدات انه غبر وهي تشد وردة اكليل من وذنيها وقالت :اجي نتي اللفعة اش gلتي لباباك؟؟
توبة:(بعصبية)gولي اش مgالتش ولايني هاهي فمك الق**** دابا تجيبك لياام ونتفرج فيك..صبري تاطيحي فيدي والله يامك تنكدد هاهيا فيك
اكليل:هه عبرت عليييك نتي لي كطييري ومشوهاني ديما فالمدرسى gااع الاساتذ لي عرف توبة ختي تيبدا يحل فمووو
توبة:مغندييهاش فبرهزشة تا صيااام باقي محق عليها😡😡😡ولايني عند لفورا يبان الحسااب اشمكارة جامع الفنااا
اكليل:بصحتي(كتهز فحجباانها)وبرااحتي شتي تاااكون مgلتهاش ليه غتوصلو غتوصلو
توبة جراتها من شعرها نتفااتها وزيرات علبها وفالت؛تgال ليك اتريكة القاااف😡😡
وردة:(تتفك فيهم)طلقي منختك راه غيجي يحيح عليك..واااطلقي
اكليل:وااا الكلبة طلقي واااعبرت علييييك انا بيتو يحبس عللييك الخريج باش تركني لارض
توبة:اتركنو حدااك الحلالف ..اعطييك شلة ليااام وطلية العواام متشوفي الضووو متعرفييه يا تريكة دفا وربع تتعرفي هي تسخني لفم الشفوي وقلة اليدوي..
اكليل:(بدات تتغوت)الاااااه بابا
طلقات منها معصبة ووردة بيناتهم كي الحكم..
توبة:ها بلاتي نفك هاد لحريرة وتشوفي والله ياا مك تنخرج انا وياااك فمنعش😡😡
اكليل:الى مخرجك بابا فالجورناال راه باقي معندك فين تخرجي ههه
ياله غتنطق وردة وهي تشوف محمد نازل مغوبش:سكتوو باباكم نااازل
توبة مداتهاش فيه وحلات سااكها كتجبد سوارت الموطور..فحين محمد وقف عليهم وقال بصوت جدي:واجديين
اكليل ونعمة:اه أبابا
محمد:(مخنزر)توبة غتدي لموطور وتمشي معايا فنفس الريتم
توبة:واخا
محمد:سبقوووني انا جااي
حلات توبة لباب وخرجات موطورها وتبعوها خواتاتها لي عطاهم محمد سوارت  الاوطو..بقات وردة ومحمد بجوج..تلفتات ليه وبدات كتقاد ليه فحوايجو ونشوف فيه كتمسكن وقالت:محمد بشوي على لبنت اه قسحتي معاها
محمد:بيتي نرخي ليها تنولي جايبها من لكوميساارياات..بنتك ضااسرة وتطيير ومتتخافش وشي نهار غتجيبها فراسها
وردة:واا حبيبي راه باقي صغيرة..16 لعاام باقي عاد تتكبر
محمد:مغتكبر تاتشيبني..الى مزيرتش دابا غطلع فوق رااسي
وردة:(بتاسمات)بشوي عليك متعصبش ليا رااسك أ كينكو..واخا(باستو فحنكو)
محمد:(مبتاسم)هه عارفك كتحامي عليها حيت شبهااتك ههه(هز صبعو كيحذرها)تانجي ونتفاهمو على هادشي ياكما تسحاابك نسيتك
وردة:(تتبيض عينيها)هاااا ويلي مالك تقلبتي كي زمااان هيهي سير احبيبي سير وصلهم
محمد باسها فحنكها وتم غادي خارج وهو يضور وقال:ونتي مغاداش لكابيني؟؟
وردة:غاديا مي باقي لحاال
محمد:نتلاقاو عند الغداا
وردة:(صيفتات ليه بوسة)واخا هه
مشا محمد ولقا توبة راكبا فوق النيووز تتسناه مخنزرة عااقداا حجباانها وعينيها الكبار الخوضر تيبريو واكليل راكبا لقدام فالاوطو ولور نعمة..جا وقف عليها وقال بحدة:ديري لكاااسك
مجاوباتوش وهزاتو داارتو وضار هو طلع لقداام ديمارا لوطو وشير ليها باش تحرك..وبحالا كانو شادينها كسيراات بجهد..وتابعها هو..تدخل ليه بين الماطر والطنوبيلات كي زوااق..كسيرا تاهو مخنزر وتيهضر:شووو لمووصيبة غاديا بحالا طريق فسميتي
اكليل:تتمشي بيا بكثر من هاااكا..امتا تانا دير ليا موطوور
محمد:(مركز مع توبة )مممم
وقفو فسطووب ووقف حداها نزل جاج وعيط ليها نلفتات ليه عينيها حمريين باينا باكياا وتالبرد تالموطور زادها..نطق مخنزر:راه قلت ليك سيري ماشي كسيري نقصي شوي
توبة:واخا😢😢
تطلق سطوب وتحركو وكانت غادياا عاادي ودموعها نازليين ماشي حيت شرات ليها ختها صداع..هي وياها مولفيين يشريو صدااع لبعضياتهم
اكثر حاجة تضرها هي باها الى تعصب منها..تيولي واحد اخر واي هضرة قال ليها كتشد فيها واخا عارفا راسها دايرا علاااش..هي بطبعها قافزة وجبهاوية ولكن حساسة دغيا تتجرح..
وقفو قدام ليكول ديالهم ونزل محمد ونزلو لبنات ..حطات توبة نيوز ديالها وتسنااتو تاجا بعدما دخلو خواتاتها لمدرستهم حيت مفرقين بتدائية بوحدها واعداية بوحدها وكذلك الثانوي رغم انهم كينتميو لنفس الشخص..وقف حداها وهي وجهها حمر وشفارها فازكيين وقال:ياله
لاح عليها يديه وهي غادا معاه حانية رااس وصلة حدا الحراسة وقال:سيري لقسمك
توبة:واخا😢😢
مشاات لقسمها وهو دخل للادارة اسول عليها ومن حسن حظو جاو بكري باقي مدخلوش الاساتذ وسولهم عليها كااملين وعرف فين عندها مشكل برغم من ان بعض الاساتذ شكرووها ليه بأنها كتقراا وذكية فالمواد العلمية..خرج بعدما شكر الادارة لي ستقبلاتو باحتراام لانهم عارفينو اغنى أب من الاباء لي كيجيو اسولو على ولادهم زيادة على ذلك شخصية رياضية كدوز فأغلب الاحداث الريااضية..ركب فالاوطو وتوجه للصال ديالو فحين توبة دخلات لقسمها كاافرة ومخنزرة وكانت عندها حصة تالفيزيك..مهضرات موالو توجهات لبلاصتها وجلساات حدا صاحبتها نبيلة..شافت فيها وقالت:صبااحو
توبة:(بلا مبالاة)صباحو
نبيلة:(بضحكة)صباااح الخير والخمير صبااح الحريرة من لمسيرة و زبيب من كليز ههه
توبة:😏😏😏
نبيلة:أ مالكي تتبجكي هاكا ؟؟قحبة كي دايرا😏😏
توبة:تقحب مك ماتبرااا وافووتيني اه عقلي تيضور بشلا مطاارق نتابهي الى بيتي تقرااي
نبيلة:😒😒صبااح الله تتبردي واجي ندويو
توبة:ايوااا ديريها من صباااح
سكتات نبيلة صاحبة توبة الانتييم وهي بنت محامي معرووف فمراكش تعارفو فالابتدائي وبقاو صحابااات ..نبيلة هبيلة ونية ودغيا تدمع..ساكنا فكليز الحي الراقي فمراكش..دخل الاستاذ وبدا فالدرس ديالو وتوبة متبعا معاااه مثلها مثل كااع القسم..حتا صوونات العشرة عاد خرج الاستاذ وخلا التلامذ..ضارت نبيلة عند توبة لقات ملامحها بردو وهي تزعم وقالت:بسبس اديييك طوبا مالكي؟؟
توبة:مالي فجيبي وجيبي فسروالي وسروالي لابساه هيهي ههههههه اودي هي صباحاتو لله
نبيلة:تانكووون متنعرفك احيااانا وا دابا فازي قولي مالك مضاربة مع شي حد؟؟درتي شي زبلة؟؟راه نعاااونك واخا عاارفا غنتريطو مي هي سير عالله
توبة:(كضحك)هههههههههه لا لا دابا جا سيمو مكااين بو زبايل مكااين هي ديريكت
نبيلة:ايوا مالكي ياا هضري
توبة:بابا جااا لباارح واليوم فصباااح صبحات عليه لولو وبداات تتسرسر ليه كلشي
نبيلة:(شهقاات)هاااا😱😱😱 اوييلي هنهنهنهن نااااري قفرنااااها نااااري شوفي انا مغنجيش عندك تال شهر الجااي باشمن وجه بيت نشوف فباباك هنهنهن خرجتي علينا والله صااافي شقيتها ويلي ويلي مزاال ماماك تقزدرنا معاها انارااي وباباك مااانقدرش
توبة:غاتجمعي علي تهرنينك أ مي الهرنونية ولا ندخل فختي بشي راااس😠😠
نبيلة:اناري واش قال ليك عمي؟؟ باينا اما حيد ليك لموطور ولا حبس عليك لخريج
توبة؛هذا هو المشكل..كون هي دارها وميخنزرش..ناري شي شوفات دارهم فيا هاد الصباااح (كرزات على سنانها)وكلشي حيت ديك حزقا لاروب تختي عاوداات ليه كلشي
نبيلة:الحولة لخرااا😠😠
توبة:(هزات حاجب)دابا نعطييك لعين انا لي تنgول ليها حولة😠😠 راه تيبقا فيها لحاال
نبيلة:باااز كون انا دارت فيا هاكا كون ضربتها
توبة:عارفاها دارتها هي بااش ترد ليا صرف لبارح فليل(ضحكات بجهد)😂😂😂😂😂سجلتها وهي تتحزق فطواليط😂😂😂😂😂😂😂واانااااري باات احماااق شحال جدبااات وبكااات
نبيلة:(تكرشخات بضحك)😂😂😂😂😂😂😂😂😂😂😂😂😂😂هاهاهاهاهاهاه اويلي اويلي😂😂😂ومع هي تتاكل لبيض بزااف واناري😂😂😂
توبة:وااشتي ولايني هي بلاتي غنطمر عليها واحد ليوماين وتجي تبكي وتحزرني راه متتنعسش الى متنامراتش معاايا هه
نبيلة:دابا اش غديري مع باباك؟؟
توبة:خليتو دخل للحراسة تيهضر معاهم هي عالله متفرشنيش ديك الحارسة العامة حيت والله تندير ليها محزقا(واحد العشبة)فلبيرو تاع مول شي😂😂
نبيلة:😂😂😂😂😂احححح غنتفرج تاني
توبة:😒😒نتي هي سكتي هي تنحصلو وتبداي تدمعي
نبيلة:طبيعي وجهي رطب ماشي بحالك قااسح
توبة:مممم مزيينك
قاطع كلامهم قدوم بنت كتقرا معاهم رقيقة ولابساا حواايج باينا غاليين وميكاب خفيف ودايرا وشال دايرها بطريقة تركية يعني العنق كولو بااين..وقفات عليهم وقالت:صبااح الخير
توبة:(قلباات وجهها تتحرك شفارها بغرور)صباحو
..:نونو صافا؟؟
نبيلة:صافا ونتي؟؟
...:نوغمال نكوون صافا راه دوزت الويكااند فاسبانيا
توبة:(من تحت سنانها)بنفافر😤😤
..:قلتي شي حاجة أ فاطمة؟؟
توبة:(تلفتات ليها مخنزرة)my name is tuba ttuuuuba(جبداتها)
..
:ايوا ملي كيعيط لاستاذ كنسمعو فاطمة توبة!!
نبيلة:الاسم مزدوج أ حبيبة(كطلع فيها )شتك بدلتي الستيل؟؟ياكما ناويا تحيدي لفولار
..:)بنفخة)هه لا يالحبيبة هي قلت نجرب ستيل جديد
توبة:وزعما تبارك الله مباان ليك هي هاد ستيل(حطات رجل على رجل وتكاودات معاها معولة تردها فجواها)
توبة:ومبان ليك هي هاد ستيل؟؟(تكادات معاها معولة تردها فجواها)دابا بيت هي نفهم قبل كنتي تديري فولار وتبيني زغبة من شعرك gلنا مااهليش راه بات تبين بلي شعرها رطب وبلي راه ماشي قرعا ولايني دابا اش بيتي تبيني بلي عندك العنق(بغباء مصطنع)والله تاعارفين اه عندك😂😂😂😂😂😂
نبيلة:😂😂😂😂😂😂😂
...:)مرضاتش)نووو احبيبة هذاا ستييل ديال نااس لهاااي كيديروه هي لي فاام داافيغ وكيجي هي مع الرشيقااات بحالي ههعه
توبة:(عرفاتها حشات ليها لهضره حيت توبة غليضة)مممم رشاااقى ؤاه كاين الفرق بين رقيوق وبين لفصاالة وبين التضعفيين سي كلييغ 😏😏
:نو شيغي هههه هادشي لهيه كيعني الرشاااقة..ونصحك حاولي تنقصي شوي الى بغيتي تمشي بعيييد
توبة:بيتين نغبر بحالك ميعرفوني غاديا ولا جاايا ههه
نبيلة؛واقلة ههههه راه الدبدوبااات هما سر الجادبية
...:نووو احبيبة(كتسمم)كيقول واحد المثل من دووك الامثلة القداام راه البنة فالعظاام
توبة:ايوا ديريهم فالحريرة وشربيها وزيدي عليها شوي تالخل ولا الحامض وتبعيهم شي براد تأتاي بنعناع وgولي عااااش الملك😂😂😂
..:بففف ممعاكش لهضرة لي شافك هاكا ميقولش تزاديتي فتركياا
توبة:على زينك وزين تركيااا وزين تا الشدة لي دايرا..هادي الالة بنت سيدي تديرها جدا ملي تتكون جايا من حمام تزنقة باش ميضربهاش البرد..داكشي مواكلش ليك الخبز هنا😂😂😂
يال غتجاوبها ودخل للاستاذ وهي تفرتك الجوقة وبقات توبة تضحك ونبيلة تتقرص فيها..بدا الاستاذ تشرح وهوما منتابهين تا سالا..وتوالا الحصص لخرين تاوصلات الثلاثة وهزو مساىلهم وخرجو..هزات توبة تيلي عيطات لماماها وقالت:توتا
وردة:مالكي تتعيطي ياكما درتي شي حاجة؟؟
توبة:فالك فرااسك..بيت نسولك بابا فالاصال ولا ريسطوو
وردة:اخر مرة هضرت معاه كان فلاصال علاش؟؟
توبة:غنمشي عندو ونجيو للرياض اوك
وردة"واخا واخا انا غنجي ندي خواتاتك
توبة:تهلاي
قطعات عليها وقالت لنبيلة:شكون بيجي ليك؟؟
نبيلة:ماماا..هاا هاهي جاات
توبة:تهلاي نهضرو فالواتس
نبياة:واخا
مشات فحالها وتوجهات توبة هزات موطورها وكسبرات للصال تالرياضة تاع باها لي جات فكليز وهي من اكبر ليصال فمراكش تالرياضة معرووفة..بعد دقائق وقفات قدامها وقفات الموطور وعطات ساروت لسكريتي وقالت:بابا هنا؟؟
..:اه
دخلات كضحك وفرحاانة ولي تلاقات معاه تضحك ليه تاوصلات حدا بيروه دقات وحلات وخرجات راسها وقالت:ميمو ههه
التتمة غدا بونوي..بشوي عليكم متزربوش اه كلشي فوقتو زوين مع تطور الاحداث غتفهمو كلشي 
هز راسو من وسط لورااق لي كان كيقرا فيهم وعقد حجباانو وقال:اش جايا ديري هنا؟؟
دخلات وقالت:وادابا مالك أ با سيمو شادها منين عوااجت راه غادي تعgرها 😂😂😂 طلق لبشرة وهاك عشرة اساماطي
محمد:واش نتي هاد لفعايل عندك باقي كاع مباو اتقاداو هااا(حط كلشي من يديه وشير ليها بصبعو)اجي لهنا
توجهات لعندو والبسمة مفارقاتش ثغرها..واخا عارفاه معصب مي عارفا فنفس لوقت ضحكتها تتفرحو..وقفات قدامو شابكا صباعها مع بعضهم وعويناتها الخوضر كيضورو:نعااام أ زين تالعالم
محمد"(بجدية)كنت فالادارة هاد صبااح..اش ديك روينة نوضتي هااا..علاش ضربتي بنت صغر منك هااا
توبة:(تتمسكن)وابابا نتا لي gلتي ليا لي جبدك عطيه
محمد:عطييه الى دار ليك شي حاجة ماشي باطلا😠😠
توبة:(خرجات عينيها)علاااه مالها تامدارت والو..راه ديما تتعرض ل لولو وتتسبها وتتgول ليها ختك كطيير وديما فالحراسة وممربياااش
محمد:(حاط صباعو على فمو) فنظرك كذبااات؟؟راه ماشي هي تطيري راه تتقولي لطيور هبطو بيت نطلع نفرفر بلاصتكم
توبة:(حطات يديها على جنابها ومطلعا حجباانها)دابا أ بابا بيتيني مسكت ليها ياااك؟؟ ايوا تا متكون والداني لمشكودرة وكينكو..ومزاال غنتفاهم معااها..لي لقاتو تتgول ليه توبة تتلوح تصاورها مع شي واحد كبر منها فالانسطا وتتبوسو فحناكو وهذاك هي نتا
محمد:واخا هادي دازت ايوا علاش جبتي 9 فالعربية؟؟هااا زعما راه اللغة الام
توبة:(تتبيض فعينيها وعقلها خدام تيفكر كيفاش تجاوبو)ايييه متلومنيش أ بابا عارفنب معنديش مع لاغاب متنعرفش ليها فالنحو والصرف والتحويل
محمد:واش تتسطاي علي(خزر فيها)دابا العربية ديال جذع مشترك علوم تا هي عربية..تتقراو التاء مربوطة وطنزي علي
توبة:😳😳😳شكون كذب عليك هييييه..ديك الحارسة العاامة يااك (بغضب)بلاتي تانشوفها والله تنتفاهم معاها هي بلاتي
محمد:(حمر فيها حيت عاد مزايدا فيه)توووبة😡😡😡
توبة:(بالتركيى)eveet
محمد:(مسح على وجهو بغضب )زعما هي الله يصبىني معاك وصافي..معرفتش لمن شبهتي وااااه
توبة:(بافتخاار)لوردة القصري😂😂😂
محمد:بسللامتك ا بنيتي
توبة:وادابا واش انا جايا من أريحا تال عندك لهنا وبيت نحزرك ونبزرك باش تسمح ليا وتوريني ضحيكة لي تطيحني فيك واخا بابا😂😂 ونتا تتحاسب معايا!!! لي فااات ماات وحنا ولاد اليووم صافي مباقيش نعااود والعربية دابا نجيب فيها 20 باش هي تفرح ههه
محمد بقا كيشوف فيها زهي تتهضر تتفكرو هي فوردة فاش باله عرفها..نفس هضورها ونفس حركاتها..بتاسم تلقائيا وقال:هذا جهدي معاااك هه والله خرجتي ليا من جنب
توبة:(جلسات فوق رجليه وعنقااتو)باينا مشيتي شي نهار لشي صداقا وكليتي شي معرووف ديال ولاد لحرام تا طلعت ليك هاكا😂😂😂😂😩
محمد:(عنقها)لا لا المعروف عندي فالداار..نتي وديك مك هي الله يكون ليا فالعواان معاكم وصاافي
توبة:خهههه(كتمخشس فيه)شكون بحالك عطااك الله نقرة صاافيا والدا ليك الشهد ونتا معفر نتا باقي غيتلاقاو بيك النااس فالزنقا ويgولو ليك سعداتك عايش مع توبة هههه
محمد:الله اودي تيgولةها ليا هههه
توبة:صافي أ بابا سمحتي ليا ياك
محمد"عارفا راسك عزيزى عندي ههه اول فرحة
توبة:(ضحكات بدلال)ههههه عاارفا ولايني خسرتيها ملي ولدتي لولو ههههه مزال نعمة مسرووطة😂😂
محمد:ههههه لمك باغا تكوني بوحدك ههه
توبة:ايييه ههه يالله نوض للدار
محمد:اه وصل وقت لغدا ههه ايوا عيق البريق
توبة:كون كان البريق تايعيق gاع ميعطي قااعو للحريق هههههه
محمد:😂😂😂😂نوضي تهزي من فزق رجلي خليني نوض
ناضت كضحك وباستو فحناكو وقالت:انا سبقتك
محمد:واخا (هز سوارتو وتيلي)بشوي عليك فالموطور
توبة:هي لي متعاود ههه
خرجات من عندو فرحانة وماشطة حيت تصالحات معاه عارفاه شحال مااا جلس كيصالحها..هزات تيلي ودوزات نمرة نبيلة وقالت:نونو هههه وجدي راسك غدا غنفرتكو جووقة مع ساماطي هههه
قطعات عليها ونزلات تتجري شدات سوارتها وديمارات الموطور ومشات مكسيرياا للدار..وهي دخلات للمدينة القديمة وبدات تتخفف السرعة وتصيفت السلام..
توبة:(مخاطبا النجار)أ فين أبا جلول ههه هانيا زاgيا هههه الله يحفظك
زادت شوي وبان ليها مول ديطاي وقالت:وا تكيف ليا مع راسك أسي خهههه ها صحاب لحال خليتهم مورايا جايين ليك
..:أش اتا تتgولي ؟؟ هي نوض نجمع قلووعي
توبة:بحالا علمك الله يالله شتاريه محدو رخيص راه الى فات تاجاو غتولي فما هي ومالونها
هز سيد قلوعو ومشا كيعثب وهي كملات طريقها كضحك..حيدات لكااسك وتمات داخلة لجيهة ريااضهم..وقفات الموطور وصونااات تتسنا يحلو ليها..تحل لباب حلاتو مراا كبيرة لابساا قفطاان ولاويا عليها من الخصر طابلية..هي مرا غليضة وسميمرة ودايرا زيف على راسها بتاسمات وقالت:على سلامتك أ شويطينة
توبة:(كدخل لموطور)الله يسلمك أ شميشاا ديال الرياض هههه
رشيدة:ايهااي شتك نااشطة واخا مقفراها مع بااك
توبة:(وقفات الموطور)تي أشمن قفرتها ههه تامنكنش توبة
رشيدى:احيااانا عليك ههه اجي أهياتا نgوليك واحد اللعبة
يتبع