على ناصية الحب ..❤ " اسكريبت"

يُقال جنُون🙃

- نهال .. بقولك اي ، هو هيجري حاجه لو قولتلك دلوقت حالا انى بحبك !!

- امير انت اتجننت!!! .. حب اي وكلام فارغ ايه بس ، انا مش فاضيه للعك دا .. وبصراحه مش عاوزه اخسرك عشان حب احنا صحاب كده حلوين ..

- ماحنا هنبقي صحاب بردو بس واحنا بنحب بعض ، وجمب بعض ، واهو ياستى نحلل العلاقه دى بفرح ومأذون  ..

- اي الهبل دا .. لا طبعا انا مستحيل اتجوزك  ..

- لا .. !! ومالك متكية قوى عليها كده !! هو انا فيا اى مش عاجبك ؟!

- ياعم انت شخص كله كلاكيع وبصراحه انا مش ناقصه كلاكيع في حياتى ..

- كده !!  طيب عموما اعتبرينى ماقولتش حاجه واقفلى كده ومش عاوز اسمع صوتك تانى ..

- انت متاكد من كلامك دا ..

- ممم الا لو كان عندك حاجه عدله تقوليها ..

- مممم حاجه عدله ........

- بتهزري!!
- اومال هنبقي احنا الاتنين جد ؟!

- جد ولا اب 😜

- شوفت انت اللى بتهزر اهو ..

- خلاص سكتت .. بس ابقي فكرينى يانهال اسجل لعيونك فيديو وانت واقفه قدامى ..

- نعم !! انت اتهبلت ..!!

- انت اللى اتهبلتى ! انت مش بتشوفى عيونك بتلمع ازاي اول ماتشوفنى .!!

- ممممم .. والله ؟! وايه كمان!

- طب والله هما اللي جشعونى اجى اطلبك دلوقت .. اصلهم صعبوا عليا اسيبهم مع واحده مفتريه زيك ..

- ودا اي علاقته بطلبك يارخم !!

- هو انا مش لسه قايل فرح ومأذون !! يعنى بيت  صغير هيلمنا .. يعنى من الواجب عليا كل ماافتح عينيا ادوق طعم العيون دى واطمنها انى جمبها ومش هسيبها ابدا ..

- امير!! ....

- هاا .. غيرتى رايك .

- انت بتشتغلنى ؟!

- لا انا متربتش انى بكلم واحده هبله زيك .. اقفلى كده ..

- استنى بس وهتسيب عيونى لمين .. !!

- لابوكى ..

- ابويا !!

- اه ابوكى ... لما يسالك طفشتى العريس ليه يابتى !!

- اييه ..

- معاكى دقيقتين ياتبعنى رقم ابوكى ،  ياما هجيلكم البيت واعملك فضيحه بجلاجل وبردو مافيش غيرى هيتجوزك .. هااا ...

- طب سيبنى افكر الاول .. واسال عليك 😉

- والله سجلى المدنى لحد دلوقت كله سليم ، بس سجلى الاجرامى مش عارف هيكون ايه مصيره لو استمريتى في الاستهبال دا كتيررر ..

- ياعم براحه عليا .. انت بتتكلم جد جد يعنى !!

- اصلى لما فكرت مع نفسي .. ورميت نظرة سريعه على العالم .. فما شوفتش غيرك العالم الوحيد اللى حابب اغرق حب فيه ...  احمم نهال انت معايا ؟!!!

- احممم ... هااااا !!

- بقولك معايا ؟!!

- قبل كلامك ولا بعد ؟!!

- يبقي كنتى معايا .. ها عندك استعداد نفوت يوم واحنا مش مع بعض ... !!

- 010 989******

- ايه الارقام دى ...

- رقم بابا .. ولا انت رجعت ف كلامك !!

- لا انا وقعت على جدور رقبتى ومحدش سمى عليا .. فما فيش رجعه منك غير ليكِ .

" مقص الشوق قطع توب انتظاري وحياة عينيك ..  "

#على_ناصية_الحب ❤
#نهال_مصطفى ✍✍