على ناصية الحب ..❤ " اسكريبت"

حته من الجنه

- انا دخلت شقه غلط ولا ايه !!

ضحكت ضحكة خفيفه كده على رأكشنات وشه اللى اتبدلت وقلبت كلها علامات استفهام .. فضلت واقفه مكانى اخر الصاله وقولتله
- طيب اقفل الباب الاول وبعدين نشوف الموضوع دا ..

رمى مفاتيحه على الترابيزه ولف عشان يقفل الباب وبردو بعيونه لسه مليانه باسئله كتيره ... بعد ماقفل الباب بصلى كتير وبعد كده قال لى باستغراب كده
- اييييه دا ؟! وانت واقفه بعيد كده ليه ..

فكرت شويه روحت قولتله
- اي رايك ف الصور !!

رفع عيونه لمستوى الصور اللى متعلقة قدامه بخيط  ومرصوصه بطريقه عشوائيه .. الفكره مجنونه شويه بس عادى المفروض يكون اتعود على كل الجنان معايا .. اتحرك عشان يقرب فجاة نبرة صوتى عليت
- لااااااا اقف مكانك .. دا ريفيجن كده سريع على علاقتنا وانا قررت احطك النهارده تحت الاختبار عشان اشوفك تستاهل الهديه ولا لا ...

خرج زفير قوي بنفاذ صبر وقال
- نهال !! انا مطبق يومين في الشغل مش فاضي لكل الجنان دا ..

- وانت لو كنت فاكر انى هعديهالك كده واسيبك تضربلى اليوم اللى بخططله ليا اسبوع تبقي بتحلمم ..

- اوووف والمطلوب منى دلوقت ..

ضحكت له كده بانتصار وقولتله بصيغه آمره شويه
- قدامك ٣٠ صورة دا بعد الخصم ..  والمطلوب منك كل صورة تعدى من جمبها لحد ما توصلى .. تقول لى الموقف اللى حصل في الصوره ..

بص لى كده بعيونه .. حسيت انه هيضربنى .. لقيته بيجز ع سنانه وبيحاول يبين انه كول وررومانسي بس انا جيتله فى وقت غلط ..
- نون !! طب اى رايك ادخل اخطفلى ساعتين انامهم كده واول مااصحى هسمعلك مقرر علاقتنا كله ..

- امير. .. متحاولش مافيش مفررر

- نهال !! ماهو محدش ياخد حد  على خوانه كده .. طيب سبينى اراجع الاول  ..

- بطل لوكلوك لو سمحت .. وكلام ملهوش لازمه وبص على اول صورة ..

- يعنى خلاص !! الفرمان الملكى نفذ ..

- يسسسس .. ويلا بقي .. ومش مسموح لك تغلط يلا معاك ٣٠ د لحد ماتوصلنى ..

- اى جو رجل المهمات الصعبة دا .. بت ماتتلمى .. مالك النهارده !! ..

- طيب هو ينفع نتكلم كده وصوتنا يسمع الجيران !! امير يابنى يلا خد الريسك واستقوى وابهرنى  ..

بص فى اول صورة وانا شايفه دخان الغضب طالع من ودانه .. بص على الصورة شويه وبعدين رجع بص لى وهو بيبتسم ..
- طيب ليه الفضايح دا ؟!

- احممم يلا جاوب .

- الصورة دى ياستى اول مرة شوفتك فيها مع صحابك .. وفجاة قلبى جابنى من ليقاتى وقالى بس ياض ياامير انت لقيت حب عمرك ..