الكتابة تقدر تكون مهرب لشحال من واحد من الواقع كما هي القراءة بالنسبة للقراء، فالكتابة عالم لا حد ليه تقدر تخلق فيه عدد لا يحصى من شخصيات بقصصهم وحكاياتهم، بعضها كيلامس جوارحك وبعضها كيمر مرار الكرام.
شخصيات للي بقلمك تقدر تخليهم يضحكو ويبكيو ويعيشوا أحلامهم وربما تكون أحلامك من بينها ولا تكسرهم الظروف وإحباطات الحياة. فالأخير النهاية كتكون بيد الكاتب، يا يختار للشخصية ديال قصتو السعادة أو التعاسة ولا يخلي نهايتهم مفتوحة ويخلي لهم حرية اختيار مصيرهم.
فواحد الليلة من ليالي الصيف، فبيت صغير شاعلة شمعة فالحمر وسط كاس صغير عاطية لبيت جو ملهم. جلست صاحبة الغرفة قبالة مكتب بسيط فوق منه كان جهاز حاسوب محمول وشي كتوبة قلال وبعض الإكسسوارات الدراسية.
فتحت الحاسوب وانعكست اشعة الشاشة المضيئة على عيونها، كانت قدامها صفحة بيضة فارغة كتسنى حروف وكلمات تدب الحياة فيها.. لوات فمها كتفكر فشي عنوان قبل ما تخط أول كلمة من قصتها، وتبسمت بخفة قبل ما تجمع حروف مبعثرة من على لوحة المفاتح بسرعة مشكلة عنوان حكايتها واللي انعكس على شاشة حاسوبها بما يعني (مرجانة) ...
_______________________
كانت هذي مقدمة بسيطة للقصة وللي غتكون شخصية هاذ الكاتبة هي للي كتكتب رواية اخرى داخل قصتها للي للي غيرويها لكم الراوي.. فالاخير كيبقاو القصص جميع انا لي كتبتهم باش ما دوخوش👽
نتمناو تفهمو وتفرقو بين الازمنة والقصص بزوج بحيث غنحط جزء من قصة هناء البنت للي عايشة فالزمن الحاضر وجزء اخر عبارة عن حكاية لمرجانة بطلة قصة (هناء) من الزمن القديم.
اي تساؤل مرحبا ونتمنى دعمكم بتعاليكم وتصويتكم على كل جزء. تهلاو
أنت تقرأ
حكاية حواء -مرجانة- (بالدارجة)
Randomكتحكي الرواية قصة حواء بين البارح واليوم، حواء أو الأنثى فالزمن القديم، بين القصور والسلاطين والجواري وحتى الحرب والحب، وبين حياة الحضارة وتحدياتها كاينة حواء ثانية لها قصة أخرى. هنا فين غتعيشو داخل قصة قصتين، و فزمنين مختلفين. أنا وأنتِ، كلنا من حو...
