ما ذنبي

البارت الرابع عشر🌌

- ‏أشحلاته أبليس ،"
- من يدخل طرف ثالث '
ونحل ازرار كل مخفي ،
- ونضوگ اشما رزقنا الله ،🖤 ✨

دخل فهد وسد الباب باوع عليه وبتسم وتقدم ناحيتي اني فتحت اعيوني يربي هذه شيريد يسوي ونبي اصرخ ولم الفندق علي بس يتقرب صار قريب مني واني كلبي دك يمكن صار عدي خفقان طلعت بس السان من وصلت لصدك حته رجفه صارت بجسمي دنك حضرت روحي للعيطه اخذ الجنطه من ورايه وخر من وخر اتنفست اوووف على تفكيري المنحرف فتح الجنطه طلع منه تراكسود اله ومنشفه ودخل للحمام مانطق ولا كلمه بعد احسن

بس اذا هيج شكو كتل روحه حته يزوج شكد مزعج كعدت على الجربايه ذبيت الطرحه وبديت افتح بلتسريحه واني افتح بلتسريحه طلع من الحمام كلي تكدرين تاخذين راحتج اسبحي ورتاحي حته نتعشه راح لصاله وضليت محتاره بلبدله اخر شي كلت دخل اخلي يفتحه هسه اني شكو مستحيه ومصدكه روحي عروس رحت كتله فتحلياها جان لازم بيده الموبايل فتحه بسرعه ورجع على الموبايل ولا عبالك بشر واكف

كدامه بشر متناقض رحت اطلعلي ملابس فتحت الجنطه لكيت البنات مخلياتلي فستان مال صباحيه لرجع بي ومخلياتلي سيت النوب الابيض

باوعت لسيت هذني صدك يحجن يردني البس هذه باوعت فوكا مثل الروب يله يستر خلي البسه قابل البس الفستان لو البدله دخلت سبحت شعري اغسل بي ورجع حته الشامبو ميوغف باوعت على روحي بلمرايه ماجنت متمنيه هيج ليلتي اتكون جنت اتمنه ليلتي تخلص حب وغزل ورومانسيه ولا تمنين هذه العريس تمنين يزفون حسام عليه استغفرت ربي حرام اني بذمه رجال بعد

وعدت نفسي اعيش الخاطر الجهال بس مسحت ادموعي الي ينزلن غصب عني كملت سبحي ولبست السيت وطلعت جان تعلاكه فوك الركبه وبي فتحه النص الفخذ بس النقذني اكو فوكه روب هم ابيض يجي سيت ويا الروب جوه الركبه صح هوه شفاف بس اهون من هذه الفضيحه نشفت شعري بسشوار خليت كحل وخليت حمره هههه هاي السوالف تريح نفسيتي حته اذا ضايجه هم اخليهم

كملت داباوع بلمرايه دخل فهد استحيت دورت على الروب لكيته بعيد عليه سويت نفسي مامهتمه ورجعت ابوع على نفسي بلمرايه ولازمه بيدي فرشه مال مكياج هيه فارغه بس سويت روحي جاي اخلي كلي العشه جاهز كتله جايه جنت جوعانه قبله يومين اني مماكله علشنو اقهر نفسي قرررت اعامل الكل ابرود وابني نفسي وكياني وحاول انسه حسام الله مقاسملنه البعض لبست الروب وطلعت لكيت مخلي الاكل بلصاله جان سويت مال عرسان صاله وغرفه وحمام ريحه الاكل دخلت ابخشمي جايبيت تكه وكباب وببسي وعصير كعدت وكلت حته مانتضرته ولا باوعت علي الاناني كملت اكل عفت كلشي على حطته هم عوزه اعزل اله اطلعله قلب مااتسمه ولاء اله اندمهم كلهم كمت غسلت ورحت تمددت على الجربايه اسمعه يستغفر طبك مرض والله يالله فوكاها

خذت موبايل خابرت على نور اسئل على الجهال كالت منطتهم علاج يله نايمين العلاج بي نسبه منوك ليئن ضالين يدورون عليه ويبجون خاصه ادم تكول احتارو بي سعد ورعد يفترون بي بشارع بس متفرفح كالت نامو طمنتني عليهم سديت الموبايل وخليت راسي ونمت