أريدك لي ..
قصة لا يقرأها غيري
أريدك قافية لسطري وحرفي
أريدك شاطئ أرمي عليه ضعفي
أريدك أكثر ما أريدك أن تكون
حضناً يلملمني من كل خوفي
أريدك أمان اطمئنان أريدك
حباً بلا عناء
ولاء
بهالاثناء دخلت علينه نور خطيه من الفشله حتارت شتسوي تفتح اباب الثلاجه وترجع تسده
ابتعد مني فهد كلها ها نور خيرج اشفتي وهيج نثولتي ترة بعدنه ع النواشف الله وكيلج منتضرين الوجبه الرئيسيه وعافنه وطلع عزة بعينه منتضر الوجبه الرئيسيه هوه
نور شبيج غير تكوليلي عيب من فهد ادخل عليكم بهيج وضع ولاء شبيج نور ترة جان يشاورني بس انتي تفكيرج قذر
عفتها وطلعت عائلها مبيها شخص تفكيرة نضيف عابت
خلص النهار واخذت الجهال وصعدت فوك شويه واجه فهد كتله خاي الجهال يمك
حروح اسبح واجي كلي اوك يله روحي
رحت سبحت ولبست دشداشه قصيرة لون ماروني غامق طبعا ذبينه الاسود صار كم اسبوع
وطلعت انشف بشعري
رفعت شعري وسويته كعكه طول مااني امشط فهد موخر عينه من عندي نحول الاخ
كعدت العب وياهم وفهد ويانه يضحك ويلعب الجهال جان عبالي كولش معقد هسه معقد بس شووووويه
نومت الجهال وكعدت اقرة اريد افتهم اشي ماكو عقلي مقفول
صافنه بالكتاب واكل بالقلم
فهد الصفنه مو الج يحلوة شتردين تسوين نسخ لصق بالامتحان لو شنو
فهد مده افهم شي ونبي احس عقلي طافي
تعالي خلي اقريج اني
كعدت يمه وكعد يقريني ماشاء الله يخليك كوه تفتهم يشرح بااكثر من طريقه
كملت اقرايه كتله تسلم شرحك كولش حلو وتفهم
فهد لا عيني ادللي بااي وقت اني حاضر
خلصت لميت كتبي وفرشت افراش يم الاطفال ردت انام صاحلي فهد
ولا، تعالي نامي ع الجربايه ترة مااكل اني
ولاء لا اني اريد انام يم الجهال
فهد تعالي يله وانتي نامي بجه واني بجها
نمت كعدت الصبح بدلت وخليت مكياج كولش خفيف وحمرة ترابيه
وداني فهد للجامعه كعدت اني والبنات بالكفيريا
واحنه كاعدين اجه الولد اخو صديقتي اسمه محمد
يباوع ع البنات بس اكثر شي ويه صديقتي زهراء وهيه تباوع علي وتنزل عيونها
نضراته ابد مو راحه ومحبيته
شويه وطشينه كول وحده راحت المحاضرتها اني وزهراء بنفس المحاضرة
ولاء ولج زهيرة شعندج ويه محمد مشلتي عينج من الولد شكو خير
زهراء ولج البارحه راسلني وكال اني معجب بيج واريد اتقدملج ومن هالحجي هذا واني وافقت
ولاء الله يوفقكم حبيبتي بس لتثقين هوايه لئن مبين مو راحه
زهراء لا ولج ونبي كولش حباب اليوم من ترجعين انطيج حسابي والباسورد وشوفي من يحجي ويايه
اني الفضول يقرة عندي الف مااكدر اكولها لا
خلصت المحاضرات
رجعت للبيت بدلت وكلعاده بدينه نتغده
فهد رجعني للبيت ورجع الدوامه
كملت غده صعدت بغرفتي
خابرني فهد
الووو ها ولاء
هلا فهد شوكت تجي
فهد هاا شعجب سئلتي شكو
ولاء لا والله ماكو شي بس هيج حبيت اسئل
فهد ماادري من اكمل اجي محتاجه شي انتي والجهال
ولاء لا ممحتاجين شي سلامتك
فهد يلا باي
ولاء بايات
كملت من فهد ورحت نمت
كعدت العصر راسلتني زهراء
ها ولاء حبي شلونج ولاء تمام يعمري انتي شلونج
زهراء تمام باعي هذا البريد الالكتروني وهذا الباسورد واقري الرسائل ويه محمد
شوفي حجيه شكد محترم وحباب
ونبي كولش خوش ولد ورايدني بالحلال بس هوه راسلني حته يتعرف عليه
ولاء اوك
فتحت حسابها وقريت الرسائل ادري مالي دخل بس شسوي فضول
دخلت ع الدردشه بادي هوه هلو زهراء شلونج اني محمد ومعرف عن نفسه
وباقين يحجون بهلاثناء ورئستن محمد دز رساله
هلووو ورده شلونج
زهراء همات فاتحه الحساب ردت علي تمام انته شلونك
جان يكولها اليوم طالعه تخبلين
ومااحس اله فهد فتح الباب مالت الغرفه ودخل
كال هلااا شلونج ولاء
اني من خوفي خليت المبايل ورة ضهري
كلي شبيج وجج صوفر اشايفه عزرائيل كدامج
باوع ع المبايل كال جيبي ليش مخليته ورة ضهرج
اريد احجي من الخوف الحجي كوله ضاع مني
كتله ماانطي المبايل
كال هوه شنو متنطي دنطيني المبايل جره مني وقرة الرسائل
نوب ع حضي زهراء خرجت من الحساب اريدها تحجي كلمه ادز رساله حته يبين مو الي ماكو سكتت......يتبع
اسفه ع التاخير لتنسون اللتصويت والتعليقات
تحياتي ....
فاطمه الربيعي
أنت تقرأ
ما ذنبي
Ficción Generalماذنبي أن رسم القدر طريق خارج عن ارادتي وجعلني بين يدي فهد عاشق.....
