ما ذنبي

البارت الثالث عشر🌌

خليني احس بالدفو
ضمني عله صدرك حيل
عوضني ذاك التعب
ذاك القهر والويل
محتاج لمواصلك
ومسامرك بالليل
اعصرني خايب عصر
دنيني يم النحر
كون اغفه فوگ الصدر
واشتم عبير الهيل

شديت رحيلي وفتحت الباب لكيت حسام منتضرني رحت اله جنت حيل متوتره كلي لاتخافين حبيبتي احنه دنحارب علمود حبنه جاي نصعد بسياره وشوف كبالي فهد ورعد رعد خير على وين حبايب جانت جنتطتي ابيدي سحبني رعد من ايدي اجه حسام راد ياخذني لاكن ماانطا مجال فهد ضربه بوكس ونام علي وصارت مشاجره بينهم جنت ارجف وميته من الخوف سحلني رعد من ايدي وساد حلكي خاف اصيح واني ارافس ابرجلي بس مااكدر اطلع صوت دخلني جوه وصاح بعلو صوته عمووووو طلع ابويه من الغرفه وماما وعمو كلهم شوفو لزمناهه تريد تنهزم وتسود وجوهنه لوما جنه سهرانين اليوم وجاي نشرب نركيله بلحديقه مجان شفناهه جان طينت اوجونها وهذاك الكرن مافكر بسمعه البنيه الياخذه ابويه تخبل اجاني كال لييييييش ولج ليييييييش هاي تاليت تربيتي حقييييييييره ضربني راجدي دموعي على خدي ومصدومه ماما تلزم ابابا وخواتي نزلن يهدن ابابا وبابا وكع عليه دك كتل كوه فرغوني منه اخر شي صرخت ابعلو صوتي يي انهزم ونهزم وانهزم بيا شرع بيا قانون تفرقون زوجه من زوجهه حسام زوجي واحبه مااعوفه هجم عليه بابا بس خواتي خذني وصعدني فوك عفت الصياح جوه اخر كلمه سمعته منهم بابا كله خابر ابو خلي يجي يحول يمنه سوايت ابنه متسولف لو يجي لو نسويهه عشاير عزا العزاني راح تصير عشاير مافكرت عدل خليت كلبي يقودني ماحليته بتفكير ليش يربي شرايده اني دخلت للغرفه وخواتي كعدن يمي نور جانت مقتنعه بحجيهم ودائمن تصير وياهم اجت كلتلي ليش هيج ولاء مافكرتي باهلي ليش شصار عليج شنو هاي الانانيه ضحي احسن

الصار احسن ابويه يصير بي شي من وراج عافتني واحت تمددت على الجربايه وعيوني تجري كعدت يمي حور تمسح على شعري كلتلي ولاء انتي اختي الصغيره ادري الدتمرين بي صعب بس صدكيني هذه الشي راح يصير فلازم تتقبلي ليش تأذين نفسج جنت ساكته حجيهم مطر صيف مااثر بيه محد ديحس بيه ديفكرون بس ابروحهم حور ولاء تعرفين اني شلون تزوجت رعد يمكن سمعتي اني ورعد تزوجنه على حب تره غلط اني محبيت رعد جنت طالبه صغيره عايشه بيت اهلي ويايه ولد عمي اشوفهم اخواني

بس جنت شاهد على حب نور ووسعد اسمع غزلهم وحبهم وحته من يلتقون جنت اضحك واتمنه اعيش مثلهم جنت اروح للمدرسه اشوف ولد جوارينه تذكرين بيت ام ميثاق الي شالو قبل فتره جنت دائمن اشوف ابنهم قيس يوكف بلباب ويبتسملي واني ابادله لبتسامه مااعرف جان حب اعجاب ولحد هسه مااعرف شنو جان احساسي من سعد قرر يخطب نور رعد كل لهلي اني هم اريد اتزوج وريد حور اهلي فرحو وعمو فرح بس اني جنت كولشي ماافتهم ولا اعرف جنت صغيره وادرس وماخذتني الدنيه حلوه ومن امشي بشارع اسمع اشكال الغزل الي يرضي انوثه كل ابنيه بس مافكرت ابرعد زوج اليه جنت من انام اتخيل قيس اليلزم ايدي من كلت النور كلتلي ديري بالج تفكرين بقيس لو تموتين متزوجي وهلي مينطونج اله صيري مثلي واقعيه لا تعيشين بحلامج اني خليت نفسي احب سعد اني الدخلت حب سعد ابعقلي واني الحببت قلبي بي انتي هم سوي مثلي احنه مو مسلسل ولا فلم احنه عايشين ابواقع جانت نور حيل واقعيه وليهسه هيه من تشوفيه من تجيج شدكولج نور دائمت تئمن هاي قسمه وهذه قدر على شنو واحد يحارب ابوقته عرفت انو فعلاً الانسان مو اي شي يريده يصير قبلت ابرعد وزوجنه فعلاً كمت افكر بي وخليت نفسي احبه الاء هذه واقعج واحنه اغلب عوائلنه بنت العم لبن العم او وحده تزوج ورجلهه يموت تاخذ حماهه علمود الاطفال او وحده اخته تموت تاخذ زوج اخته علمود الاطفال الحياة تضحيه حبيبتي
جنت ساكته ودموعي تجري نايمه مثل وضعيه الجنين اول مره اعرفف زواج حور هيج جان اكيد حور هم جانت تحب قيس ودفنت حبه قبل ميكبر بس اني الحب البداخلي كبر وتغلب عليه شلون اكدر ادفنه دخلت ماما عليه سمعي ولاء كلمتين اكلجياهم غيرهم ماعدي دراسه ماكو وجهال ماكو لحد متعقلين وتفكرين طلعه ماكو موبايل ماكو كومي حور طلعي الجهال بره خليه وحده تفكر وتعرف مصلحته ولا تفكر بنانيه عافتني ونزلت باستني حور وخذت الجهال طلعتهم بره ضغطو عليه ابعز شي عندي بلطفال ودراستي ومستقبلي اخذو الموبايل مني ومحد يحجي ويايه بقيت ابجي لحد مانمت فقدت مااعرف بس صحيت باوعت على الساعه  الساعه بثنتين الضهر كمت للحمام غسلت وبدلت لبست تراكسود اسود مثل حياتي باوعت على وجهي وعلى الهالات الطالعتلي ليش لو ادري هيج جيه حسام تسوي مجان لحيت على جيته صعدتلي حور بيده اكل كلتلي اجيت اكعدج بس عفتج نايمه بهاي الفتره تقربت من حور اكتشفت حور حيل شفافه وحنينه التمست بيه الاء نفس الصفات بس اني مجنت متقربه منه عكس نور قويه وتفكر بعقله اكثر من قلبه حطت الاكل وكلتلي اليوم من الصبح اجو اهل حسام وعتذرو وابويه كلهم يجيب السيد ويطلك لو تصير عشاير غلطو وبهاي سالفتكم سهلتو عليهم سالفه الطلاك شبكته وكمت ابجي كالت بعد ساعه يجي السيد يطلك خلص حبيتي جوز ربج بعده بيه صالح الج