ضحگتچ تشبه الگمرة
وغمزتچ چن صباح الخيَّر.
ولاء.... صرعني صديقاتي ع فهد استاذ معقد خلصت الدوام وهنه يسئلن علي
طلعت من المدرسه واشوف فهد بسيارته منتضرني اهووووو بعد معوزه بس يداوم ويايه خرب حضي
نرجس ...... يالهووووي هله بالعافيه شهالخلقه هايه ينتللل
ولاء .... اخذي الج حبي تستاهلي
نرجس ...... ييي والله دزيلياه دلفري للبيت
نزل جامه السيارة وكال يله ولاء تعالي
شهد.... يويلي ع الصوت فديت
ولاء ..دكافي سحلتن نفسجن سحل كبر
صعدت كعدت بالصدر سلمت ع صديقاتي ومشه
فهد... ها شلونج اليوم
ولاء ..... تعبببببانه كولش اريد انام
فهد..... مغلط رعد من سماج التنبل
ولاء .... يهووووو هسه حته ع النومه تحاسبون شلون بيكم اني
درت وجهي ع الجامه كلي ديري وجج عليه باوعت علي بااستغراب شنو لو تباوعين عليه لو ع الكدام عوفي الجامه اليمج
يااا شبيك بيك شي
لتعاندين اللاكولج علي سوي بدون نقاش وادردم
اففففف استغفر الله
رجعت للبيت هلكانه متغديت رئستا نمت اجتي الاء كعدتني كتلها خليني نايمه
كعدت العصر لكيتهم ملتمين مسوين تعتومه 😂 ديحجون الاء صافنه ع فهد وفهد مطنش الوضع
الاء.. اكولج ولاء منو جابج
ولاء .. فهد جابني ليش
الاء.. لعد اني مو كتله تعال اخذني من الجامعه كال عندي شغل
ولاء ... يجوز عنده شغل ومن فضه اجاني والله خيه ماادري هذاك المعقد واسئلي
صعدت الغرفتي سبحت ولبست دشداشه. قصيرة لون ماروني وشلت شعري كعكه وخليت كحل خفيف وحمرة وردي كولش خفيفه
دااريد انزل شفت فهد جان يكولي ها ها وين موليه
ولاء ..... شنو وين موليه غير داانزل جوه اكعد يمهم
فهد... لا بربج شهالبس هذا كل عقلج تلبسين هيج وتكعدين بين اخواني انتي شبيج بابا
ولاء ..... ييي واذا انته شبيك مو هسه واكفه كدامك بهالبس هذا وحد عنهم انته لو شنو
فهد .. ييي اني وحد عنهم روحي البسي لبس مستور ونجبي يله
ولاء.... ماااا يااخي لتدخل بكولشي شهالحشريه هذي
فهد.... ولاء ترحين تبدلين لا اتخبل عليج والله
ولاء .... وليت وليت رحت لبست تراك ونزلت باوعت علي ودرت وجهي شفته بتسم
كبر شكد ملييق ارتاح هسه من خرب مزاجي
سعد .... ولاء شلون المدرسه وياج
اووووف ياعمو لعبان نفس بالعبان نفس من اول يوم بدت القرايه
سعد ..... يي حبيبتي شدي حيلج وطلعي معدل عالي
ولاء..... يييي انشالله
رعد..... هوه شنو انتي الثوله هسه تعيدين السنه من هسه احجزيلج رحله
يااااا اسم الله لتفاول عليه
ولاء اكلج الاء حفله التخرج مالتج اشوكت تبلش
الاء ياااا بسم الله هوه هستوه نص السنه
ولاء هيج بس ردت احجز مقعد ههههه حته اروح وياج
الاء اكيد انتي اول وحده تجين بدون متكولين
ولاء لج فديت
الاء اكلج ولاوئه هاااا حبي
مو تشوفين فهد اربعه وعشرين ساعه على التليفون اكلج بس لا يحب وحده
ولاء اكلج الاء انتي مالكيتي غيره تره والله مو مال حب اتعجب عليجن انتي وخواتي شلون حبيتنهم هيه التحب ابن عمه هم تعتبر قصه حب قصة الحب اذا مابيه مغامره وخوف هم تصير حلوه
الاء يي حبي اني مو مال مغامره هوه اني اخاف من خيالي انتي غامري
ولاء اكيد اغامر قابل مثلج
بقينه كاعدين ونسولف
رعد اكووول فهد اشصار على سالفه النقل
فهد يي والله رعد بلشت بي وكالو هذه الشهر يصير
سعد ليش تريد تنقل مكانك خوش مكان
فهد اهنا بلمنطقه احسن وقرب حته بعد مو اسبوع باسبوع لا يصير دوامي يوميه
عمو ابو سعد يي والله يا ابني اني من تروح يضل بالي كله يمك اذا قريب هنا احسن
فهد يي يابه ان شاء الله مابقه شي
نور يله بنات كومن نحضر العشه
كمنه كل احنه نحضر العشه كلينه كبه وبورك وزلاطه الاء كاعده تقره قليل ماتشارك بشغل البيت على طول تقره
حور يله بنات خلي نودي السفره
ولاء ودينه السفره وتعشينينه اني على طول اتناكر ويه احمد ومحمد وهمه حيل وكحين ضليت اناكر وياهم لحد مانبع الحنان رزلتني
ولاء بابا الخط مالتي شعجب مديجيني
بابا بنتي بس اليوم خطيه البارحه بليل خابرني كال بنته مريضه ونايمين بيه مستشفى
ولاء يا خطيه باجر يجي
بابا يي حبيبتي يجي
كملنه عشره وغسلنه الموعين اني ونور حور خطيه حامل ونساوته حيل تتعبه و الاء تقره لو تباوع تلفزييون صعدت فوك طلعت كتبي وبلشت اقره اشويه وسمعت صوت عيطه وشي وكع طلعت وجان اشوف فهد معصب و الاء واكفه يمه ايده على حلكه وتبجي.....
وهذا احلى بارت مفاجئ لعيون الحلوات بس فدوة بنات شكد مبيجن حاولن تشاركن القصه وتعلقن والتصويت رجائا 😘💞
