واﺷتاگلك وأرجع طفل
ما ﻳقتنع هـو بعذر،
ما يعرف افراگ وۿـجر
ڪل اﻟيشوفـه ﻳريـده،
حاجاته ڪﻟﮪن ﺑــس الك
ﯠﻣمنوع واحد ﻳقترب
حاضنۿن بچف أيده 💛"
انفتح الباب ودخل عليه فهد
يباوع للتيشيرت ويباوع عليه كلي شبيج تشمشمين بالتيشيرت
ولاء هاااا ييي مو شسمه اااااا ها ييي ردت اغسله فكلت اشم التيشيرت خاف بي ريحه مطيبه ووصخ اغسله
فهد هااا
نسييت نفسي واني احجي وياه طبعا حجينه اني وفهد كولش اقتصادي كلمتين ومرات يصيرن اتلاثه
كمت من الجربايه ردت اطلع من الغرفه مشيت من يمه لزم ايدي
ولاء اسمعي
ولاء ها شتريد بسرعه اريد انزل جوه
فهد مكافي حيصير 3 اشهر والله تعبت وبزعت ادري غلط وعاقبتيني
ارحميني ولج ليش متحسين بيه
لج علمود غلطه وحده هيج تسوين
ليش هيج كلبج اسود لج بس ارجعيلي والله قسم بالله اعوضج عن كلشي صار
بس ارحمي بحالي وارجعي ادري غلطان لئن موثقت بيج
سامحيني يعمري ادري غلط مني اشك بيج واني ربيتج على ايدي
ولاء فهد وخر اريد اطلع
فهد شنو تطلعين ولاء خلي اهنانه نخلي حد للموضوع كافي والله مليت كم مرة اعتذرت منج يعني معقوله لهلدرجه انتي مطايقتني
ولاء يييي مطايقتك واكرهك واموت منك خوش وبس يكبرون الجهال شويه اطلك منك واروح اشوف حياتي لتخلي ابالك يوم من الايام اكون الك وملكك
فهد باعي لج فكره الطلاك شيليها من راسج فهمتي انتي الي وبس مالتي اني
لج لو تصير السمه والكاع واحد مااعوفج والله
وغصبن معليج تبقين ويايه ونشوف منو التطلك
فتح الباب وطلع
هسه اني شحجيت لو ساكته ومنجبه مو احسلي لازم احجي شي يخرب كولشي
نزلت جوة فهد ماكو سئلت علي ماما كالت راح للشغل
ولاء ماما شنو راح للشغل هوه هسه رجع
والله مادري ياامي اشو كال حروح للشغل وطلع
حته منتضر نجاوبة
يالله هذا وين راح
شويه واجتي جمان يمي تحجي هايه البنيه شكد تحجي يبوووووو حجيها مو كولش مفهوم بس بيها مرض مال حجي
كعدت يمي ماما ماما
كتلها ها ماما
وكعدت تحجي وتتااشر باايدها وتشرح
واني اكولها ييي ماما صح حقج
منا لحد متعبت وراحت
اجه ادم كعد بحضني كال ماما اين بابا
كتله حبيبي شوويه ويجي
سوينه عشه وكعدنه ناكل
كال رعد ها شبيج وجج يتلاطم جنج الارمله السوداء
ولاء رعد متسكت تره مالي خلكك
رعد هسه لكفت الشغله طلع فهد ضايج وانتي مطنكره يساوي عركه انتي وفهد
حل هاي حوبتي من تهددون بيه هذاك اليوم اذا احجي تديحوني بالشارع
وولاء ييي عيني سلام الله عليك هوه انته منو حته تشور ولا يكعد شيخ رعد
كملت عشه وغسلنه الماعين ورحت الغرفتي بدلت للجهال ووكعدت العب وياهم شويه واجتي حور
ها ولوء شلونج حياتي
ولاء تمام ها ولج شكو
حور لا والله بس كلت احجي وياج
شبيج انتي وفهد صالكم فترة مو على بعضكم
اوووف يااحور شحجيلج والله تعبت ومااعرف شسوي
حور احجيلي حياتي بلكت اكدر اساعدج
كتلها كولشي
حور باعي ولاء هوه صح غلط لئن شك بيج
بس والله لو اي رجال ابداله يسوي هيج وااكثر
ترة ماكو رجال يقبل مرته تراسل وهوه شاف الحساب عندج
وهذاك يحجي ويتغزل
يعني شترديله يفلسلج حب انتي ووياه
وبالنسبه لحجيج وياه اليوم ترة الرجال اعتذر اكثر من مرة
ميحتاج هيجي تسوين وتثكلين علي ترة فهد يحبج
ويعشقج بعد تره اني ملاحضة حبه الج من زمان
ولاء والله ياحور ماادري شنو اسوي تعبت من التفكير وكول مااريد اتقدم خطوه ارجع عشرة
