ما ذنبي

البارت الثاني عشر🌌

عذبو گـــــــلبي ومشو
وعافوني وحدي #بدنيتي
وبحالي أبد ما فكرو
وشـــــلون أطيب #علتي
لا سألو شحاله #صبح 🍃
مـن يسهر لحد #الصبح
لا مرله نوم ولا #فرح
محد عرف بمصيبتي

اجتي الاء وجهه احمر وتبجي الاء الحكيلي ماما راح اجيب اباوع مكانه كله دم رئستن الولد دارو وجهم وكامو مشيناهه للحمام

غسلتله اني وحور وغيرنه الداخلي الها وبدلنالهه ولبسانه جبه وشال نور نضفت مكانه نزل فهد مستعجل راح ويا سعد شغلو السياره

وصاح يله بسرعه ماما راحت وياهه ونور بقينه بلبيت اني وحور وجهال سعد وبابا وعمو كولش قلقنه عليه لئن توم وبثامن بقينه ننتضر طولو ندك عليه ميجاوبون صار المغرب صلينه ودعينه اله سوينه عشه عشينه الجهال وتعشينه وعزلنه البيت ونضفنا خاف الصبح تطلع ويجينه خطار  بقينه جوه شويه ونزل رعد مستعجل ردنه نفتهم منه شي كلشي مكال بس كال مستعجل ربي سترك كمنه ناكل ابروحنه

لا اكو احد يجاوب من ندك علي لا اكو احد يهدينه صارت الساعه بلعشره وماكو الهم اي خبر طكت روحنه الجهال نامو ّتكابلنه اني وحور بس نبجي اخر شي بابا ماتحمل راح وياهم بقه بس عمو يمنه بقينه ننتضر لثنعش دخل علينه سعد بس اعيونه حمر وجه تعبان اتلكينا اني وحور ها سعد بشر

الاء شلونه الاطفال شلونهم سعد دنك البقيه ابحياتكم الاء انطتكم عمره بقيت لا اخذ ولا انطي شفت حور تدك وتلطم ملخت نفسه بعد محسيت ابنفسي الى حور يم راسي تبجي وتلطم وسعد مخلي عطر ابخشمي كتله سعد حلم مو هذه حلم سعد بس دموعه تجري

صرخت بعلو صوتي الاء خيتي ولج رفيجتي وصديقتي شلون شلون تعوفني شلون شويه ودخل عليه رعد كايد بابا متخربط عدهم اجه يمنه حضنه ويبجي ابعلو صوته اول مره اشوف بابا هيج يبجي ويصيح ياورداتي

سكيتجن ابدمع عيني حته اشوفجن مرتاحات ياحبيباتي يلحنينات ليش الاء ليش بابا مافكرتي بيه  ليش عفتي جهالج منو الهم باباتي ياترفه يلهادئه شلون تتحملين الكبر بابا

حبيبتي بقينه بحضنه ونبجي ونلطم اجوي
من المسشفى ماما متخربطه صاعد عده الضغط ميته ادك وتلطم وتصيح ريت الموت يصيبني ولا انتي ريت اخذني وعافج ليش

يمه جهالج منو الهم ليش الوئه ولج احطج على الجرح يطيب يلمابيج اذيه يلماينسمعلج صوت ياحبيبه ليش ولج هيج تروحين مافكرتي بمج كابلنه امي وكمنه اندك ونلطم التمت العالم والكرايب بلبيت احنه انتهينه

ماما وبابا كلساع يتخربطون جابو التابوت وتخربطو علي حته ماخلو الولد علمود ماما وبابا لئن حيل تعبو طلعت اركض وراهم شفت فهد كاعد بلحديقه مدنك ويدي على راسه ويبجي

خلصت ايام الفاتحه وراحت العالم رابع يوم جان الحزن واضح على البيت اهل هسام وكفو ويانه وكفه متنسي بلفاتحه بس حسام حاول يجي مكدر