تعـال اهواك 😍💋
انـسئ النـااس 🙈
اركض حيـل وااحضني
هوايه ايام راحت منك و منـي
الوادم تنـكتل بالسيـف ..
وانه الفرگـه تكتـلني
سحبني فهد من ايدي ونومني بحضنه حضني حيلل احس دخلت بضلوعه كتله شكو شبيك
اششششش بردان كولش واريد ادفه
دوخر مني شنو تدفئه خلي اجيبلك غطة واغطيك عوفني
فهد لالا اني هيج ادفه لمني بحضنه اكثر
عطرة يخدر واني مناه مطفية نمت مصحيت اله ثاني يوم الصبح
كعدت اباوع على فهد بعدنه نايم وحاضني كل قوته عبالك حشرد منه فهد فهد يله اكعد ميكعد
يبووووو فهدددددد كعد مفزوع خطيه
فهد.. بالله شلون بيج انتي متعرفين تكعديني مثل البشر شنو جرس انذار حرب انتي لو شنو
غير انته متكعد اني شكو وين اكو بشر هيج ينام عبالي ميت
باوع بعيوني وشنو تريديني اموووت
ها لاااا اسم الله غير ابو جهالي اكيد ماريدلك الموت
هااا شنو ابو منو
ااااا قصدي ابو الجهال خطيه الله يخليك خيمه فوك راسهم
يله كومي سويلي اكل ترة كولش جوعان
نزلت جوه صبحت عليهم وسويت صينيه النه اني وفهد والجهال
خليت الاكل بالكاع كال لا مااكدر انزل بالكاع خلي ع الجربايه خليت الاكل ع الجربايه
وكعدت الجهال وبدينه ناكل
طول مده ناكل مشال عينه مني ومن اباوع علي يدير وجه عساس ممنتبه عليه
عود زعلان وكذا لعد والبارحه بليل تصبيرة لو شنو
شلت الاكل نزلته جوه غسلت الماعين وصعدت فوك
دخلت للغرفه لكيت فهد ديحاول يكوم
ها ها فهد شنو دتسوي وين رايح
اريد اسبح مااكدر اتحمل بعد
بس موزين ع جرحك ورجلك شلون تمشي عليها قبل لطيب
عادي اريد اسبح احس نفسي وصخ مااكدر اصبر اكثر
ااا اسبحك اني
شنو شنو منو يسبح منو صدوك تحجين
اهوووو هسه مو زين تبقى بالشورت واغسل جسمك
تمام يله
اخذته للحمام جبتله كرسي كعدته علي وبديت اسبح بي يالله احسه مثل ادم
ننفس الحركات
غسلت شعره وجسمه بعدين جبتله شورت انطيته اله وطلعت حته يلبسه براحته
ولاءءءءء تعالي كملت
طلعته من الحمام كعدته ع الجربايه ضمدت الجروح مالته من اتقرب منه احس نفسه يثگل بالكوه يبقى يجر النفس
طبعا هذا الحجي كوله هوه وجه بي شويه ثكل احسه بعده ضايج من كلامي هذاك اليوم
احسه يتحاشى يباوع عليه بس يخونه النضر مرات ويصفن
صح اني طلبت انو يبتعد عليه بس لا اني هسه طالبه القرب
من حجيت صح جنت ضايجه لءن هوايه ضغوطات عليه بس هسه اريده
