زهراء وأحمد (قصه عراقيه ) مكتمله

٥

زهراء :بقيت مصدومه وما مصدكه ابد معقوله....معقوله يريدني اله..

ابو زهراء :والله يا ام احمد احنه نتشرف بيكم بس القرار يبقى يم البنيه....انطونه وكت انفكر ونردلكم......خبر ان شاء لله

زهراء: اني بهاي اللحضه تمنيت الكاع تنشك وتبلعني....والنوبه احمد بس يباوع عليه ومارمش ابد........
بحيث صرت نار ردت الزمه واطرده بره البيت......
زهراء (احجي بكلبي):والله يا احمد مو اني زهراء اللي تمشي كلمتك عليها....ولو اعرف اكتل نفسي ولا اتزوجك........

*بعدين كاموا وراحوا لبيتهم......
احمد:مع السلامه عمي ....مع السلامه زهراء
زهراء( بنرفزه):الله وياك...
احمد: عمه اذا محتاجه شي اني موجود..
ام زهراء: تسلم الله وياك.....

*وراحو لبيتهم وهنانه انكلب البيت الى جحيم بسببهم.....

ابو زهراء: والله يالله وين نلكه مثل احمد من عدنه وبينه ونعرفه  وشلون ولد الله يحفظه

زهراء :هنانه اني تخبلت وصرت نار ......

زهراء(وصحت بصوت عالي):اني مااتزوجه ولا عبالكم انو كلمه احد تمشي عليه .....واني ما اخاف بس من ربي .....
وكام ابويه صيح بوجهي وكسر كل الغراض اللي بالمطبخ.........
ابو زهراء: ولج تعلين صوتج هم
اليوم اله اكطعج افتهمي كلمه مااسمع ......
زهراء: مااتزوجه
ابو زهراء: اشو تتزوجي وغصبا عنج.......

زهراء :بابا شبيك....انت ومن شوكت تجبرني عل شي اني ما اريده..ثانيا....هذا موضوع مصيري .....يعني اني  مااكدر اكمل حياتي كلهه ويه شخص ما اريده......

ابو زهراء: اشششش مااسمعلج نفس وباجر نجيب الشيخ.... وتعقدون....

زهراء:ليش تجبرني على شي مااريده

أبو زهراء:  لان اعرف كلش زين احمد شنو ومنو.....وعمرج كله ماتلكين مثله..... بس اللي محيرني ليش هيجي كارهته....

زهراء :اني مااكره احد......بس هو ميعجبني..

ام زهراء :زهراء امشي منا وصعدي فوك.....ابوج تعبان ....وموزين عليه العصبيه...

زهراء: اتذكرت ابويه تعبان وهو اصلا طالع من
جلطه....خفت عليه.....وصعدت......

زهراء:  اخذت رقم احمد من تلفون ماما بدون ماتشوفني ودكيت عليه......
زهراء :الوووو
احمد  الووو منو ؟؟؟

زهراء : ولك اليوم اله انعل سلفه سلفاك يا احمد افندي اله اخليك تكره اليوم اللي  جيت بي لهالدنيا.........اله اطيح حضك......وان شاء الله ما تشوف مني غير الشر ......عبالك تجي عليه وتكسرني اله اشوفك نجوم الضحى  واخليك تكره حياتك....

احمد: اول ما فتحت التلفون سمعت صوت  بنيه وبدت ترزل بيه .......عرفت انه هي زهراء

احمد: ولج بابا الى متى انتي تبقين ثوله وعقلج ثخين.....
زهراء :أحترم نفسك....واريد هسه تخابر بابا وتكوله انه ألغى موضوع الزواج.....

احمد  اولا اني محترم نفسي ثانيا انتي من كل عقلج تريدين الغي موضوع الزواج.......انتي الي  فاهمه لو لا......وحتى لو مااتزوجج فانتي تبقين الي .....ومااسمح لاحد يأخذج....

زهراء :شنو هالتخلف اللي انت عايش بيه ....لك احنه هسه ب٢٠١٩ تره تطورنا
شنو الي .....وخلي ببالك اني مو لاحد....ولو اعرف عمري كله مااتزوج ولا اتزوجك...  

احمد: المهم هذا كلامي الأخير واني باجر اجي لابوج ونتفاهم بموضوع العقد ......

زهراء(كامت تصرخ):لك شنوو انت دااكلك ماريدك....... قابل بالكوه
جان يسد المكالمة بوجهي......

بذاك الوكت حسيت نفسي كلش عاجزه وكل شي مااكدر اسوي حسيت بنفسي داختنق ....
حتى بابا مااكدر بعد اكوله شي ......اخاف يصير شي عل صحته....وهو اصلا وضعيته تعبانه. ......وكل شي ولا يصير شي لاهلي ....
لو اعرف اضحي بنفسي ....ولا يصير شي بأبويه فكعدت وسكتت..... افكر حل لهاي المشكله....

ام زهراء: ولج انتي ماتستحين عل نفسج تصرخين وابوج كدامج وتعرفين وضعيته الصحيه مو زينه......ومعه هذا ماهامج شي بس مصلحتج......  ولنفرض تزوجتي احمد شبي الولد .....الف وحده تتمناه....

زهراء : اي اي محد يحس بيه.....
ام زهراء: وليش ماتريديه.....

زهراء : ماما احمد مو الزوج اللي ردته وتمنيته وتعرفين اني مااتزوج اله عن حب....

ام زهراء :عموما...تره احمد خابر ابوج  واتفقو باجر الاحد  ساعه ٤ العصر يجي الشيخ ويعقد ......والاحد الجاي العرس ....ما يريد تطول الشغله .........

زهراء: انتو ظلمتوني وخطيتي بركبتكم.... الى يوم الدين....ولا رح اسامحكم.....انتو بدل ما تعيشون بنتكم بسعاده .....عيشتوهه بتعاسه...

ام زهراء: يله ....كافي حجي فارغ ولا تتمسكنين كدامي....تعرفين اني لو بيدي جان ماقبلت عل هالزواج ....وماجان جبرتج عله شي ماتريديه.....  بس اني مااكدر اضغط  عله ابوج
هسه بلحضه يصير عليه شي......
واذا الج معزه لابوج وافقي.....خلي يشوفج عروس قبل مايصير عليه شي....

خلي يشوف أحفاده......عفيه زهراء.....اذا تريدين تفرّحين ابوج...... وافقي...  

الصبح( ساعه ٧)
ام زهراء:  يله حبيبتي كومي ساعديني بالتنظيف....
زهراء: كعدت وعيوني مورمه من البجي
اي ماما جيت..

ام زهراء: ي كلبي ليش تبجين....
زهراء: كمت حضنت ماما وبجيت بحضنهه

ام زهراء :ولج حبيبتي اليوم حتصيرين عروس...ههههه
زهراء: ههههه يمعوده شلون عروس

كمت ساعدت ماما وسبحت وطلعت....
ام زهراء: ولج زهراء كومي خل اوديج للصالون واشتريلج فستان...
زهراء: لا ما اريد....وكمت ابجي

ام زهراء: ولج هاي شبيج بس تبجين عبالك ميت احد........
(تشاقه) معقوله احد كدر يطلع دموعج .......
عمرج كله ماتبجين ودائما جنتي قويه......شنو اللي تغير....

زهراء: ماما عفيه لتضغطين عليه اكثر ......
زهراء : يله كومي طلعي ويايه...

يتبع