زهراء وأحمد (قصه عراقيه ) مكتمله

٦

ام زهراء :يله لعد اني رح اروح اجيبلج فستان عل ذوقي ....
زهراء: اي
ام زهراء: زهراء انتضريني من اجي
حتى نطلع ويه ام احمد حتى نشتري الذهب
زهراء: اي ماما

وراحت ماما  وجابتلي فستان وحضرت صينيه المهر ....هو صح صار بسرعه بس كدرنه نلحك
وخلينه المهر وتلبيس الذهب ويه العقد حفله وحده.....

(الساعه ١١)
ام احمد: يا هله ومرحبا بالعروس 

زهراء: هلو خاله
ام أحمد:  يله حبيبتي صيحي امج خلي انروح نشتريلج الذهب......
ام زهراء :هلو عيني بأم احمد شلونج ي كلبي.
ام احمد: تسلمين عيوني ها نروح...
ام زهراء : اي عيني ....زهراء يله تعاي دنروح
زهراء: جيت ....جيت

زهراء: رحت وركبت بالسياره وشفت احمد كاعد ليكدام.....
السلام عليكم
احمد: وعليكم السلام ....

*ورحنه اشترينه الذهب ورجعنا......للبيت

ام زهراء :يله زهراء بسرعه روحي بدلي ما ضل وكت رح يجي الشيخ...

زهراء: رحت بدلت ولبست فستان ماروني يجنن وسوتلي ماما تسريحه بسيطه وحطتلي مكياج ورشيت عطري ولبست الكعب ..........
ام زهراء: يمه فدوه للكمر........حبيبتي الله يحفظج.........ههههه

*وجوي كومه ناس من اهل ابويه واهل امي وصديقاتي بالشغل وجوارينه وانترس البيت

الساعه٤  
اجه الشيخ وبده يسال احمد واحمد يجاوبه وبعدين كام يسألني واني وره الباب واجاوبه ... وجانت الدمعه بعيني....
الشيخ :زهراء بنت مهند هل تقبلين الزواج بأحمد ابن وليد على سنه الله ورسوله

زهراء:سكتت بعدين جاوبته وكمت ارجف .....
نعم اقبل....
الشيخ :هل تقبلين؟
زهراء: نعم
الشيخ هل تقبلين ؟
زهراء :نعم
 
❤❤❤❤
وبدت الهلاهل وكمت ابجي......
صعدت لغرفتي وشايله الموس اريد اقطع شرياني...... 
ام زهراء:ولج زهراء ييييييمه ولج عوفي ....
زهراء: ماما عوفيني خل اموت

ام زهراء :اي اي حتى تكتلوني وراكم  اخوج راح وعافني وانتي هسه جاي تريدين تروحين مووو.........موووو(وكامت تصرخ)

ام زهراء: خلي ببالج الانتحار مارح يفيدج بشي
ولا اللي انتحروا استفادوا بشي .....الله خلقته بهاي الدنيا حتى نحافظ على نفسنا الله نزلنا على هاي الكاع حتى يختبرنا بايمانه  .....جاوبيني
جاوبيني اذا رحتي وقابلتي ربج شتكولين كتلت نفسي......يله جاوبيني
بسرعه عوفي هذا وشمري وكومي غسلي وجهج ورتبي مكياجج..... ونزلي نلبسكم الحلقات........
زهراء :نزلت ودخلت الصاله جان الولد كلهم بره يعني احنه بس بنات......كعدت جان يجيبون الكيك والحبشكلات.....واجه احمد ..وكعد يمي
جان يلزم ايدي.... وجان يكول......
.احمد: انتي مرتي هسه😶🙄

زهراء :جسمي صار يرجف وحراره بجسمي مو طبيعيه ووجهي صار احمر.....

زهراء:أحترم نفسك واحجي عدل

*لبسنا الحلقات ولبسني الذهب وقطعنا الكيك وبعدين........
فتحو الدي جي جان يسحبني ويكومني وبدينا نرقص  ...
زهراء :صرت مثل التلفون اللي عل صامت  وكلش ضجت ......

تقربت منه وكتله.....
زهراء: لتعيش الدور لان اني مستحيل اكون الك
ووخرت عنه وكعدت......

خلصت الحفله واني تعبت كلش ....وحالتي جانت كلش سيئة بقيت كاعده وحدي بغرفتي ومعزوله......

ابو زهراء: زهوره شلونج طالعه تخبلين اليوم

زهراء : بابا اني اسفه لان.....
ابو زهراء (قاطعها):ميخالف بابا اني رايح للسوك اجيبلج شي..
زهراء :لا شكرا
 

وبقيت يومين بالبيت ...وبعدين يله داومت..

ارام: مبروووك حبيبتي
زهراء: تسلمين حياتي.....

ومن دااطلع من الدوام جان تجي سياره وتكسر عليه وهمزين ما ندعمت...
زهراء: ولك شبيك اخويه جان دعمتني ....
جان ترفّع الجامه مال سياره .....
احمد: تعاي اوصلج
زهراء :هاي انت شبيك جان اندعمت.....
احمد: يله صعدي بعد

*صعدت وياه واني ساكته....وصلني للبيت...
زهراء: شكرا
احمد: بعد اني اوديج واجيبج....
زهراء:وعود ليش يعني......
احمد: احسن وراح ورجعت للبيت سبحت  واكلت و نمت......

كام يوميه يوصلني ومن صدك ما شفت منه شي موزين.........
احمد: زهراء لتنسين باجر العرس....
زهراء:  هههه شلون انسه يله شكرا عل توصيله
احمد: العفو.....

(يوم العرس)

ام زهراء: يله كومي حبيبتي
زهراء :اي كعدت

يتبع