زهراء وأحمد (قصه عراقيه ) مكتمله

١

البطله زهراء:.

البطل احمد:.

زهراء: ماما ....ماما يله كعدي اني رح اطلع......
ام زهراء: .....وين طالعه..
زهراء :غير للدوام يا ماما ......يله كومي
ام زهراء: اي  حبيبتي كمت ....روحي الله وياج...
زهراء: باي ماما حبيبتي
*وباست امهه وراحت للمستشفى....
زهراء :صباحوووو .....شلونج.. شوو مختفيه......
ارام: يمعوده صلي عل نبي من الصبح هههههههه
زهراء: ههههه لا والله بس اشتاقيتلج
ارام: فدوه الكلبج حياتي ...واني الاكثر
ي عمري...بس والله جنت مشغوله...
زهراء: لا حبي عادي عذرج وياج .....

مينه:ولج كوووومي ارام  زهراء بسرعه....
زهراء :شكوو😱😱
مينه: دكتور عبدالله ...

زهراء: شبي..

مينه: توفى الى رحمه الله بحادث

   زهراء :شنوو               ارام: لااااااااا

(بعد مرور شهر)
زهراء :لج كاافي بجي تره دمرتيني.... حتى لو مات دكتور عبدالله تره اكو الف واحد غيره يتمناج.......

ارام: شنو انتي متحسين بالمقابل دااكلج خطيبي مااااات
انتي دتستوعبين لو لااا...
زهراء :هاي شبيج قابل شكلتلج.......
هو انتي اصلا مصارلج اسبوعين مخطوبين .....شبسرعه حبيتي.......
ارام : ايي انتي صدك انانيه  وحقيره .....وبكلشي ...وماقدرتي الوضع اللي اني بيه  ....... وفوكاها تحجين هيج... للاسف..

زهراء: لتحجين بعد بهذا الاسلوب ......فاهمه.
والصوج مو صوجج ...صوجي اني اللي جيت اواسيج.....واني عاذرتج على كلامج اعرف بيج تعبانه وكلبج محروك.... عليه ....بس يجي يوم وانتي تجين وتعتذرين مني عله اللي كلتي.....بااي

زهراء: رجعت للبيت تعبانه كلش وفوك ما اني متعاركه ويه ارام النوبه السياقه دمرتني  والطريق كله ازدحام  .....ووصلت للبيت .....

ام زهراء: ها يمه حبيبتي ليش ضايجه...
زهراء : لا ماما بس تعبانه......ماما مسويه غده
ام زهراء :هههه  دولمه
زهراء:  صدددك هسه اسبح وابدل واجي اكل وياكم........
ام زهراء:  ي كلبي  على راحتج

(الساعه ٨ بالليل)

ابو زهراء : ولج صلي عل نبي............

ام زهراء :ولكم ابني راااااااح  ولكم وليدي مااات .....
زهراء: نزلت اركض ......شكووو شصاير 
وشفت ابويه واكع  ومتخربط ....
وامي كاعده تبجي وتصرخ......

زهراء 😭😭: ماما الله يخليج عفيه احلفج بأغلى شي عندج.....  كوليلي شكو شصاير....

ام زهراء 😭😭😭: ولج راااح اخوج راااح جوه التراب....مااات.......ماااات ابني 
زهراء :اباوع عله ماما واني مصدومه ......
وماما دخلت بحاله هستيريه...... وبس تبجي

(الساعه ١٠ بالليل )
زهراء : هاا دكتور شلونه وضعهم هسه

الدكتور: هسه حاله امج مستقره بس ....ابوج
مر بجلطه بس كدر يعبر منها........كتبتلهم ادويه رجاءا  خلي يلتزمون بيهه...
زهراء :ان شاء الله دكتور ..مشكور

*بقيت بالمستشفى واجه الدكتور وقال: جثه اخوج باجر الصبح تستلميهه.....
زهراء : دكتور بس سؤال...
دكتور: سألي بس رجاءا بسرعه ورايه عمليات

زهراء: لا دكتور مااخرك بس اخويه شلون مات
الدكتور: حسب ما عرفت بحادث سياره ببغداد
زهراء: شكرا دكتور

ام زهراء:ااااخ رأسي ......وينك يا ابني وينك
زهراء: ها ماما شلونج.....
ام زهراء :يمه شلوني......يمه هسه احرك نفسي
زهراء (تبجي) :لا يمه لتحجين هيج......ماما ساألت الدكتور وقال انو مات بحادث هنا ببغداد....بس اللي استغربت منه انو هو اصلا مسافر شجابه هنانه.....
ام زهراء: ايييي .....ندري اني وابوج انه رح يجي ...... بس ماات بالطريق وحتى قبل منشوفه..
زهراء :وليش ماكلتيلي رح يجي .......
ام زهراء :ما قبل قال اريد افاجأهه بعيد ميلادها ......وراد يسويلج عيد ميلاد البارحه

زهراء(تبجي):يعني......هسه اخويه ميت
ام زهراء : ايي ........زهراء خابري عمامج وعماتج خل يجون من باجر اول ايام الفاتحه..

زهراء :شلون اخابرهم ......اصلا اني بحياتي ماشايفتهم ولا اعرفهم..........
 
ام زهراء: جيبي التلفون ......اني اخابر
.....زهراء روحي لابوج وشوفي شلونه.... 
زهراء:اي ماما...
....طبعا اني ما كتلها انه صارت بيه جلطه حتى لتخاف .......وتنقهر اكثر كافي اللي بيهه مكفيهه.....

ام احمد: ولك احمد  لك تعال....نسرين ابتهال بسرعه تعالو....
احمد :شكوو
ام احمد: ابن عمكم مهند مات..... باجر حضروا نفسكم للفاتحه باجر من الصبح نروح ويه عماتكم يمرون علينا ونروح....