احمد:اكول الحمدالله عل سلامتج.... زهراء:الله يسلمك... طبعا اني من اجاوبه اكوم ارتبك ماعرف ليش.. زهراء:يله من رخصتكم اني رايحه ازور صديقتي واسلم عليهه...... احمد: اني اوصلج.....شلون تطلعين بالليل زهراء: لا عادي اني اروح بسيارتي احمد:يله عمي من رخصتكم اني رايح
صعدت للسياره واني حتى ما اباوع عليه ماعرف بس اخجل وهو احس بيه ديباوع عليه نضرات سريعه...... وصلنا لبيت ارام وماحجينه ولا كلمه.....وهو بقه ينتظرني بالسياره....
وره ساعه تقريبا طلعت من بيت ارام وشفته نايم بالسياره ..... زهراء : أحمد كوم اكعد..... احمد :هااا كملتي.... زهراء: اي خلي نرجع..... وبقه يسوق جان يكول.. احمد: زهراء.....انتي مرتبطه؟؟؟؟!!!!! وهنا جانت صدمه عل رأسي..... زهراء: لا احمد: اي احسن.. زهراء: وانت شعليك بيه. احمد: اهوووو رجعنا للعركات باعي تره مابيه حيل اذا تريدين تتعاركين روحي اتعاركي ويه اي واحد بس مو ويايه.... زهراء: باوعت عليه بنص عين ودرت وجهي وسكتت....... وصلنا للبيت..... زهراء: تسلم عل توصيله تعبتك.... احمد: لا عادي.. ورجعت للبيت وبدلت ونمت....وكعدت بالليل دااشرب مي جان اشوف احمد كاعد بالطرمه ويدخن ........ مااهتميتله وكمت ورجعت لغرفتي.... الصبح:
كعدت غسلت ونزلت جوه شفت البنات بالمطبخ ونزلت سولفت وياهن شويه وتريكت .... جان تصيحني... خاله ام احمد.: يمه بنيتي زهراء تعاي شويه ماناخذ من وكتج.... زهراء:رحت للصاله وشفت ماما وبابا واحمد ونسرين وابتهال وخاله ام احمد... وكعدت جان تقول:......... ام احمد: عيني ابو زهراء ما نريد ناخذ من وكتك....بس جيناك بموضوع .....ونتمنى ماتردنا ابو زهراء: كولي ام احمد ام احمد : احنه نريد زهراء لابني احمد
