احببت قاسى فى انتقامى

البارت الحادىوالعشرون

وقفنا عند سليم لما توعد لجود اوك يلا بينا كمل بقه 

............................................................

ذهب عمر الى غرفه جود وطرق باب الغرفه ثم دخل عند جود عندما سمع صوتها لتسمح له بالدخول عندما دخل اعتدلت جود فى جلستها 

عمر : ها يا انسه جود اخبارك اى النهارده انتى تعبانه ولا حاجه علشان بعتى ورايا 

جود : لا يا دكتور بس حبيت اسالك عن انى هخرج امتى وصحتى اتحسنت علشان اقدر اخرج ولا ﻷ علشان انا مش بحب جو المستشفيات وبتعب اكتر والله منه 

عمر بابتسامه : اممم طب عايزه تخرجى ليه شكل مش عاجبك خدمه والممرضين اللى فى المستشفى يا انسه جود انتى اكتر واحد بنهتم بيها هنا 

جود : لا والله يا دكتور عاجبنى كل حاجه هنا واهتمام الممرضين بيا كمان والخدمه كويسه هنا اووووى بس انا مش بحب المستشفيات اصلا وجوها دا 

عمر : خلاص والله صحتك دلوقتى مستقره ولو طلعتى من هنا لازم تنتظمى فى الادويه فى مواعيدها وصحه الاكل ومفيش اى ضغوطات نفسيه لو سمحت ولا انك تاخدى كل حاجه على اعصابك مفهوم واه لولا ان رغبتك انك تطلعى منها انا مكنتش طلعتك غير لما تبقى اقوى واسد فى نفسك كده وكفايه انك لما هتطلعى هتوحشينى  والله 

جود بابتسامه : والله يا عمر وانتى هتوحشنى جدا واللى هنا كمان هيوحشونى 

عمر : كل ذوق والله يا جود وانتى انسانه تتحبى وجميله جدا مش عارف عدم وجودك هنا فى المستشفى هيبقى حالها من غيرك عامل ازاى 

جود : شكرا اووووى وربنا يخليك ليا يا عمر بس فى طلب مش عايزه سليم يعرف بموضوع خروجى من هنا ومش عايزه يعرف اصلا معياد خروجى امتى اوك 

عمر : اعتبرى ولا اكنك طلبتى منى حاجه انتى زى اختى واكيد مش هطلع اسرارك بره بس فى حاجه انا عايز افهمهالك يا جود اى هى ان سليم بيحبك مش بيحبك بس لا دا بيعشقك كمان يا جود انا عارف ان ماليش دعوه بتتدخل فى الامور الشخصيه وبالذات فى الحته دى بس خدى منى النصيحه دى وحاولى انك تيدى لسليم فرصه تانيه سليم محتاج منك الفرصه دى اووووى يا جود عارف انتى عايزه تقولى اى انو مفيهوش اى صفه حلو تخبى على الحاجات اللى وحشه فيه سليم من جوا ابيض خالص انتى لو مش مهمه عنده مكانش يجى هنا ويتكلم وتبقى حالته وحشه للدرجه دى وانتى فى الغيبوبه ولا كان اتبرعلك بدمه علشان تعيشى هو عارف قيمتك فى حياته وان وجودك بغيره للاحسن مش للاوحش انا عارف ان سليم بيشرب وبتاعن ستات بس محدش علمه ان دا غلط وان فى صح هو شايف انك ممكن تطلعيه من الضلمه اللى هو فيها ولو هتقولى انو السبب فى موت والدك هقولك فى حاجه اسمها ايمان بقضاء ربنا وان ربنا كاتب لوالدك ان هيموت بالطريقه دى يمكن ربنا موته علشان تعرفى سليم وتحبيه وهو يحبك كل اللى هقدر اقوله ادى لسليم فرصه واحده بس يا جود واعتبريها نصيحه من اخوكى الكبير