مُوش انـه اليعت بذيال بايعته !
#انا والمشّوه ،
_____
شمس، متفأجات من البصره لأن عرفت هو من الجنوب، مبين منَ كلامه
وغيرته ، اعـرف گُل العراقيين ، عندهم غيره ، وشهامه، بَـس اهل الجنوب
معروفين بيها... ابتسمت " ونعم والله " رد " ونعم منَ أصلچ " بصراحه حبيت أسأله واعرف منه هالمره عَن عائلته ومَا اكوله ، رانيا كالت إليه...
عيب ... جريت نفس واني أسال" اممم صگر، ممگُـن سوال!" هز رأسه وهو يشرب فنجانه ،
" وين عائلتك! اقصد إنو انَي من اجيت لهنا وليهسه ! وانت متحجي بيهم ولا فدمره گتلي عندي عائله حتى !" ترك كوبه على الطبله صغيره ، " وحده وحده، بويه بعدين انتي مسألتي حتى اجـاوب!" ضيقت عيوني إله " يعني الإ أسال يلة تجاوب! " ابتسم بخفه " أي " تنهدت بملل " ليش طبعك هيج!!"
صكر بضحكه " شبي طبعي يابه!
مسحت على شعره لجاز وانـي ارد" الإ واحد يسأل ! يلا تجاوب ومتحب تعرف شيء على الناس الإ همه يكلولك ! وثانيا متحب تعرف شيء عنَ احد! ولا تحب احد يعرف شيء عليك! ليش ! " رجع ظهره للورا وعيونه عليه مسلطه " وبرأيج هالشي! زين لو لا؟"
رفعت كتفي برود" مدري! " هـز راسه بهدوء ، وبعدهي عيونه العسليه عليه.... دنگت واني العب بشعره لجاز ، بصراحه هالشي زين... لان مو لازم إي شخص ، ننطي اسرارأنه وكولشي يخصنه من اول مره،.. مثلي الغبيه جنت.... رفعت عيوني واني اسمع يحجي،
صكر بهدوء" عندي عائله وچبيره همَ، بَـس بالعراق ، عندي امي الله يطول بعمرهاً الحجيه ام صگر، عمود البيت ، لازمته من بعد الحجي ابويه، مات قبل سنين، وعندي خوأت متزوجات وحده اكبر مني بسنتين ، وثانيه ريما متزوجه واني هنا ، ومشفت الخطبه ولا عرس! تخيلي زعلت عليه وأشهر وانه اصالح بيها، لان هالبنيه عزيزه عندي هوأي ، جابت ولد وسمته على اسمي ، هههه وبنوته حليوة ، مثلچ "
ديتغزل! ابتسمت بخجل واني ابعد عيوني من عيونه! اسمع ضحكته!
ادبسزز خجلني! " وين وصلنه!" باوعت عليه ليكمل " واخوه ٣ متزوجين
اني اكبر واحد بيهم ، بس كلَ اعمارنه متقاربه وبس واحد صغير بينه ، بس يعني ماكو فرق كم سنه لو اثنين الحجيه من اهل گبل تحبل على الاربعين!" ضحكت ...
ابتسم ليكول" والله جا جذب! أهل گبل يسطرن جهال وكلهن من سبعه وشيلي إيدج اليكول مسابقه عدهن " رديت راني اضحك " شكو بيها ، الاطفال اصلاً بيت نعمه ورزق، انـي حالفه من زمان من ازوج الإ اخلف
كوووومه ! ولـد وبنات ! " سگتت وانـي اعض لساني ! عيب احجي هيج كدامه! عيونه عليه ابدا منزلت.... بلعت ريقي واني احـس بنظراته طولت لعيوني..... عضيت شفتي بندم ! مجان لازم اكول هيج! دنگت راسي بگوبي واني اشربه... لثواني وحسيته گام فتح الشباك... شويه اباوعله من طرف عيني ، وگف كدامه والهوأ البارد يضرب على شعره... شفته يمسح على لحيته.... لدقيقه شويه وقفل الشباك وسّـد البرده رجعت دنگت بخجل.... وتوتر....تغطيت بفراشه ونمت على القنفه النايم بيها ، حسيتها صلبه شويه .... والله عيب اخذت غرفته وانوب هسه لحگته على هاي! شفته من طرف عيني راح للمطبخ... لدقايق عبالي يطلع بس فقدت الامل واني احس بجفني ينزل واستسلم لنـوم ...... واخذته لفراشه مره ثانيه ):
أنت تقرأ
انَـا و المشّوه
Fantasyالتجارة بالنساء ، بيع الاعضاء جسديه، وابتزاز الأكتروني، وحباً في الغربه! يجتمعنّ في ( انا والمشوه ) بالهجه العراقيه..... "ممنوع سرقة الافكار ، وأي حـرف من روياتي ، اللهم انَـي بلغت "
