الحُب الحقيقي لا يجمع المتشابهين، الحُب يجمع المختلفين دائماً كإثنين بينهما فارق العمر، او إثنين اَحدهما له ماضي والآخر يحُب لِأول مره!
#انا والمشـّوه،
_____
شمس، جانت امي دائماً تكول الما عنده حظ بهل دنيا... ما عنده لـويجي الحظ يـُدك بابه! همَ ما يفيد ويـآ، مجنت اعرف اني وحده من الناس،
الحظها قليل وزفت! تخيلوا اطِب بمشكله وإگع بأسوه منها! ومن جهه اكول رأح تتعدل يجي الأسوه منهاً والاصعب! ومنَ اضحك يوم ابجي عشره،
انـيَ من يمتى هيچ اذكر بالعراق جنت إنسانه محظوظه وعايشه بسعاده...
وما اعرف الحظ الزفت شنوُ! اجاني هناً محُمل مال سنين....تنهدت وأني اكعد على السرير، بعده صكر مجاي وساعه تعَدت الوحده ونص تقريباً باليل... إنوب هذولي الاخبال شردت منهم! بـسَ عياط وضحك ! واشياء مقرفه استغفر الله ! معقوله هذاً حسن عراقي! عبالك اجنبي! نمت على الفراش وأني اتغطه زيـن ، جفني دينزل ونعسانه وتعبانه وبارده! ومنا خايفه وصكر ماكو! اوف شنو هالحياة! ماكو غيَر بس الصبر بيها ولازم،،، تنتظر
شوكت تفرج ودورك جاي.... وهياتني غرگت بحر الظلام .... مستسلمه لنوم .....
ثانيه بعد منتصف ليل....
ما اعرف شكد ضليت نايمه بـس داحس بلمسات خفيفه على خـدي، تضوجني ! حاولت ابعدها وأني أنام زين ! بس رجعت على خدي!
درت وجهي للجهه ثانيه وأني اتغطه زين ، أحس بجسمي خامل وتعبان.. والنعاس مسيطر عليّه .... رجعت لمسات على خـدي ! " شمس ، اكعدي" صوته لصگر هذا!
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
بصعوبه فتحت عيوني وأني اشوفه " ليش تأخرت!" كعدت وأني افرك بعيوني، نتبهت عليه أجه نام بصفي وإيده جـوه رأسه" خلصتها يم احمد، وخليت يمهم جاز، بالكوه كدرت اطلع مَن المكان لان داحسهم مخلين واحد يراقب العماره" كعدت عـدل كباله " يعني شراح نسوي!انظل هنا!"
هز راسه بـ لا وعيونه تغمض" باجر أحلها، وراح نرجع على العراق، بأقرب وكت " عقدت حاجبي مستغربه" شلون نرجع للعراق! نسافر بالطياره، اقصد نفس الحجز؟!" فتح عيونه العسليه مبتسم" إي والله حتى يصير كتلنه رفـس بالمطار، لا يابه مو بالطياره باجر تعرفين شلون نسافر تعاي احظنيني خلي آنام"
أنت تقرأ
انَـا و المشّوه
Fantasyالتجارة بالنساء ، بيع الاعضاء جسديه، وابتزاز الأكتروني، وحباً في الغربه! يجتمعنّ في ( انا والمشوه ) بالهجه العراقيه..... "ممنوع سرقة الافكار ، وأي حـرف من روياتي ، اللهم انَـي بلغت "
