ما بعد نيران الحب (الجزء الثاني ل لم ارد ان احبها)

البارت الرابع

الجزء الثاني من لم ارد ان احبها

(ما بعد نيران الحب)
قراءه ممتعه 😘✌
ننو  &  ساره
؛

؛؛؛؛؛؛♕؛؛؛؛؛؛؛؛

أخبرني عن سرك
كيف عشقتك
ومن أين أتى القدر بك
لتسكنني وتبعثرني
وتسلب من خلف الأضلاع قلبي...

البارت الرابع>>

غيث:
رحنه لبيت عمي واجه عمي ابو امير  وكعدنه كلنا سوه اني وامير واحمد
احمد جان قليل الكلام مو مثل قبل لو يبتسم على كلامي لو يبقى ساكت
لحد ماا
احمد..احمم احمم ااا امير
امير..تفضل خويه
احمد..من جنت بالسويد التقيت ببنيه عراقيه يتيمه مهجره من ايام داعش عايشه بس هي واخوها المريض وطلبت مني اساعدها علمود تندل وين عمامها وعماتها اني سافرت البارحه للموصل ورحت لبيت اهلها وعمامها لكيتهن مفلشات بس بيت عمها ابو عماد ما بي شي بس عايش بي شخص ثاني
وهو مشتري البيت من ابو عماد بعد ما طلع داعش
انطيته للرجال ابو صلاح رقمك علمود اذا عرف اي معلومه يتصل بيك
واذا عرفتوا شي جديد انطوني خبر اني اجيكم بسرعه

امير.. تدلل خويه 
احمد..ميدلل عليك ظالم

بعدها سمعت صوت ضحكه زينه امير خزرها خلت ايدها على حلكها بس الضحكه لسه بعدها وشفت رائد يمها وندسها وشاورها

اني تخبلت شلون يلمسها شلون يتقرب منها
اكيد هسه شم عطرها
اكيد شاف لمعه عيونها
اي اكيد هسه صارت انفاسها قريبه من وجهه
هاي الانفاس الي تخليني مثل السكران
خزرتهم خزره لعدوي ما مباوع بهيج نظره
شفتها نزلت راسها وسكتت

ورائد بعده يمها بقوا يحجون وانوب هو كام كعد يم ابوي ارتاحيت من شفته ابتعد عنها
وهي كامت للمطبخ
اني بقيت اباوع ع المطبخ اروح يمها احجي وياها واحذرها ممنوع تحجي ويه رائد اكوم لو لا
فززني صوت الباب الي انسد رائد وين طلع؟!
ميهمني خليني اروح لحبيبتي

كمت للمطبخ ما لكيت احد باوعت من الشباك شفتها واكفه هي ورائد وقريبه كلش منه ويضحكون بصوت عالي
واحس الدم بده يغلي بعروگي
ورحت عليهم وصحت بيهم واني اضغط على كل حرف
احس اذا كمشت رائد هسه افلش راسه

هي خافت مني وراحت وكفت وره رائد
رائد اطول منها فصار مثل الحاجز بيني وبينها
مدري ليش كلبي وجعني
يعني تحتمي بهذا الخايس مني
معقوله تخاف مني وخلت رائد هو سندها هو حمايتها
حسيت بطعنه بكلبي
وكلت بصوت هادء بعيد عن البراكين الي بادخلي
..شنو داتسوون

رائد..ماكو شي
كلت..زينه شبيج خايفه تره اني ما اكل بشر داحجي وياج
رائد..شتريد منها اني موجود احجي وياي
خزرته وكلت..زيننننه