ما بعد نيران الحب
الجزء الثاني من لم ارد ان احبها
ننو & ساره
؛؛؛؛؛؛؛؛؛♕؛؛؛؛؛؛؛؛
ما ـآروع ـآن تـحـب إنـسانـآ🙁💕
يجـبرك آن تشـتاق إليهہ وتأمرڪك روحڪك
آن تسـال عنهہ ويجبرگ قلبڪك♥️🌸
آن تدعو له في اي مكان .. 💕 🍭
البارت الثاني >>
ملاك:
امير حجه وياي بموضوع الاقسام الداخليه لان ما بقى شي وتنتهي العطله
وطلب مني ان اعوف الاقسام واجي اكعد يمهم وهو ياخذني ويرجعني بطريقه
واكيد رفضت.. امير صدكني ما يصير شلون اكعد بيتكم واحنه ما مزوجين خليني بالاقسام والله احسن
امير.. ولج ملاك تره انتي مرتي بالشرع والقانون مابيها شي اذا كعدتي بيتي
كلت.. لا امير والله الشغله واكفه شنو اكعد بيتكم لا لا امير ما يصير
امير.. ليش ما يصير مين خايفه
كلت.. مو سالفه خايفه بس مو حلوه كعدتي وياكم بالبيت
امير.. ملاك مابيها شي هن بس على كد ايام الدوام
كلت.. امير هن لا يوم ولا يومين.. تريدني ابقى تلث سنوات يمكم شنو هل حجي لا حباب عوفني اروح للاقسام واكعد. هناك يم البنات
امير.. استغفر الله يعني مصره على هل شي
كلت.. اي ومتاكده من قراري مليون بالميه
امير.. يله بعد بكيفج بس بأي وقت يعجبج تعالي لبيتنه
كلت.. ان شاء الله
باوع لساعته وكال.. يله حبيبتي لازم نرجع للبيت قبل لا يصير الليل
ضجت كلش بعدني كلش ما شفت منه وهو يريد يروح
باس راسي وكال.. نعوضهن ع الجايات ما بقى شي ويبدي الدوام وانوب يوميه اشوفج
ودعتهم كلهم وراحوا وبعدها رحت اعزل البيت لان ست اسيل عيني تعبانه وهسه لازم ملاك تشتغل 😒
#"""#"""#"""#"""#"""#"""#
كنان: بعد ما رجعوا اهلي كلت خليني احجي وياهم
كلت.. بوويه تره ما بقى شي وتخلص عطلتي واني لازم ارجع قبل الدوام واريد مرتي تروح وياي ما اكدر اروح واعوف هدى هنا
لازم باقرب وقت نزوج علمود نحضر اوراقنا ونسافر
ابوي.. اي حقك ابني ومرتك تروح وياك اكيد وباجر نروح لبيت عمك ونحجي وياهم علمود يستعجلون بتجهيز عروستنا
زينه.. واخيرا راح يزوج كنان عفيه خويه خليني اركص بعرسك
امير.. هو انتي عندج اهم شي الركص
زينه.. يااا غير عرس اخويه ولازم افرح بي
امير.. ومنو مانعج من الفرح افرحي بس اله تركصين
كنان.. ولك امير اسكت خليها تركص.. اركصي يبعد اخوج وين الكه وحده تركص مثلج معليج بهذا امير يغار منج
امير.. اني اغار منها لا هاي هيه ربحنا
زينه.. يمه فديته لاخوي كنوني بس هو الي يفهمني
سمعت الباب انفتح وشفت غيث اجه دخل
سلم على ابوي وكعد يمنه امير كال.. شبسرعه شميت ريحتنه واجيت علينه
غيث.. اشم ريحه طرده بالموضوع 😑
امير.. اي هو انت بس تشم 😂
غيث.. جا ابطل واسد خشمي
امداك خليتني حتى انسى ام السالفه
كنان.. يا سالفه شعندك ولك
غيث .. عمي اليوم طلعت القبولات من انتم جنتم طالعين وطلعت قبولات زينه كليه صيدله مثل ما جانت تريد وانتظرتكم تجون علمود ابشركم
أنت تقرأ
ما بعد نيران الحب (الجزء الثاني ل لم ارد ان احبها)
Romansaبعد ان احبها رغما عنه ورأى ذاته فيها وارد ان يكمل باقي حياته معها وطلب يدها للزواج فهل نيران حبه سوف تهدء بلقاء المحبوب ام ان نارهم ستبقى مشتعله وهل سيسمح القدر لهم بان يعيشوا بسلام؟ تابعوا الجزء الثاني من قصه لم ارد ان احبها فهنا سوف نعرف ماذا...
