الجزء الثاني من لم ارد ان احبها
«ما بعد نيران الحب »
ننو & ساره
ليش اصفن عليك من احجي وياك...
وانسة الدنيا من نوكف شويه...
وليش ارضة ب جروحي واني ممنون...
برايك ليش متحملة الاذيه...
وليش أتمنى اشوفك أسعد إنسان...
وحياتك بس سعاده وهاي هيه...
وإذا فد يوم شفت ب عيونك دموع...
أدعي من الله تأخذني المنيه...
هسه فهمت حجي وشقصدت بي...
أحبك يعني ما مبين عليه... ❤
$-$-$-$-$-$-$-$-$-$-$-$
البارت التاسع>>
أمير:
رجعت للبيت بليل هلكان وتعبان شفت امي كاعده بالهول وشادة راسها بعصابه رحت عليها بست راسها كلت خيرج يكلبي شبيج
امي.. ااخ يبن بطني همي جبير
كعدت يمها.. خير يمه شصاير
صفنت بوجهي وكالت.. اخيتك زينه
كمت وكفت.. شبيها زينه يمه احجي صاير الها شي مريضه
ضربت على رجلها وكالت.. عساها ميته ولا تنزل راسنه بعملتها
كلت بخوف.. شكو يمه شسوت زينه..؟؟!
امي.. لكفتها تراسل ابن عمك الشفيه غيث ويريد يضحك عليها
احس الدم يغلي بعروگي شلون وشوكت
امي.. روح اسئلها وتعرف
بسرعه رحت ركض صعدت لغرفه زينه دكيت الباب حيل صحت زينه وينج
كالت وهي تبجي... عفيه امير صدكني
كلت.. افتحي الباب
زينه.. الباب مقفول امي قفلته
لكيت المفتاح محطوط يم الباب فتحته ودخلت عليها
وكفت قريب عليها ردت اكسر راسها بس كلبي ما خلاني اضربها هاي اخيتي الصغيره المدلله
صحت.. ممكن تفسريلي الي كالته الي امي
شبكتني وكامت تبجي امير وروح ابويه ما سويت شي غلط
تنهدت ووخرتها عني كتلها لعد والي كالته امي شنو جذب
اشرت براسها لا
كلت.. لعد..؟!! 😕
اخذت نفس وكالت.. غيث راسلني توني داحجي وياه اجت ايه اخذته مني عيطت صيحت رجعي ما تقبل حتى دفعتني وطحت بالكاع
رفعت ردان قميصها وكالت شوف شلون تعورت
كملت..وبعدها صاحت امي وكالت شوفي بتج شلون تريد تسوي حرام وامي صدكتها
رفعت حاجبي وكلت..شنو الي يثبت كلامج صح
فتحت عينها بصدمه وكالت.امير ما تثق بيه واني حلفتلك بداعه ابويه
اشرت براسي وطلعت وقفلت الباب اله الكه الي يثبت كلامها يله نعفي عنها
وبعد هسه غيث شسوي بي اذا الزمه ااخ منك اذا صدك هيج صاير
بس هو باي حقك يروح يراسلها
طلعت بسرعه وركبت سيارتي تعبان بس غيرتي اكبـر من تعبي طلعت على بيت عمي ودكيت الباب حيل طلع غيث كال خير يبن العم شصاير
سحلته من قميصه كلت..هاا هسه تذكرت اني ابن عمك وعرضك هو عرضي..لك غيث باي حق تراسل اختي انت لك كلبببب
أنت تقرأ
ما بعد نيران الحب (الجزء الثاني ل لم ارد ان احبها)
Lãng mạnبعد ان احبها رغما عنه ورأى ذاته فيها وارد ان يكمل باقي حياته معها وطلب يدها للزواج فهل نيران حبه سوف تهدء بلقاء المحبوب ام ان نارهم ستبقى مشتعله وهل سيسمح القدر لهم بان يعيشوا بسلام؟ تابعوا الجزء الثاني من قصه لم ارد ان احبها فهنا سوف نعرف ماذا...
