الجزء الثاني من لم ارد ان احبها
في
<<ما بعد نيران الحب>>
ننو & ساره
قراءه ممتعه
~~~~~~~~~~~
مثل شــوگ النــوارس للبحر مشـتاگ 🖤
ومثل شوگ الســفن من تعشگ المرسة
اذا ينسى الفجر خيــط الشمس انساك⭐
وابطل كل حزن واتعــمد الونســة
بس اعرفــها روحي شما تمر ايــام☄
تظل تبجي على طيـفك وابد ما تنسى
البارت الخامس>>
بغداد 7:00 ص
مروه.. ولجن بنات اريد دنبوس مالتي طاح
ساره.. هاج هذا
اكلجن منو عدها قلم كحل لونه ازرك
ريماس.. عندي نيلي طوخ تردين
ساره.. اي اي اي شي المهم يوالم ملابسي
ملاك.. ولجن يله راح نتاخر هذا اول يوم النه
البنات بصوت واحد.. اي ولانه اول يوم لازم نطلع حلوات
ملاك.. هفففف استعجلن يله
مروه.. ولج ملوكه مكياجج وولله خفيف شبيج ولج دحطي بعد
ملاك.. لا لا لا شكرا شكرا امير يكول مكياج خفيف عليج احلى
ساره.. هااااا هنا الحجي مو بنات 😉
وكامن يضحكن بس ريماس ما ضحكت جانت ملتهيه تعدل شالها
وره شلعان الكلب خلصن تجهيز ارواحهن وطلعنه للكليه
بدينه اول يوم ماكو دراسه
بقينه نسولف ونسلم على بعض وباركولي على خطوبتي
وره شويه اجاني امير اشرلي من بعيد علمود اروحله
اترخصت من البنات
وطلعت سلمت عليه
مسك ايدي وكال امشينه للكفتيريا
رحنا سوه كال.. متريكه؟
اشرت براسي نعم
امير.. مشتاقلج
كلت بهمس.. حتى اني
امير.. ملاك ليش ما تجين يمنه بيتنه احسن من هاي الاقسام
كلت.. لا امير مرتاحه هناك والله
امير. بكيفج ما راح اجبربج بس شوكت ما تردين تجين بيتي مفتوح
كلت.. اي ادري بيك
امير.. اليوم انتي معزومه يمنه
كلت.. اليوم
امير.. اي زينه عزمتج كالت جيبها وياك
كلت.. هاا خوش يعني اليوم نرجع سوا
امير.. اي والعصر اني ارجعج للاقسام
كلت.. اوك لعد خليني انطي خبر للبنات
عفت امير وانطيت خبر للبنات اني رايحه لبيت امير علمود مينتظرني
خلص الدوام وطلعنه من الكليه
اني وامير ورحنه لبيتنه
بعد السلام والكلام ورحنه صلينه وتغدينه
بعدها كعدنه اني وزينه وخالتي ام امير
وسوالف وضحك
وانوب زينه اخذتني لغرفتها كالت خلينه ناخذ راحتنه
كعدت بغرفتها وسئلتها شلونه اول يوم الج بالكليه
زينه.. يااااي يجنن يجنن كلش حلوه بغض النظر عن الحوادث المزعجه الي تصير هناك
كلت.. لعد لو تشوفيني باول يوم اجيت ابجي اله شويه
زينه.. ياا ليش
كلت.. غير بسبب اخوج وابن عمج
زينه.. ههههه فديتهم
صفنت شويه اتذكر شلون جنه اني وامير واحد. يكره الثاني
؛؛؛؛؛؛ ♡؛؛؛؛؛؛
أنت تقرأ
ما بعد نيران الحب (الجزء الثاني ل لم ارد ان احبها)
Romanceبعد ان احبها رغما عنه ورأى ذاته فيها وارد ان يكمل باقي حياته معها وطلب يدها للزواج فهل نيران حبه سوف تهدء بلقاء المحبوب ام ان نارهم ستبقى مشتعله وهل سيسمح القدر لهم بان يعيشوا بسلام؟ تابعوا الجزء الثاني من قصه لم ارد ان احبها فهنا سوف نعرف ماذا...
