مابعد نيران الحب
الجزء الثاني من لم ارد ان احبها
ننو &ساره
؛؛؛؛؛؛؛؛؛&؛؛؛؛؛؛؛؛
أتعلم من انت ؟
أنت النعمه التي أغمض عيني في نهاية كل يوم وأدعو أن لا أفقدها 💙❤️
البارت الاول >>
حسيت اشعه الشمس صارت بعيني تضايقت منها خليت ايدي على عيني اريد انااام
امي صاحت بيه.. ولج ملاك كوومي
خليت البطانيه على راسي وما رديت عليها اريد اكمل نومتي الليل كله ما نمته بسبب امير..
اجت امي عليه ووخرت البطانيه وبقت تحجي عليه علمود اكول
اخر شي استسلمت وكعدت.. هففف شنيه يوم اريد انام
امي.. ولج ملاك اليوم خطيبج امير يجي يمنه يعني ما تردين تحضرين روحج لو عاجبج تطلعين بهاي البجامه مال البيت
هي ذكرت اسم امير واني عبالك اجتني طاقه بسرعه طفرت من الجربايه وانطلقت للحمام بسرع خليني الحك
اليوم امير هو واهله معزومين يمنه ع الغده
سبحت وخلصت امي صاحتني اساعدها كلت اساعدها شويه وانوب اشرد
خلصت كم شغله ويه امي وسويت انسحاب تكتيكي وبسرعه للغرفه
وهمين اسيل وياها ان شاء الله ما تقصر 😊✌
فتحت الكنتور وبقيت صافنه شنو البس!!!
لو تنطوني اصعب معادله رياضيات هسه احلها وبخمس دقايق
بس لا تخلوني كدام كنتور ومهله ساعه وامير راح يجي يشوفني هاي اصعب مسأله بحياتي
بقيت اطلع بالملابس ساعه البس هذا وساعه هذا
لحد ما اخير شي مليت ولبست نفنوف ناعم ونازك
وشسورت شعري وخليت شويه مكياج ولبست اكسسوارات
وسمعت صوت امي تصيح اجووي
اني انخبصت باوعت لروحي بالمرايه نظره اخيره حسيت بشويه رضا عن شكلي وبعدها طلعت
رحت سلمت عليهم وخليت اخير شي امير اسلم عليه لان ما راح يهدني
كعدوا ع التخم وقدمت الضيافه وامير اشرلي اكعد يمه
همس يم اذني.. شهل حلاوه اليوم يمكن حيصير بيه سكر
كلت.. لا اسم الله عليك.. هاي يمكن امي هواي مخليه شكر للحلويات
(هي نفسها ملاك ولا تغيرت نفس الغباء والفطارة الي عدها 😟)
بعدها كلت.. امير لا تاكل حلاوه اليوم
مسح على وجهه وكال. مو بس حلاوه ما اكل شكلي بعد ما اتغزل بيج خاف تصير بيه جلطه
كلت.. يمه اسم الله.. هاي شبيك اليوم بس تفاول على روحك
امير.. مابيه شي حبيبتي مابيه
٨___٨___٧___٧___٨___٨___٧___٧
كنان: اليوم امير راح لبيت ملاك هو واهلي كلهم
بس اني ما رحت
يعني بس امير يروح لحبيبته اني همين اريد اروح لحبيبتي
كشخت وعدلت نفسي على اخر حبايه
ورحت لبيت عمي زياد ابو هدهد 😍
دخلت وسلمت عليهم وعيني كلساع تروح عليها مرات اشوفها تباوعلي بس مرات لا
ممكن اعرف ليش هيج محاربينه؟؟ 😣
يعني اني وياها مزوجين عقد قران ومحكمه وهي مرتي شرعا وقانونا بس ليش اهلها محاربيني ما ادري وممنوع اكعد يمها منا لحد. ما يصير العرس
أنت تقرأ
ما بعد نيران الحب (الجزء الثاني ل لم ارد ان احبها)
Romanceبعد ان احبها رغما عنه ورأى ذاته فيها وارد ان يكمل باقي حياته معها وطلب يدها للزواج فهل نيران حبه سوف تهدء بلقاء المحبوب ام ان نارهم ستبقى مشتعله وهل سيسمح القدر لهم بان يعيشوا بسلام؟ تابعوا الجزء الثاني من قصه لم ارد ان احبها فهنا سوف نعرف ماذا...
