الجزء الثاني من لم ارد ان احبها
<<ما بعد نيران الحب>>
قراءه ممتعه
ننو & ساره
•❤•❤•❤•♕•❤•❤•❤•
الصــفـنه بعيــونـچ مضــيـف
وهــاي عـنـد الله شــكبـرها
البارت السادس >>
غيث:
داومنه بالكليا اني وزينه وطلبت مني ان ابين انو اني مجرد استاذ لا اكثر لا اعرفها ولا تعرفني
بس هل شي ما منع عيوني تصد عليها كلساع
احس نفسي ناقص اذا ما اتمعن بتفاصيل وجهه
وبيوم الخميس جنت داتمشي وافكر
اجتني الدكتور رشا سلمت عليه وكامت تمشي وياي
وتسولفلي من اجت لهنا وصارت دكتوره وتدرس شكد تعبت والمواقف الي صارت وياها خربتني ضحك
انتبهت على زينه من بعيد هي وصديقتها وملامح زينه غاضبه
حتى وهي عصبيه حلوه
وحسيتها حتى هي تباوعلي بس سويت نفسي ممنتبه
بعد ما خلص الدوام ورجعنه للبيت نمت شويه
والعصر كعدت سبحت وبدلت لان ادري راح نروح لبيت عمي
عمامي كل خميس يجتمعون و ع الاغلب بيت عمي ابو امير الجبير
رحنه هناك كعدنه وصلينه وتعشينه وبقنه نسولف
وزينه خلصت شغلها وكعدت يمنه
بس تسولف ويه رائد بس
صافن عليها على ضحكتها وكلامها ويه رائد وكلساع اخزره وهو يغلس
وصافن بيهم وامير قاطعني يسئلني عن شرودي
وزينه كمزت من يمها وكامت تحجي على رشا
بالبدايه ردت انكر واكول ما عندي شي وياها
بس اجتي فكره براسي ان اشوف هي تغار لو لا
لان مبين عليها ضايجه
فكلت الها انو صدك متونس بالسوالف ويه رشا
وهي تخبلت وبداخلي فرحاان كلش
بس من كتلها تغارين نكرت
بس وعد يا زينه اله اخليج تعترفين انو انتي تغارين عليه
بس اصبريلي
وبعدها وصلت رساله لامير وطلع بسرعه
طلعت وراه شفته ديصعد بسيارته ومبين عصبي
كتله شكو اجي وياك
صاح بيه..غييييث طب جوه عوفني
استغربت من شده عصبيته وعفته ودخلت جوه
وتقريبا بالساعتين ورجع للبيت ومبين تعبان بسرعه راح نام
وبعدها احنه رجعنه لبيتنه
وقررت بس يجي يوم الاحد ابدي اقوي علاقتي ويه رشا واخلي زينه تغار
*-*-*-*-*-*-*-*-*-*-*-*
ملاك:
الاحتفال جان يجنن وقطعت رانيا الكيكه
كعدت اني على طاوله بعيد عنهم لا شباب وبنات استحي
اجه ولد كعد يمي كال مرحبا
كلت..اهلا
كال..شكو كاعده وحدج
كلت.. بكيفي
كال.. شنو اسمج اني اسمي علي
كلت.. انا ملاك
علي.. اسم على مسمى صدك ملاك انتي
كلت.. شكرا
وبقى يحجي وياي بس اني مليت منه وكمت ردت اروح جان يجي وراي ويتقرب عليه كلش وكمش ايدي
تخبلت من لمسته اليه وضربته راشدي وكلت..ما مسموح الك تلمسني
علي..اسف ما قصدي
أنت تقرأ
ما بعد نيران الحب (الجزء الثاني ل لم ارد ان احبها)
Romanceبعد ان احبها رغما عنه ورأى ذاته فيها وارد ان يكمل باقي حياته معها وطلب يدها للزواج فهل نيران حبه سوف تهدء بلقاء المحبوب ام ان نارهم ستبقى مشتعله وهل سيسمح القدر لهم بان يعيشوا بسلام؟ تابعوا الجزء الثاني من قصه لم ارد ان احبها فهنا سوف نعرف ماذا...
