اوجاع متواصلة

البارت السابع

السلام عليكم

اوجاع
متواصلة

البارت ال 7

بقلم hiyaatt99

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤
بيّهہ حِزن النّاس ڪلها وعيني بالدمعه ثگيلهہ..

😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭
وطن

اسبوع كامل واحنا مبتعدين كليأ عن المشاكل اقصد بالمشاكل طبعا بيت جدي يلي سمعته انو بابا متعارك وي اخوانه وحتى ولد عمي الكبار عبالك كاعده على كلبهم ويردون يزوجني الواحد مو صاحي بس لان اني عرجه مو من حقي اخذ صاحي لازم خبل ماعرف ياقانون هذا

احس بابا تعبان هل فتره صح هو مايظهر انو تعبان حتى مانحس بالمشاكل عباله بعدنه اصغار مايعرف هو حتى مسلم كبروا من وراه سوالفهم بس يبين من عيونه انو هو كلش تعب

كاعده بغرفتي يلي من عطلت لهسه بيها بس اطلع بوقت الاكل وبوقت صلاه وبوقت اريد ادخل لصحيات وجاي ابحث على ملاحظات ع سادس خايفه منه حيل صح هستوني عطلت بس اريد ادخل دورات ساعه ابطل لان بالاساس اني ادبي مو مهم دورات

دخلت على واتساب وتفاجات بحقارة هاله يلي حتى من خلصت مدرسه ومن تعاركو اهلينا لهسة ملاحكتني بحالتها بوقتها جانت خاله حاله ع خالها الخبل ماعرف تمدحه لو ذمه الخالها والله حرت وياه

خالو الجميل حتى العرجات مايردنك 😹😹

ماعرف بوقتها شحسيت ماانقهرت بس انقهرت شلون اشرحها ماعرف صعب اشرح شعوري بس شغله وحده انو هل مره مابجيت ولانزلت دمعه وابتسمت ع حالتها بس شعور بداخلي صعب اشرحه

بسرعه طلعت من الغرفه رحت الموبايل ماما مالكيت طالعه الحاله يمها يعني مسويه استثناء

عاد هنا فهمت تريدني ارد عليها ف اني اتجاهلته

ورحت للمطبخ اطلع ضوجتي بي سويت بوقتها كهوه بارده ورحت الاستقبال

جان بابا نايم على رجل ماما وهي تلعب بشعره قطعت لحظه عليهم توجهت انطيته الكهوه

وضليت اباوعله كام شربها هو بي طبع حتى لو ماتعجبه يشربها بس علمود مايكسر خاطري

ضليت اباوعله اريده يشربها كلها ورحت يم مسلم يلي مندمج ع ايباد يمهم وبغير عالم ضليت اباوع وياه ع لعبه يلعبها مال سابوي

عقيل :بابا وطن راح اروح البيت جدط اي شي يحجوو لاتهتمين واذا شفت دمعة من عيونج يااويلج باباتي اريدج قويه مايريد يكولون بت عقيل بس تتبجبج وام دمعيعه

ابتسمتله حاظر بابا من عيوناتي

_اني لازم اروح اشوف امي مهما يكن تبقى امي وطلعت من بيتي زعلانه وهي اول مره تدخله